Jax sâu thưr 4, hnuz 23/9/2015:

Laox Cai kriz uô tâu cêr muk lok trâu jêx jos.

 

 

Txix shông 2011 txos trâu nhiv no, huyện Bát Xát, tỉnh Laox Cai tưz cxiv uô tâu 500 caik cêr muk lok trâu jêx jos tox siêz. Chênhr zos li hêik ntơư, 100% xã hâur thax tsav huyện tưz muôx cêr yêz ô tô muk txos tsênhv qơư xã, 86% luz jos muôx cêr yêz muk txos jêx jos. Chênhr zos muôx cêr yêz muk lok zôngx ziv, tsôngv px cxuô hêir nênhs nhoz thax tsav jêx jos tox siêz tưz pov muôx luz nênhx hlôngr yiêz jux juk. Uô tâu têx kror li hêik ntơư, uô ntêx zos hâu nov huyện Bát Xát tưz xav tâu truôx luôs hâux lưv kriz uô cêr muk lok trâu cxuô xã, jos đros trâu luôs hâux lưv cxiv tsa jêx jos yiêz. Zơưv Nguyễn Thanh Trình, tsar phôngx kinh tế, uỷ ban huyện Bát Xát hêik pâuz:

Băng: “Huyện Bát Xát zos thax tsav muôx ntâu xã nhoz thax tsav tox siêz đêz đrôngl; huyện cux xav tiêk: Uô ntêx, tsuv kriz cêr muk lok trâu jêx jos, cov zôngx ziv trâu tsôngv px zôngx ziv thôngx hax huv-huôv tsar kinh tế. Hauar ntu đrav ntêx, cxuô txox cêr muk lok tsik tâu kriz uô, tsôngv px muk lok tsênhv txov nhêv hênhr; lar hêik zos hauar chêix ntux nas. Pêz zuôr sir jos nhiv no txos shông 2020, tsênhr cov muôx 80% luz xã uô tiêr cêr muk lok trâu jêx jos thax tsav tox siêz đêz đrôngl”

Txos trâu ntu no, hur si tỉnh Laox Cai tưz cxiv uô tâu tiêr 8 cxênhz caik cêr muk lok trâu thax tsav jêx jos tox siêz. Uô tâu tiêr luôs hauax lưv kriz cêr muk lok trâu jêx jos, cux zos tâu tsôngv px đros trâu hâu nov ntơưv qơư siz chos côngv đas jos paz uô. Trơưk li thôngz sâu txos trâu nhiv no,  têx pênhr nhiêx tsôngv px hâur thax tsav tỉnh siz chos côngv paz zos 800 tỷ đêiv. Iz chas ntơư, tsôngv px nhoz cxuô tsênhv qơư tsênhv siz chos paz tâu yênhx vạn côngk đas jos đros kriz uô cêr muk lok.  Ntâu ziv chuôz zis tưz muôz ar chiê cxiv uô tsêr cơưv ntơưr thiêz kriz uô cêr muk lok đhâu. Tính x Thox nhoz jos Lùng Vai, xã Bản Phiệt, huyện Bảo Thắng, zos iz lênhx uô ntêx nyuôk muôz ar chiê kriz uô cêr mk lok đhâu thav li no.

Băng: “Zos tsik muôx cêr muk lok, zênhx uô tsik tâu bluô nux ciês; nhiv no muôx cêr muk lok zôngx ziv, txơưv li chas tsôngv px sđ cux zuôr muôx luz nênhx hlôngr yiêz jux juk. Đảng viên muk uô ntêx; cur tsuv uô, uô ntêx chiê tsôngv px sđ uô trơưk”.

Trơưk li zơưv Đặng Văn Lương, phó Giám đốc Sở zoz thôngz tỉnh Laox Cai hêik pâuz, nhiv no cêr yêz muk lok trâu jêx jos hâur thax tsav tỉnh Laox Cai, chuôs li tưz muôx zuôr thôngz, tsôngv px sđ muk lok zôngx ziv. Hâur ntu 2010-2014, tỉnh Laox Cai tưz tâu Thủ tướng Chính phủ muôz ntơưr kruôk, viv uô tâu tiêr luôs hâux lưv kriz cêr muk lok trâu jêx jos. Trơưk li njuôk xav, tas shông 2015, Laox Cai zuôr muôx nzir 25 luz xã, uô tiêr cêr muk lok trâu jêx jos.

Băng: “Hâur têx shông đhâu, ngênhx zoz thôngz tỉnh Laox Cai tưz sir jos fuô uô luôs hâux lưv kriz cêr muk lok trâu jêx jos. Sở cux hêik trâu tỉnh chiê tsôngv px đros trâu têz qơưs sik côngv uô kriz cêr muk lok. Têx luôs hâux lưv uô hâur ntu 2011-2015 cux uô tâu truôx zos đrêiv tsưr ziv tso tơưv”.

Tsênhz mênhx, kriz cêr muk lok trâu thax tsav jêx jos tox siêz, pov njôngr tỉnh Laox cai tưz uô tâu truôx, paz phênhv hlôngr yiêz thax tsav jêx jos tox siêz đêz đrôngl, zôngx ziv trâu tsôngv px sđ muk lok zuôr muôs hax huv-huôv tsar kinh tế./.

                                                                         (An Kiên)

 

 

 

 

Phênhv “Đas jos thiêz siv nênhx” hnuz 23/9/2015:

Đêx hur-vêv xênhz tênhv qơư jêx jok

 

 

Đros pêx xênhv nhoz têx jêx jok đêz đrôngs, Đêx hur thiêz vêv xênhz tênhv qơư tưz tâu yưv pênhr uô hâur têx shông đhâu, thôngz đhâu tsaz yênhx tsưr ziv têz qơưk đêx hur thiêz vêv xênhz tênhv qơư jêx jok.

Lơưr Bộ kôngz nuv thiêz huôv tsar jêx jok, iz huôv têz qơưk tưz muôx 84,5% pêx xênhv nhoz jêx jok tâu sir zôngv đêx huv vêv xênhz. Hâur co, thax tsav muôx pêx xênhv nhoz têx jêx jok tâu sir zôngv đêx huv vêv xênhz chôngz tiv zix zos Đông Nam Bộ muôx 94% ntâu, tiêx đras Sông Hồng 91% thiêz tiêx đras Đêx Cửu Long 88%. Chor pêx xênhv tâu sir zôngv đêx huv vêv xênhz tsơưs tiv zix nhoz faz Bắc Trung Bộ (81%) txơưv tiêk, ntơư zos thax tsav muôx chor chuôz zis nhoz jêx jok sơưr tiv 4/7 thax tsav hâur thôngz têz qơưk.

Uô trơưk tsaz yênhx tsưr ziv têz qơưk tso tơưv, chor pêx xênhv tâu zôngv đêx huv vêv xênhz chuôz ndê hâur yênhx shông zos (84% ntâu shông 2014 pir li 32% shông 1998), taz sik chor pêx xênhv nhoz jêx jok tâu sir zôngv đêx hur tsênhv lok six tsơưs, nhiv kruôr tax tâu 42% lơưr Bộ y tế luôs hâux lưv tso tơưv.

Hâur 84% ntâu lênhx nênhs tâu sir zôngv đêx huv vêv xênhz, cux tsuôk muôx 32% chuôz zis tâu sir zôngv đêx txix chor côngz trinhx cungz đêx tsêx tsung, đuô li zos zôngv chor côngz trinhx li: Khươz kror đêx, pak đêx tsês chiê đêx nas… Hâux lưv qênhz yuôx, taz por tsơưr lươngv đêx cungz txix chor phênhv hêik co cux puz pov muôx lok six ntâu tsuv tâuuô cov tâu truôx.

Lơưr Bộ tênhx qơư ntâuk gri, txơưv tiêk tsơưr lươngv đêx xênhz huôx jêx jok tưz tâu tsov cưv hâur chor shông jê lok no, taz sik tsênhv tsênhz, pênhr jos thiêz đas jos trâu qênhz shuôk đêx ntơưv cxuô tsênhv qơư tsênhv lok six tsơưs. Txos nhiv no, nhiv kruôr muôx zuôr xar 50% chor tsênhv qơư đêx hur thiêz vêv xênhz tênhv qơư tỉnh muôx qơư njuôk shuôk tsơưr lươngv đêx, phênhv nhiêx txiêx yênhx shông trâu hâux lưv no cux lok six tsơưs.

Đros têx tsưr ziv lok vêv xênhz tênhv qơư txơưr đuô, txơưv tiêk, chor tsêr cơưv nhuôs zâu, phôv thông thiêz trạm y tế xã, jêx jok tâu sir zôngv đêx hur, tsêr vêv xênhz huv vêv xênhz tax tâu siêz (muôx 90% ntâu), taz sik chor chuôz zis nhoz jêx jok tâu sir zôngv tsêr vêv xênhz huv vêv xênhz nhiv kruôr tax tâu 63% thiêz chor chuôz zis nhoz jêx jok tu zus tsiêx cxu muôx tsêr guôx huv vêv xênhz tsuôk tax tâu 45%.

Tsênhv tsênhz, đros phiv liv txix kror qơư tsik hur mak pêx xênhv li phôngx cxưx, xênhz huôx pôngz kaz nhoz ntâu thax tsav tiêx đras thiêz tox siêz cux zos kror uô tsik hur tênhv qơư thiêz tsik taz por ngaz tuk vêv xênhz tênhv qơư. Lơưr thôngz sâu, txos kaz shông 2014, cux tsênhv yuôr muôx 5% chuôz zis (tsêx tsung nhoz tox siêz faz Bắc, Tây Nguyên thiêz Bắc Trung Bộ) tsik tâu muôx tsêr vêv xênhz thiêz 12% chor chuôz zis tơưv trôngx trâu hâur têx pak njêl (Tsêx tsung nhoz thax tsav faz Nam, tiêx đras đêx Cửu Long)./.

(Tuyết Lan-Ly cxêik-nhênhv)