Mường La: Huôv tsar uô têx muôx jông nhoz hâur pak đêx tênhv tênhz Sơn La

Huyện Mường La, tỉnh Sơn La muôx ntâu côngz trênhx tênhv tênhz cxiv uô hâur thax tsav, hâur ntơư lox đuô hur si zos tsêr meir tênhv tênhz Sơn La. Txix thâuv têx tsêr meir qir uô hâux lưv, muôx tênhv tênhz tơưk, pak đêx tênhv lox zuôr yênhx qơư jông chiê trâu huyện huôv tsar tu zus shuôz njêl. Iz chas ntơư, thax tsav qơư no cux tâu ntâuk grê zos lok six jông trâu tu zus têx shuôz njêl li: njêl nox jâuz, njêl Rô phi đros trâu ntâu zav njêl txơưr đuô. Txix huyện li têx tsưr ziv vênhv tôngv thiêz paz; cux xưk li jênhv pâuz tâu têx muôx jông no, ntâu ziv chuôz zis nhoz Mường La tưz truôx siêz yưv pênhr huôv tsar tu zus shuôz njêl. Pir li zơưv Chu Thành Vương nhoz thị trấn Ít Ong, huyện Mường La ziv chuôz zis. Shông 2014, đhâu nhênhz chơưv thiêz seiz pov hâur têx ntơưr pov tsir, ti vi thiêz cơưv shâuv tsưr ziv tu zus, zơưv Vương chuôz zis tưz yưv pênhr uô 10 qơư tu zus njêl Rô, njêl nox jâuz,…. Txos nhiv no, iz shông sâu tâu yênhx puô tsov đeiv. Zơưv Vương heik: “Đhâu seiz têx ntơưr pov tsir, cơưv shâuv têx tsưr ziv tu zus tsênhv tsênhz ntơưv luôs 2 chas tỉnh li: Hải Dương, Hòa Bình, shông 2014 cur tưz yưv pênhr uô 1 qơư tu zus têx njêl li: Njêl Rô, njêl Riêu Hồng, njêl nox jâuz, cux sâu tâu 100 tsov đeiv iz shôngk”.

Đhâu thôngz sâu txos nhiv no, huyện Mường La tưz muôx 200 ntâu qơư tu zus shuôz njêl ntơưv têx pak đêx tênhv tênhz. Tsênhz tiês tso pov, hâux lưv huôv tsar tu zus shuôz njêl tưz gra lok ntâu phênhv sâu tâu trâu tsôngv box, xav kror đruôz đraz iz qơư tu zus shuôz njêl li heik ntơư tâu muôx 3 tênhr njêl; iz qơư tu zus sâu muôs iz fâuv tâu txix 10 txos 15 tsov đeiv. Zơưv Phan Tiến Diện, phưv Chủ tịch UBND huyện Mường La heik pâuz, six hơưv zuôr txos, huyện zuôr tror yax kriê, paz têx tsênhv chei huv đros chiê nthuôr uô đar thiêz huôv tsar phôngz yaox tu zus shuôz njêl ntơưv qơư: “Đros thiêz huyện Mường La, hâur six hơưv zuôr txos chiê tror huôv tsar uô tâu jông trâur nuv tu zus shuôz njêl hâur pak đêx tênhv tênhz Sơn La mak pêz cux tso tơưv iz cxiê tsưr ziv li đrav kaz: Zuôr chox kriê uô jông hâux lưv por hưv têx qơư tu zus shuôz njêl ntơưv têx pak đêx tênhv, têx côngz trênhx tênhv tênhz thôngz đhâu hâux lưv por hưv têx qơư muôx njêl uô nôngz, sir jos txos shông 2020 tas nro huyện muôx 400 qơư tu zus shuôz njêl”.

Têx qơư tu zus shuôz njêl, muôz pênhr nhiêx uô tsi tas ntâu, taz sik gra lok phênhv sâu tâu siêz thiêz tsênhv paz truôx tuk luz nênhx nox nhoz trâu tsôngv box, cux li txar jav tâu têx tsi jông hâur uô kôngz nuv txix ntux têx txơưr txar phiv liv li nhiv no./.  

PHÊNHV TSÊNHV CHÊI THIÊZ LUZ NÊNHX

Paz huôv tsar uô xênhz yar chiê thiv pluôs truôx đrênhk

Bôv kôngz nuv thiêz huôv tsar tox siêz puz pâuz, paz uô xênhz yar zos tsưr ziv zov chênhr tiv zix chiê paz trâu chor ziv chuôz zis pluôs, ziv chuôz zis zuôr xar pluôs gra siêz phênhv sâu txix co hla đhâu cêr pluôs truôx đrênhk.

Pêx xênhv li jênhv pâuz lok hlôngr yiêz chêix chiv, xêir zuz nông tsoz chos, tsiêx tu zus, tsưr ziv chos kôngz lôngk, tsoz phưz, por vêv jôngr… ziv hnuz ziv tâu hlôngr yiêz; Nênhs pluôs, chuôz zis zuôr xar pluôs tưz tâu kruôz kriê chos kôngz lôngk, tu zus tsiêx cxu, huôv tsar uô cxuô zav thiêz pâuz txos têx khoa hov, kyr thuâtk chiê sir zôngv trâu tsênhv tsênhz, sir zôngv cxuô zuz nôngz tsoz chos, tsiêx zus muôx tsơưr lươngv thiêz tsiv gri siêz đuô chiê hlôngr trâu chor zav zuz nôngz kôngz, tsoz chos kuz, sâu tâu tsơưs. Đhâu ntơư, tưz pov njôngr têx tsiêx cxu tưz chuôz ndê, huv đros pêx xênhv li siêz xar thiêz ntâu ziv chuôz zis pluôs tưz hla đhâu cêr yêiz pluôs, iz thênhv jux juk muôx luz nênhx hlôngr yiêz, tsâu sor.

Ntơưv Bộ kôngz nuv-huôv tsar tox siêz jiês cơưv sik thav, tưz hêik pâuz cuiz tênhv lok tsênhv chêi paz huôv star uô xênhz yar chiê thiv pluôs truôx đrênhk trâu chor nênhs tâu cxaz chuôz trâu chor tsaz yênhx, dưv anr paz uô xênhz yar, hâux lưv uô thiêz du lix kôngz nuv jêx jok

Nênhs tâu sir zôngv zos chuôz zis pluôs, chuôz zis zuôr xar pluôs, chuôz zis nhiv kruôr hla đhâu cêr pluôs; danh nghiêpx, hơv taz xar sâu zuôr hax huv trâu chor dưv anr; tsưr tsix, tiz nênhs cik txos hâur uô lơưr tsênhv chêi paz huôv tsar uô xênhz yar chiê thiv pluôs.

Nênhs sơưv zuôr tâu paz lơưr tsưr ziv: 1-Paz huôv tsar uô xênhz yar, hâux lưv uô thiêz du lix kôngz nuv, jêx jok; 2-paz sâu zuôr têx hax huv; 3-paz uô đêz đar chor tsưr ziv huôv tsar uô xênhz yar chiê thiv pluôs; 4-Paz muôx ar uô xênhz yar.

Tsưr ziv paz đhâu dưv anr.

Paz ar uô xênhz yar

Trơưk li hâur jiês cơưv sik thav, luôs hâux lưv paz ar uô xênhz yar zos chuôz zis pluôs nhoz hênhv pluôs; xar, jêx jok txov nhêv tiv zix; xar ngaz tuk thax tsav, xar ntus đriv; muôx tsik txâuk ar lok sik tsik muôx ar uô xênhz yar lơưr cuiz tênhv.

Tsênhv njiêz, phênhv paz tâu hêik pâuz li đrav kaz: Kriz phaz lok sik zôngv poz jêz cxiv uô têx liêx têz tâu paz 20 tsov đêiv iz hez ta; kho đuô lok sik kriz uô liêx ntiêr paz 15 tsov đêiv iz hez ta./.