Hluôk nênhs li têx pax jông jav hâur cxiv tsa jêx jok yiêz ntơưv xã Hòa Xuân

Đinh Thị Thúy Kiều, nhoz jok 3, xã Hòa Xuân heik pâuz: Thâuv ntêx 2 saz ntus cêr mak đrox phaz hnho, cheix sâu blêx  mak têx kuôr blêx muôz por tsês sư niêz. Đhâu thâuv đoanx hluôk nênhs phuôx tôngv uô txox cêr chos pax mak tsôngv box tưz hlôngr yiêz tsưr ziv, siêz xar, seiz njiê pov têx pax chor hluôk nênhs chos tâul oz saz ntus cêr tơưs yiêz jông jav, tsôngv box tưz qir thor muk chos jê ntơưv têx tsêr, khov li ntơư, nhiv no tsi tiêk nhoz têx cêr mul lok zos hluôk nênhs car seiz, mak cxuô  txox cêr mul lok jêx jok hâur xã puôr lênhx pov pax tơưs đơưz vok cxiêx qơư:“Phôngz yaox  chos pax cux txix hluôk nênhs phuôx tôngv, cur cux tâu niêv thiêz txir jông siêz, thôngx ziv chiê chos têx pax jê ntơưv tsêr, têx chuôz zis nhoz jê co seiz pov jông, lơưr cux tuôx thor muk chos nzir ntơưv lơưr têx kaz vas tsiz tâus, nhiv no hâur jok thiêz têx chuôz zis nhoz jê iz ndis , kror tưs cux pov muôx pax hur si”.

Khov đoanx hluôk nênhs tu thiêz car seiz nyis, têx đrox ntơưv ntus cêr, têx vuôz tsuôz, kiêk nênhs, têx tsoz ntông thâuv ntêx sik hloz lox, nhiv no tưz tâu hlôngr txix chos têx pax tơưs yiêz. Chiê por hưv tâu jông têx txox cêr chos pax trơưk ntus cêr no, đoanx hluôk nênhs xã Hòa Xuân pôngz tas ntâu côngz đas jos chiê tu, por hưv. Muôx têx, nhoz têx suôv qơư ar kruôr gis, tsi jông, chor hluôk nênhs tsuv muôz yêz thâux ar lok nquôr trâu, mav chos pax. Hâur têx hnuz ntux yar, cuz sor, têx hluôk nênhs ho thâux đêx tuôx zưs trâu têx pax. h’Thế Êban, Bí thư đoanx hluôk nênhs jok Drai H’linh heik pâuz:“Chos pax li no mak lol six jông, muk chos pax tâu chuôs njiz têx fôngx zưs, hluôk nênhs lưv luz jok txơưr đuô, iz jiês muk đhâu têx txox cêr zuk chos pax mak pov jông siêz thiêz shir phaz, viv no zos côngz trênhx zuk chor hluôk nênhs uô. Zuôr txos mak hluôk nênhs đros ban car seiz jêx jok zuôr cêv, kho đuô yar tiêx ntâuk poz, ndơưk poz hâur jok chiê têx hluôk nênhs uô thiêz tuôr tsês tâu zuk txux chi tsưr ziv uô ntêx nyuôs hâur cxuô luôs hâux lưv”.

Chiê fuô uô tâu jông thiêz cxơưz gra sđ đas jos sik tưr uô hâux lưv hâur cxiv tsa jêx jok yiêz, đoanx hluôk nênhs xã Hòa Xuân tưz fuô kiê têx tsưr ziv, hâux lưv uô txos trâu têx hluôk nênhs  txix ntâu faz tsưr ziv yax kriê li: Sik đros yax kriê ntơưv têx jiês xênhz huôx đoanx hluôk nênhs, yax kriê sâuv loa lok sik đros têx ban, ngênhx, đoanx thêv, tsưr tsix yax kriê đhâu têx jiês cơưv jêx jok.... Đhâu ntơư, đoanx hluôk nênhs thiêz tsôngv px txux chi, tsưr ziv jênhv pâuz tâu gra siêz thiêz sir jos đros cxiv tsa jêx jok yiêz. Bạch Đình Mỹ, Bí thư đoanx xã Hòa Xuân heik pâuz:“Hâux lưv cxaz chuôz trâu phôngz yaox cxiv tsa jêx jok yiêz ntơưv qơư tsi tiêk zos cêr chos pax trơưk ntus cêr, kror ntơư zuk xar uô cov hur đu, jông jav tuôx. Nhiv no tsênhv fuo kriê txos trâu hur si têx chi đoanx, iz chi đoanx muôx iz côngz trênhx hluôk nênhs trâu chi đoanx ntơư, đoanx xã zuôr tror muk paz têx chi đoanx ntơư, nhiv kruôr ntơư mak paz tâu 4 tsêr cơưv, qêz suô, uô hur jông têx yar tiêx, chos pax hâur yar tiêx hâur tsêr cơưvm kho đuô iz cxiê côngz trênhx tưz kuz, lok sik tưz trâus puôk tsuôx, tsi jông tas li: Yar tiêx ntâuk poz lok sik qơư uô si trâu nhuôs zâu”.

Ntâuk grê lok phôngz yaox “Hluôk nênhs sik côngv têk cxiv tsa jêx jok”, zơưv Nguyễn Hữu Toàn, Bí thư Đảng ủy, Chủ tịch Hôiv đôngx px xã Hòa Xuân khav tinhv: Đoanx hluôk nênhs xã Hòa Xuân tsi tiêk uô ntêx nyuôs hâur cxuô luôs hâux lưv đoanx mak tsênhv sir jos đros cxaz chuôz têx phôngz yaox ntơưv qơư, paz cxiv tsa jêx jok yiêz txix têx nuv uô tsênhv tsênhz, muôx liv. Lar heik zos đoanx hluôk nênhs xã tưz lênhk nhav thiêz uô tâu jông tsưr ziv, hâux lưv lok tênhx qơư:“Shông 2016 xã tâu côngk nhav uô tâu luôs hâux lưv cxiv tsa jêx jok yiêz mak hâur co muôx têx ban ngênhx đoanx thêv li têx sir jos, lar heik zos hluôk nênhs zos iz hâur têx tsưr tsix uô ntêx nyuôs  hâur cxiv tsa jêx jok yiêz. Uô ntêx cxiv tsa jêx jok yiêz, Đoanx tưz muôx ntâu côngz đas jos, tsưr ziv paz li: Uô cêr mul lok, paz hnuz côngz lok six ntâu. Đhâu jêx jok yiêz, mak tuôr truôx jêx jok yiêz 19 tsưr ziv, mak đoanx tưz muôx pưs txux thiêz côngz đas jos đros uô, hâur  ntơư muôx car seiz têx cêr, chos pas, uô têx hâux lưv cik jêx jok yiêz. Ntơưv têx ntu cêr txix xã txos trâu têx jok mak chuôs li kror tưs cux muox pax trơưk ntus cêr hur si”.

Têx hâux lưv uô tsênhv tsênhz, zos Đoanx hluôk nênhs xã Hòa Xuân uô hâur six hơưv đhâu tưz paz por hưv tênhx qơư, uô têx jêx jok jông jav hlôngr yiêz ntâu./.

(VOVTN-Rie Lâux cxeik, nhênhv)