Hluôk nênhs Sơn La sik tưr uô ntâu luôs hâux lưv hơưv tok Đại hội Đảng

Ntơưv thax tsav ciêz Noong Đúc, phường Chiềng Sinh, đrôngl Sơn La, 80 ntâu lênhx hluôk tưz cok uô tâu 80 thiêr têx đuôz uô jông jav trâu têx faz nja tsêr nhoz trơưk têx ntus cêr muk lok đhâu, tâu tsôngv px sđ kruôk txos. Têx hâux lưv uô muôx liv no tưz uô trâu chôngz lênhx hluôk nênhs sik đros cơưv shâuv, uô trơưk. Shux xênhz Lò Đình Cường, tsêr cơưv Cao đẳng Sơn La heik:

“Uô ntêx Đại hội Đảng tỉnh Sơn La mak cur thiêz têx fôngx zưs tưz đros uô lok six ntâu têx hâux lưv, iz zav li uô têx hâux lưv jông siêz hâur cheix ntux sor, đros uô thiêz qêz suô, por hưv têx cêr muk lol, ciêz đrôngs cov hur jông thiêz lok six ntâu têx hâux lưv txơưr đuô. Đhâu zuk têx nuv uô, cur pov lok six jông siêz thiêz shir phaz, vav chiê siêz tiêk zuôr muôx nzir ntâu đuô têx li heik sâuv thiêz chiê cur, têx fôngx zưs tâu cxaz chuôz đros uô, cov zuk pâuz ntâu đuô thiêz hloz tiêr siêz đuô”.

Đros trâu sđ têx cêr shir phaz sik tưr uô hâux lưv jông hơưv tok Đại hội Đảng cxuô cấp, chi đoanx phường Quyết Tâm, đrôngl Sơn La tưz phuôx tôngv ntâu phôngz yaox sik tưr uô nuv tsênhv tsênhz thiêz muôx liv jông. Lar heik zos luôs hâux lưv kho têx meir tính kuz-zos chor hluôk iz luôs hâux lưv uô jông, paz têx tuz nxeik hluôk, nhuôs zâu, tsôngv box nhoz thax tsav tox siêz đêz đrôngs muôx luz nênhx txov nhêv tâu buôk ti txos têx mông, phưx vưv hâur cêr cơưv txux chi, nhênhz chơưv, tâu pâuz txos têx mông, tsưr ziv yiêz hâur huôv tsar uô nox uô hnar..... Đhâu 6 luz hlik fuô uô, đoanx phường tưz lênhk txeik tâu 300 ntâu têx chuôz zênhx, meir tính kuz cxuô zav, đhâu thâuv đhok, kho đuô tưz uô tiêr tâu 15 luz meir vi tính, muôz 5 luz meir tính puz trâu shux xênhz muôx luz nênhx txov nhêv. Tsaz yênhx tsênhv cxiv uô tâu qar tsêr cơưv meir tính trâu tsêr cơưv cxênhx 2 Chiềng Ngần B, zos luz tsêr cơưv hâur TP Sơn La tsi tâu tâu muôx qơư cơưv meir tính xưk li luôs lưv luz tsêr cơưv hâur thax tsav. Tix lâus Trần Minh Khánh, Bí thư chi đoanx phường Quyết Tâm, Tp Sơn La heik pâuz:

“Hâur six hơưv zuôr txos mak đoanx phường Quyết Tâm zuôr fuô uô têx hâux lưv, tsưr ziv li: Phuôx tôngv chor hluôk nênhs sik đros nhênhz chơưv khoa học, xar tơưv têx tsưr ziv jông, ndar txos uô hlôngr yiêz px luz nênhx nox nhoz thiêz xar tsưr ziv uô têx chuôz laov cxiv tsa, muôz têx vuôz tsuôz, kiêk nênhs uô yênhx têx zav đaz tsi jông, paz txo grêk tsơưs têx kiêk nênhs, vuôz tsuôz co hâur tas nro thax tsav TP”.

Chiê têx luôs hâux lưv no tâu fuô uô đêz đar trâu cxuô thax tsav qơư, Tỉnh đoanx Sơn La tưz cxiv tsa tsaz yênhx uô hâux lưv hâur shông reik đros tsênhv njiêz “Hluôk nênhs VN shir phaz uô trơưk Đảng”, sir jos chox kriê têx tuz nxeik hluôk cxuô cấp sik tưr uô têx hâux lưv jông hơưv tok Đại hội Đảng cxuô cấp thiêz Đại hội Đảng bộ tỉnh, đhâu ntơư tưz muôx ntâu têx nuv uô tsênhv tsênhz tâu cxơưz tiês uô cxuô luôs hâux lưv heik sâuv hơưv tok Đại hội.

Lar heik zos têx jiês xênhz huôx chính trị, choz kriê Đảng cộng sản VN têx tsưr ziv, hâux lưv jông trâu têx hluôk nênhs; vênhv tôngv iz cxênhz ntâu lênhx tuz nxeik hluôk đros tso nyar jông siêz, cxiv uô 500 luz tsêr tơưv trôngx huv vêv xênhz tsiv gri nhos iz tyv đeiv, pheiz yuôx, seiz njuôk shuôs moz tsi zuôr nhiêx trâu zuôr xar 3 cxênhz lênhx px; tsưr tsix uô iz cxênhz têx hâux lưv jông siêz, hu zâuv tâu 31 cxênhz ntâu lênhx hluôk đros uô. Niêv lâuk Cầm Thị Huyền Trang, Bí thư Tỉnh đoanx Sơn La heik:

“Muôx têx heik, iz côngz trênhx, iz hâux lưv uô hâur thax tsav tỉnh hâur six hơưv đhâu, txơưv tiêk mê taz sik cux tưz paz cxơưz cxiz luôs hâux lưv yax kriê trâu sđ uô ntêx Đại hội thiêz muôz cêr njênhs njôngr hâur têx hluôk nênhs trâu Đảng. Pêz chor tuz nxeik hluôk cux vav tiêk, pêz têx hâux lưv uô ntơư zuôr paz jông trâu hâur XH, iz chas co chiê tsiv nhos zos “Đảng li cêr njênhs njôngr, chiê siêz”.

(Trấn Long-Riê Lâux cxeik, nhênhv)

Tsưr ziv phax tar tsik chiê mê nhuôs trâus tênhv grus,

 xoz tuô

          Tênhv grus thiêz xoz tuô lok six riêz nênhs viv uô lênhx tuôs ciês tav siv. Nênhs trâus tênhv grus ro tsi tâu zuk tês lok sik luz chêr ntơưv qơư tênhv tênhz grus, zos tsi tâu ciêr chênhr chơưv kho cux zuôr uô lênhx nênhs tuôs ciês ntơưv qơư.

          Qir tiv trâus tênhv tênhz grus, xoz tuô

          * Tiv cor trâus têx chuôz zênhx tênhv tênhz

          - Tsi tsưv ziv thâuv cor tênhv tênhz

          - Sir zôngv têx chuôz zênhx tênhv tênhz muôx chuôz zênhx cêv kuôk tênhv trâus liêv. Lok sik môngr tsi jông trux trâus xor tênhv, xor tênhv to pôngz lok trâu lênhx nênhs.

          * Tiv tênhv tênhz grus đhâu khôngz qiv:

          - Ndê sâuv ndêx tênhv lox tuô tênhv tênhz, muôz tos pak yâuv xor tênhv lox, tuôx jê trạm biến thế tênhv tênhz. Txơưv tsi cor têx chuôz zênhx tênhv tênhz taz sik nhoz jê mak tênhv cux grus đhâu khôngz qiv uô lênhx nênhs trâus grus lok sik cuz nhiêz.

          - Xoz tuô cux zos xưk li tênhv tênhz grus cxôngx sâuv huôz lok hâur ar, khênhr tuô trâu ntơưv têx tsoz ntông lox, thax tsav qơư muôx ntâu xor hlâu. Xoz tuô khênhr muôx yưv thâuv ntux lok nas lox.

          Tsưr ziv phax tar tênhv tênhz grus thiêz xoz tuô

          * Phax tar tênhv tênhz grus:

          Coaz tsôngv tiv zix zos: taz por mê nhuôs tsi cor, tsi tuôx jê chuôz zênhx tênhv tênhz.

          - Chuôz zis li tênhv tênhz tsuv taz por, tsi zôngv xor tênhv mak tsi muôx chuôz zênhx cêv kuôk hâur tsêr, tsi zôngv xor tênhv muôx tul njiê tênhv trâu qơư njiê tênhv tênhz. Hâur chuôz zis tsuv zôngv chuôz zênhx tênhv tênhz taz por.

          - Tso tênhv tênhz ntơưv qơư mê nhuôs cor tsi tâu: tso đêz mê nhuôs, zôngv chuôz zênhx their tênhv cov taz por, zôngv băng dính lo têx qơư njiê tênhv tsi zôngv txos.

          - Yax six qênhz yuôx cxix luôk tênhv tênhz, têx chuôz zênhx tênhv tênhz, nriêr qơư trâus liêv chiê kho đuô.

          - Heik kriê tsưr ziv phax tar tênhv tênhz grus, têx tsưr ziv chơưv kho thâuv trâus tênhv grus ntơưv tsêr cơưv, chuôz zis thiêz qơư uô côngz xưv.

          + Kriê mê nhuôs tsi muôz tês cor têx qơư njiê tênhv.

          + Choz kriê mê nhuôs jav đêz têx qơư muôx xor tênhv pôngz, tiv zix zos thâuv ntux lok nas mak tsi đreiv hâur têx tsoz ntông siêz lox...

          + Yax kriê tsưr ziv chơưv kho, têx txiêz nanv lok tênhv tênhz thâuv xor tênhv to ntux lok nas lox...

          + Zaoz zux kruô kriê uô jông tsưr ziv taz por đros chuôz zênhx tênhv tênhz (tsi ndê ndêx tênhv, tsi muôz tos pak yâuv xor tênhv, tsi cxiv uô tsêr nhoz jê ntơưv cêr tênhv cao thế).

          Tiv zix đros thiêz nênhs hloz: Tsi zôngv tênhv tênhz chiê tuô ntês njês, tsuôs, tir tar tuz saz tuz nhiês.

          * Phax tar xoz tuô

          Thâuv muôx ntux lok nas, xoz tuô:

          - Tsi muk tov cêr, tsi đrês tov cêr tov qar tiêx. Ciêr chênhr khiêr muk qơư kruôr thâuv tsênhv đrês hâur đêx.

          - Tsi đreiv hâur hâur pâus ntông lox, tsi đrês jê ndêx tênhv, xor hlâu tir tar xoz tuô.

          - Tsi gra têx chuôz zênhx grus tênhv, tsi muk thax tsav muôx ntâu chuôz zênhx grus tênhv li xor hlâu...

          - Hnar yo nas thiêz jâuv lok sik ciêr chênhr đhiê muk hâur tsêr zos tsênhv nhoz đrâuv jôngr.

          - Tsi krêz tivi, đeix, tsuv cơư kror trôngx, kror tseiv thâuv muôx ntux nas, xoz tuô.

          - Cxuô chuôz zis tsuv muôx tul xor hlâu tir tar xoz tuô, tsov cưv thâuv đhok ăng ten tsi cxoz chiê ăng ten siêz đuô tul xor hlâu tir tar xoz tuô. Tsi đei hluô jiêz tsôngs yo jê xor hluô tir tar xoz tuô./.

(Thu Thùy- Txâur Vax cxeik nhênhv)