An Giang: Jos Chăm đros têx vênhx huôv jông

          Iz hâur têx vênhx huôv jông muôx hâur vênhx huôv Chăm An Giang zos ntơưr Chăm. Chiê tuôr tsês vênhx huôv ntơưr Chăm, nhiv no phênhv ntâu têx jêx jos puôr lênhx krêz lớp kriê ntơưr. Đruôz hnuz têx mê nhuôs shux xênhz mul cơưv ntơưr ntơưv têx tsêr cơưv, hmo ntux mak chêx chôngk chiê cơưv ntơưr Chăm. Zơưv Ha JiI ap dol la mil, jos Chăm Azhar, ấp Châu Giang, xã Châu Phong puz pâuz: “Uô ntêx zos paz têx mê nhuôs cơưv kinh Koran.Chiê tuôr tsês vênhx huôv mênhx cxưx Chăm; zos nênhs Chăm tsuv pâuz ntơưr Chăm, heik lul Chăm...”

          Iz shông tsôngv box Chăm An Giang muôx 3 ntênhs phêv lox: zos Ntênhs Roja hnuz xiêz 10/12 zênhz lix; Ntênhs Ramadam truz ntêr cxôngx hnuz xiêz 1 txos tas hnuz 30 hli 9 zênhz lix; ntênhs chơưr xênhz giáo chủ Muhammed lok hnuz 12/3 zênhz lix. Hâur luz hlik tsưr tsix ntênhs Ramadam, pox nhuôs txơưv mul uô hâux lưv nhoz tưs cux tsuv tror lol kuz têz kuz qơư chiê uô phongz cxưx no, tas nro nênhs Chăm cxôngx 15 shông ndê mul puôr lênhx zông tsi nox tsi hâuk...thiêz tsi uô hâux lưv hnhar. Six hơưv zông cxôngx thâuv hnuz tuôx txos thâuv hnuz pôngz kror. Đhâu co, sđ tror tâu nox hâuk fênhx yax, txos tas cik hnuz tov kaz tror zông li ntơưv. Thâuv suôv câuv ntênhs Ramadam 70 hnuz mak qir txos ntênhs Roja zos tsiêz trâur lâus hơưv tos hnuz nhôngs yiêz. Tsôngv box tuô yik, tuô nhux nox đhâu iz shông khưr uô hâux lưv. No cux zos six hơưv têx huôx tôngv vênhx huôv chinhz yênhx tsôngv box mênhx cxưx Chăm An Giang tsưr tsix lov jêv tiv zix. Lơưr heik cưr cxiêx, đhiê pax vuôs...Zơưv Haji Chau Ka Đưa, nhoz thị xã Tân Châu, tỉnh An Giang pheiz kênh: “Luz hli Ramadam zos đạo Hội giáo zông tsi nox hâuk...tas nro têx tul mak kinh Koran txưr. Hli Ramadam zông tsi nox hâuk chiê pâuz tâu nênhs txov nhêv li cêr khưr, chiê pâuz sik pheiz kênh”.

          Iz vênhx huôv jông txơưr zos txir nênhx thiêz pox niêv puôr lênhx zos hnar sà-rông, zos nênhs Chăm li zav tsôngs yo, cơưv ntơưr, tsưr tsix nox hâuk lok sik xênhz huôx côngv thôngx puôr lênhx hnar sà-rông. Đros thiêz txir nênhx mak ntông câuk mov ntâuz, yuôr pox niêv mak câur fuôv Matơra lok sik tsênhv hu zos fuôv Khanh Ma-om. Pox niêv nênhs Chăm hnar tsôngs yo chax chês ntok ntâuz zos mênhx cxưx li iz vênhx huôv jông nhoz An Giang. Pos Ro Măk, lênhx nênhs txơưx ntok ntâuz nhoz jos Chăm Châu Phong, thị xã Tân Châu, tỉnh An Giang pheiz kênh, cxôngx thâuv tsênhv zâu, têx hluôk nxeik Chăm tưz tâu têx pos, têx niêv kriê uô têx zav nox, têx zav nduôr chax chês thiêz tiv zix zos kriê ntok ntâuz mênhx cxưx: “Txơưv hâux lưv uô khưr, taz sik cur pov lok six jông siêz viv no zos zuk mênhx cưx li iz hâux lưv uô chax chês, zuk zuôr paz tuôr tsês tâu tsi chiê pôngz plox, txơưv khưr li chas cux sir jos uô, zuk uô zuk mak txơưv tsi tâu jông li têx ntâuz txơưr taz sik mak ntâuz zôngv tâu ntêr đuô. Nhoz no uô 3 xiv huv, yuôr iz zav zos gra qơư txơưr lol chiê muôs trâu tsôngv kruô thiêz lênhx nênhs hâur jos”.

          Nhiv no, têx cêr vênhx huôv jông hâur luz nênhx xênhz huôx, tiv zix zos nênhs Chăm An Giang li hâux lưv ntok ntâuz chax chês ziv hnuz ziv zaz zâuv tâu chôngz tsôngv kruô hâur thiêz saz đrâuv têz qơưk tuôx ndis shuôk nriêr pâuz. Viv li muôx iz pưv phênhv nênhs Chăm tưz cxaz chuôz uô ju lix chiê heik kriê zuk mênhx cxưx li têx tsiv grê vênhx huôv jông co txos tsôngv kruô sđ./.

(VOVĐBSCL-Txâur Vax cxeik nhênhv)

Hà Giang muôx chôngz lênhx kruô tuôx ndis shuôk ntênhk hội Pax Chêx

          Mèo Vạc zos iz thax tsav qơư hâur jiês kriz ntênhk hội pax chêx nhoz tỉnh Hà Giang. Chiê bax cov muôx ntâu pax chêx jông jav trâu tsôngv kruô tuôx sêiz shuôk uô si; txix ciês hli 9 shông no, cxuô xã nhoz thax tsav huyện Mèo Vạc tưz yax kriê tsôngv px chos tâu muôx 50 ha têz pax chêx trâu ntâu tsênhv qơư hâur thax tsav huyện. zơưv Lý Văn Đông, chủ tịch uỷ Ban xã Pải Lủng, huyện Mèo Vạc hêik pâuz: “Cxuô thax tsav qơư chos ntâu pax chêx chiê tsôngv kruô sđ tuôx ndis shuôk, tsuôk zos muk cơư tơư, ndê grêk têx trôngz jêz muk so uô si trâu Mã Pí Lèng, zos thax tsav qơư muôx chôngz lênhx kruô tuôx ndis uô si. Chênhr zos li hêik ntơư, hâur têx thax tsav ntơư, pêz chox kriê tsôngv px chos ntâu pax chêx trơưk oz saz ntus cêr chiê tsôngv kruô ndis shuôk uô si”.

          Chiê cxơưz cxiz trâu tsôngv px sđ chos pax chêx, hâu nov huyện tưz muôz 100% nôngz, qir  fông thiêz paz mê njik nhiêx trâu px muôz têx ar têz hlôngr chos pax chêx. Tsôngv px cxuô chuôz zis sir côngk đas jos tsưr ziv uô thiêz sâu zuôr hur tiz si têx nôngz chêx. Xav txos trâu nhiv no, cxuô đêiv têz tsêz chos pax chêx tưz qir tơưs pax nja iêz, muôx chôngz lênhx kruô tuôx sêiz shuôk, cxêik đuô uô si. Zơưv Hoàng Xuân Đức, iz lênhx kruô nhoz têz qơưs  Hàn Quốc tuôx sêiz shuôk têz qơưs hêik pâuz: “Cur lok six nhiêv têx pax chêx jông jav ntơưv no thiêz sêiz pov têx pax chêx ntơư jông huv đros tsôngv px hâur thax tsav co li luz nênhx nox nhoz muk lok hâur niêx hnuz”

          Trơưk li njuôk xav, thâuv zuôr txos luz chêix kriz uô ntênhk hội pax chêx, txơưv shông tưs cux muôx chôngz lênhx kruô tuôx ndis uô si sêiz shuôk têz qơưs thiêz tâu hâu nov huyện moz siêz txos. Chênhr zos li hêik ntơư, xav txos trâu nhiv no hur si huyện tưz muôx 83 thax tsav qơư chiê tsôngv kruô du lix ndis shuôk uô si. Đros ntơư, hâu nov huyện cux chox car cxuô luz tsêr tok kruô, tsuv kho đuô têx vax tsêr cov huv đros tsôngv kruô siêz nhiêv thiêz cxuô luz tsêr tok kruô tsik chiê tsar ndê grê. Pos Sinh x Muôk, phó chủ tịch uỷ Ban huyện Mèo Vạc hêik pâuz:  “Pêz cxơưz cxiz tsôngv px cxuô hêir nênhs sđ hâur thax tsav huôv tsar truôx zuk têx txux chi, vênhx huôv jông đros trâu kriz ciêz hmo ntux chiê tsôngv kruô muôx qơư ndis uô si. Đros ntơư, cxuô cơ quan muôx vax huôv tsuv sêiz car jông chor nênhs tsar yêz muk lok tâus cêr cov huv đros tsôngv kruô du lix”

          Ntênhk hội pax chêx jiês tiv 5 shông 2019, tưz tâu hâu nov huyện bax cxix cxuô, zos tsôngv kruô du lix tuôx ndis shuôk txos cxuô huyện hâur thax tsav tỉnh Hà Giang, txơưv li chas cux zuôr nziv tsôngv kruô sđ siêz nhiêv./.

(Tsu vưx cxêik nhênhv-VOV1)