Kriê ntơưr sâuv tox siêz Pu Si Lung

          Lớp 2 li six hơưv cơưv ntơưr nhoz tsêr cơưv cxênhx iz Khoang Thèn, xã Pa vệ Sủ, hnor tsênhz suôz shux xênhz tsênhv nhênhv ntơưr. Lớp cơưv muôx tsi nto 10 lênhx shux xênhz, lênhx tưs cux tsâu siêz cơưv ntơưr. Cưk kriê Cao Thị Thanh Hương heik, chiê muôx tâu chor shux xênhz tuôx cơưv ntơưr li hnuz no, têx cưk kriê tsuv sir jos lok six ntâu, viv cheix no mê nhuôs shux xênhz khênhr đros niêv thiêz txir muk uô têz, muk zok har jôngr. Tsôngv box sâuv thax tsav phênhv ntâu zos ziv chuôz zis pluôs, mênhx cxưx txov nhêv tiv zix, viv li phênhv ntâu pox nhuôs tsi tsov cưv txos zuk mê nhuôs li hâux lưv cơưv ntơưr.

          Cưk kriê Hương li kuz têz qơưk nhoz huyện Quốc Oai, TP Hà Nội. Shôg 2004, thâuv cơưv tiêr tsêr cơưv cao đẳng sư phạm Hà Tây (kuz), cưk kriê tuôx Pa Vệ Sủ uô côngz xưv, txơưv chuôz zis, nênhs cxênhz jê tsi thôngx ziv. Tsuôk xar tiêk uô côngz xưv 2,3 shông txơưv thor muk thax tsav txơưr, taz sik iz jiês xar thor muk, njiê têx mê nhuôs shux xênhz cưk kriê ho tso tsi tâus tsês. Cuiz tênhv thor hlôngr qơư uô côngz xưv cux tso tsês thâuv cưk kriê zuôr txir, thiêz cuiz tênhv nhoz ntơưv no:“Nhoz no thax tsav tox siêz đêz đrôngs, phênhv ntâu shux xênhz zos mênhx cxưx tsơưs nênhs muôx luz nênhx txov nhêv, ntâu lênhx lok six khưr. Shux xênhz khênhr tso ntơưr tsês muk uô têz, viv li thâuv muk vênhv tôngv shux xênhz mak cưk kriê njiz lok six ntâu phêv liv. Thâuv pâuz tiêk hnuz 20-11 zos hnuz cưk kriê, shux xênhz cux muk đê pax tuôx khơưk muôz trâu cưk kriê. Lok six jông siêz viv shux xênhz cux pâuz ndo zuk txiêx njik”.

          Tsêr cơưv cxênhx iz Pa Vệ Sủ zos 2 tsêr cơưv cxênhx iz sik côngv uô cê yênhx lix. Nhiv no tsêr cơưv muôx 33 lớp cơưv, zuôr xar 400 lênhx shux xênhz. Tiv muôx tsi txâuk chuôz zênhx chuôz tas, thax tsav đar, viv li nhiv no tsêr cơưv tsênhv tuôr truôx hâux lưv kriê ntơưr ntơưv 14 qơư nhoz jêx jos. Đrâuv vênhv tôngv shux xênhz muk cơưv ntơưr, kriê ntơưr, hnuz tưs têx qơư cơưv ntơưr cux uô tsưr ziv nox so ntơưv tsêr cơưv thiêz kriê shux xênhz tsưr ziv uô nênhx. Cưk kriê Vũ Văn Viện, Hiệu trưởng tsêr cơưv cxênhx iz Pa Vệ Sủ puz pâuz: Tas nro tsêr cơưv nhiv no muôx 64 lênhx cán bộ, cưk kriê. Txơưv tsênhv phêv liv, taz sik ntu no, tsêr cơưv cux tsưr tsix ntâu huôx tôngv hơưv tos hnuz cưk kriê Việt Nam li phuôx tôngv tưr thik điểm 10, tsưr tsix vênhx ziv....Tsi muôx huv, pax li nhoz tiêx đras, taz sik shux xênhz li têx suôz gâux cux xưk li shux xênhz niêv txir li tôngv vênhx tưz zos iz cêr tôngv vênhx lox chiê têx cưk kriê tror sir jos kriê ntơưr:“Cux muôx ntâu chiv nhênhv đros shux xênhz thiêz tsôngv box, tsưr tsix vênhx ziv mak cux tâu shux xênhz tuôx tôngv vênhx hâur hnuz no. Pox nhuôs cux tuôx tôngv vênhx phongz yaox, cxaz chuôz vênhx ziv đros tsêr cơưv. Cưk kriê cux tsuôk xar njôngr shux xênhz tuôx cơưv ntơưr cxix cxuô, uô li chas chiê taz por tâu ploz tsênhr, tsơưr lươngv zaoz zux, li ntơưv pêz thiêx li uô tiêr jênhv vưv”.

          Tsêr cơưv phổ thôngz mênhx cxưx niêv txir zus mor THCS Pa vệ Sủ nhiv no muôx zuôr xar 300 lênhx shux xênhz, nhoz 8 lớp cơưv, hâur co muôx zuôr xar 200 lênhx shux xênhz nox nhoz ciês ntơưv tsêr cơưv. Khov têx cưk kriê li sir jos hâur hâux lưv kriê ntơưr, đrâuv tuôr truôx hâux lưv shux xênhz muk cơưv ntơưr, tsơưr lươngv zaoz zux hâur tsêr cơưv cux tsi so tâu muôz siêz, muôx shux xênhz tưz tax tâu shux xênhz cơưv hênhr cấp tỉnh. Cưk kriê Phan Thanh Hội, Hiệu trưởng tsêr cơưv phổ thôngz mênhx cxưx niêv txir zus mor THCS Pa Vệ Sủ puz pâuz:          “2,3 shông tror lok no chor shux xênhz tuôx cơưv ntơưr cux cxix cxuô đuô. Shông cơưv tov ntêx, tsêr cơưv tsênhv muôx shux xênhz tax shux xênhz cơưv txơưx cấp tỉnh. No zos hâux lưv jông, paz tôngv vênhx lok six ntâu trâu têx cưk kriê uô côngz xưv nhoz tox siêz txov nhêv tiv zix no”./.

(Khắc Kiên-Txâur Vax cxeik nhênhv)