Jax sâu thưr 6.23.12.2016:

NÔNGX MÊNHX NHOZ YÊN BÁI TÊX KOK NTÔNG MUÔS TSI TÂU GRÊ

          Têx têz kok ntông tưz txos six hơưv sâu cxôngx ntêr lol no, taz sik zơưv Nguyễn Văn Chính nhoz jos 5, xã Mậu Đông, huyện Văn Yên têx kok ntông tsênhv tsi tâu sâu, kok ntông tưz tuôx chas thiêz lưx puôk tsuôx, txơưv pâuz li, taz sik zơưv cux car liêv. Zơưv Chính heik:

          “ Chuôz zis muôx nhos 20 tênhr, tsês chiê tsi sâu thiêz viv muôs tsi tâu grê, tsi txâuk côngz thâux thiêz ntiêr lênhx nênhs sâu kok ntông. Tsôngv box nhiv no tsi muôx lênhx tưs sâu kok viv grê muôs xaz zênhz hênhr, tsêz no cux xaz zênhz taz sik tsi xưk li shông no”.

          Kok ntông zos tsoz chos tsênhv hâur huôv tsar kinh têr nhoz huyện Văn Yên. Viv ar têz, qiv hơưv nhoz no chos kok ntông yar lengx sâu tâu siêz đuô têx qơư txơưr, tax 22 tênhr ntâu iz hecta. Têx shông tov ntêx, muôx six hơưv grê kok ntông nhôngs muôs tâu 2000 ntâu iz cir nhôngs, ntâu chuôz zis cux bluô nux tuôx. Muôx ntâu ziv tưz tso tsês têx tsoz chos txơưr chiê hlôngr chos kok ntông. Taz sik, 2,3 shông tror lol no, grê kok ntông txơưr txar tsi so. Nhiv no, kok ntông nhôngs nhoz Văn Yên tsuôk muôs tâu 700 txos 800 đeiv iz cir. Hâur co, nhiêx txiêx yưv trâu 1 hecta kok ntông mak tas muôx nhos 15 tsov đeiv. Zơưv Phạm Văn Đức, iz ziv chuôz zis chos kok ntông nhoz xã An Bình, huyện Văn Yên heik:

          “ Kok ntông shông no muôs tsi tâu grê, por tsês mak khur xiv. Cur chuôz zis tsuôk pâuz tror chos seiz shông zuôr txos puk muôs tâu grê, tso ar tsês mak lav phêv hênhr”.

          Huyện Văn Yên muôx 6.800 hecta kok ntông, tso lol yar lengx zuôr xar 150.000 tênhr kok ntông. Sâuv thax tsav huyện nhiv no tsuôk muôx iz tsêr meir tsiv uô kok ntông, tsuôk sâu zuôr tâu iz đraz kok ntông pox nhuôs chos tâu xưz. Hâur co, têx qơư tsiv uô kok ntông tsôngv box chiv chir uô mak cux tsuôk sâu tâu lok six tsơưs kok ntông. Đros hâux lưv tsôngv box sik zâuv chos kok ntông hâur têx shôngk đhâu, grê kok ntông txơưr txar njuôs xav tsênhv zuôr truz ntêr. Zơưv Hà Đức Anh, phưv chủ tịch UB huyện Văn Yên puz pâuz:

          “ Nhiv kruôr đhâu cux muôx phêv ziv đros tsêr meir uô li chas chuôz ndê công suất tsêr meir, chuôz ndê six hơưv tsiv uô sâu zuôr kok ntông trâu tsôngv box. Taz sik công suất tsêr meir cux tsuôk zuôr tâu ¾ tsôngv box li kok ntông, yuôr mak tsiv uô lơưr têx tsưr ziv txơưr. Tsưr ziv zuôr txos huyện Văn Yên zuôr njuôs xav thax tsav chos kok ntông mê đuô, tuôv zênhv tsêr meir zoz qơưx, tsi chiê huôv tsar chos ntâu li nhiv no”.

          Tror tsuv chos kok ntông lok sik hlôngr chos têx tsoz chos txơưr? Co zos lo luk nus têx cấp ủy, chính quyênx tiv phaz thiêz tsôngv box Văn Yên, tỉnh Yên Bái tsuv njuôk xav đuô, chiê jav tâu têx chiv kok ntông li nhiv no./.

(Tuấn Xuân- Txâur Vax cxeik nhênhv)

Tsaz yênhx 135

          Tsôngv..!Tsaz yênhx 135 ntu 2016-2020, muôx ntâu hlôngr yiêz pir li ntu đrav ntêx.

          Txix shông 2016, tsuôk muôx iz ban sêiz car têz qơưs oz tsaz yênhx, zos cxuô bộ, ngênhx thiêz cxuô tsênhv qơư, cux tsuôk muôx iz ban sêiz car, choz zok trâu Bộ yưv pênhr uô.

          Txơưv tiêk, txos trâu hli 9 shông 2016, tsaz yênhx thiêx  tâu ký, taz sik txos hâur shôngk shông, Chính phủ tưz muôz têx pênhr nhiêx ntơư trâu cxuô tsênhv qơư, zos 90%. Chính phủ cux sêiz car cxuô Bộ, ngênhx tsuv muôx ntơưr hêik kriê cxuô tsênhv qơư chiê fuô uô. Uỷ ban mênhx cxưx tưz tso tơưv ntauaz ntơưr 146 hêik kriê cxuô tsênhv qơư uô uô tsaz yênhx 135.

          Iz kro yiêz thiêz zos, choz zok hâux lưv trâu cxuô tsênhv qơư; txix ntơư uô đros têz qơưs cxuô luôs hâux lưv tso tơưv thiêz cxuô tsênhv chêi, cxuô lênhx nênhs, doanh nghiệp, côngv thôngx đros uô.

                    Tsaz yênhx 135 ntu 2016-2020, zos iz luôs hâux lưv nhoz trâu têz qơưs tsaz yênhx uô txo grêk yêiz pluôs truôx đrênhk chiê cxươz cxiz huôv tsar cêr uô nox trâu cxuô xã, jos nhoz thax tsav txov nhêv, xã nhoz thax tsav ntus đriv.

Sáng dần vùng cao Mường Lát

          Tsôngv fôngx zưs…!Luôs hâux lưv tik tênhv tênhz têz qơưs muk trâu cxuô luz jêx jos nhoz thax tsav tox siêz đêz đrôngl hâur thax tsav huyện Mường Lát, tỉnh Thanh Hoá, zos iz luôs hâux lưv tsik zôngx ziv uô. Taz sik,  hâu nov nhoz cxuô tsênhv ntơư, pâuz  tuôr xav tsưr ziv muôz têx pênhr nhiêx 135 đros trâu cxuô pênhr nhiêx txơưr chiê cxiv uô. Chênhr zos li hêik ntơư, ntâu luz jos Hmôngz, Cho nhoz thax tsav co tưz tâu sir zôngv tênhv tênhz têz qơưs. Zâuv sđ đros mnôngs jax sâu no cov pâuz tsênhz đuô lok têx luôs hâux lưv uô muôx liv ntơư.

          Trơưk li njuôk xav, chiê tik tênhv tênhz têz qơưs muk txos trâu iz tsênhv qơư xã  hâur thax tsav huyện Mường Lát, tỉnh Thanh Hoá, pênhr nhiêx cxiv uô, xar tas yênhx châuv tỷ đêiv. Viv zos thax tsav tox siêz, đêz đrôngl, cêr muk lok phiv liv, têx nhiêx txiêx ntiêr thâux cxuô zav li: suôz jêz, xi măng chox muk cxiv uô têx côngz trênhx ntơư ziv hnuz ziv tas ntâu.

          Luôs hâux lưv tik tênhv tênhz têz qơưs txix tsênhv qơư xã muk trâu iz  luz jêx jos, tsuv tas 40-50 triệu đêiv nhiêx; Chênhr zos li hêik ntơư, huyện Mường Lát cux tsik muôx txâuk nhiêx cxiv uô qơư tik tênhv tênhz têz qơưs muk trâu cxuô luz jêx jos. Têx cêr phiv liv nhoz thax tsav tox siêz đêz đrôngl zos li ntơư; taz sik kror lar hêik zos, hâu nov nhoz tsênhv qơư cux pâuz tuôr xav tsưr ziv muôz cxuô pênhr nhiêx đros trâu pênhr 135 chiê cxiv uô qơư tik tênhv tênhz têz qơưs muk trâu cxuô luz jêx jos.

          Chênhr zos uô tâu li hêik ntơư, hâur ntu nhiv kruôr đhâu tsik ntêr no, huyện Mường Lát tưz uô tâu 8 côngz trênhx tik tênhv tênhz têz qơưs muk txos trâu 11 luz jos  txov nhêv yax hâur thax tsav huyện. Txix ntơư, tưz paz phênhv cxươz cxiz tâu tsôngv px sđ huôv tsar cêr uô nox, muôx tênhv tênhz sêiz xor tôngx chuô xa đuôz-yax kriê lok tsưr ziv tsêz chos kôngz lôngk cux li pâuz txos Đảng têz qơưs têx chêi tso tơưv. Tix lâus Triệu vương Siết, zos hêir nênhs Cho nhoz xã Nhi Sơn, huyện Mường Lát xav tiêk: Hâur ntu nhiv kruôr đhâu no, tênhv tênhz têz qơưs tưz tik txos jos, px ziv chuôz zis tưs cux jông siêz thiêz shir phaz lul, viv muôx tênhv tênhz tơưk pov cêr lul, txơưv li chas px cux zuôr muôx luz nênhx hlôngr yiêz, tsâu sor đuô.

           “Txix thâuv muôx tênhv tênhz têz qơưs sir zôngv tơưk pov cêr lul, px tưz muôx ntâu hlôngr yiêz. Viv muôx tênhv tênhz tơưk pov cêr, uô tâu ntâu zav hâux lưv muôx liv. Pir li râuz đêx, tủ trâu đêx txiêk, sêiz  đuôz ti vi…Hâur ntu đrav ntêx tsik tâu sir zôngv  tênhv tênhz têz qơưs tơưk pov cêr, zav tưs cux uô phiv liv. Nhiv no, muôx tênhv tênhz tơưk pov cêr lul, tuz cxêik tau cơưv txux chi cxix cxuô; txơưv li chas px luz nênhx ziv hnuz ziv truôx tuk thiêz jông đuô ntu đrav ntêx”.

           Zơưv Por x Lâux, bí thư xã Pu Nhi, huyện Mường Lát shir phaz lul thav tiêk: Txix ciês thâuv px cxuô lênhx sđ tâu sir zôngv tênhv tênhz têz qơưs, pov njôngr sđ muôx cêr vav mênhx đuô.

           “Txix ciês thâuv muôx tênhv tênhz  têz qơưs tơưk pov cêr lul, tưz cxươz cxiz tâu trâu tsôngv px nhoz thax tsav no huôv tsar cêr uô nênhx, muôx ntâu hlôngr yiêz. Pir li muôx tênhv tênhz sêiz đuôz ti vi, muôx tenhv tênhz uô mor ….Txix ntơư, tưz pov muôx ntâu ziv chuôz zis hlôngr yiêz tsưr ziv huôv tsar tu zus tsiêx cxu…Ntâu ziv chuôz zis pov njôngr muôx luz nênhx bluô nux jux juk”.

          Uô tâu li hêik ntơư, taz sik huyện Mường lát cux tsênhv yuôr 40 ntâu luz jos tsik tâu muôx tênhv tênhz têz qơưs tơưk, tsôngv px sđ tsênhv niêx hnuz tok njôngr têz qơưs tik tênhv tênhz txos trâu cxuô luz jêx jos. Zơưv Phạm Bá Điểm, phó chủ tịch uỷ ban huyện Mường Lát, tỉnh Thanh Hoá thav pâuz tiêk: Txơưv tsaz yênhx 135 hâur ntu 2016-2020, hâur  cxiv uô  jiês xuz thơưx tsênhv kênhz thiêz ntơư cux chênhr zos iz kro cxươz cxiz huyện Mường Lát tror uô cov tâu truôx đuô cxuô luôs hâux lưv Đảng têz qơưs zok muôz.

          Tsaz yênhx mênhx cxưx thiêz huôv tsar hnuz no zos Hải Phong cxiv sâu.