Pax lâus zos hêir nênhs poz ziz iz zav nox kaz

          Txos trâu hli 3 hâur niêx shông, cxuô tsoz pax lâus nhoz thax tsav faz Bắc tưz tơưs đơưz vos trâu cxuô qơư, tsôngv px hêir nênhs poz ziz tưz muk đê têx pax lâus co chox lok uô cxuô zav nox kaz; lar hêik zos muôz têx pax lâus co chox lok uô shơư cxuô zav jâuz thiêz muôz uô shơư njuôs iêz thiêz muôz hâu shơư  njuôs kâuz lok sik ciz shơư njuôs mak nox cux kaz cơưs.

          Pax lâus uô shơư grêix njêk thiêz uô shơư pax tsơưz, zos zav jâuz tâu hêir nênhs poz ziz nhiêv nox. Chiê uô cov tâu zav nox hêik ntơư, tsuv muôz cxuô zav txux lov chox lok uô shơư grêix njêk, pax tsơưz, kix, đok ntax… muôz tso trâu hâur iz luz lâux câuz chu trâu hâur kror chuz thiêz tsuv trâur tơưk cov chis tov thơưx, thâuv uô tâu siêr ntơư nox thiêx kaz.

          Pax lâus hâu shơư njuôs kâuz cux zos hêir nênhs poz ziz iz zav nox kaz. Ntơư zos muôz chor pax lâus co nzuôr cov hur chiê si đêx tas thiêz muôz njuôs kâuz jơưr cov kâuz thov thơưx; đhâu ntơư mav muôz chor cuô grêix buô lok sik cuô grêix nhux, cuô grêix njêk, cuô grêix kêiz chox lok hâu shơư thiêz thâuv hâu tâu siêr co chox lok nox cux xik siêz cơưs. Pos Lò Thị Hoả, zos iz lênhx uô zav jâuz hêik ntơư noz jos Bó, Phường ChiềngXôm, đrôngl Sơn la hêik pâuz:

 “Pax lâus uô tâu ntâu zav nox kaz, têx jiês muôz chox lok ciz thiêz muôz uô shơư grêix trơưk li zuk nhiêv nox. Phênhv ntâu zos uô shơư cuô grêix mak nox thiêx kaz”.

Zav pax lâus uô shơư cxuô zav jâuz, txux lov mak thâuv tưs tưz muôx hâur hêir nênhs poz ziz pluôk mor hâur luz chêix pax lâus tơưs hli 3. Pax lâus uô shơư cxuô zav jâuz đê hâur har jôngr lok đros trâu cxuô zav txux lov, muôz shơư uô cê chox lok chuz thiêz thâuv chuz tâu siêr co mav muôz shơư cuô txox, njêr, kix, kriêr, hưx txoz….Zơưv Quàng Văn Hoàng, nhoz phươngx Chiềng Cơi, đrôngl Sơn la hêik pâuz:

 “Txos luz chêix pax lâus tơưs thiêx tâu nox zav jâuz uô shơư pax lâus thiêz lênhx nênhs uô co tsuv pâuz muôz cxuô zav txux lov chox lok uô shơư nox thiêx kaz”.

Cxuô zav muôz pax lâus chox lok uô shơư, tâu tsôngv px hêir nênhs poz ziz nhoz faz Bắc nhiêv nox đhâu ntâu tiêv lok thiêz txos trâu nhiv no, zav jâuz uô shơư pax lâus co tưz tâu uô muôx yưv trâu iz cxiê tsêr muôs jâuz mor, muôx chôngz lênhx kruô nhiêv nox. Pos Phạm Thị Hoà, iz lênhx kruô tuôx txix Hải Dương hêik pâuz tiêk: sđ puôr lênhx nhiêv nox zav jâuz uô shơư pax lâus ntơư.

 “Hnuz no tâu tuôx txos trâu hâur chuôz zis, chuôz zis muôx zav jâuz nox kaz, zos muôz pax lâus chox lok uô shơư cxuô zav jâuz, txux lov. Zav jâuz uô shơư pax lâus co, muôx chôngz lênhx ntâu tus tsik pâuz uô chox lok nox. Thiêz thâuv txos luz chêix pax lâus tơư cux zos iz zav pax jông jav”.

          Chênhr zos li hêik ntơư, zos tsôngv kruô tuôx txos trâu thax tsav faz Bắc hâur luz chêix pax lâus tơưs hâur hli 3 niêx shông, iz chas tâu sêiz pov têx pax lâus tơưs jông jav, tsôngv kruô sđ cux tsênhv tâu nox zav jâuz uô shơư pax lâus nhoz trơưr siêz tsik plox./.

                                            (Tsu cxêik nhênhv-Hường Hạnh)

Chôngz lênhx kruô tuôx côngv cêr lov jêv ntênhs hội pax lâus shông 2019

Nhạc nền......

Đros trâu tsưr tsix uô têx nuv chênhr hâur hmo krêz uô Ntênhs hội pax lâus tỉnh Điện Biên shông 2019 zos tsaz yênhx nthuôr uô cêr lov jêv “Pax lâus tơưs yiêz nhoz suôv qơư Mường Thanh” muôx 3 yôngx, heik lol ntu thâuv ntêx thiêz Điện Biên cêr lov jêv hnuz hội lox. 350 lênhx heik cưr cxiêx, hu gâux, đhiê pax vuôs nhoz đoanx nthuôr uô cêr lov jêv tỉnh Điện Biên, Lào Cai, Hà Nội đros trâu têx lênhx txơưx sênhr suôz heik cưr cxiêx, hu gâux hâur thax tsav tỉnh tưz chox tsôngv kruô tuôx  Điện Biên txix lịch sử txos trâu nhiv no đros têx suôz sênhr cưr cxiêx thiêz sênhr chêr trâu sđ seiz. Đhâu ntơư, tsôngv kruô luôs 2 chas thax tsav tưz pâuz nzir lok suôv têz qơưk pax lâus Điện Biên-Thax tsav qơư muôx ntâu lịch sử, txux chi vênhx huôv jông thâuv nzor thiêz sir jos huôv tsar yênhx suôv qơư jông trâu sđ tuôx ndis seiz uô si. Pos Lê Thị Út, iz lênhx kruô nhoz đrôngs Cần Thơ shir phaz heik:

“Txix faz Tây tưz pâuz txos ntênhs hội tsưr tsix. Viv li cur thiêx tuôx Điện Biên chiê nriêr pâuz lok zuk têz qơưk têx cêr lịch sử thâuv ntêx. Thiêz cur lok six shir phaz lok suôv qơư no”.

Hâur ntênhs hội pax lâus Điện Biên 2019, têx lênhx nxeik jông gâux nhoz 2 tỉnh Luông Pha Băng, U đôm xay, têz qơưk Lol Tsuôk cux côngv cêr lov jêv đrostrâu têx lênhx nxeik jông gâux tỉnh Điện Biên thiêz thax tsav Tây Bắc; tsi tiêk uô muôx têx hlôngr yiêz, mak tsênhv cxơưz gra ntênhs hội thiêz uô cxuô heir nênhs hâur tỉnh Điện Biên, têx tỉnh têz qơưk Lol Tsuôk muôx nzir cêr sik thôngx siêz. Lênhx nênhs jông gâux Kiệt Xu Đa Chẳn tha Vông nhoz tỉnh Luông Pha Băng heik li no:

“Cur lok six shir phaz tâu đros côngv cêr lov jêv ntênhs hội pax lâus tỉnh Điện Biên. Hmôngr jông, cur  zos lênhx tâu xeir gra pêz têz qơưk Lol Tsuôk heik cxuô, tỉnh Luông Pha Băng heik taz têx txux chi vênhx huôv tuôx đros côngv cêr lov jêv, chiê tsôngv box VN heik cxuô, tsôngv box tỉnh Điện Biên heik taz pâuz tsênhz đuô lok pêz têz qơưk. Đhâu ntơư, chiê tsôngv px 2 têz qơưk ziv muôx cêr sik thôngx siêz truôx jông đuô”.

Nhạc nền.....

Đhâu 5 jiês tsưr tsix, ntênhs hội Pax lâus Điện Biên tưz yênhx tỉnh li suôz bê ju lix jông, tâu chôngz lênhx tsôngv kruô hâur pêz têz qơưs thiêz đrâuv luôs 2 chas têz qơưk pâuz txos. Shông no zos chiv nhênhv 65 shông hnuz ntâuk zênhx trok châuz Điện biên Phủ, 110 shông yênhx lix tỉnh; chênhr viv li ntênhs hội pax lâus shông no tâu tỉnh tsưr tsix lox đuô pir li cxiê shông, đros trâu kriz uô ntâu txux chi, vênhx huôv-nthuôr uô cêr lov jêv-thể dục thể thao thiêz ju lix heik lol têx cêr lịch sử, 19 heir nênhs hâur tỉnh li têx cêr nênhx, vênhx huôv jông thâuv nzor txuôk đros trâu têx pax lâus tơưs yiêz. Chiê cxươz cxiz ju lix Điện Biên huôv tsar, Chính phủ tưz thôngz đhâu tsưr ziv njuôk hov huôv tsar thax tsav ju lix têz qơưk Điện Biên Phủ-Pá Khoang txos shông 2020 txos trâu shông 2030, no zos tsưr ziv zov chênhr chiê tỉnh Điện Biên tsưr tsix uô lơưr thiêz krêz uô tâu têx muôx jông hâur tỉnh  lok huôv tsar ju lix. Heik ntơưv hmo krêz uô ntênhs hội pax lâus tỉnh Điện Biên 2019, Ủy viên T.Ư Đảng, Phưv thủ tướng Chính phủ Vũ Đức Đam heik:

“Hâur thax tsav tỉnh muôx cxuô zav jông đros trâu cxuô hêir nênhs têx txux chi, vênhx huôv jông, Điện Biên cêr huôv tsar ju lix heik taz, Tây Bắc heik cxuô, tsuv tâu moz siêz txos, paz max chox kriê hu zâuv yưv pênhr huôv tsar uô chiê ju lix tsênhv tsênhv yênhx ngênhx kinh tế zov chênhr nhoz cxuô têx tỉnh hâur thax tsav thiêz hur si têz qơưk, paz txo grêk tsơưs cêr yeiz pluôs, gra siêz luz nênhx nox nhoz trâu tsôngv px. Iz chas têx tsaz yênhx, dưv anr lox chiê cxiv kho, uô jông têx cêr mul lok, xuz thơưx zos cêr yêz za, cêr ar, tsuv chêx tsôngk cxơưz cxiz, hu zâuv yưv pênhr trâu têx qơư ju lix chiê muôx tâu suôv qơư no ntâu xiv huv jông, txux chi vênhx huôv lịch sử ”./.

(Bích Thủy, Đắc Thanh-Riê Lâux cxeik, nhênhv)