Ngênhx zoz thôngz sêiz car yêz kruô Sơn La bax tsưr ziv phax tir thêir moz Covid-19

Nhiv no, iz hnuz hâur thax tsav tỉnh Sơn La muôx yênhx cxênhz lênhx nênhs, yênhx puô luz yêz thâux xa kruô, thâux hax huv mul lok hâur thax tsav tỉnh.

Chiê txo grêk tsơưs moz Covid-19 siz cik hâur thax tsav, ngênhx zoz thôngz sêiz yêz kruô tỉnh tưz bax uô lơưr ntâu faz tsưr ziv phax tir thêir li: Tsuôs yuôx tuô, lov caz moz trâu têx yêz; bax têx ntâuz bos kror ndâux, cuô đêx yuôx nzuôr têk trâu lênhx nênhs tsar yêz thiêz têx lênhx kruô muk sâuv yêz; heik pâuz lok têx lênhx nênhs saz têz qơưk đrâuv muk sâuv yêz, nhoz, grêk ntơưv têx qơư tsav yêz, tok kruô.....chiê paz taz por trâu tsôngv px mul lok tâu truôx tuk thiêz jông hâur cheix muôx moz huôv xênhz. Zơưv Phùng Mạnh Hiệp, Phưv Giám đốc Sở Zoz thôngz yêz kruô Sơn La heik: “Hâur têx zov chênhr, riêz nênhs, Sở zuôr tax nduô tsês tsi chiê yêz thâux xa kruô muk đhâu trâu têx qơư zôngx ziv trâul cik tâu moz. Tsi khênhr yêz tsav thâux xa kruô thiêz tsi lênhk nhav têx yêz tâu xav tiêk zôngx ziv gra tâu caz moz lok hâur thax tsav tuôx nhoz, so ntơưv qơư tsav yêz. Sir zôngv têx tsưr ziv tso chor yêz cux li têx lênhx kruô tâu xav tiêk zôngx ziv trâul gra tâu caz moz ntơư nưk nhoz nưk iz kro trâu têx qơư cêv moz”.

Ntơưv qơư tsav yêz thâux xa kruô TP Sơn La, têx hnuz lok no, xav kror đruôz đraz iz hnuz muôx txix 90-95 luz yêz mul lok. Kror zôngx ziv seiz pov zos tsôngv kruô tưz txo grêk tsơưs lênhx đhâu thâuv têx cơ quan muôx vax huôv heik tsôngv px sđ cov tsi cxoz siz zâuv muk uô cê chôngz nênhs, tsơưs mul lok trâu uz trâu no zos tsi zov chênhr, tsi trâul txos....chiê txar jav moz Covid-19 siz cik. Chênhr viv li, iz cxiê tsưr yêz muôx yêz lox khênhr thâux xa kruô mul lok tưz bax tsưr ziv tso tsơưs têx yêz thâux xa kruô txix 15-20% luz pir li thâuv ntêx. Tix lâus Nguyễn Thành Thất, tsar yêz thâux xa kruô txix Sơn La trâu Lào Cai heik: “Têx kruô mul lok shông no pir li cxiê shông mak txo grêk ntâu, grêk muôx 50%. Thâuv thâux xa kruô, pêz zuôr sox seiz, zos qênhz pov lênhx kruô tưs muôx têx moz li: mê njik uô cuz uô no, hnôngk, pêz zuôr heik trâu têx sở y tế, taz viv muôx vax huôv pâuz, chiê sik đros phax tir thêir moz Covid-19”.

Tix lâus Quàng Văn Chỉnh, nhoz huyện Thuận Châu, tỉnh Sơn La-Lênhx nênhs khênhr cheix yêz kruô mul lok heik pâuz:“Trơưk li Bộ y tế heik, tsôngv px tsi cxoz mul lok trâu uz trâu no ntâu, taz sik cur chuôz zis muôx hâux lưv tsuv cheix kruô mul lok. Trơưk li cur pov, hâux lưv phax tir thêir moz ntơưv qơư tsav yêz lok six jông, taz por trâu kruô mul lok truôx tuk”.

Txơưv têx tsêr cơưv cxênhx 3 hâur thax tsav tỉnh Sơn La tưz tso shux xênhz so ntơưr chiê phax tir thêir moz, taz sik têx tsưr yêz muôx yêz lox, yêz buýt thâux xa shux xênhz mul lok cux lok six moz siêz txos hâux lưv phax tir thêir moz, taz por têx yêz hur si chiê muôx têx tok xa têx shux xênhz muk tsêr cơưv truôx tuk thâuv têx nhuôs tror tuôx tsêr cơưv, cơưv ntơưr. Zơưv Nguyễn Tiến Ân, Giám đốc Công ty muôv muôs thiêz ju lix Ân Vân tỉnh Sơn La, taz viv muôx 8 luz yêz tok, xa 300 ntâu lênhx shux xênhz mul lok cơưv ntơưr heik pâuz: “Pêz zos yêz phưx vưv thâux xa thiêz tok têx shux xênhz muk cơưv, pêz tưz tsuôs yuô tuô, lov caz moz hur si têx yêz, cov truôx tuk jông trâu têx nhuôs. Thâuv têx mê nhuôv muk cơưv tsuv heik chor nhuôs uô ntêx thâuv zuôr ndê sâuv yêz tsuv nzuôr têk, thâuv pov muôx têx tuk tsi txơưr txar, heik ciês trâu têx qơư muôx vax huôv thiêz tsêr cơưv pâuz....”./.

(Long Thanh-Riê Lâux cxeik, nhênhv)