Jax sâu thưr 5 hnuz 23/6/2016

Lênhx fôngx zưs đros đrêiv mênhx cxưx tsơưs nênhs

Cux xưk li cxuô jiês, thâuv têik cik, zar tsâuk ntux, đhâu têx pluôs nox su, nox hmo cxuô lênhx nênhs hâur tix lâus Lò Văn Xao li chuôz zis nhoz jos 25, phường Đông Phong, thành phố Lai Châu tror sik đros sêiz Đaix xa đuôz Lai Châu li tsaz yênhz xa đuôz luk mênhx cxưx. Zơưv Xao hêik pâuz: chor tsaz yênhx muôx ntâu kror jông, tiv zix zos tsaz yênhx luk mênhx cxưx huv đros vênhx huôv mênhx cxưx, viv li tâu zơưv chuôz zis thiêz chor chuôz zis txơưr đuô sêiz njôngr.

 “Đaix Lai Châu li tsaz yênhx mak thâuv tưs nox hmo tas cur chuôz zis cux kriz ti vi sêiz. Kror tưs jông thiêz tsik  jông cux sêiz pov tas hur si. Kror tưs uô tâu ntâu chêx cur zuk cux pâuz hur si”.

Đaix xa đuôz Lai Châu muôx 4 zav luk mênhx cxưx, hâur co tsaz yênhx nta suôz muôx: Luk Hmôngz, Thái, Cho, Hà Nhì; tsaz yênhx xa đuôz muôx luk Hmôngz thiêz luk Thái. Chor tsaz yênhx nta suôz thiêz xa đuôz luk mênhx cxưx tâu tso txix luk mênhx cxưx, huv đros vênhx huôv mênhx cxưx, tsôngv box zôngx ziv mnôngs tâu, pâuz tâu thiêz uô trơưk.

Chiê zaz zâuv tâu sơưr đơưk đros sêiz thiêz mnôngs, chor nênhs uô tsaz yênhx tưz sir jos hlôngr yiêz, gra siêz tsơưr lươngv tsaz yênhx. Chor nênhs sâu xor xưv tưz sir jos muk trâu chor jêx jok nhoz đêz, tox siêz, nriêr pâuz tsênhz lok tsôngv box siêz xar, luz nênhx chiê xa lơưr têx siêz xar, ziv chênhv txos trâu Đảng thiêz chính phủ; hênhr kruôk chor nênhs uô tâu ntâu luôs hâux lưv jông; sâu tsês têx suôz gâux, cưr cxiêx jông cxôngx nzor thiêz têx zav sênhr suôz mênhx cxưx jông.  Fiêz Xênhv Lâux zos lênhx nênhs sâu xor xưv hêik:

 “Đrâuv côngz xưv bviên tập, cxêik luk mênhx cxưx, chiê gra siêz tsơưr lươngv tsaz yênhx, cur tsênhv sir jos muk tiv phaz. Txơưv tiêk njiz lok six ntâu phiv liv, taz sik txix siêz xar thiêz nhiêv hâux lưv, pêz tưz muk trâu têx qơư nhoz đêz, tox siêz chiê sâu. Muôz cxêik uô luk mênhx cxưx chiê hêik kriê trâu pox nhuôs sơưr đơưk pâuz txos Đảng, têz qơưk li têx cêr chêi”.

Yênhx shông Đaix tưz uô tâu muôx 500 ntâu tsaz yênhx nta suôz thiêz xa đuôz luk mênhx cxưx, tso tas nro sâuv 8 huyện, thị hâur tỉnh. Tsaz yênhx xa đuôz, iz chas tso ntơưv tiv phaz tsênhv tâu xa trâu VTV5 Đaix xa đuôz Việt Nam iz hli txix 4-6 tsaz yênhx chiê tso trâu hur si têz qơưs sêiz. Tsaz yênhx nta suôz, xa đuôz luk mênhx cxưx tưz tsik zos muôx 4 mênhx cxưx Hmôngz, Thái, Cho, Hà Nhì sêiz xưz mak tsênhv muôx chor mênhs cxưx txơưr đuô cux đros mnôngs, đros sêiz tâu. Xưk luk Hà nhì muôx 4 mênhx cxưx sik đros mnôngs co zos: Cống, La hủ, Si La thiêz Hà Nhì, lok sik luk Thái muôx mênhx cxưx Lào, Lự, Khơ Mú thiêz iz cxiê mênhx cxưx txơưr đuô đros mnôngs tâu. Đaix xa đuôz  Lai Châu li tsaz yênhx nta suôz-xa đuôz luk mênhx cxưx tsênhv zos kror txuôk txix Đảng đros tsôngv box mênhx cxưx tsơưs nênhs./.

(Thúy Ngoạn-Lik Thox cxêik nhênhv)

Phênhv thưr 5.23.6.2016

TSIV UÔ ZAV NOX HUR-DOANH NGHIỆP TOX SIÊZ LI CÊR MOZ SIÊZ

***

          Qiv hơưv thiêz ar têz jông ziv chuôz cxaz đas jos trâu zơưv Đỗ Kiến Hậu, giám đốc công ty TNHH yưv pênhr cxiv tsa Hồng Long uô trâur nuv tsiv uô kôngz nuv. Shông 2004, txơưv tiêk zos doanh nghiệp cxiv tsa, taz sik zơưv Hậu cux truôx siêz cxiv tsa cxaz trâur nuv tsiv uô kôngz nuv đros siêz xar muôx tâu têx zav nox hur thiêz grê muôs tơưv huv đros trâu tsôngv box sir zôngv. Đros 17 hecta ar tâu choz, zơưv tưz yưv pênhr uô vax chos ntông nox txir, tu zus lox. Têx nôngz tsoz chos, tsiêx tu zus tâu zơưv chiv chir mul ntơưv qơư tu zus Trung ương thiêz têx tiv phaz xeir zuôr chiê tu zus muôx chêx cuk. Zơưv Đỗ Kiến Hậu heik:

          “ Têx trâur nuv no tsuv moz siêz uô, tsuv cơưv shâuv thiêx uô tâu. Nhux đas cux muôx, yik, keiz, nôngs puôr lênhx huv đros thax tsav huyện Phù yên, iz zav muôx mê njik chiê txu grês grê muôs siv huv. Đrâuv co pox nhuôs muôx trâur nuv chiê cơưv shâuv uô lơưr”.

          Nhiv no zơưv Hậu li qơư trang trại muôx 5 cxênhz tsoz txir thênhx caz, txir lưs, hâur co muôx 1.500 tsoz tưz tso lol phênhv sâu. 1 cxênhz gơưv gruôz; 4.500 tul keiz; yênhx puôk tul nhux đas Sin, yik, buô têz...Hâux lưv tu zus thiêz tsêz chos tâu uô lơưr tsưr ziv taz por tiv zix trâu siv huv muôs tơưv trâu niêv ciêz. Zơưv Hậu heik: Cxôngx zuk li trâur nuv, zơưv xar cov pox nhuôs nôngx mênhx hâur thax tsav đros cơưv shâuv tsưr ziv tu zus, tsêz chos chiê tsiv uô siv huv hur, pox nhuôs muôx phênhv sâu ngaz tul, tiv zix zos tsi mul ntor luôx jôngr thiêz. Tsênhz mênhx zơưv tưz heik kriê thiêz cungz nôngz tsoz chos trâu pox nhuôs hâur thax tsav lok six ntâu. Cê paz pox nhuôs hâur thax tsav tsưr ziv tsiv uô yiêz, cê jênhv yênhx châuv nênhs lox tôngv hâur tiv phaz uô trang trại, zơưv Hậu tưz gôngr phênhv por vêv yênhx puôk hecta jôngr. Zơưv Đỗ Kiến Hậu heik:

          “ Muôz theox chênhv trâu 17 nênhs lox tôngv uô hâux lưv yax six ntơưv trang trại, phênhv sâu taz por, chiê pox nhuôs tsi mul ntor luôx jôngr, tsi uô têx hâux lưv uô cxâuv pháp luật. Co zos kror cur xar njôngr thiêz zos cur li siêz xar njôngr”.

          Đros 1.500 ntâu tsoz txir lưs tsênhv txos six hơưv sâu, yênhx châuv cxênhz tul keiz, ok yax six muôs tơưv, đros nhux đas sin, yik, buô, phênhv sâu iz shôngk cxôngx trang trại nhiv no tax 3 tỷ đeiv ntâu. Njuôs xav hâur 2,3 shông zuôr txos, thâuv 5 cxênhz tsoz txir thênhx caz, txir lưs tso lol phênhv sâu tax cxôngx 8 txos 10 tỷ đeiv. Cxôngx zơưv Đỗ Kiến Hậu trâur nuv li chêx cuk tsênhv tsênhz, huyện Phù Yên xav tênhv no zos trâur nuv tsiv uô kôngz nuv chiê pox nhuôs hâur thax tsav cơưv shâuv. Cxôngx tsưr ziv tu zus, txos têx nôngz tsoz chos zuôr krêz uô đêz đar chiê Phù Yên muôx ntâu siv huv taz por cungz trâu niêv ciêz. Zơưv Đào Văn Nguyên, chủ tịch UB huyện Phù yên heik:

          “ Nhiv no Công ty Hồng Long li siv huv tưz tâu ntâu lênhx nênhs hâur thiêz đrâuv huyện sâu zuôr. Hâur six hơưv zuôr txos, công ty trâur krêz đar phuôv tsar trâur nuv. Chiê doanh nghiệp muôx theox chênhv phuôv tsar, cấp ủy chính quyênx tiv phaz tưz tsov cưv seiz car njuôs xav, muôz cxaz ar zos doanh nghiệp muôx zoz qơưx. Tiv 2 zos sik đros uô têx tsưr ziv tsiv uô zav nox hur. Tiv 3 zos heik kriê công ty li siv huv txos lênhx nênhs sir zôngv”.

          Muôx ntâu siv huv hur, taz por cungz trâu niêv ciêz, krêz tơưv iz tsưr ziv yiêz trâu pox nhuôs hâur thax tsav zos zơưv tsưr trang trại Đỗ Kiến Hậu li siêz xar njôngr. Siêz xar njôngr co tsênhv tror tâu sir jos uô thâuv ziv hnuz ziv muôx ntâu lênhx nênhs sir zôngv siv huv uô tơưv thiêz pov ntâu pox nhuôs cơưv shâuv krêz uô têx trâur nuv jông li ntơưv./.

( Tuyết Lan – Txâur Vax cxeik nhênhv)