Điện Biên phax tar moz Covid-19, taz por trâu jiês thik cơưv tiêr ntơưr lớp 12

Jiês thik cơưv tiêr ntơưr lớp 12 shông no, tỉnh Điện Biên muôx 6.300 ntâu lênhx shux xênhz cxuô luz tsêr cơưv cxênhx 3, tsêr cơưv kriê uô hâux lưv, zoz zux thường xuyên thiêz shux xênhz tưx uô ntơưr tưr thik. Chiê phax tir thêir moz Covid-19 têx huôv xênhz phiv liv, Sở zoz zux tỉnh Điện Biên tưz chox kriê 100% têx tsêr cơưv cxênhx 3 hâur thax tsav uô jông luôs hâux lưv cê phax tar moz Covid-19, cê bax tsưr ziv cxiv tsa, kriê cxaz têx txux chi yuôr trâul trâu shux xênhz cov taz por trơưk cui tinhv, tưr thik tâu ntơưr jông.        Cưk kriê Nguyễn Thị Thương, tsêr cơưv cxênhx 3 Mênhx cxưx tỉnh Điện Biên heik pâuz: Đros trâu muôx chor shux xênhz nox nhoz hâur tsêr cơưv, cơưv ntơưr viv li txix ciês thâuv đhâu so 30/4, Ban Giám hiệu tsêr cơưv tưz quyết tinhv tso 100% lênhx shux xênhz lớp 12 nhoz hâur tsêr cơưv tax txos thâuv tưr thik tas ntơưr:“Chiê taz por lok phax tir thêir moz gênhk, shux xênhz thiêz chor cưk kriê ntơưr cxuô zav li: Nox hâuk, xênhz huôx cux puôr lênhx paz max iz phênhv; shux xênhz têx zav nox zuôr trâul txos, chor cưk kriê seiz car shux xênhz zuôr chiv chir zuôr saz đrâuv gra thiêz xa tuôx trâu chor nhuôs. Hok lol sâuv cơưv ntơưr pêv têx qơư cơưv, chiê taz por iz tus nhoz jâuv kuôk đêz iz tus, iz lớp cơưv tâu pheiz uô 2 paz, iz qar cơưv tsuôk muôx txix 20 lênhx shux xênhz tror zar hâur xưz, tsưr ziv zos chiê têx shux xênhz iz tus nhoz kuôk đêz iz tus trơưk li cui tinhv”.

Chiê shux xênhz têx lênhx uô niêv uô txir tso siêz thiêz paz max tsêr cơưv seiz car chor nhuôs, kaz ciêz hâur yênhx ciêz, Ban giám hiệu tsêr cơưv cxênhx 3 Dân tộc nội trú tỉnh Điện Biên zuôr heik trâu shux xênhz chuôz zis pâuz lok chor nhuôv li cêr cơưv ntơưr thiêz đas jos nox nhoz hâur tsêr cơưv, cơưv ntơưr. Nguyễn Việt Hoàng, shux xênhz lớp 12, Tsêr cơưv cxênhx 3 Dân tộc nội trú tỉnh Điện Biên heik:“Tâu chor cưk kriê ntơưr moz siêz, paz max jông hâur phax tir thêir moz Covid-19 thiêz cơưv ntơưr cur lok six tso siêz. Têx lênhx cưk kriê hâur tsêr cơưv thâuv tưs tưz moz siêz, paz hur si txos pêz chor shux xênhz lok cxuô zav, txix xênhz huôx nox nhoz txos trâu cơưv ntơưr pêv lớp, viv li nhoz hâur tsêr cơưv, cơưv ntơưr cur pov jông thiêz tso siêz”.

Iz chas luôs hâux lưv bax cxuô zav trâu phax tir thêir moz, hâur luz six hơưv chiê têx shux xênhz nhoz cơưv cxaz, cơưv nzir têx txux chi yuôr trâul nhiv no, têx qơư zoz zux nhoz Điện Biên cux tưz cxiv tsa tsưr ziv phênhz cưk kriê, kriê cxaz nzir iz cxiê têx ntơưr trâu shux xênhz li chas cov fiv đros trâu tsênhv tsênhz, tưr thik tâu jông….. Đros têx kriê cxaz nzir li heik sâuv, zuôr fuô kriê đros trâu shux xênhz lok sâuv xeir đas cir muk cơưv têx tsêr cơưv đại học, cao đẳng cov fiv đros shux xênhz li pênhr xưv, txux chi. Cưk kriê Phan Thị Xuân, nhoz tsêr cơưv cxênhx 3 dân tộc nội trú huyện Mường Ảng, tỉnh Điện Biên heik pâuz:“Tsêr cơưv Phổ thông dân tộc nội trú cxênhx 3 huyện Mường Ảng tưz kriê cxaz nzir têx txux chi yuôr trâul trâu shux xênhz nhoz ntu 3 lơưv. Hâur ntu no, pêz phênhv ntâu tưz kriê tâu iz đraz têx tsaz yênhx, ntơưr cơưv trâu shux xênhz pâuz nzir. Tsênhv njiêz kriê cxaz li no, phênhv ntâu zos kriê têx jax cơưv, têx txux chi zuôr trâul txos hâur chor ntơưr lớp 12, lớp10, lớp 11 ntơư trâu têx nhuôs. Thiêz pêz cux bax kriê nzir têx tsưr ziv, txux chi muôx têx cik txos shux xênhz li têx ntơưr cơưv, tưr thik”

Txos iz jiês no, chor nhuôv shux xênhz lớp 12 hâur thax tsav tỉnh Điện Biên puôr lênhx tsênhv tâu têx tsêr cơưv kriê cxaz cxix cxuô thiêz uô lơưr jông têx cui tinhv lok phax tir thêir moz. Đros trâu ngênhx zoz zux cxuô thax tsav qơư têx cêr bax, sir jos thiêz chor cưk kriê moz siêz txos, chor shux xênhz tưz truôx siêz, bax tâu truôx cxuô jax ntơưr chiê tưr thik ntơưr cov tâu trơưk tsưr ziv siêz xar./.

                                         Vũ Lợi-Riê Lâux cxeik, nhênhv

NUS TÊZ LOK CHEI FÊNHX ZAV CXÊNHX TXIR NÊNHX THIÊZ POX NIÊV

          Fênhx zav cxênhx txir nênhx thiêz pox niêv hâur vênhv thix y tế tâu cui tênhv li chas?

          Grê 17 cui tênhv fênhx zav cxênhx txir nênhx thiêz pox niêv hâur vênhv thix y tế li no:

          1. Txir nênhx, pox niêv fênhx zav hâur cxaz chuôz têx huôx tôngv zaoz zux, thôngz xor mông lok tsoz phưz đas jos, đas jos xênhz zus nhuôs thiêz sir zôngv têx jix vuv y tế.

          2. Txir nênhx, pox niêv fênhx zav hâur xeir tsov, cuiz tênhv sir zôngv tsưr ziv uô tsi muôx mê nhuôv, tsưr ziv siz đênhr taz por, phax tar cik moz HIV/AIDS thiêz têx moz cik đhâu qơư mos.

          3. Pox niêv pluôs nhoz tox siêz, zos tsôngv box mênhx cxưx tsơưs nênhs, tsi xav têx lênhx nênhs zuôr trâus cxaz chuôz BHXH, thâuv xênhz zus nhuôs trơưk chính sách jênh số tâu paz txưv lơưr Chinhr phuv li cui tênhv.

Têx hâux lưv tưs zos uô cxâuv cêr chei lok fênhx zav cxênhx txir nênhx thiêz pox niêv hâur vênhv thix y tế?

Khoản 7 Grê 40 cui tênhv têx hâux lưv uô cxâuv cêr chei lok fênhx zav cxênhx txir nênhx thiêz pox niêv hâur vênhv thix y tế muôx:

          a) Tir tar tsi puz, hâuz nziêk thiêz zuôv lênhx nênhs txơưr tsi cxaz chuôz têx huôx tôngv zaoz zux đas jos viv phênhz pêx cxênhx txir nênhx thiêz pox niêv;

          b) Xeir nhuôv tuz nhuôv nxeik thâuv xênhz tuz ci hâur chêr cxôngx cxuô tsưr ziv lok sik hâuz nziêk, zuôv lênhx nênhx txơưr muk khơưz mê nhuôs por tsês.

          Lênhx tưs muôx hâux lưv uô cxâuv cêr chei heik sâuv mak tsov lơưr hâux lưv uô cxâuv zuôr trâus yưr lir kỷ luật, xưv phuôv hành chính lok sik trâus tik cêr cxâuv hình sự. Chiz coaz, tsưr tsix, lênhx nênhs muôx têx hâux lưv uô cxâuv cêr chei lok fênhx zav cxênhx txir nênhx thiêz pox niêv uô ruôr hiêv mak tsuv pâux nzir lơưr phuôx lix li cui tênhv (Grê 42).

           Fênhx zav cxênhx txir nênhx thiêz pox niêv hâur vênhv thix chuôz zis tâu cui tênhv li chas?

          Grê 18 cui tênhv fênhx zav cxênhx txir nênhx thiêz pox niêv hâur vênhv thix chuôz zis li no:

          1. Niêv, txir fênhx zav hâur têx cêr coaz siv dân sự thiêz têx cêr coaz siv txơưr muôx lênhx coaz txos chuôz zis.

          2. Niêv, txir muôx vax huôv xưk iz zav hâur qênhx sir zôngv têx chuôz zênhx chuôz tas, hâur sir zôngv 2 niêv txir li phênhv sâuv thiêz cui tênhv têx pênhr jos hâur chuôz zis.

          3. Niêv, txir fênhx zav hâur hâux lưv sik seiz lax, cuiz tênhv xeir thiêz sir zôngv tsưr ziv xênhz zus nhuôs huv đros; sir zôngv six hơưv so tsoz phưz mê nhuôs moz gênhs lơưr phuôx lix li cui tênhv.

          4. Nhuôv tuz, nhuôv nxeik tâu chuôz zis tsoz phưz, zaoz zux thiêz paz cxuô zav trơưk iz zav chiê cơưv ntơưr, lox tôngv, uô si thiêz huôv tsar.

Têx hâux lưv tưs zos uô cxâuv cêr chei lok fênhx zav cxênhx txir nênhx thiêz pox niêv hâur vênhv thix chuôz zis?

Grê 41 cui tênhv têx hâux lưv uô cxâuv cêr chei lok fênhx zav cxênhx txir nênhx thiêz pox niêv hâur chuôz zis muôx:

1. Tir tar tsi puz lênhx nênhs hâur chuôz zis muôx txâuk theox chênhv lơưr phuôx lix li cui tênhv cxaz chuôz cuiz tênhv vax huôv sir zôngv chuôz zênhx chuôz zis cxuô hâur chuôz zis viv lik zơưx phênhz pêx cxênhx txir nênhx thiêz pox niêv.

2. Muôx têx hâux lưv uô tsi côngz fênhx đros têx lênhx nênhs hâur chuôz zis viv lik zơưx phênhz pêx cxênhx txir nênhx, pox niêv.

3. Tsi puz muk cơưv ntơưr ntâu lok sik zuôv tso ntơưr tsês viv lik zơưx phênhz pêx nhuôv tuz  nhuôv nxeik.

4. Zuôv uô lox tôngv, uô têx tsưr ziv cov tsi muôx mê nhuôs chuôk li co zos iz cxênhx nênhs li txơưx jênhv xưz.

Lênhx tưs uô cxâuv cêr chei li heik sâuv tsov lơưr hâux lưv uô cxâuv mak trâus yưr lir kỷ luật, xưv phuôv hành chính lok sik trâus tik cêr cxâuv hình sự. Chiz coaz, tsưr tsix, lênhx nênhs uô cxâuv cêr chei lok fênhx zav nênhs uô ruôr hiêv mak tsuv pâux nzir lơưr phuôx lix li cui tênhv (Grê 42)./.

B.Thủy-Txâur Vax cxeik nhênhv