Lào Cai: Qơư chos txir pôngr lux Bản Lầu tror khưx phưx đhâu njiz trâus tsik hur

Thâuv hâur chêix ntux lax, niêv tix Vương Thị Thư li chuôz zis nhoz jok Na Mạ 1, xar Bản Lầu, huyện Mường Khương, tỉnh Lào Cai li 1 vạn ntâu tsoz txir pôngr lux nhiv kruôr chos tsik tâu ntêr tưz hlar tuôx njuôz xiêz tas nro têz. Kuôk têx txir pôngr lux tsik đêz, tsêr mêir luyện kim màu tâu xav tiêk zos qir tiv uô tsik hur thiêz uô txir pôngr lux trâus tuôs cơư kror trôngx tsês khôngz đhâu thâuv muôx cuêz tênhv tsik khênhr uô hâux lưv.

Nhiv kruôr đhâu, thâuv tok cêir chêx cov tiêr doanh nghiệp li txơưx jênhv, Ủy ban huyện tưz txêik paz trâu nivv tix Thư chuôz zis 100 triệu đêiv. Khov muôx chor nhiêx co, niêv tix oz niêv txir muôz muk thêv chor nhiêx zuôr qir, tror luôx cor têz chos txỉ pôngr lux tsik jông tsênhv yuôr chiê yưv pênhr chos yiêz cov ndar chêix chiv. Niêv tix Vương Thị Thư hêik:

“Thâuv ntêx hêik cxuô mak tsik jông siêz li, cur têz trâus đax tas hur si, cê uô mak cê kuôx xưz. Txos nhiv no mak pêx xênhv sơưr đơưk tưz tror uô xênhz yar jông li kuz, tsoz chos cux huôv tsar, xưk li cur chuôz zis têz chos txir pôngr lux nhiv no tưz njuôz xiêz lơưv. Đuô li, đhâu thâuv cxuô cấp chính quyền sir jos uô, tâu paz mak pêz cux thêv tâu têx nux gri nhiêx zuôr qir chiê yưv pênhr nzir trâu chos yiêz no”.

Zơưv Vax Seo Sì, Tsưr jok Na Mạ 1 tror ndo txos, thâuv chor txir pôngr lux tuôs chuôs tsi cux zos thâuv zơưv lok six cxơưx, viv Na Mạ 1 pir li tas nro xar zos jok txov nhêv tiv zix đros iz đraz zos chuôz zis pluôs thiêz zuôr xar pluôs, 10 shông ntâu lok no pox nhuôs luz nênhx zos khov trâu tsoz txir pôngr lux. Thâuv njiz trâus phiv liv, pêx xênhv tưz zênhx pluôs hax zav cxơưx đuô. Txos nhiv no, thâuv kror hâux lưv co tâu cêir chêx, pêx xênhv cux tso siêz đuô.

“Xưk ntu uô ntêx mak hâur iz hnuz mak chuôz zis no hêik cov cur muk sêiz têz, chuôz zis tor ho hêik cov muk sêiz liêx, muôx chuôz zis mak cov muk sêiz têx ntông, tsoz chos nox txir; hnuz no kror tor tsik jông, hnuz kaz mak ho zos saz tor, cur hâux lưv lok six ntâu. Txos nhiv no tsik hnor pox nhuôs hu zuk muk sêiz shuôk đaz tsi hlo lơưv, pox nhuôs lok cux shir phaz đuô”.

Lơưr zơưv Phạm Đăng Năm, Bí thư Đảng ủy xar Bản Lầu, nhiv kruôr đhâu, 300 ntâu ziv chuôz zis nhoz 12 jok hâur xar tưz puôr lênhx txêik tâu chor nhiêx paz chiê tror uô xênhz yar. Nhiv no, têx thax tsav txir pôngr lux thiêz tso chos trâus hiêv uô ntêx co tưz tâu hlôngr chiê chos yiêz thiêz huôv tsar jông. Uô ntêx xar cux tsênhv hêik chor taz viv, tsưr tsix tror sir jos paz khưx phưx têx phv liv trâu pox nhuôs:

“Txơưv tiêk chor nhiêx paz cux tsuôk paz tâu iz phênhv tưs trâu chor chuôz zis li têx trâus hiêv, taz sik phênhv ntâu pox nhuôs lok six shir phaz, đhâu thâuv txêik tâu nhiêx paz mak tưz tror yưv pênhr chiê uô xênhz yar. Pêz cux hêik thav đros chor doanh nghiệp zênhx hangx sâuv thax tsav paz muôz pênhr txêik, txêik qir zuôv chiê paz trâu pox nhuôs”.

Uô ntêx co, thâuv hâur shôngk shông 2018, xar muôx 200 hec ta tsoz chos, hâur co phênhv ntâu zos pêx xênhv jok Bản Lầu chos txir pôngr lux trâus hiêv tsik pâuz qir tiv. Đhâu thâuv kriz uô qênhz yuôx xav jênhv, xos kaz hli 7/2018, Sở Tài nguyên thiêz Tênhv Qơư tỉnh Lào Cai tưz hêik pâuz qir tiv tsik hur uô chor tsoz chos trâus tuôs zos tiv têx pa tsizk hur txix Công ty Cổ phần Tứ Đỉnh li tsêr mêir luyện kim màu nhoz sâuv thax tsav xar. Nhiv no, tsêr mêir no tsênhv trâus txưr tso tsês tsik khênhr huôx tôngv chiê tok têx chêi txix chor cơ quan txơưx jênhv. Hâur ntu tok cêir chêx, xưv lik cov suôv câuv txuz hâux lưv no, Ủy ban huyện Mường Khương tâu choz txêik muôx 14 tiv đêiv ntâu txix cuiv tênhv qơư tỉnh chor muk paz trâu pox nhuôs chiê tror khưx phưx uô xênhz yar./.

(An Kiên-Lik Thox cxêik nhênhv)

Tuôx trâu Sơn La seiz njiêk pak njêl Koi nhiêx tỷ nhoz jok Nà Si

Tix lâus Hà Vương Thọ luz pak njêl Koi đar muôx iz cxênhz ntâu xưv phaz, tu zus 10 ntâu zav njêl uz no, liêz, đơưz, đa muôx hur tiz si, lok six jông seiz. Viv no zos têx njêl tix lâus tưz tu zus ntêr lok, viv li chor njêl lok six sênhx, thâuv hnor lênhx tiz nênhs buôx têk xưz tưz lok iz paz paz jê hâur kaz tơư qox, ndis chuôl tsi lok six jông seiz. Txix thâuv tix lâus Thọ chuôz zis muôx pak njêl Koi no, tsôngv box hâur thax tsav khênhr tuôx uô si chiê seiz njiê têx njêl đhâu têx six hơưv uô hâuxx lưv tas, nhoz so, niêv lâuk Lò Thị Thanh, nhoz jok Nà Si, xã Hát Lót, huyện Mai Sơn, tỉnh Sơn La zos lênhx khênhr tuôx uô si seiz njiê têx njêl thiêz muôz trâu njêl nox chiê seiz njiê uô si thâuv tas cik sơưr nzor thiêz zuôr tsâuk ntux shir phaz heik:

“Thâuv tas cik thiêz zar tsâuk ntux muôz trâu njêl nox, pov njêl tuôx uô si yênhx paz lok six jông seiz mak uô trâu zuk tưz tsi ndo gênhs hlo”.

Sik thav đros tix lâus Hà Vương Thọ, tâu pâuz, tix lâus qir têk tu zus njêl Koi txix shông 2015 lok, thâuv ntơư tix lâus lav tu zus chiê tâu seiz uô si xưz. Xuz thơưx, tix lâus zuôr 500 tuk nôngz njêl Koi txix Hưng Yên lok tso shơư trâu chuôz zis têx njêl grêix, thâuv co chor njêl no tsênhv lok six mê, luôx li luz cxur blêx xưz; đhâu iz ntuk, chor njêl ntơư hloz lox lok six ntâu, muôx kênh tuk txêix ntâu zav lok six jông, thâuv tso trâu hâur pak đêx njiê jông seiz cơưk. Shir phaz lok têx njêl hloz lox trơưk tsưr ziv, siêz xar, tix lâus tror zok nriêr têx tsưr ziv tu zus njêl thiêz khơưz nzir iz luz pak đêx chiê nưk zus nưk chor njêl Koi. Đhâu co, tix lâus zuôr nzir iz cxênhz tuk nôngz njêl Koi lok tso hâur pak đêx yiêz. Tix lâus Hà Vương Thọ heik:

“Thâuv xuz thơưx zos lav zus uô si, tiv 2 zos zus chor njêl no mak tsi uô hiêv li chas, zuk tsuôk muôz tso shơư trâu têx njêl hâur chuôz zis pak đêx xưz. Pos zơưs, niêv txir mak cux tsi heik li chas, tso chor njêl heik co trâu hâur pak đêx njiê, lok six jông seiz, no cux zos iz kro chiê uô si, hur si niêv txir thiêz pos zơưs lơưr cux nhiêv thâuv muôz trâu njêl nox zar tsâuk ntux, cux li thâuv tas cik sơưr nzor”.

Tix lâus Thọ heik kriê nzir: Chor nôngz njêl no zôngx ziv tu zus, tsơưs muôx moz thiêz zus tâu ntêr đuô pir li cxuô zav nôngz njêl txơưr đuô, thâuv tu zus, đruôz hnuz tsuôk muôz trâu nox 2 jâuk lol tas cik sơưr nzor thiêz zuôr tsâuk ntux xưz, njêl Koi têx zav nox phênhv ntâu zos têx fuôk tâuv thiêz krâur têz qơưk. Lar heik, iz ndis pak đêx zos tsôngv box sđ têx liêx blêx, viv li đêx thâuv tưs tưz muôx, têx caz uz no muôx hâur têx đêx co chênhr zos têx zav nox chiê trâu njêl hloz lox jông đuô.

Txix 1.500 tuk nôngz njêl xuz thơưx, đhâu 2 shông tu zus, chor njêl Koi hâur tix lâus Thọ pak đêx tưz tsar ndê txos vạn tuk njêl. Iz chas co, muôx chôngz lênhx ntâu tuk tưz nuk txos xar zuôr muk zus, viv li shông 2017, tix lâus quyết tinhv tu zus têx njêl Koi chiê muôs đros thiêz tuk gri fiv đros, txix 200 cxênhz txos 300 cxênhz đeiv iz tuk muôx nhos iz cir; têx tuk muôx 2 cir mak gri muôs zos tsov đeiv. Hâur iz shông đhâu, chor njêl Koi tưz gra lok phênhv sâu trâu chuôz zis xar muôx iz tỷ đeiv. Tix lâus Hà Vương Thọ, nhoz jok Nà Si, xã Hát Lót, huyện Mai Sơn heik pâuz:

“Zuk tâu cxuô lênhx sđ paz viv tuk njêl txêix jông gâux, tiv 2 cux zos tuk njêl pok nêiz, hâur thax tsav Sơn La nhiv no txix thâuv mê thiêz hloz lox mak nưl jông zus, txos thâuv lok txos tsêr têx kruô cux li tsôngv fôngx zưs mak tso thiêz zus ciês tâu hâur tênhx qơư đêx ntơưv Sơn La”.

Tix lâus Hà Vương Thọ trâur nuv tu zus njêl Koi zos trâur nuv uô lax luôv zuôr muôs njêl Koi xuz thơưx lox yax hâur tỉnh Sơn La. Tsi tiêk uô bluô nux trâu chuôz zis, tix lâus chuôz zis têx njêl Koi txêix jông seiz ntơư tsênhv paz uô trâu cxuô zav njêl uô jav nhoz Sơn La, cux li têx tỉnh thax tsav Tây Bắc muôx ntâu zav jông nhiêk txơưr nhiêk tsi siz thôngx./.

(Trấn Long-Riê Lâux cxeik, nhênhv)