Nziêk đas zuôr têx hax huv VN, đhâu têx nênhs seiz car zuôr muôs, uô lax luôv nhoz thax tsav tox siêz Điện Biên

Zơưv Lê Văn Hà, Tsar phongx Kinh tế-Hạ tầng  huyện Tuần Giáo heik: Qir tiv taz viv xav jênhv ntơưr heik thiêz piêr kriê têx xiv huv trâu chor nênhs no chiê lơưr piêr kriê, mul lok muôs têx hax huv hâur thax tsav zos viv đhâu qênhz yuôx shuôs công ty co li têx ntâuz ntơưr puôr lênhx muôx cxix cxuô, ntơưr đas cir zuôr muôs têx huv, ntơưr heik pâuz lok têx xiv huv muôx muôz puz.... Hok lol sâuv grê muôs li chas lok sik tsơưr lươngv hax huv mak ntơư zos têx lênhx uô hâux lưv seiz car ciêz đrôngs sôr 2 huyện hux jos chiê qênhz yuôx, taz por.

Zơưv Trần Chí Cương, Đội tsar Đội seiz car ciêz đrôngs sôr 2 huyện Tuần Giáo heik pâuz: Đhâu qênhz yuôx shuôs têx ntâuz ntơưr, mak Công ty KYOTO muôx ntơưr côngk nhav đas cir uô lax luôv zos Sở tsưr ziv thiêz yưv pênhr TP Hà Nội muôz. Đros trâu co zos têx ntơưr lok sâuv muôz têx huv puz  sôr 126, xa trâu Sở Công thương tỉnh Điện Biên, hâur ntơư heik mênhx thax tsav qơư tsưr tsix muôs têx huv txo grêk gri thiêz muôz huv puz zos sâuv tas nro tỉnh. “Tsênhz tiês pêz cơ quan seiz car ciêz đrôngs tsuôk qênhz yuôx, zos tiêk uô zuôv kror tưs mak xưv bluô. Hok lol sâuv têx cêr nziêk đas li uz li no muôx thiêz tsi muôx, pêz cux sêiz car tsi tas, tsi cxuô”.

Txơưv li ntơư, taz sik khav tinhv lok têx li heik no, zơưv Vũ Hồng Sơn, Phưv Giám đốc Sở Công thương tỉnh Điện Biên heik, no zos tsưr ziv liv zôngv têx jông, cxơưz cxiz zuôr muôs chiê nhiês muôs têx hax huv tsi jông. Lơưr công ty tsuôk iz lênhs xa ntơưr heik pâuz co tuôx trâu Sở Công thương Điện Biên heik lol têx hâux lưv uô zuôr muôs hax huv hâur thax tsav xưz, Sở mak tsi muôx iz kro ntâuz ntơưr tưs lok sik xav jênhv tưs tso chei thôngx ziv trâu uô têx nuv li heik sâuv. No zos chor doanh nghiệp tsênhv liv zôngv uô lơưr Chính phủ Nghị định 81 cui tinhv lok zuôr muôs têx xiv huv txo grêk gri chiê nziêk đas luôs lưv tuk. Chênhr viv li taz viv tưz muôx têx ntơưr xa trâu Ban chox kriê 389 tỉnh Điện Biên, Chi cục seiz car ciêz đrôngs tỉnh thiêz têx huyện, thị xã, TP heik cov sir jos uô jông luôs hâux lưv qênhz yuôx shuôs, seiz kaz têx nuv uô li heik sâuv, lar heik zos têx taz viv doanh nghiệp cxoz txưv zôngv cxuô faz tsưr ziv nziêk đas tsôngv px li heik tas co. Tsi xav jênhv tso chei trâu têx doanh nghiệp tâu tsưr tsix cơưv heik, piêr kriê lok sâuv zuôr muôs têx hax huv uz no hâur thax tsav, thâuv tsi tâu muôx Sở ntâuz ntơưr xav jênhv, qênhz yuôx, tso chei. “Sở Công thương txix thâuv ntêx txos nhiv no, pêz tsi tâu xav jênhv trâu iz doanh nghiệp tưs uô têx nuv li heik sâuv  hâur thax tsav tỉnh hlo. Têx doanh nghiệp no liv zôngv uô lơưr Chính phủ Nghị định 81 cui tinhv lok zuôr muôs têx hax huv txo grêk tuk gri fênhx zis chiê muôs hâur thax tsav tỉnh, lar heik zos ntơưv têx thax tsav tox siêz đêz đrôngs. Pêz cux tưz muôx ntơưr xa trâu hur tiz si 130 xã, phường, thị trấn heik cov tsi cxoz xav jênhv trâu iz doanh nghiệp tưs uô têx nuv li heik co tsi trơưk chei hâur thax tsav tỉnh”./.

(Vũ Lợi-Riê Lâux cxeik, nhênhv)

Uô li chak phax tar tsik chiê chor nhuôs zâu trâus pôngz đêx ?

Uô li chak phax tar tsik chiê chor nhuôs zâu trâus pôngz đêx?

Txiêz nanv trâus pôngz đêx tsênhv zos iz kror phiv liv trâu tas nro xar hôiv thiêz uô phiv liv ntâu txos chor nhuôs zâu li cêr uô nênhx thiêz hloz lox. Hâux lưv no cux tưz tâu têx cơ quan, ban nganhx cux xưk li têx tsưr tsix xar hôiv tsov cưv txos.

Tsuv muôx têx sik côngv truôx đuô nhoz chor nganhx txơưx jênhv, chor tsưr tsix, đoanx thêv, chuôz zis thiêz tsêr cơưv ntơưr cxiv uô iz tênhv qơư ngaz tuk trâu chor nhuôs zâu; yax kriê, zoz zux, gra siêz jênhv pâuz trau cxuô lênhx nênhs hâur xar hôiv, tiv zix zos chor uô niêv txir hâur phax tar trâus pôngz đêx nhoz chor nhuôs zâu.

Txar đêz têx qơư muôx đêx phiv liv li: Tsik siz zâuv muk đa đêx ntơưv têx pak đêx, pak njêl, cưx đêx, cưx ha…thâuv tsik pâuz uô luôv đêx. Tsik muk lok, uô si jê ntơưv têx qơư li: ntus pak đêx, pak njêl, cưx đêx, cưx ha lok sik têx kror đêx…tsik muôx hâu vor. Têx luz kror tâur đêx toz zuôr phiv liv trâu chor nhuôs zâu li kror khơưz ar uô vuôk, suôz jêz, kror chiê zuôr đêx zôngv zưs trâu tsoz chos…mak tsuv tâu txar đêz.

Nhuôs zâu đêx hiêr, têx cưx đêx, cưx ha mak tsuv hnar yo muk hâur đêx thiêz tsuv muôx txir, nenhs lâul sêiz shuôk.

Đros chor nhuôs zâu mak tsuv muôx chor nênhs lâul sêiz shuôk, jor trơưr, uô nja vax thêir, cxuz cov tas hur si têx kror tâur đêx tsik zôngv txos, uô hâu vor khor kho trâu têx kror đêx hâur chuôz zis.

Thâuv chiê mê nhuôs muk uô si jê ntơưv têx qơư muôx pak đêx, pak njêl, cưx đêx, cưx ha; đa đêx ntơưv têx pak đa đêx, đêx hiêr, niêv txir tsuv sêiz shuôk jông têx mê nhuôs. Iz cxiê nhuôs zâu nhoz têx jêx jok, tox siêz mak tsik so nhiês muk uô si tsik hêik niêv txir pâuz chiê đa đêx ntơưv têx cưx ha, cưx đêx uô muôx yưv trâus pôngz đêx tiv tsik pâuz uô luôv đêx lok sik uô luôv txos têx qơư đêx toz hênhr thiêz đêx ntưk chênhr trâus đêx cuôr muk.

Viv li đrâuv sêiz shuôk jông têx mê nhuôs mak niêv txir tsuv kriê trâu chor mê nhuôs pâuz uô luôv đêx thiêz cêir chêx têx phiv liv zuôr njiz trâus thâuv đa đêx, hêik trâu têx mê nhuôs pâuz tsênhz txos têx phiv liv zôngx ziv muôx yưv thâuv xar đa đêx ntơưv têx cưx đêx, cưx ha, pak đêx mak tsik muôx chor nênhs lâul đros muk thiêz sêiz shuôk.

Đuô li hâur tsêr cơưv ntơưr cux tsuv kriê nzir tsưr ziv uô luôv đêx trâu chor nhuôs xưk li zos iz tsaz yênhx cơưv tsuv muôx hâur môn thể dục. Đros co cxuô lênhx nênhs hâur côngv thôngx tsuv nriêr pâuz txux chi, tsưr ziv chơưv paz huv đros chiê sir zôngv tâu thâuv muôx yưv nênhs trâus pôngz đêx./.

(Bích Thủy-Lik Thox cxêik nhênhv)