“Sóng thiêz mêir tinhr trâu chor nhuôs”: Paz trâu chor shux xênhz pluôs nhoz faz Bắc

Zos cưk kriê ntơưr ntâu shông ntơưv thax tsav tox siêz, cưk kriê ntơưr Nguyễn Bá Dũng, tsêr cơưv Phôv thôngz Mênhx cxưx niêv txir zus mor Cxênhx iz xar Lang Thíp, huyện Văn Yên, tỉnh Yên Bái pâuz tâu tsênhz đuô sơưr đơưk lok zuk chor shux xênhz li têx cêr txov hâur cơưv ntơưr.

Nhoz ntơưv thax tsav buôs ti đros tỉnh Lào Cai, tox trôngz siêz phiv liv, xar muôx iz đraz chor shux xênhz hâur tsêr cơưv ntơưr zos têx nhuôs mênhx cxưx tsơưs nênhs muôx luz nênhx txov nhêv… No zos têx thax tsav qơư nhoz kik hâur vuôk har, sóng điện thoại di động mak têx qơưk muôx, têx qơư tsik muôx, tsuôk zos shux xênhz niêv txir muk zok sóng lok sik tuôx trâu têx qơư muôx sóng chiê hu tênhv trâu cưk kriê ntơưr xưz; hok cưk kriê ntơưr xar hu trâu shux xênhz niêv txir mak hu tsik tâu hlo; co tưz tsik tâu hêik txos mạng Internet chiê cơưv ntơưr trực tuyến. Cưk kriê Dũng hêik: “Co zos tsuôk hêik txos sóng xưz tưz tsik tâu hêik txos têx chuôz zênhx hlo. Têx qơư vuôk har kik mak nhoz kror tưs cux li xưz. Shông uô ntêx cêv kuôk mak cưk kriê ntơưr tsênhv tsuv muôz têx jax cơưv cxiv sâu hâur ntơưr chiê muôz trâu chor shux xênhz cơưv, taz sik cux cơưv tsik tâu truôx jông. Hnor thav txos tsaz yênhx mak lênhx tưs cux jông siêz, shux xênhz niêv txir, cưk kriê ntơưr puôr lênhx shir phaz hur si”.

Hok ntơưv huyện ntus đriv Nậm Pồ-zos tỉnh Điện Biên li thax tsav qơư nhiv kruôr tâu phêiz, qir piz kik, nhiv no tsênhv yuôr xar muôx 20% jêx jok tsik tâu muôx 3G, 4G thiêz 60% tsik tâu muôx internet. Đuô li, tas nro huyện muôx txos 20.000 tâu lênhx shux xênhz nhoz tox siêz, thax tsav đêz đrôngs, chiê muôx tâu iz chuôz zênhx cơưv trực tuyến mak tsênhv zos kror lax muôx tâu. Lơưr zơưv Nguyễn Ngọc Sơn, Phưv Bí thư Thường trực Huyện ủy Nậm Pồ, tsưr ziv paz muôx txâuk sóng, txâuk mêir tính trâu shux xênhz thax tsav txov nhêv tâu kriz uô mak zuôr paz muôx cêr shir phaz tưz tsik zos trâu nganhx zoz zux xưz mak tas nro xar hôiv thiêz. “Nậm Pồ zos huyện tox siêz txov nhêv tiv zix đros muôx 6/15 xar nhoz thax tsav ntus đriv. Tsaz yênhx “Sóng thiêz mêir tính trâu têx nhuôs” tâu kriz uô zuôr zos kror paz trâu chor shux xênhz buôs ti tâu đros tsưr ziv cơưv ntơưr yiêz, thiêz muôx tâu têx chuôz zênhx cơưv ntơưr xav hâur chuôz zis xưz mak zênhx zuôr tsik muôx chiê zôngv hlo”.

Ciês đhâu Thủ tướng chinhr phuv tso tơưv kriz uô Tsaz yênhx, tưz muôx lok six ntâu thax tsav qơư, tsưr tsix, taz viv, tiz nênhs uô trơưk chiê paz trâu têz qơưk li cxênhx nênhs ntu tov ntêx no.

Ntơưv Sơn La, tỉnh tox siêz muôx 90.000 ntâu lênhx shux xênhz tsik muôx sóng, tsik muôx têx chuôz zênhx txơưx njê, hâur co muôx chôngz lênhx nhoz ntơưv têx qơư muôx caz moz Phù Yên tsuv cơưv ntơưr trực tuyến taz sik ho tsik muôx txâuk têx chuôz zênhx chiê cơưv. Lơưr zơưv Nguyễn Văn Chiến, Phưv Giám đốc Sở Zoz zux tỉnh Sơn La, đhâu ciês Thủ tướng muôx luk hêik tso tơưv kriz uô, Sở tưz sik côngv đros nganhx thôngz mông thiêz yax mông hêik trâu UBND tỉnh tsưr tsix jiês kriz uô hêik sik côngv muôz paz ntơưv cxuô thax tsav qơư cov nzor tiv zix. “Sở Zoz zux zuôr kriz uô ban txêik jênhv têx paz, txix co cxiv tsa tsưr ziv đros cxuô thax tsav qơư muôx tsưr ziv txêik jênhv, cux xưk li muôz phêiz têx mêir tính txos trâu cxuô kror qơư cov tsênhz mênhx, siz bâus thiêz huv lênhx nênhs, chiê paz trâu tsaz yênhx tâu kriz uô cov truôx jông tiv zix”.

Hok ntơưv Lai Châu-thax tsav qơư phiv liv tiv zix nhoz Tây Bắc, lơưr Sở thôngz mông thiêz yax mông li nriêr pâuz, tas nro tỉnh cux tsênhv yuôr muôx 200 kror qơư nhoz kik tsik muôx sóng thiêz 900 jêx jok tsik tâu muôx internet mak oz kror mạng zos Viettel thiêz VNPT cux tsênhv tsik tâu muôx sóng muk txos. Zơưv Trần Văn Sáu, Phưv Giám đốc Sở no puz pâuz: “Sở tưz hêik chor mạng muôx tsưr ziv gra siêz tsơưr lươngv dịch vụ. Thôngx cxix, hêik trâu UBND tỉnh pâuz chox kriê chor doanh nghiệp viễn thông muôx tsưr ziv uô tsênhv tsênhz, txoz cxơưx yưv pênhr uô trâu têx qơư tsov nhêv tiv zix, ntus đriv, qơư tsik tâu muôx sóng, sóng tsik muôx jos, kriz đar thax tsav sóng 3G, 4G thiêz mạng internet chiê paz trâu hâux lưv kriê thiêz cơưv ntơưr trực tuyến, paz trâu chính quyền zôngx ziv đuô hâur chox kriê, sêiz car”.

Lơưr cưk kriê ntơưr Hoàng Thị Hồng Hạnh, Phưv Hiệu trưởng Tsêr cơưv Phôv thôngz Mênhx cxưx niêv txir zus mor cxênhx iz xar Nàn Sán, huyện Si Ma Cai, tỉnh Lào Cai, zênhx zos iz lênhx cưk kriê ntơưr muôx ntâu shông kriê ntơưr ntơưv tox siêz, cưk kriê ntơưr njiê pov tâu tiêk tsik tâu muôx jiês tưs zoz zux tâu tsưx phưv txos thiêz yưv pênhr paz ntâu li nhiv no. Têx Tsaz yênhx, dự án tsưx phưv txos thax tsav txov nhêv, tiv zix zos hâur ntu 4.0 tưz paz uô grêiv đuô lok sik cêv kuôk nhoz cxuô thax tsav, “xav mak thax tsav tox siêz cux zôngx ziv đuô lơưv”. “Tsênhz mak nganhx Zoz zux cux tưz muôx lok six ntâu ntâuz ntơưr, đros trâu têx tsưr ziv, taz sik sơưr đơưk tsik tsuv uô ntov trơưk mak tsuv khov trâu tsênhv tsênhz têx lớp cơưv zuk kriê mak uô chak cux zuôr uô tâu. Kror zov chênhr tiv zix cux zos chor cưk kriê txơưx hlôngr yiêz, cơưv shâuv, zos chor cưk kriê tsik cơưv shâuv, tsik hlôngr yiêz mak txơưv muôx tsưr ziv jông luôx tưs cux zuôr uô tsik tâu”.

Tsaz yênhx “Sóng thiêz mêir tính trâu chor nhuôs” li tsưr ziv zos tas shông 2021, sóng internet zuôr muôx thôngz tas nro têz qơưk, 1 triệu shux xênhz muôx luz nênhx txov nhêv zuôr tâu muôz paz mêir tính bảng. Hla trâu ntu 2 txix shông 2022-2023, sir jos cov tsik yuôr lênhx shux xênhz tưs tsik muôx txâuk chuôz zênhx chiê cơưv ntơưr trực tuyến./.

(TTTB-Lik Thox cxêik nhênhv)

Lênhx tuz hluôk hêir nênhs Cho: Cxôngx tu zus nhux đas yênhx iz lênhx giám đốc

          Xênhz zus thiêz hloz lox ntơưv xã Đồn Đạc, xã pluôs tiv zix huyện tox siêz Ba Chẽ (tỉnh Quảng Ninh), cux li cxuô lênhx tsôngv box mênhx cxưx Cho hâur xã, tix lâuk Triệu Quay Phúc huôv tsar cêr uô nênhx nhoz thax tsav tox trôngz ar nxaz.

          Jos Tàu Tiên, qơư chuôz zis Triệu Quay Phúc nhoz uô nênhx muôx zuôr xar 120 ziv chuôz zis, phênhv ntâu zos nênhs Cho Thanh Phán. Têx shông tov ntêx, tsôngv box mênhx cxưx hêir nênhs Cho nhoz Tàu Tiên tsuôk txơưx chos ntông keo, tu zus nhux đas thiêz tsêz chos blêx têz, viv li phênhv sâu lok kinh têr tâu tsơưs.

          Nriêr pâuz, cơưv shâuv đhâu ntâuz ntơưr thiêz Internet, shông 2020, tix lâuk Phúc cuiz tênhv yênhx lix HTX kôngz jôngr nuv thiêz jix vuv Ba Chẽ, cungz thiêz tsoz phưz zuz tsoz chos, hâur co phênhv ntâu zos ciêv fix. Tix lâuk Phúc pheiz kênh, hâux lưv hlôngr cxôngx chos ntông keo chiê chos ciêv fix cê paz por vêv tâu jôngr ntông cê sâu tâu lok kinh têr siêz, truôx vênhs: “Tsoz ciêv fix chox lok tsiv grê kinh têr lok six siêz. Cxôngx shông 2015, cur hlôngr chos ciêv fix, txos nhiv no cur jênhv pov tsoz ciêv fix muôx ntâu liv đuô, tsiv grê kinh têr siêz đuô pir đros ntông keo. Ciêv fix chos lơưr tsưr ziv 10 shông zuôr tso lok phênhv sâu tâu siêz đuô lok six ntâu, sâu tas zuôr tror chos đuô jiês yiêz thiêz zuôr yênhx tsoz chos ntêr shông”.

          Iz shông, HTX kôngz jôngr nuv thiêz jix vuv Ba Chẽ cungz thiêz paz txưv nênhs chos, tsoz phưz 2 cxênhz 500 ntâu tsoz ciêv fix tsơưr lươngv siêz. Nhiv no, HTX muôx 11 lênhx nênhs sik côngv txuôk đros 90 ziv chuôz zis tsôngv box hâur xã Đồn Đạc đros zuôr xar 180 hecta jôngr hlôngr cxôngx ntông keo chiê chos ciêv fix.

          Tix lâuk Triệu Kim Phượng, iz lênhx uô hâux lưv hâur HTX kôngz jôngr nuv thiêz jix vuv Ba Chẽ puz pâuz: Iz hecta ciêv fix chos tâu 10 shông tso lok phênhv sâu muôx nhos 350 tsov đeiv iz shông thiêz njuôs xav tsênhv zuôr tror chuôz ndê: “Thâuv ntêx tsi tâu muôx HTX, hâux lưv chos ciêv fix tsi tâu chêx chôngk, pêz cuiz tênhv yênhx lix HTX đros tix lâuk Triệu Quay Phúc chiê sik côngv đros têx chuôz zis chêx chôngk uô. Mênhv chêx ar jôngr muôx tsi ntâu, viv li pêz chos ciêv fix shơư đros iz cxiê tsoz chos lur hnuz li Cá Sâm, yuôx njuôz, ntông nox txir”.

          Cxôngx hâur shôngk shông 2021 txos nhiv no, khov muôx ntâu ciêv fix, Triệu Quay Phúc li HTX sâu zuôr tâu 250 ntâu tênhr tơưr ntông ciêv fix chiê muôs trâu têx qơư nhox tơưr ntông ciêv fix, paz muôx phênhv sâu ngaz tul trâu 12 lênhx nênhs đros phênhv nhiêx shar zos 8 tsov đeiv iz luz hlik. Đros ntơư, tix lâuk Phúc tsênhv muôx tsưr ziv sik côngv đros iz cxiê lênhx nhoz têx tỉnh Bắc Giang, Yên Bái chiê yênhx lix qơư tsiv uô, sâu zuôr xiv huv cxôngx tsoz ciêv fix. Zơưv Vi Thanh Vinh, Tsar phongx kôngz nuv thiêz huôv tsar nôngx cxênhz huyện Ba Chẽ ntâus grê:“No zos iz hâux lưv jông chiê huôv tsar cxaz mênhv chêx chos ciêv fix nhoz xã Đồn Đạc cux xưk li têx xã buôk co hâur ntu zuôr txos. Chênhr zos li hêik ntơư, hâur ntu zuôr txos no, pêz tsênhv zuôr sir jos chiê paz txưv tix lâuk Triệu Quay Phúc li HTX krêz đar tsiv uô cux xưk li têx zav meir chiê tsiv uô xiv huv cxôngx ciêv fix, gôngr phênhv chuôz tsar tsiv grê thiêz ngaz tul phênhv sâu trâu pox nhuôs nôngx mênhx”.

          Đros 300 hecta ntâu ar chos ntông keo tưz tâu hlôngr chos ciêv fix, tix lâuk Triệu Quay Phúc li HTX kôngz jôngr nuv thiêz jix vuv Ba Chẽ zos qơư tsênhv uô hâux lưv hlôngr yiêz tsoz chos nhoz tiv phaz, tsôngv box muôx phênhv sâu tâu siêz thiêz muôx luz nênhx tsâu sor./.

(VOVĐB-Txâur Vax cxeik nhênhv)