Chiềng Ban-Sik côngv tês cxiv tsa jêx jok yiêz

“Tâu chor uô hâux lưv hâur đảng ủy xã, chi bộ tuôx yax kriê vênhv tôngv, tsôngv box lok six shir phaz, jông siêz uô trơưk. Txix ntơư xav tinhv tsưr ziv hlôngr yiêz huôv tsar uô nox”.

“Têx chuôz zis đảng viên uô tâu, tsi muôx đaz tsi zuk zuôr uô tsi tâu. Zuk chuôz zis cux muôx ar liêx têz, muôx lox tôngv. Xar li ntơư, zuk cux uô trơưk lơưr têx tsưr ziv uô nox thiêz uô tâu trơưk têl”.

Đảng viên uô ntêx-Tsôngv px, jêx jok uô trơưk, sik thôngx siêz siz chos hlôngr tsưr ziv uô kôngz, tu zus tsiêx cxu, Chiềng Ban nhiv no tưz tâu seiz zos iz hâur têx xã zov chênhr huôv tsar kinh tế, cà phê hâur huyện Mai Sơn, tỉnh Sơn La, đros thiêz 1.200 ha liêx têz, niêx shông sâu tâu 3.500 tênhr cà phê tưz jiêz kruôr, têr tơưr. Liêx têz nziv chos, tsôngv box tu tâu trơưk li tsưr ziv heik kriê, viv li têx cà phê, yuôx zêx Arabica nhoz Chiềng Ban muôx tâu tsơưr lươngv jông, tsư kaz, tâu lênhx nênhs sir zôngv thiêz ciêz đrôngs nhiêv zuôr txos ntâu. Shông 2017, hâux lưv heik pâuz lok tơư kriê cêr trâu têx cà phê Sơn La ntơưv xã Chiềng Ban ziv paz cxơưz gra siêz têx cà phê nhoz no li qơư sơưr. Đros thiêz grê sâu zuôr cà phê xav kror đruôz txix 5 cxênhz txos 7 cxênhz iz cir cà phê nhôngk, 26 cxênhz txos 30 cxênhz đeiv iz cir cà phê têr tơưr, jiêz kruôr, tsôngv box muôx phênhv sâu tâu truôx. Xưk li zơưv Cà Văn È, nhoz jok Huổi Khoang chos iz ha têz cà phê, đros trâu tu zus tsiêx cxu, uô blêx liêx, khơưz pak đêx tso njêl zus, iz shông zơưv chuôz zis sâu tâu yênhx puô tsov đeiv, yưx hur si têx nhiêx uz no tas. Zơưv Cà Văn È heik pâuz: Seiz pov têx đôngx chir đảng viên hâur jok hlôngr yiêz tsưr ziv uô nox uô tâu trơưk têl, viv li zơưv thiêz tsôngv box cux uô trơưk:

“Pov têx chuôz zis đảng viên hlôngr yiêz tsưr ziv huôv tsar uô nox uô hnar. Tsôngv box sđ hâur jok cux seiz njiê, sik đros cơưv shâuv, uô lơưr”.

Uô trơưk têx lênhx đảng viên cêr huôv tsar uô nox, têx shông jê lok no, ntâu chuôz zis nhoz Chiềng Ban cux sir jos huôv tsar trâur nuv chos ntông nox txir, chos jâuz hur..., muôx phênhv sâu tâu yênhx puô tsov đeiv iz shôngk. Tas nro xã Chiềng Ban nhiv no tưz muôx 300 ntâu ha têz chos jâuz tâuv thiêz têx ntông nox txir cxuô zav, phênhv ntâu zos têx liêx têz chos siz shơưk chiê zuôr lur zus ntêr li: Txir thênhx caz, txir lưk pax, txir lưv tsiz, mo môngk, txir khơưz, tuôz ziz...., chêx tsongk phênhv ntâu nhoz têx jok Hợp 2, Hợp 3, Củ 2, Hoa Mai, Phiêng Quài..... Niêv lâuk Đỗ Thị Hạnh, nhoz jok Hoa Mai zos iz chuôz zis uô tâu li heik ntơư. Trơưk têx đôngx chir Bí thư, phưv bí thư chi bộ jok tsưr ziv uô nox, iz chas uô iz ha têz cà phê, niêv lâuk muôz 5 cxênhz xưv phaz ar têz chos têx ntông uz no, uô kôngz tsi jông ntơư hlôngr chos tâuz phaz cir, chos lưk, jâuz....đros trâu tu zus keiz tso lak yar. Uô li heik ntơư, shông tâu tsơưs, niêv lâuk chuôz zis cux sâu tâu 200-300 tsov đeiv, shông ntâu mak txix 400-500 tsov đeiv:

“Pêz pov têx hloz, chor đảng viên uô tâu trơưk tsưr ziv. Pêz zos tsôngv px cux uô lơưr thiêz cux uô tâu trơưk tsưr ziv”.

Tas nro xã Chiềng Ban muôx zuôr xar 1.700 chuôz zis, 2 heir nênhs sik đros uô nênhx nhoz uô cê zos Poz Ziz thiêz Choz Tsiz. Đhâu ntâu shông uô lơưr Đảng ủy xã Nghị quyết zos “Đảng viên uô ntêx, jêx jok, px uô trơưk”, txix iz xã muôx ntâu chuôz zis pluôs hâur têx shông uô ntêx, txos nhiv no xã tưz uô tâu trơưk tsưr ziv, xav kruôr đruôz đraz iz lênhx nênhs tâu xar muôx 30 tsov đeiv iz shông , chuôz zis pluôs hâur tas nro xã nhiv no tsuôk yuôr 5% ntâu. Kaz shông 2015, xã Chiềng Ban zos xã tiv 3 hâur tỉnh Sơn La uô tâu luôs hâux lưv cxiv tsa jêx jok yiêz. Shông 2017, tsôngv px thiêz canr bôv xã hmôngr jông tâu Chủ tịch têz  qơưk muôz ntơưr kruôs uô tâu hâux lưv jông hov 3.

Trơưk li zơưv Hoàng Văn Xương, Phưv Chủ tịch Ủy ban xã Chiềng Ban: Đảng ủy xã têx tsênhv chei lok hlôngr yiêz tsưr ziv uô kôngz, tu zus tsiêx cxu, krêz đar tsưr ziv huôv tsar uô cxuô zav nuv......puôr lênhx tâu heik txos hâur têx jiês cơưv chi bộ thiêz jêx jok chiê tsôngv box sik đros cxaz chuôz, tso tơưv têx tsưr ziv uô. Txix ntơư, tsôngv box ziv pâuz tsênhz thiêz sir jos sik đros thôngx siêz uô trơưk. Xã tsênhv tror vênhv tôngv tsôngv px hlôngr yiêz tsoz chos, tsiêx tu zus cov fiv đros, sir jos txos shông 2020 uô cov tâu  tiêr jông luôs hâux lưv cxiv tsa jêx jok yiêz:

“ Iz chas têx tsoz chos chênhr hâur xã Chiềng Ban zos cà phê mak xã tsênhv hlôngr tsưr ziv chos têx ntông nox txir li: Txir thênhx caz, txir lưk pax thiêz cxuô zav ntông nox txir txơưr đuô. Thiêz tsưr ziv xar zos hlôngr hur si têx tsoz chos sâuv ar têz nxaz, tsi hloz jông ntơư  chos têx ntông muôx grik kinh tế siêz đuô”.

Têx tsưr ziv, cêr huôv tsar uô nox nhoz Chiềng Ban tsiv nhos zos iz kro jông chiê trâu têx xã tox siêz muôx jông qơư  xưk li xã Chiềng Ban cơưv shâuv, uô trơưk./.

(Bích Thủy-Thào Ly-Riê Lâux cxeik, nhênhv)

“Chuôz ndê phênhv paz trâu nênhs muôx côngz” thiêz “Kho đuô phênhv paz trâu cán bộ xar tưz so hâux lưv”

Tsênhv tsênhz li đrav kaz:

* Hnuz 12/07/2018, chính phủ tưz tso tơưv Nghị định 99/2018/NĐ-CP cui tênhv phênhv paz trâu nênhs muôx côngz trâu têz qơưk.

Lơưr co, txix hnuz 01/07/2018, phênhv ploz tsênhr chiê xav jênhv têx phênhv paz trâu nênhs muôx côngz trâu têz qơưk zos 1.515.000 đêiv; hlôngr trâu phênhv zos 1.417.000 đêiv li thâuv ntêx.

Li co, phênhv paz trâu nênhs cxênhz jê oz lênhx liệt sĩ zos 1.515.000 đêiv; zênhz shôngx lưx lươngv vũ trang, zênhz shôngx lox tôngv hâur ntu ntâuk tros châuz zos 1.270.000 đêiv; bệnh binh tâu tâu sơưv phênhv paz txix 1.581.000-3.859.000 đêiv, khov trâu kror pôngz đas jos lox tôngv; chor bệnh binh trâus txo grêk đas jos txix 81% tror sâur tsênhv tâu sơưv nzir phênhv paz txix 760.000 đêiv-1.515.000 đêiv iz hli.

Nghị định no tâu uô trơưk txix hnuz 27/08/2018.

* Lok kho đuô phênhv paz trâu cán bộ xã tưz so hâux lưv.

Lơưr Thông tư 08/2018/TT-BNV, Bôv nội vụ, txix 01/07/2018, kho đuô phênhv paz yênhx hli đros cán bộ xar tưz lâul so hâux lưv.

Tsênhv tsênhz, phênhv nhiêx paz yênhx hli txix 01/07/2018 trâu chor nênhs hêik sâur bâuv phênhv paz tâu sơưv ntơưv six hơưv hli 6/2018 nhân 1,0692.

Li co, phênhv paz yênhx hli trâu cán bộ zos kuz Bí thư Đảng ủy, Chủ tịch UBND xã zos 1.974.000 đêiv iz hli; đros thiêz phưv bí thư, phưv chủ tịch, Thường trực Đảng ủy, Ủy viên thư ký UBND, Thư ký HĐND xar, Xã đội trưởng, Trưởng công an xã: 1.910.000 đêiv iz hli.

Têx nênhs uô têx hâux lưv txơưr tâu paz nhiêx txiêx zos 1.768.000 đêiv iz hli.

Thông tu no tâu tso tơưv hnuz 28/6/2018, tâu uô trơưk txix hnuz 15/08/2018./.

                                                     (Thu Thùy-Lik Thox cxêik nhênhv)