Jax thưr 3, hnuz 24/11/2015

Tsưr ziv uô muôx cêr thôngx siêz nhoz Mào Sao Chải

Txox cêr mê, grêiv muk trâu tsêr vênhx huôv jok Mào Sao Chải, xã Sín Chéng, huyện Si Ma Cai txơưv bluô, taz sik cux muôx chôngz lênhx muk lok đhâu. Cxuô lênhx nênhs lâuk hluôk, hloz zâu, txix nênhx pox niêv, têx mê nhuôv mê tâu niêv êv đrâuv đrâuz kâuv. Muôx iz kro zos lênhx tưs cux hnar têx chêr tsôngk trik yo yiêz thiêz jông, sik thav  pêv luôs chuôs tsi siz zâuv tuôx muk yênhx paz lov jêv ntưk uô trâu thax tsav tox siêz hâur cheix ntux no, pok huôz nti chuôs li sor so tuôx. Lơưr tuôx no, chiê sik đros côngv uô ntênhs Hnuz hội niêv côngv siêz tas nro sơưr đơưk. Hâur cêr shir phaz lov jêv  hnuz hội, đhâu thâuv mnôngs heik tas têx luôs hâux lưv đhâu iz shông sir jos uô, 99 hâur 115 ziv chuôz zis hâur tas nro jok tâu chuôz zis vênhx huôv, jok Mào Sao Chải cux hmôngr jông tâu muôz luz jông côngz jok vênhx huôv. Zơưv Phưv Xênhv Zax, tsar jok Mào Sao Chải, xã Sín Chéng heik: pêz jok nhiv no tsênhv yuôr ntâu txov nhêv, tsôngv box phênhv ntâu cux uô nênhx khov trâu têx blêx, poz cưk; lok sâuv txux chi cux yuôr trâus ntâu. 12 shông zơưv uô tsar jok thiêz cux tưz bâuv ntơư shông tsuv hla đhâu cxuô cêr phiv liv, yax kriê vênhv tôngv, muk iz ziv chuôz zis tsôngv box jux juk kriê chiê lơưr pâuz tsênhz, to tâuz, jông siêz, thôngx ziv uô trơưk. Lơưr zơưv Shôngx Lù Páo, Bí thư xã Sín Chéng, huyện Si Ma Cai, jok Mào Sao Chải zos luz jok uô ntêx nyuôs hâur tas nro xã hâur fuô kriê têz qơưs têx chei, cui tinhv lok tsi siz zuôr nzor, tso tsês jux juk têx cêr uô nênhx pôngz kaz, tsi xênhz tuz ci chôngz, taz por vêv xênhz tênhx  qơư nox nhoz hur si, đu lus; phax tir thêir têx nênhs fêv…. Viv muôx tsưr ziv choz kriê jông, viv li tsôngv box shir phaz, jông siêz uô trơưk, siz paz siz hluz, sir jos tuôr chiê têx txux chi cêr nênhx jông, uô lơưr têx phôngz yaox reik đros cxuz cêr yeiz pluôs, cxiv tsa jêx jok yiêz. Tsôngv box tsi shênhx pluôs lok sik bluô nux, lênhx tưs muôx đaz tsi paz đaz tsi, paz hnuz côngz, đas jos lok tưz tâu, sik thôngx siêz siz paz hla đhâu cxuô phiv liv, shông no đhâu shông tov, jux juk uô trâu jêx jok hlôngr yiêz. Hâur Sín Chéng li 9 jok, Mào Sao Chải thâuv tưs tưz zos jok uô ntêx nyuôs hâur cxuô phôngz yaox. Muôx têx seiz pov tâu, tsưr ziv cxiv tsa cêr thôngx siêz tas nro tsôngv box sơưr đơưk nhoz jok vênhx huôv Mào Sao Chải, xã Sín Chéng, huyện Si Ma Cai, uô ntêx zos chiê trâu tsôngv box njênhs, tsôngv box pâuz thôngz li txos trâu hâux lưv vênhv tôngv tsôngv box sik đros uô. Tsưr ziv uô co lok six jông chiê nthuôr uô đêz đar trâu sơưr đơưk cơưv shâuv, uô trơưk./.

( An Kiên-Riê Lâux cxeik, nhênhv)

Phênhv thưr 3 hnuz 24/11/2015

PHAX TAR NTUX LOK TÊ

Tê zos tiv chor pa đêx khor uô yênhx têx luz lơưs zâu jông xưk li têx luz njêr sâuv ar lok sik lo ntơưv têx đrox tsuôs thâuv nhoz thax qơư co nông thiêz txiêk. Têx lơưs ntơư tsik so muôx yưv trâu têx hmo ntux no, tsik muôx chuô, tsik muôx huôz. Chor tê co tsik kaz njêr mak tsuôk đơưz li chor njêr xưz.

Nhoz pêz têz qơưk thâuv txox ntux no, njiv, thax tsav tox siêz Bắc bộ khênhr muôx ntux no njiv viv li zôngx ziv lok tê. Tê tsik so muôx yưv trâu thâuv jêx tưv kik đuô 4 tưv thiêz cxuô qơư nông jơưk mak thiêx muôx tê. Chor thax tsav tiêx đras mak tsik zos lok tê, taz sik cux uô phiv liv trâu iz cxiê tsoz chos zos ntux no truz ntêr hnuz.

Txos chêix ntux lax, hmo ntux cax đris, tsik muôx chuô, taz sik thâuv sơưr nzor ho pov muôx lưs sâuv têx blôngx đrox. Co cux zos tiv têx pa đêx hâur ar za tuôx njiz chuô txiêk sâuv bông ar uô muôx yưv.

Zos jêx tưv grêk kik muôx 0 tưv lok sik kik đuô, chor pa đêx co zuôr khor uô yênhx tê. Lok tê mak cux lok six phiv liv viv zuôr uô hiêv txos têx kôngz lôngk. Nhoz pêz têz qơưk tê tsik so muôx trâu thâuv chêix ntux no txix hli 12 txos hli 2. Qơư khênhr lok tê ntâu zos têx thax tsav tox siêz Bắc Bộ, iz cxiê qơư nhoz tỉnh Vĩnh Phú, Hà Bắc, Hòa Bình. Muôx têx, thax tsav tox siêz Thanh Hóa thiêz Tây Nghệ An ( Nghệ Tĩnh) cux muôx  kênh shông lok tê ( xưk li hli 12/1975). Chor tỉnh Trung Trung bộ lok tror faz Nam bộ mak tsik muôx tê./.

(Thanh Thủy-Lik Thox cxêik nhênhv)