Jax sâu thưr 5 hnuz 24/11/2016

Lai Châu: Hluôk nênhs pênhz phax sik côngv têk cxiv tsa jêx jok yiêz

        Txos trâu hnuz so kaz ciêz, jok vênhx huôv Hồ Thầu, xã Pa Tần, huyện Phong Thổ tror lov jêv ntưk, cxuô luz jêx jos tưz muôx chôngz lênhx tuz lênhv pênhz phax sik thav uô shir phaz lul. Kuôk tsênhv qơư xã 3 cêik ntâu cêr thiêz zos jok vênhx huôv, taz sik hâur ntu đrav ntêx, têx cêr muk lok ntơư tsênhv zâu grêiv, tsik hur vêv xênhz tiv tsôngv box Hà Nhì li cor cav tso lav tsiêx cxu tsik cơưv. Đhâu paz pox nhuôs kriz đar cêr, kho đuô vax tsêr, yênhx châuv lênhx tuz lênhv pênhz phax ho muôx njêx muôs ntơưv jêx jok paz pox nhuôs uô vêv xênhz. Lù A Giàng, tuz lênhv zênhx pênhz phax Huổi Luông hêk:

         “Hnuz kaz ciêz mak pêz lok jêx jok chiê paz pêx xênhv sâu poz cưk, sâu blêx chiê uô kinh tế. Hâux lưv phiv liv taz sik pêz lok six shir phaz, sir jos paz trâu pox nhuôs thiêz kriê chor mê nhuôs cơưv ntơưr”.

          Txix tsênhv tsênhz chor jêx jok ntus đriv tsik so nhoz đêz tsênhv qơư, cêr muk lok phiv liv thiêz pêx xênhv luz nênhx tsênhv yuôr ntâu txov nhêv, viv li đônx pênhz phax Huổi Luông tưz choz jênhv vưv trâu đoanx hluôk nênhs Đônx uô ntêx hlo hâur paz trâu pêx xênhv. Lơưr co, iz jêx jok muôx txix 1 txos 2 lênhx hluôk nênhs phưx txơưx. Đrâuv nriêr pâuz qênhx shênhx thax tsav, chor chiến sĩ pênhz phax tsênhv tsưr tsix uô vênhx nghệ; sik thav đros chor hội, đoanx thể tiv phaz lok tsênhv njiêz hluôk nênhs uô nox uô hâuk, đros ntâu huôx tôngv tsênhv tsênhz txơưr đuô.

          Tix lâus Chò Xênhv Zax, jok Hồ Thầu, xã Huổi Luông, huyện Phong Thổ shir phaz puz pâuz: Bộ đội nhoz no tsênhv tâu pox nhuôs hu uô cưk yuôx, zos kỹ sư kôngz nuv, lok sik kỹ sư cxiv tsa lok đaz tsi lơưr cux pâuz hur si, cux txơưx uô. Txix thâuv muôx lơưr lok pz, pox nhuôs shir phaz hênhr. Lơưr njuôk, kho moz, muôz yuôx tsik zuôr nhiêx txiêx trâu pox nhuôs. Txos chêi uô kôngz mak lơưr paz pox nhuôs chor blêx, chos poz cưk, tsoz phưz chiê muôx njiêr ntâu, poz lox. Chor hnuz tsik uô đaz tsi, lơưr lok paz pêx xênhv kho đuô vax tsêr, uô cêr, uô vêv xênhz jêx jok…Tix lâus Chò Xênhv Zax hêik:

 “Chor bộ đội lok jêx jok jiês tưs cux paz trâu pox nhuôs viv li pox nhuôs lok six shir phaz. Kror hâux lưv tưs lơưr cux uo txix uô vêv xênhz, luôx têz kruôz kriê pox nhuôs uô nox uô hâuk”.

         Cán bộ, chiến sĩ Đônx pênhz phax Huổi Luông paz trâu pox nhuôs txos nhiv no tưz zos yênhx hâux lưv uô tsik so yênhx hli, yênhx hnuz. Chiê nhiv no, sâuv cxiê qơư chor jêx jok ntus đriv puôr lênhx muôx chor côngz trinhx zos hluôk nênhs pênhz phax sik côngv đros uô. Xav txos nhiv no, tưz muôx zuôr xar 90 cêik cêr jêx jok nôngx cxênhz, 100 ntâu côngz trinhx tsêr vênhx huôv, qar cơưv tâu cxiv uô thiêz kho đuô…Tix lâus Nủ Xênhv Shôngx, phưv bí thư thường trực tỉnh đoàn Lai Châu puz pâuz:

          “Đoanx hluôk nênhs Bọ chỉ huy pênhz phax tỉnh tưz muôx ntâu huôx tôngv lok six tsênhv tsênhz, muôx tsiv gri ntơưv chor xã ntus đriv. Tiv zix, zos chor hnuz so mak chor huôx tôngv  phongz yaox tâu uô jông; cxaz chuôz yax kriê, hêik pêx xênhv, hluôk nênhs tiv phaz  uô lơưr Đảng, têz qơưk li têx cêr chêi; thiêz đros hluôk nênhs tiv phaz cxaz chuôz paz pêx xênhv huôv tsar kinh tế, xã hội”.

        Chor hluôk nênhs pênhz phax zos hluôk nênhs, cux tsênhv yênhx hnuz, yênhx six hơưv đros đrêiv têx jêx jok ntus đriv uô “pêz đros, plâuz nhoz”, paz tsôngv box mênhx cxưx txix têx hâux lưv uô tsênhv tsênhz. Lơưr têx hâux lưv uô co tưz tsês chiê têx đuôz shav jông lok “Lênhx bộ đội lâul Hôx” hâur tsôngv box cxuô mênhx cxưx nhoz ntus đriv./.

                                  (Khắc Kiên-Lik Thox cxêik nhênhv)

Phênhv thưr 5, hnuz 24/11/2016:

Lênhx cưk kriê ntơưr hluôk moz siêz lus uô hâux lưv nhoz thax tsav tox siêz

         Shông 2015, đhâu thâuv cơưv tas ntơưr Đại học Sư phạm Hà Nội lok, Lưu Thị Liễu vax tsêr nhoz huyện Yên Bình, tỉnh Yên Bái tưz thik tâu muk uô hâux lưv hâur ngênhx zoz zux huyện Văn Yên, đhâu ntơư tâu phênhz côngz muk kriê ntơưr trâu tsêr cơưv cxênhx nhuôs zâu An Bình, xã An Bình. Uô hâux lưv kriê ntơưr nhoz thax tsav yuôr ntâu txov nhêv, đaz tsi lok muôx tsi txâuk, ntâu shux xênhz zos heir nênhs tsơưs, cưk kriê Liễu xav tỉnh ziv sir jos ntâu đuô chiê uô tâu tiêr têx luôs hâux zok muôz. Cưk kriê Lưu Thị Liễu heik:

          “ Têx nhuôs shux xênhz phênhv ntâu zos heir nênhs tsơưs, lok sâuv têx luk heik, ntơưr cơưv mak têx nhuôs lok sik chuôz zis cux yuôr trâus ntâu, tsi tâu pâuz txos. Chênhr viv li pêz tsuv khưx phưx lok six ntâu têx cêr txov, phiv liv, txix ciês têx nox nhoz muk lok, xuz thơưx cux tsuv buôk ti thiêz tsi so sik thav đros têx nhuôs niêv txir chiê paz chor nhuôs iz hnuz pâuz to tâuz jux juk. Hâur six hơưv kriê mak cur sir jos zok nriêr têx đuôz, tưx têik uô si chiê kriê nzir trâu têx nhuôs cov lơưr nhiêv thiêz moz siêz cơưv ntơưr đuô”.

             Têx cêr txov thiêz phiv liv, cxuô tsar cxuô zav muôx tsi txâuk nhoz thax tsav tox siêz tưz cxơưz cxiz cưk kriê ntơưr hluôk Lưu Thị Liễu ziv muôx ntâu tsưr ziv xar tơưv têx tsưr ziv jông hâur kriê ntơưr trâu têx nhuôs shux xênhz li: Uô chas chiê cxiv uô thiêz kriê tâu têx nhuôs jông, ciêz, mnôngs luk, txơưx ntơưr. Lar heik, cưk kriê Liễu tưz sir jos xar tsưr ziv uô tâu ntâu zav chuôz zênhx uô si trâu chor nhuôs txix muôz têx tsis ntâuz, têik uz no….uô. Đhâu ntơư, cê paz uô jông jav trâu tsêr cơưv, cê hu zâuv tâu têx nhuôs shux xênhz moz siêz tuôx cơưv ntơưr. Tsi tiêk uô têx nuv li heik sâuv, mak cưk kriê Liễu tsênhv moz siêz paz têx fôngx zưs, vir ndâuk sđ đros zuk uô hâux lưv uô cê thiêz. Cưk kriê Nông Thị Kiều Oanh, kriê ntơưr trâu tsêr cơưv cxênhx nhuôs zâu An Bình heik:

         “ Cur txơưv tiêk tưz uô hâux lưv tâu ntêr shông, taz sik zos kriê lok sâuv heik gâux xưz viv li tâu cưk kriê Liễu paz txos lok six ntâu. Hâur lớp cơưv, zos yuôr kror tưs tsi tâu pâuz thôngz lok sik xar tsi tâu tsưr ziv uô mak tâu Liễu paz thiêz kriê xưz”.

Đros thiêz hâux lưv uô zos lênhx Bí thư Chi đoanx hâur tsêr cơưv, cưk kriê ntơưr hluôk Lưu Thị Liễu cux tsi so muôz têx hâux lưv vênhx huôv, uô cêr lov jêv, têx jiês sik tưr thik lok uô uô cê hâur têx jiês xênhz huôx, têx hnuz ntênhs chiê muôx cêr shir phaz, lov jêv trâu têx nhuôs shux xênhz hâur tsêr cơưv. Txix ntơư, đros paz cxơưz gra tsêr cơưv luôs hâux lưv tsoz phưz thiêz kriê têx nhuôs iz hnuz uô tâu jông jux juk. Xưk li shông cơưv 2015-2016, hâur shông muôx zuôr xar 20% hâur hur si 260 ntâu lênhx shux xênhz hâur tsêr cơưv trâus nox tsi txâuk têx jâuz mor, mak txos kaz shông, tsuôk yuôr nhos 10%; chor nhuôs zâu tox siêz, heir nênhs tsơưs tuôx cơưv hâur niêx shông tâu xar muôx 100%. Cưk kriê Nguyễn Thị Tuyến, thơưx seiz car tsêr cơưv cxênhx nhuôs zâu An Bình, huyện Văn Yên, tỉnh Yên Bái heik:

            “ Cưk kriê Liễu zos iz lênhx cưk kriê hluôk, muôx txux chi tsưr ziv jông hâur kriê ntơưr thiêz tsiv uô têx chuôz zênhx uô si trâu têx nhuôs viv li chor nhuôs lok six moz siêz thiêz nhiêv cơưv. Tiv 2 zos txơưx nziêk, txơưx kriê uô trâu chor nhuôs lơưr lok six ndơưs, muôx  cêr thôngx siêz jông đros têx lênhx uô hâux lưv uô cê. Tsi tas li ntơư, hâur chuôz zis cưk kriê Liễu cux pâuz phênhz têx nuv hâur tsêr thiêz hâur tsêr cơưv li chas cov huv đros….”.

        Đros têx txux chi tsưr ziv xar tơưv jông thiêz muôz siêz trâu ntuô trâu têx luôs hâux lưv, ciês têx shông xuz thơưx thâuv nhiv kruôr lok uô hâux lưv tsi tâu ntêr, cưk kriê Lưu Thị Liễu tưz paz lok six ntâu thiêz zov chênhr trâu tsêr cơưv uô tiêr tâu ntâu luôs hâux lưv hâur têx jiês tưr thik zos ngênhx zoz zux thox cxov huyện thiêz tỉnh tsưr tsix, li: Thik tâu hov 2 cấp tỉnh hâur sik tưr thik xar tơưv thiêz tsiv uô têx chuôz zênhx uô si, phưx vưv kriê thiêz cơưv ntơưr….; tâu shux xênhz niêv txir thiêz têx nhuôs shux xênhz njênhs njôngr, nhiêv txos./.

                             (Thừa Xuân-Riê Lâux cxeik, nhênhv)