Tsôngv box thax tsav trâus đêx nas cuôr yôngz Yên Bái tâu côngz ntơưr chứng minh tsi tas nhiêx

Pâuz tâu mông, công an tỉnh Yên Bái tưz tuôx ciês ntơưv qơư uô ntơưr chứng minh tsi zuôr nhiêx, lok six chôngz lênhx tsôngv box Hmôngz tưz siz zâuv tuôx trâu ntơưv công an huyện Mù cang Chải chiê uô têx ntâuz ntơưr. Đhâu đêx nas cuôr yôngz uô ruôr hiêv, siz chos cxiv kho, uô đuô têx vax tsêr, qơư nhoz tas, têx mak tsôngv box thax tsav trâus đêx nas uô hiêv ntơư zuôr trâus txos iz jiês no zos têx ntâuz ntơưr uz no chiê lơưr kêr txeik pênhr huôv tsar uô nox thiêz mul lok.....Cux xưk li têx ziv chuôz zis tsôngv box txơưr đuô, tix lâus Hơưx Xênhv Cưr nhoz xã Mồ Dề lok six shir phaz thâuv tâu chor chiến sỹ công an tuôx uô ntơưr tror uô đuô chứng minh thư tsi zuôr nhiêx:

“Hâur jiês đêx nas uô ruôr hiêv nhiv kruôr đhâu tsi ntêr no, cur chuôz zis tưz pôngz tas hur si têx ntâuz ntơưr uz no. Hnuz nor, tâu chor canr bôv Công an tỉnh tuôx ciês ntơưv huyện chiê uô đuô têx ntơưr trâus pôngz ntơư puz trâu pêz tsôngv box, cur lok six shir phaz. Pêz uô tsâus ntâu txos chor canr bôv Công an”.

 Tsi tiêk tuôx uô  têx ntâuz ntơưr tror uô đuô chứng minh thư tsi zuôr nhiêx trâu tsôngv box trâus đêx nas cuôr yôngz; uô đuô trâu lênhx muôx ntơưr chứng minh thư tsi jông, mak Phongx Cảnh sát seiz car uô têx ntâuz ntơưr heik sâuv, công an tỉnh Yên Bái tsênhv tsưr tsix uô yiêz trâu têx lênhx shux xênhz txưv 14 shông tror zar sâuv thiêz trâu têx lênhx tsôngv box hâur thax tsav muôx zoz qơưx txos lok ntơưr chứng minh thư thiêz. Iz chas ntơư, têx hnuz đhâu, Tổ côngz xưv Phongx Cảnh sát seiz car uô têx ntâuz ntơưr heik ntơư, Công an tỉnh Yên Bái tưz uô ntơưr uô đuô, hlôngr đuô thiêz uô yiêz chứng minh thư trâu 235 lênhx tsôngv box thax tsav trâus đêx nas cuôr yôngz Mù Cang Chải.

Hâu nov ntơưv têx xã, thị trấn hâur huyện Mù Cang Chải cux sir jos đros lưv lươngv công an uô luôs hâux lưv qênhz shuôs, thôngz sâu têx chuôz zis muôx têx ntâuz ntơưr uz no trâus tsi jông thiêz trâus đêx nas cuôr yôngz chiê uô ntâuz ntơưr tror uô đuô chứng minh thư trâu tsôngv box cov zôngx ziv thiêz zênhx max. Thượng tá Trần Huy Trí, Phưv Tsar Phongx Cảnh sát seiz car uô têx ntâuz ntơưr lok txiv ngaz XH, Công an tỉnh Yên Bái heik pâuz:

“Tiv đêx nas uô ruôr hiêv mak tsôngv box hâur thax tsav trâus pôngz tas ntâu têx ntâuz ntơưr uz no, hâur co lơưr pôngz tas têx chuôz zênhx thiêz hur si têx ntâuz ntơưr uz no zuôr trâus txos. Pêz tsưr tsix uô luôs hâux lưv no chiê paz tsôngv box, cov lơưr muôx txâuk têx ntâuz ntơưr, zôngx ziv mul lok, kêr txeik pênhr huôv tsar uô nox.....”.

Nhiv no, Phongx Cảnh sát seiz car uô têx ntâuz ntơưr heik sâuv, Công an tỉnh Yên Bái tsênhv tror fuô uô tsưr ziv, hâux lưv uô đuô ntơưr chứng minh thư tsi zuôr nhiêx txos trâu tsôngv box têx huyện Văn Chấn, Trạm Tấu thiêz thị xã Nghĩa Lộ, zos têx thax tsav qơư nhiv kruôr trâus ruôr hiêv hnhar đhâu coz nas lox uô hâur hli 10 nhiv kruôr đhâu.

Têx lênhx canr bôv, chiến sỹ Phongx Cảnh sát seiz car uô têx ntâuz ntơưr heik sâuv li têx cêr moz siêz, sir jos uô nuv tsi tiêk paz tsôngv box hâur thax tsav tox siêz đêz đrôngs, thax tsav trâus đêx nas uô ruôr hiêv zôngx ziv hâur mul lok thiêz zênhx max muôx tâu têx ntâuz ntơưr zuôr trâus txos, mak tsênhv cxiv tsa cêr thôngx siêz đros tsôngv box, siz paz hâur uô têx luôs hâux lưv, cxiv tsa luz côngz luz bê jông lok lênhx chiến sỹ công an uô hâux lưv viv tsôngv lax px./.

(Đinh Tuấn-Riê Lâux cxeik, nhênhv)

Phênhv kôngz nuv jêx jok

Nus: Chor nênhs muôx nhiêx hli, thâuv xar txêik nhiêx mak tsuv muôx têx zav tưs? Nhiêx liv li chak? Chor nhiêx tâu txêik thiêz six hơưv txêik zos li chak?

1. Ntâuz ntơưr chiê uô txêik pênhr trâu chor nênhs tâu sơưv nhiêx hli:

- Ntơưr thor tâu txêik pênhr, quy tênhv ntơưr uô trơưk (01D).

- Ntâuz ntơưr taz por txêik nhiêx lơưr cuiz tênhv (zos tiêk tsuv txêik pênhr muôx zav ntâuk gri).

Zos tiêk lênhx nênhs txêik muôx txâuk cxuô zav txêik pênhr, zênhx hangx qơư muôz txêik zuôr hêik kriê nênhs txêik uô têx ntâuz ntơưr tsuv muôx.

2. Nhiêx liv muôz txêik trâu chor nênhs muôx nhiêx hli:

Phênhv nhiêx liv muôz txêik zos AGRIBANK qơư muôz txêik thiêz nênhs txêik sêiz lax huv đros Tổng giám đốc AGRIBANK li cuiz tênhv.

3. Phênhv muôz txêik trâu chor nênhs tâu sơưv nhiêx hli:

- AGRIBANK qơư muôz txêik cuêz tênhv phênhv nhiêx txêik khov trâu nênhs txêik li zoz qơưx txêik pênhr, tsiv gri kror muôz ntâuk gri (zos nhiêx txiêx tsuv muôx zav ntâuk gri), lênhx nênhs txêik pênhr nhiêx tsuv thêv tâuk chor nhiêx txêik tror trâu tsêr nhiêx AGRIBANK.

- Nênhs txêik tsuv muôx pênhr cxaz chuôz trâu dự án, tsưr ziv uô xênhz yar, kinh doanh, zuôr muôs hax huv…tsênhv tsênhz li đrav kaz:

+ Đros nhiêx txêik lur hnuz: nênhs txêik tsuv muôx pênhr tsơưs tiv zix 10% hâur tas nro chor pênhr uô zav hâux lưv ntơư.

+ Đros txêik muôx hnuz nhôngs, txêik ntêr hnuz: Nênhs txêik tsuv muôx pênhr tsơưs tiv zix 20% hâur tas nro uô zav hâux lưv co.

- Zos tiêk nênhs txêik txâuk njênhs, phênhv pênhr chiv chir muôx têx jâuv tsơưs đuô cux tâu.

4. Six hơưv txêik nhiêx trâu chor nênhs tâu sơưv nhiêx hli:

- Muôz txêik lur hnuz txos 12 luz hli;

- Muôz txêik muôx hnuz nhôngs txix 12 hli txos 60 hli;

- Muôz txêik ntêr hnuz txix 60 hli tror sâu.

Khov trâu:

- Nênhs txêik tsuv thêv tâuk têx nux gri ntơư;

- AGRIBANK li chor pênhr muôz txêik.

Đros nênhs txêik zos nênhs saz đrâuv têz qơưk, six hơưv muôz txêik tsik ntâu đuô six hơưv uô nênhx nhoz ntơưv Việt Nam./.

(Hồng Việt-Lik Thõ xcxêik nhênhv)