Lai Châu sir jos uô truôx luôs hâux lưv tir thêir caz moz Covid-19

“Caz moz Covid-19 tror huôv xênhz siz cik thiêz qiv hơưv txơưr txar cux uô phiv liv ntâu txos trâu têx hâux lưv hâur luz nênhx, taz sik pêz cux sir jos chiê uô tâu nox li kuz chiê sir jos tso cov tâu têx cuô mik li tưz choz zok. Têx chế độ yênhx hli cux tsik so tâu công ti sir jos uô jông paz trâu chor nênhs lox tôngv. Đros cur oz niêv txir li phênhv sâu iz hli tâu muôx 10 triệu đêiv ntâu, chuôz zis luz nênhx cux tâu taz por”.

Co zos tix lâus Lường Văn Phúc, công nhân Nông trường Cao Su Nậm Na, nhoz Công ty Cổ phần Cao Su Lai Châu II li hêik pâuz. Đhâu thâuv tror lok txix qơư muôx caz moz Bình Dương, tâu ntơưv thax tsav qơư hêik pâuz lok têx hâux lưv uô, tix lâus oz niêv txir tưz nriêr tâu hâux lưv uô nhoz jê ntơưv tsêr.

Công ty Cổ phần Cao su Lai Châu II nhiv no tsênhv sêiz car muôx 4.700 ntâu héc ta ntông cao su ntơưv 3 huyện: Sìn Hồ, Nậm Nhùn thiêz Mường Tè, tỉnh Lai Châu. Đros thax tsav tưz tso tâu cuô mik muôx 2.700 ntâu héc ta, công ty tsênhv paz muôx hâux lưv uô truôx trâu 1.000 ntâu lênhx nênhs, phênhv ntâu zos tsôngv box cxuô mênhx cxưx nhoz ntơưv thax tsav qơư. Shông no, txơưv njiz trâus phiv lliv tsik tsơưs tiv moz Covid-19 thiêz qiv hơưv txơưr txar phiv liv, taz sik txos nhiv no công ty tưz tso tâu cuô mik muôs 2.200 ntâu tấn, tax tâu xar muôx 90% tsưr ziv tưz tso tơưv.

Zơưv Hữu Phước, hlôngr njêx muôs yax mông Công ty Cổ phần Cao Su Lai Châu II puz pâuz: Chính phủ li Nghị quyết 128 tưz paz trâu têx phiv liv hâur uô nox, kinh doanh têx hax huv tâu zôngx ziv đuô. Đros Tập đoàn Cao su Việt Nam thôngx ziv txar qơư sâu zuôr têx cuô mik cao su txix faz Nam lok trâu faz Bắc thiêz gri muôs truôx tuk li nhiv no, công ty zuôr sâu tâu têx cuô mik trơưk li tsưr ziv tưz tso tơưv thiêz txoz cxơưx tâu jông đuô luz nênhx trâu chor lox tôngv.

“Công ty tưz sik côngv đros tsưr tsix công đoàn tso tơưv tsaz yênhx tsưr ziv sik tưr uô hâux lưv hâur 4 luz hli kaz shông. Hâur co, sir jos uô jông hâux lưv uô nox, kinh doanh, cux li hêik nênhs lox tôngv sir jos uô hâux lưv, chiê uô cov hla đhâu tsưr ziv tưz tso tơưv muôx 5 txos 10%. Đros co, công ty cux kriz uô jông têx tsưr ziv phax, tar caz moz thiêz sir jos uô cov tiêr oz tsưr ziv cê phax, tar tâu jông caz moz, cê uô tâu nox truôx jông”.

Ciês đhâu muôx Chính phủ li Nghị quyết 128 tâu kriz uô, Sở Zoz thôngz-Vận tải Lai Châu tưz hêik trâu Ủy ban tỉnh pâuz tso tơưv têx ntâuz ntơưr kruôz kriê chiê têx yêz tâu thâux xa kruô, hax huv muk lok trâu cxuô thax tsav qơư. Khov co, chor hax huv sâuv thax tsav tâu thâux muk lok; uô nox, kinh doanh cux tror tâu kriz uô truôx jông. Zơưv Nguyễn Văn Hưởng, Phưv Giám đốc Sở Zoz thôngz-Vận tải tỉnh Lai Châu puz pâuz:

“Txos nhiv no đros thiêz têx yêz thâux xa hax huv, thâux xa kruô sâuv thax tsav tưz tror tâu muk lok; cux tưz paz iz phênhv tưs phiv liv trâu têx doanh nghiệp đhâu iz ntu tsuv nhoz so tiv caz moz. Taz sik, nhiv no chor yêz muk lok co cux tsênhv tsik tâu huv đros trâu chor doanh nghiệp tưz đăngk cir, cux tsuôk muôx 4 txos 5 lênhx kruô chêix iz jiês thiêz gri trox yêz cux chuôz ndê siêz. Viv li cux hêik cov chính phủ sêiz shuôk muôx têx tsưr ziv paz trâu chor doanh nghiệp chiê đơưk kho têx phiv liv li nhiv no”.

Zơưv Hoàng Đại Thắng, Phưv Giám đốc Sở Tsưr ziv thiêz Yưv pênhr tỉnh Lai Châu puz pâuz: Chiê uô tâu truôx jông têx luôs hâux lưv hâur shông, tỉnh Lai Châu tưz tso tơưv ntâu tsưr ziv kriz uô, tsênhv njiêz zos uô truôx jông têx đề án huôv tsar kôngz nuv, paz muôx hâux lưv uô trâu nênhs lox tôngv, por vêv đas jos trâu pêx xênhv, paz trâu pêx xênhv thiêz doanh nghiệp tror khưx phưx tâu kinh têr…

“Tỉnh Lai Châu tưz tso tơưv ntâu tsưr ziv chiê uô cov tâu jông hâux lưv cê phax tar tâu jông caz moz, cê huôv tsar tâu kinh têr, tiv zix zos kriz uô Chính phủ têx Nghị quyết lok paz trâu pêx xênhv thiêz doanh nghiệp njiz trâus phiv liv tiv moz Covid-19, xưk li Nghị quyết 63, 68, 105, 126 thiêz tiv zix zos Nghị quyết 128 lok ngaz tuk đros trâu caz moz. Đuô thiêz zos tỉnh tror chox kriê kriz uô truôx jông têx nghị quyết, đề án thiêz tsaz yênhx lơưr Nghị quyết Đại hôiv Đảng bộ tỉnh jiês tiv 14 tưz tso tơưv”./.

(Khắc Kiên-Lik Thox cxêik nhênhv)

Hnuz tas nro tsôngv box sơưr đơưk zuôr thiêz sir zôngv njêr i-ốt: Viv sơưr đơưk luz nênhx, têx tuz nhuôs tsuv sir zôngv njêr i-ốt

Nữ: Xav kror đruôz đraz iz lênhx nênhs, têx lênhx tưz hloz tiêr nênhs txos trâu nênhs lâul tsuv nox 10gam njêr iz hnuz. Zoz qơưx zuôr trâul txos têx i-ốt ntơư zos trơưk lênhx nênhs, hnuz nhôngs, cêr hloz lox, lar heik zos hâur ntu pox niêv tsênhv xênhz mê nhuôv hâur chêr muôx txix 3-5 luz hlik; muôx tsi txâuk i-ốt zuôr uô trâu mê nhuôv têx hlưz hâu huôv tsar tsi yuô jông, tsi yuô txơưx njê.

Nam: Ntơưv Sơn La thiêz têx tỉnh faz Bắc, txơưv tâu ntâuk grê zos uô tâu jông têz qơưk tsaz yênhx, hâux lưv lok têx muôx tsi txâuk i-ốt. Taz sik, kror lar heik zos cux tsênhv yuôr ntâu lênhx pêx xênhv tsi tâu pâuz txos njêr i-ốt li têx jông, viv li tưz sir zôngv têx njêr fênhx yax trâu têx jâuz thâuv uô jâuz mor nox, uô têx luôs hâux lưv uô tâu heik sâuv tsi truôx, zôngx ziv tror muôx tsi txâuk i-ốt.

Nữ: Chiê txo grêk tsơưs têx tsi jông, muôx moz gênhk tiv muôx tsi txâuk i-ốt, hâur têx shông đhâu, hâux lưv phax tar têx moz tiv tsi txâuk i-ốt hâur côngv thôngx tâu uô lok six jông. Ngênhx y tế tưz fuô uô luôs hâux lưv seiz njuôk shuôs, qênhz pov thiêz chơưv kho moz trâu chor nênhs moz tiv muôx tsi txâuk i-ốt; seiz kaz tsơưr lươngv njêr i-ốt ntơưv qơư tsiv uô, hâur chuôz zis thiêz ciêz đrôngs. Hâux lưv yax kriê kriz uô đêz đar têx tsưr ziv lok phax tar têx moz gênhk tiv muôx tsi txâuk i-ốt trâu tsôngv pêx xênhv hâur thax tsav tỉnh, thôngz đhâu qơư yax xa mông, ntơưr pov tsir, têx jiês cơưv….tsi so tâu fuô uô. Khov li co, tưz paz txo grêk tsơưs têx lênhx nênhs trâul moz txiê thiêz iz cxiê zav moz gênhk tiv muôx tsi txâuk i-ốt. Txos nhiv no, muôs thiêz zuôr têx njêr i-ốt, têx zav nox muôx i-ốt tưz yênhx ntâu chuôz zis li cêr cor cav.

Nam: Chiê uô tâu truôx luôs hâux lưv no, niêx shông tsêr kho moz Nội tiết tỉnh tưz sir jos fuô uô têx hâux lưv seiz njuôk shuôs, phax tar têx moz tiv muôx tsi txâuk i-ốt uô muôx yưv moz; tsưr tsix yax kriê trâu sơưr đơưk pâuz lok têx moz, tsi jông tiv muôx tsi txâuk i-ốt đros trâu têx jiês yax kriê lok nyar ndê siêz, moz tso jik kaz jiz; hux jos đros chor qơư y tế, canr bôv lês car uô đreiv têx hâux lưv co hâur xã, phường, thị trấn sik thav, cơưv lok sâuv hâux lưv yax kriê têx tsi jông, uô ruôr hiêv txos mê nhuôv li cêr hloz lox, tiv muôx tsi txâuk i-ốt; tsưr tsix cơưv cxaz nzir têx tsưr ziv yuôr trâul trâu canr bôv ntơưv qơư lok qênhz yuôx, seiz kaz tsơưr lươngv têx njêr ntơưv côngv thôngx, qênhz pov, phênhz têx moz uz no tiv tsi txâuk i-ốt uô huôv moz gênhk.

Nữ: Uô lơưr Hnuz tas nro tsôngv box zuôr thiêz sir zôngv njêr i-ốt, ngênhx y tế tưz sir jos cxiv tsa tsưr ziv thiêz fuô uô luôs hâux lưv yax kriê trâu sơưr đơưk pâuz chiê hu zâuv cxuô cấp ủy, têx lênhx hâu nov sik đros moz siêz thiêz uô jông, chiê uô tâu truôx têx luôs hâux lưv phax tar tsi txâuk i-ốt.

Nhạc cắt

Nam: Têx nhênhz chơưv tso pov, cxaz nzir i-ốt trâu têx jâuz mor nox, zuôr phax tir thêir tâu iz cxiê zav moz gênhk tiv tsi txâuk i-ốt. Sir zôngv njêr i-ốt tsi so thiêz ntêr zos iz kro zôngx ziv, zuôr tsi tas ntâu nhiêx txiêx thiêz jông chiê phax tir thêir têx moz tsi txâuk i-ốt. Viv chor tuz nhuôs li luz nênhx, viv sơưr đơưk cêr huôv tsar, Viv cxuô lênhx, cxuô tus, cxuô ziv chuôz zis tsuv sir zôngv njêr i-ốt thiêz têx zav nox muôx i-ốt hâur cxuô pluôk nox niêx hnuz./.

               (Thu Thùy-Riê Lâux cxeik, nhênhv)