Jax thưr 5, hnuz 24/12/2015

Shux xênhz tox siêz Chiềng Muôn: Lok six zuôr trâus txos têx tsêr nhoz hâur tsêr cơưv niêv txir zus mor

Cux xưk li têx tsêr cơưv thax tsav tox siêz đêz đrôngs, shông cơưv tưs chor cưk kriê ntơưr tsêr cơưv cxênhx 2 thiêz cxênhx iz chiềng Muôn, huyện Mường La, tỉnh  Sơn La cux cxơưx njôngr tsav shux xênhz tso ntơưr, tuôx cơưv tsi cxix, uô hiêv txos tsơưr lươngv cơưv ntơưr. Taz sik, đros têx cêr moz siêz, hâux lưv tsuv uô viv têx shux xênhz thax tsav tox siêz luz nênhx, chor cưk kriê ntơưr tưz zok nriêr cxuô faz tsưr  ziv cxơưz đas jos trâu têx nhuôs shux xênhz, paz chor nhuôs tror sir jos hla đhâu têx phiv liv chiê tuôx cơưv txux. Iz hâur têx tsưr ziv tâu shux xênhz têx lênhx uô niêv uô txir jông siêz, thôngx ziv uô trơưk zos tsưr tsix uô jâuz mor trâu shux xênhz nox hâur tsêr cơưv, trâur nuv shux xênhz nhoz tsêr cơưv niêv txir zus mor trâu têx shux xênhz muôx luz nênhx txov nhêv, tsêr nhoz đêz qơư cơưv.

Shông cơưv 2015-2016, tsêr cơưv cxênhx iz thiêz cxênhx 2 Chiềng Muôn muôx 300 ntâu lênhx shux xênhz mak chor shux xênhz nhoz hâur tsêr cơưv niêv txir zus mor zos 219 lênhx, taz sik nhiv no tsuôk muôx 3 qar tsêr nhoz thiêz iz lớp cơưv uô cê đros qơư tsêr nhoz, lav muôz têx shôngz ntông lok uô tax, zos tsêr cơưv thiêz shux xênhz niêv txir siz chos uô trâu shux xênhz nhoz. Iz qar tsêr nhoz đar tsi muôx 20 yiv ndis, taz sik muôx txos 100 lênhx shux xênhz nhoz uô cê hâur co.

Chor nhuôs shux xênhz hâur tsêr cơưv cxênhz iz thiêz cxênhx 2 xã Chiềng Muôn phênhv ntâu puôr lênhx zos heir nênhs Hmôngz thiêz La ha, thiêz phênhv ntâu puôr lênhx nhoz đêz tsêr cơưv viv li chor shux xênhz đas cir nox nhoz hâur tsêr cơưv. Chiê têx shux xênhz tso siêz nox nhoz cơưv ntơưr hâur tsêr cơưv, chor cưk kriê nhoz no tưz siz chos cxiv uô qơư uô jâuz uô mor nox chiê phưx vưv têx nhuôs shux xênhz, khov li ntơư tưz paz txo grêk tsơưs têx shux xênhz tso ntơưr tsês. Têx shux xênhz pluôk nox txơưv tiêk tsi muôx đaz tsi ntâu taz sik chor shux xênhz nhoz no cux tâu nox iz pluôk muôx cxix cxuô têx jâuz mor li: Grêix, tâuv pax, cuô jâuz….. Co zos pluôk nox têz qơưs paz trâu têx shux xênhz nhoz hâur tsêr cơưv niêv txir zus mor, muôx 15 cir cxur đros trâu 460 cxênhz đeiv iz luz hlik.

Chiê hu zâuv têx shux xênhz tuôx tsêr cơưv, cơưv ntơưr tưz lok six phiv liv, zuôr heik tuk tsi txos shux xênhz sir jos cơưv ntơưr cov tiêr mak ziv phiv liv đuô. Hâux lưv uô tsêr trâu shux xênhz tox siêz nhoz hâur tsêr cơưv niêv txir zus mor paz uô hlôngr yiêz qơư nox nhoz, muk lok trâu shux xênhz thax tsav tox siêz đêz đrôngs, txo grêk tsơưs shux xênhz tso ntơưr tsês, cơưv txos tos txos nta  tsi tiêr, paz gra siêz tsơưr lươngv kriê thiêz cơưv ntơưr. Viv li, iz chas cxuô cấp ủy, hâu nov, ngênhx zoz zux huyện Mường La têx sir jos, lok six zuôr trâus txos tas nro XH sik côngv tês, cêr moz siêz paz uô têx tsêr trâu shux xênhz nhoz hâur tsêr cơưv chiê cơưv ntơưr, paz têx lênhx cưk kriê thiêz shux xênhz nhoz thax tsav no tso siêz uô tiêr luôs hâux lưv kriê thiêz cơưv ntơưr./.

( Việt Anh-Riê Lâux cxeik, nhênhv)