Paz tsênhv chêi zoz zux trâu têx thax tsav qơư njiz ntâu phiv liv

Hâur ntu đhâu, Chính phủ thiêz têx bôv, nganhx tưz kriz uô cxix cxuô, ndar six hơưv cêr chêi têz qơưk têx cui tênhv lok paz trâu zoz zux thax tsav mênhx cxưx tsơưs nênhs thôngz đhâu ntâu tsênhv chêi lok thox cxov cử tuyển, phổ cập trâu chor nhuôs zâu muôx 5 shông, cxiv tsa chor tsêr cơưv phôv thôngz mênhx cxưx nội trú, têx phênhv paz trâu chor cán bộ, cưk kriê ntơưr, nênhs sêiz car zoz zux uô hâux lưv ntơưv thax tsav kinh têr-xar hôiv txov nhêv tiv zix, lok tsênhv chêi trâu chor shux xênhz mênhx cxưx nội trú thiêz chor tsêr cơưv dự bị Đại học mênhx cxưx. Taz sik, đhâu ntâu shông uô côngz xưv zoz zux mênhx cxưx, zơưv Trần Ngọc Sơn-zos Vụ trưởng Vụ Zoz zux mênhx cxưx, Bôv Zoz zux hêik tiêk, tsênhv chêi paz trâu zoz zux thax tsav mênhx cxưx tsơưs nênhs thiêz tox siêz tsênhv tsik tâu uô cê, tsik tâu muôx siz cxơưz; sik côngv nhoz têx bôv, nganhx tsik tâu thôngx ziv, uô muôx yưv siz yôngx nhoz cxuô thax tsav qơư: “Pêz tưz muôx lok six ntâu tsênhv chêi paz trâu chor cán bộ sêiz car, cưk kriê uô hâux lưv ntơưv thax tsav tox siêz txov nhêv tiv zix, cux muôx ntâu tsênhv chêi paz trâu shux xênhz taz sik cux tsênhv paz tsik tâu tas nro cxuô lênhx nênhs, tiv zox zos tsôngv box mênhx cxưx tsơưs nênhs tsuv muôx tsênhv chêi paz trâu yênhx thax tsav qơư. Đros têx tỉnh tox siêz faz Bắc tiv thax tsav cêv kuôk thiêz phiv liv, txơưr đuô Tây Nguyên zos thax tsav đar muôx tsơưs nênhs nhoz, iz kror qơư nhiêk txơưr lơưv nhiêk, Tây Nam bộ duyên hải faz trung mak ho txơưr, cux phiv liv. Pêz vav tiêk Côx hôiv chox kriê qênhz yuôx tsênhv chêi paz trâu zoz zux mênhx cxưx, tsuv kho đuô têx tsênhv chêi nhiv no muôx thiêz têx tsênhv chêi yiêz li chak chiê cxuô thax tsav qơư truz grêiv juk  tâu cêv kuôk lok huôv tsar”.

Txơưx uô jông hâur kriz uô têx tsênhv chêi zos iz kror tsuv muôx chiê paz thơưz huôv tsar kinh têr hêik cxuô thiêz paz trâu zoz zux hêik taz nhoz thax tsav mênhx cxưx tsơưs nênhs. Taz sik, đros têz qơưk têx tsênhv chêi paz, lok six tsuv muôx chor ban nganhx đoanx thêv, cấp ủy, chính quyền cxuô thax tsav qơư đros uô, chiê cêv kuôk lok tsơưr lươngv zoz zux nhoz tox siêz thiêz qơư kik lok siz jê đuô. Pos Lương Ngọc Hà-Bí thư Huyện ủy Hoàng Su Phì-tỉnh Hà Giang hêik: “Kror zov chênhr zos cxuô thax tsav qơư li tsưr ziv uô, xar tơưv, cxuô cấp ủy, cux xưk li tas nro cxiv luôs chính trị li tsov cưv txos côngz xưv zoz zux. Kror co tâu hêik tơưv txix cxuô thax tsav qơư tso tơưv têx tsênhv chêi, khov trâu huôv tsar kinh têr cux xưk li huv đros trâu cxuô thax tsav qơư. Nhiv no têz qơưk li tsênhv chêi tưz paz trâu chor cưk kriê ntơưr ntơưv têx thax tsav qơư txov nhêv tiv zix, iz zav li paz nhiêx zuôr đêx hâuk, mak lok six tsuv tâu kriz uô trâu têx qơư muôx poz jêz ntâu, taz sik tsuv paz li chak trâu chor cưk kriê ntơưr mak cux tsênhv tsik tâu tsênhz mênhx, tiv oz zos njuôk xav mak chor nhiêx paz trâu hâux lưv no tsuv tas ntâu, tỉnh Hà Giang zuôr lax kriz uô tâu. Viv li pêz vav tiêk hâux lưv muôz nhiêx txiêx têz qơưk paz mak Chính phủ tsuv uô jông njuôk xav cov huv đros”.

Zos cơ quan thường trực kriz uô têx tsênhv chêi no, Hôiv đôngx mênhx cxưx hêik Chính phủ tror tsov cưv txos tsênhv chêi chiê paz gra siêz tsơưr lươngv zoz zux ntơưv thax tsav mênhx cxưx tsơưs nênhs. Thôngx cxix cxaz nzir iz cxiê tsênhv chêi xêir zuôr, sêiz car chor cán bộ, cưk kriê uô côngz xưv ntơưv thax tsav txov nhêv tiv zix,  kho đuô cui tênhv lok xêir zuôr, lơưr saz zaz zâuv tâu pênhr jos muôx tsơưr lươngv siêz lok uô hâux lưv ntơưv thax tsav txov nhêv tiv zix. Hâur chor jiês cơưv jê lok no, Côx hôiv cux tưz chox kriê chor cơ quan nhênhz chơưv, kho đuô iz cxiê kror tsik huv đros hâur Chêi zoz zux; chêi cán bộ, công chức; Chêi viên chức; Chêi Zoz zux đại học cik txos vênhv thix paz trâu zoz zux thax tsav mênhx cxưx tsơưs nênhs thiêz tox siêz, chiê taz por cov siz bâus, thôngx ziv lo cxiv luôs têx cêr chêi. Hâur chor no mak muôx tsênhv chêi paz trâu chor tsêr cơưv dự bị ĐH mênhx cxưx, lơưr pos nguyễn Thị Mai Hoa, Phưv chủ nhiệm Ủy ban Vênhx huôv zoz zux Côx hôiv hêik: “Nhiv no têx tsêr cơưv no tsênhv njiz trâus iz kror phiv liv zos iz cxiê chor tsêr cơưv đại học tưz muôx khoa dự bị mênhx cxưx, li mak tsuv muôx ntâuk gri tiêk tsưr ziv chor khoa dự bị mênhx cxưx thiêz tsưr ziv tsêr cơưv dự bị đại học no mak kror tưs jông đuô, zos tiêk cơưv tsaz yênhx phôv thông mak zos tror cơưv nzir chor tsaz yênhx cơưv hâur têx tsêr cơưv xưz, paz tsik tâu đaz tsi hlo, hok chor khoa dự bị hâur têx tsêr cơưv đại học mak zuôr jông đuô viv tâu cơưv têx kror txơưr đuô mak pêz tsuv njuôk xav sêz kror tưs huv đros đuô”./.

(VOV4-Lik Thox cxêik nhênhv)

Têx tsưr ziv uô huv đros chiê hlôngr yiêz chei siz zuôr nzor thiêz siz zuôr cxênhz jê

Uô lơưr Thủ tướng Chính phủ Quyết tinhv sôr 498 shông 2015, Ủy ban tỉnh Nghệ An tưz tso tơưv tsưr ziv sôr 599 lok uô trơưk Đêx anr txo grêk tsơưs têx gơưv niêv txir siz zuôr nzor thiêz siz zuôr cxênhz jê nhoz thax tsav tsôngv box heir nênhs tsơưs hâur thax tsav tỉnh. Ntâu hâux lưv uô tsênhv tsênhz li: Tsưr tsix têx jiês sik tưr thik, yax kriê lok têx tsênhv njiêz cik txos tưz tâu fuô uô hâur têx tsêr cơưv txix xênhz huôx ngoại khóa. Lương Thanh Thảo, shux xênhz tsêr cơưv cxênhx 2 Lạng Khê, huyện Con Cuông, tỉnh Nghệ An heik: “Thâuv tâu hnor heik kriê txos têx li ntơư, cur pâuz zos tsi tâu txưv 18 shông mak tsi tâu tâu siz zuôr thiêz tsi tâu siz zuôr cxênhz jê. Zos uô li ntơư zuôr uô tsi jông txos đas jos thiêz uô cxâuv chei têz qơưk”.

Xã Nậm Nhoóng, huyện Quế Phong zos iz hâur 12 xã ntơưv Nghệ An tâu Ban mênhx cxưx tỉnh fuô uô siv trơưk Đêx anr. Lơưr zơưv Lữ Trung Thành, Chủ tịch Ủy ban xã Nậm Nhoóng, huyện Quế Phong, tỉnh Nghệ An, uô ntêx shông 2015, iz shông xã muôx txos yênhx châuv lênhx nênhs siz zuôr nzor, txos nhiv no têx li heik co tưz txo grêk tsơưs ntâu. “Ủy ban xã tưz uô mak fuô kriê, heik txos trâu hur si cxuô lênhx canr bôv, đảng viên thiêz tsôngv pêx xênhv sơưr đơưk, đhâu co uô jông trơưk tsưr ziv, hâux lưv tso tơưv. Txix ntơư tưz txo grêk tsơưs tâu têx gơưv niêv txir siz zuôr nzor thiêz siz zuôr cxênhz jê. Txos shông 2017 muôx iz gơưv niêv txir. Thiêz txix ciês thâuv co lok txos nhiv no tưz tsi pov muôx yưv têx li heik sâuv hlo”.

Ntơưv tỉnh Bắc Kạn, Ban Mênhx cxưx tỉnh cux tưz seiz car, hux jos đros têx taz viv uô hâux lưv txo grêk tsơưs têx gơưv niêv txir siz zuôr nzor thiêz siz zuôr cxênhz jê hâur thax tsav tsôngv box heir nênhs tsơưs, đros thiêz 11 trâur nuv uô siv nhoz cxuô thax tsav qơư, phênhv ntâu zos lok sâuv tsôngv box heir nênhs Hmôngz, Cho li ntơưv: Huyện Pắc Nặm, huyện Chợ Đồn…. Niêv lâul Ma Thị Mận, Phưv Bí thư Tỉnh đoanx Bắc Kạn heik pâuz: Têx shôngd dhâu, hâux lưv yax kriê lok phax tar siz zuôr nzor thiêz siz zuôr cxênhz jê tâu seiz zos đoanx hluôk nênhs hâur thax tsav li iz hâux lưv zov chênhr: “Pêz cux uô trơưk ntâu faz tsưr ziv chiê yax kriê têz qơưk têx chei, cui tinhv shơư đros têx jax pêv piêr kriê, nthuôr uô trâu sơưr đơưk seiz thiêz mnôngs. Txix ntơư uô trâu lênhx nênhs mnôngs pâuz to tâuz, zôngx ziv pov tâu, lar heik iz cxiê qơư lơưr tưz yax kriê txix tsôngv box Hmôngz, Cho li têx lul heik chiê trâu tsôngv niêv txir lax pêx xênhv pâuz tsênhz lok têx li heik sâuv. Uô ntêx zos pêz tsênhv chêx tsôngk trâu chor tuz nxeik nhiv kruôr hloz hlo, tsi tâu txưv shông ntơư chiê fuô kriê. Iz chas co, chor uô niêv uô txir cux zos têx lênhx lok six zuôr tâu yax kriê chiê pâuz cxix cxuô lok têx chei têz qơưk. Viv tsênhz tiês tso pov, lok six ntâu lênhx siz zuôr zos niêv txir, chuôz zis zuôv chor tuz nxeik”.

Zos xưk li shông 2016, Bắc Kạn muôx 200 lênhx siz zuôr nzor mak shông 2020 tưz txo grêk tsơưs muôx 50%. Txơưv li ntơư, taz sik cux tsênhv yuôr lok six ntâu thiêz phiv liv. Bắc Kạn xav tinhv tsênhz mênhx, iz chas sir jos yax kriê, uô ntâu faz tsưr ziv vênhv tôngv gra siêz tsôngv pêx xênhv li tsưr ziv jênhv pâuz, tsuv muôx cxuô cấp, cxuô ngênhx, hâu nov ntơư qơư li têx sir jos đros uô thiêz. Tas nro cxix luôs chính trị sik côngv têk, Đoanx thêv txos hâur tỉnh, hâur têx jêx jok zuôr zos kror zov chênhr chiê tir thêir thiêz txo grêk têx gơưv niêv txir siz zuôr nzor, siz zuôr cxênhz jê.

Txơưv tiêk siz zuôr nzor thiêz siz zuôr cxênhz jê tưz txo grêk tsơưs hâur têx shông đhâu, taz sik cux tsi tâu tâu trơưk li tsưr ziv tso tơưv. Hâur ntu 2021-2025, cxix luôs chính trị cxuô thax tsav qơư tsuv sir jos uô jông đuô thiêz luôs hâux lưv phax tar siz zuôr nzor, siz zuôr cxênhz jê. Cxơưz tiês uô têx faz tsưr ziv phax tir thêir têx tsi jông li: Ntâuk tsiv chuôz zis, ntâuk tsiv têx nhuôs zâu nhoz thax tsav tsôngv box heir nênhs tsơưs. Iz chas co, tsuv uô ntâu tsưr ziv, tsaz yênhx đros trâu têx pênhr jos chiê sik đros fuô uô têx hâux lưv heik sâuv. Tiv zix, tsuv uô tsênhz mênhx têx tsênhv njiêz, tsưr ziv, hâux lưv chiê huv đros trâu têz qơưk tsaz yênhx huôv tsar kinh tế-xã hội thax tsav tsôngv box heir nênhs tsơưs thiêz tox siêz ntu 2020-2025./.

                                                (VOV4-Riê Lâux cxeik, nhênhv)