Jax sâu thưr 6 hnuz 24/3/2017:

Luôs hâux lưv uô tâu truôx zos “4 đros” pêx xênhv Yên Bái

    Mỏ Vàng zos huyện Văn Yên, tỉnh Yên Bái li luz xã tox siêz, phênhv ntâu zos tsôngv box Hmôngz thiêz Cho uô nênhx nhoz. Đrâuv yênhx tưv kik, tsôngv box nhoz no cux tsênhv tuôr chiê ntâu phôngx cxưx pôngz kaz. Iz hâur têx co zos tsês fov hmôngz hâur tsêr chiê châuv đaz lok sik chiê muk zok har jôngr.

   Pâuz tâu pox nhuôs li cor cav thiêz siêz xar, lưx lươngv công an muk hâux lưv ntơưv tiv phaz tưz đros chính quyền tiv phaz yax kriê trâu pox huôs pâuz, nhiv o zôngv foc hmôngz, fov chiv chir uô mak zuôv chêi têz qơưk; zuôr muôx yưv ntâu phiv liv trâu nênhs sir zôngv thiêz sơưr đơưk. Txix co, pox nhuôs tưz chiv chir choz zok tas chor fov tsênhv muôx. Zơưv Đặng Văn Tiến, xã MỎ Vàng, huyện Văn Yên hêik:“Traz fov no xuz thơưx mak cux tsik tâu xar muôz ciês viv uo cux tas ntâu đas jos thiêz tưz zôngv lok ntêr lơưv. Taz sik pov cán bộ công an tuôx hêik kriê ntâu, pov cux phiv liv viv li muôz zok trâu lơưr lơưv”.

    Huyện tox siêz Trạm Tấu zênhx tâu pâuz txos zos qơư phiv liv lok zax zênhz li chos, hâuk zax zênhz thiêz muôl muôs zax zênhz… Chor shông đhâu, Công an tỉnh Yên bái tưz tso yênhx puô lênhx cán bộ, chiến sĩ muôx txux chi, đas jos lok uô hâux lưv ntơưv chor jêx jok chiê uô “4 đros”, zos đros pêx xênhv nox, đros nhoz, đros uô hâux lưv thiêz đros hêik luk mênhx cxưx; kriz uô tsưr ziv cxiv tsa kinh tế thiêz tsưr ziv phax tar nênhs phamv cxâuv huv đros qênhx shênhx tsênhv tsênhz nhoz yênhx tiv phaz…txix co, qênhx shênhx ngaz tuk hêik cxuô, zax zênhz hêik taz sâuv thax tsav huyện Trạm Tấu tưz tâu txo grêk tsơưs ntâu. Zơưv Sái Tông Xênhv Muôk-Bí thư Đảng ủy xã Làng Nhì, huyện Trạm Tấu, tỉnh Yên Bái puz pâuz:“Tổ côngz xưv công an tỉnh tuôx hêik trâu xã pâuz cxiv uô tsưr ziv 2 tsik uô 1 grêk, tsik chss, tsik hâuk, tsik jêik chiê, muôl muôs viv li nhiv no xã tưz txo grêk tsơưs ntâu têx phiv liv lok zax zênhz”.

   Khov tuôr truôx thax tsav, shông 2016, pêx xênhv tưz paz hêik pâuz trâu lưx lươngv Công an Yên Bái 1.000 ntâu xor môngz tsiv gri chiê tir thêir chor nênhs phamv cxâuv. Đros co, thôngz đhâu côngz xưv vênhv tôngv, pêx xênhv cux tưz chiv chir choz zok 200 traz fov chiv chir uô thiêz yênhx châuv vưx qiv, chuôz zênhx txơưr đuô.

   Thôngz sâu hâur xar muôx 3 luz hli hâur shôngk shông, pêx xênhv nhoz Yên Bái cux tưz paz trâu công an yênhx châuv xor mông tsiv gri, xưk li txuz cxov lênhx nênhs tuô nênhs Trần Văn Cường; Đào Mạnh Cường-lênhx nênhs nhiês ntâu nhux tưv, nhux đas sâuv thax tsav tỉnh hâur ntu ntêr, lok siwk cxov Cư Seo Đồng lok kror cxâuv muôl muôs lênhx nênhs…txix co, paz trâu công an truz lur six hơưv zok cxov. Đại tá trần Kim Hải-phưv giám đốc công an tỉnh Yên Bái puz pâuz:“Chor thax tsav mak phênhv ntâu zos tsôngv box mênhx cxưx tsơưs nênhs nhoz viv li tsênhv njiêz yax kriê tsuv lur thiêz yax kriê txix luk mênhx cxưx chiê tsôngv box jênhv pâuz tâu. Hâur cxiv uô chor tsưr ziv mak tsuv uô têx tsưr ziv tsênhz mênhx, muôx chêx cur, tsik zos uô cov muôx. Tsuv uô chak chiê chor tsưr ziv co muôx chêr cur txơưv tiêk chor nênhs uô hâux lưv tưz tror lok tas”.

    Muk tiv phaz chiê sik đros uô hâux lưv, sik đros hêik luk thiêz uô nênhx nhoz đros tsôngv box, chor cán bộ, chiến sỹ Công an tỉnh Yên Bái nhiv no tưz tsik zos xưk li chor nênhs paz tuôr chiê thã xtsav jêx jok, mak tsênhv zos qơư txuôktxix Đagr trâu tsôngv box thiêz tsôngv box trâu Đảng./.

(Thừa Xuân-Lik Thox cxêik nhênhv)

Phênhv thưr 6, hnuz 24/3/2017:

Paz shux xênhz, tsêr cơưv phưv thôngz hâur xã, jêx jok txov nhêv

-Tiv iz, zos shux xênhz tsênhv cơưv trâu ntơưv tsêr cơưv phưv thôngz mênhx cxưx niêv txir zus mor.

-Tiv 2, zos shux xênhz thiêz shux xênhz niêv txir lok sik lênhx nênhs paz tu, paz đros seiz muôx ntâuz ntơưr uô nênhx nhoz trâu chor xã, jêx jok txov nhêv tsênhv cơưv ntơưr ntơưv têx tsêr cơưv cxênhx iz, cxênhx 2 hâur chor xã tox siêz đêz đrôngs, jok txov nhêv thax tsav heir nênhs tsơưs thiêz tox siêz; têx xã txov nhêv nhoz thax tsav qơư iz zav li thax tsav đêx hiêr thiêz poz hiêr.

-Tiv 3 zos shux xênhz thiêz niêv, txir lok sik lênhx nênhs paz đros tu, paz seiz ntơư muôx ntâuz ntơưr uô nênhx nhoz têx xã tox siêz đêz đrôngs, jok txov nhêv thax tsav tsôngv box heir nênhs tsơưs thiêz tox siêz tsênhv  cơưv ntơưr trâu têx tsêr cơưv cxênhx iz, cxênhx 2 hâur chor xã tox siêz thax tsav heir nênhs tsơưs thiêz tox siêz. Muôx vax tsêr nhoz đêz tsêr cơưv lok sik phiv liv mul lok xưk li cui tinhv ntơưv grê 2.

Nghị định cui tinhv, shux xênhz cxenhx 3 zos tsôngv box heir nênhs tsơưs têx tuz nhuôs tsuv taz por têx li đrav kaz:1-Tsênhv cơưv ntơưv têx tsêr cơưv cxênhx 3 lok sik chor tsêr cơưv cxênhx 3 muôx ntâu cxênhx cơưv uô cê; 2-Shux xênhz ntơư niêv thiêz txir, lok sik lênhx nênhs paz tu, paz đros seiz muôx ntâuz ntơưr uô nênhx nhoz ntơưv têx xã tox siêz đêz đrôngs, jok txov nhêv thax tsav heir nênhs tsơưs thiêz tox siêz, chor xã txov nhêv thax tsav qơư iz zav li jê ntus đêx hiêr thiêz poz hiêr.

Nghị định cux cui tinhv têx tsêr cơưv phưv thôngz tâu sơưv têz qơưk tsênhv chei paz zos: Tsêr cơưv phưv thôngz mênhx cxưx niêv txir zus mor; tsêr cơưv phưv thôngz tsưr tsix uô jâuz mor trâu shux xênhz nox, nhoz hâur tsêr cơưv zos tâu sơưv tsênhv chei paz heik sâuv lơưr cui tinhv ntơưv Nghị định no.

Trơưk li cui tinhv, tsêr cơưv phưv thôngz mênhx cxưx niêv txir zus mor tâu paz yưv pênhr uô têx côngz trênhx, zuôr têx chuôz zênhx zuôr trâus txos li: uô tsêr nhoz, txax trâu shux xênhz pư, qơư uô jâuz mor nox, qơư nox mor, tsêr đa đêx, qơư tơưv trôngx, côngz trênhx đêx hur thiêz zuôr têx chuôz zênhx zuôr trâus txos trâu têx shux xênhz nox nhoz hâur tsêr cơưv chiê cơưv ntơưr trơưk li cui tinhv têx tsêr cơưv nhiv no.

Iz chas ntơư, tâu zuôr cxaz nzir, kho đuô têx chuôz zênhx phưx vưv thể dục thể thao, heik gâux, phưx vưv xênhz huôx vênhx huôv thiêz têx chuôz zênhx txơưr đuô….trâu shux xênhz nox nhoz hâur tsêr cơưv, cơưv ntơưr đros thiêz phênhv paz zos 100 cxênhz đeiv iz lênhx shux xênhz iz shông; tâu cxiv uô qơư trâu têx yuôx kho moz zôngv uô cê trâu tas nro têx shux xênhz nox nhoz hâur tsêr cơưv, cơưv ntơưr, zuôr têx yuôx bax nox, kho moz hâur tsêr cơưv muôx txâuk têx zav yuôx nox li: Moz plaz, đhiê hâu, chơưv kho moz zênhx max xuz thơưx….đros thiêz phênhv zos 50 cxênhz đeiv iz lênhx shux xênhz iz shông./.

                     (VOV4-Riê lâux cxeik, nhênhv)