Sơn La tsi tâu xav tênhv tâu qir tiv uô đêx kiês nênhs nhoz hâur đêx ntông chêr

Cxôngx tsôngv box thị trấn Hát Lót li têx ziv chênhv thix ziv thiêz têx tsi jông siêz lok qênhx shênhx hâur đêx trâus kiês nênhs thiêz tsư nxiêz, nênhs sâu xor xưv VOV Tây Bắc tưz tror mul thax tsav hâur đêx ntông chêr nhoz tiểu khu 4, thiêz 5 thị trấn Hát Lót seiz shuôk. Nhiv no, đêx nyiêz đuô tuôx, tsi yuô tsư nxiêz li ntu đrav đêx lơưv. Pos Hoàng Thị Yên, tsôngv box nhoz uô nênhx ntơưv no cux puz pâuz, pox nhuôs nhoz uô nênhx jông đuô pir đros ntu đrav ntêx viv đêx tsi tsư nxiêz zov chênhr li ntu đrav ntêx lơưv:

          “Cxôngx hnuz muôx đoanx lok seiz car, nus mak đêx cux nyiêz đuô mê njik tuôx lơưv”.

          Pov tsir heik txos tsôngv box li têx tsi jông siêz, Sở tài nguyên thiêz tênhx qơư tỉnh Sơn La tưz muôx đoanx côngz xưv mul qênhz yuôx côngz xưv por vêv tênhx qơư, gra đêx lok njuôs siv thiêz seiz car đêx kiês nênhs ntơưv têx pas tso đêx kiês nênhs nhoz Công ty cổ phần thax njêr Sơn La. Thôngx cxix seiz car thiêz gra đêx ntơưv jos Thèn Luông, xã Chiềng Đông, huyện Yên Châu lok njuôs siv, thôngz sâu xor mông ntơưv 3 qơư tsiv uô kok ntông ntơưv xã Cò Nòi. Zơưv Nguyễn Quang Thiên, Tsar phongx coar lik tênhx qơư, Sở tài nguyên thiêz tênhx qơư tỉnh SƠn La puz pâuz:

          “Sở tài nguyên thiêz tênhx qơư yênhx lix đoanx mul seiz ntâuk grê, đhâu têx jiês li ntơưv mak pov têx qơư tsiv uô cux tso tsês tsi tsiv uô thiêz hâur đêx cux jux jus tâu khưx phưx. Pir li đêx nhoz đơưv Chiềng Đông six hơưv tov ntêx pêz gra đêx lok njuôs siv mak lok six tsư nxiêz zov chênhr, taz sik nhiv no cux tsi yuô tsư lơưv thiêz đêx nyiêz đuô tuôx. Ciês ntơưv hâur đêx ntông chêr cux li ntơưv, kuôk nor 7 hnuz tov ntêx lok six tsư nxiêz thiêz đêx đuz txik. Kuôk nor 3-4 hnuz thâuv têx qơư tsiv uô kok ntông tso tsês tsi tsiv uô đêx cux hur đuô tuôx”.

          Six hơưv mak đoanx côngz xưv uô hâux lưv, ntơưv tsêr meir tsiv uô  thax njêr tsênhv zos chiv cheix viv li uô 4 cxênhz ntâu tênhr iz hnuz. Cux ntơưv jiês uô đoanx côngz xưv Sở tài nguyên tênhx qơư uô hâux lưv đros Công ty tsiv uô thax njêr Sơn La, ntâuz ntơưr ntâus grê: têx pas tso đêx kiês nênhs nhoz tsêr meir đhâu 6 six hơưv tsi pov đêx hâur pas trâus grês, tsi pov têx car tso đêx tưs tso đêx trâu tênhx qơư.

          Li ntơưv, txơưv tsi tâu muôx chêx cuk lok qir tiv tưs uô kiês nênhs tênhx qơư, taz sik txu grês jux jus têx qir tiv uô kiês nênhs ntơưv hâur đêx ntông chêr zuôr paz chiz coaz muôx txơưx jênhv nzor xav tênhv tsênhz mênhx qir tiv uô đêx kiês nênhs, muôx luk têz trâu tsôngv box pâuz, viv qênhx shênhx no tưz truz ntêr ntâu shông đhâu mak tsi muôx lo luk têz tưs huv đros./.

(Thanh Thủy- Txâur Vax cxeik nhênhv)

Nênhs nhênhz chơưv viện kho moz tsiêx cxu kriê tsưr ziv qênhz pov chaz hâur têx grêix buô

Đros thiêz têx chaz buô, qir tiv zos viv lênhx nênhs nox tsuv têx kê chaz buô muôx nhoz hâur têx jâuz mor. Đhâu thâuv nox lok sik grok tâu têx chaz, kê chaz muk hâur plaz, nưk zuôr đâus, huôv hloz ntêr jux juk tuôx, gak mul trâu têx hnhur mok, lix gak đhâu trâu cêr uô pa, muk hâur têx nyar thiêz lok nhoz trâu têx lênhs, hlưz hâu, kror muôs.....

Zos lênhx nênhs moz muôx chaz nhoz hâur hnhur, thâuv zak chaz lâuk ntơư tu, muôx têx zak chaz co lok tâu trâu ntơưv ndâux plaz, cux jông xưk li zuk nox tsuv chaz yiêz, viv li têx chaz, kê chaz zuôr lok six ntâu.

Chiê lênhx nênhs sir zôngv muôx têx pâuz tâu grêix buô muôx chaz lok tsi muôx, Tiến sỹ Nguyễn Thị Lan Anh heik, tsuv tiz jông seiz njiê têx grêix ntơưv hâur pâuk blêis, grêix ndêx puôz mak pâuz. Zos qênhz pov têx luz poz jông xưk li cxur blâuv đơưz, ntơư chênhr zos kê chaz thiêz nưk khênhr chêx tsôngk, nhoz yênhx têx poz hâur grêix. Muôx têx zos chaz ntâu, thâuv txiêr, lêis kror grêix li co, têx kê chaz zuôr pôngz iz đraz por tsês. Chênhr viv li, lênhx nênhs sir zôngv tsuv tiz jông seiz thâuv zuôr grêix.

Thâuv zuôr grêix lok, zos pov grêix muôx têx luz poz đơưz lox luôx li  hâu côngz mak ntơư chênhr zos grêix tưz trâus muôx chaz. Iz chas ntơư, zos pov hâur têx grêix muôx iz thôngx, têx nyi lox luôx cxur, đơưz lok sik mê njik đax lik, đơưz liêk nhoz đros têx thôngx grêix mak co zos grêix tưz trâus muôx chaz.

Cux lơưr Tiến sỹ Nguyễn Thị Lan Anh, no zos zav moz fênhx yax nhoz chor nênhs lâuk lok sik nhuôv zâu, muôx têx tuô chor chaz lox tsuôk iz hnuz xưz, hok tuô hur si têx kê mak tas nhos iz đraz hli. Têx lênhx uô niêv uô txir tsuv gra yuôx lok trâu mê nhuôv nox, tsi tas muk tsêr kho moz. Trâus tâu moz chaz buô mak kho tâu jông.

Tiến sỹ Nguyễn Thị Lan Anh heik, moz zuôr lok six riêz nênhs thâuv têx mê nhuôv chaz gak tâu đhâu trâu cêr uô pa, têx hlaz siêz hlaz njưk, mul trâu hâur têx nyar thiêz nhoz ntơưv têx lênhs, hlưz hâu, kror muôs. Têx nhuôv chaz muk trơưl nyar txos trâu lênhx nênhs têx cêr uô pa, kror muôs lok sik hlưz hâu thiêz zuôr hloz lox, muôx ntâu jux juk tuôx. Thiêz cux seiz chor chaz co nưk jông li chas mak muôx yưv têx moz nhiêk txơưr nhiêk tsi siz thôngx. Zos chaz nhoz hâur têx grêix zuôr pov grêix su têx luz poz mê, tơưr, lox luôx nôngz tâuv, khiêr  zênhr, tsi khâuk, tsi moz; zos tiêk chaz nhoz hâur hlưz hâu, lênhx nênhs moz muôx têx tuôs têk, tuôs tơư, tuôs iz saz chêr, heik lul tsi mênhx, tsi yuô ndo kaz jông lok sik moz tâuz hâu hênhr....; zos chaz nhoz hâur kror muôs muôx têx uô trâu lênhx nênhs tsi yuô pov cêr lok sik đil muôs.....

Taz sik, lênhx nênhs sir zôngv tsuv por hưv đas jos, tsi nox têx zav nox nhôngk li: Grêix kâuz, grêix tsi tâu siêr jông, jâuz nhôngk tsi taz por vêv xênhz. Seiz shuôs jông, lar heik zos nhoz têx thax tsav muôx lênhx nênhs trâul moz chaz buô. Tsi zus têx buô tso lav yar, seiz car, qênhz shuôs jông hâux lưv qêz suô, nzuôr, tu têx qơư tuô tsênhr buô cov đu lus, hur si./.

(Thanh Thủy-Riê Lâux cxeik, nhênhv )