Yên Bái uô truôx luôs hâux lưv tir thêir chor nênhs nhiês zuôr muôs hax huv hâur ntu muôx moz COVID-19

Hâur ntu mul qênhz yuôx, seiz car chor nênhs fêv nhiês zuôr muôs hax huv tsik trơưk chêi nhiv kruôr đhâu, ntơưv tuêv jênh phố Đồng Phú, phường Nam Cường, TP Yên Bái, Tuêv cảnh sát kinh tế (Công an TP Yên Bái) sik côngv đros lưx lươngv Coar lik niêv ciêz, qênhz yuôx luz yêz teiv thâux hax huv gra biển số 21C-037.99, đhâu qênhz yuôx pov sâuv yêz muôx 1 cxênhz zav huv txơưr, phênhv ntâu zos zav nox thiêz đêx hâuk, têx hax huv zôngv hâur xênhz huôx niêx hnuz...Tas nro puôr lênhx tsiv uô cxôngx Trung Quốc. Thâuv qênhz yuôx, chor hax huv no puôr lênhx tsi muôx ntâuz ntơưr heik tơưv tsênhz mênhx hâur pâus tsiv uô. Tsưr yêz Nguyễn Văn Việt, nhoz tuêv 1, phường Yên Ninh, TP Yên Bái heik:

          “Tsưr chor hax huv no mak muôx 2,3 lênhx cur tsi pâuz bê, tsuôk pâuz thâux lok no xưz. Muôx lênhx nênhs nhoz Lào Cai xa hax huv heik tiêk muôx cxix cxuô ntâuz ntơưr, xar tiêk sâuv yêz cux tsi muôx tul tsi viv li thâux chiê muôx cxaz phênhv sâu, tsi xar tiêk zuôr phêv liv li no. Xar tsi tâu tiêk hax huv no ho tsi muôx ntâuz ntơưr”.

          Nhiv no, cxôngx qênhx shênhx moz COVID-19 huôv xênhz txơưr txar, tsôngv box muôx zoz qơưx siêz sâu zuôr têx zav nox, đêx hâuk, tiv zix zos têx hax huv muôs tus grê kis. No zos ntu chiê têx lênhx nênhs fêv nhiês muôv muôs hax huv tsi pâuz tsênhz hâur pâus, hax huv chuôr chiê sâu liv trâu zuk.

          Trung tá Dư Mạnh Thắng, Tuêv tsar Tuêv cảnh sát kinh tế, Công an TP Yên Bái puz pâuz: Xav txix hâur shông shông txos nhiv no, Công an thành phố Yên Bái tưz sik côngv đros lưx lươngv Coar lik niêv ciêz Yên Bái pov, ntês cxov thiêz xưv phuôv hâur vênhv thix kinh têr 27 txuz, 27 lênhx nênhs, đros tas nro chor nhiêx txiêx xưv phuôv zos 300 tsov đeiv ntâu:

          “Thâuv ntêx têx lênhx nênhs nhiês thâux hax huv đhâu iz cxiê yêz teiv công cộng, ntu đhâu têz qơưk chox kriê yêz teiv công cộng tso tsês tsi huôx tôngv chiê phax tar moz Covid-19, têx nênhs fêv ho ntiêr yêz teiv mê mul thax tsav ntus đriv chiê zuôr hax huv tsi pâuz tsênhz hâur pâus lok muôs hâur thành phố. Têx hax huv co phênhv ntâu zos phưx vưv xênhz huôx niêx hnuz”.

          Trung tá Dư Mạnh Thắng cux khav tênhv, côngz xưv qênhz yuôx, seiz car pov thiêz yưr lir uô cxâuv zuôr tror tâu lưx lươngv muôx txơưx jênhv tỉnh Yên Bái cxơưz tiês uô, tsi chiê nênhs fêv liv zôngv moz huôv xênhz chiê muôx têx huôx tôngv muôv muôs hax huv chuôr, hax huv tsi pâuz tsênhz qơư tsiv uô, chiê por vêv jông tiv zix lênhx nênhs sir zôngv sâuv thax tsav li têx qênhx liv./.

(Tuấn Xuân-Txâur Vax cxeik nhênhv)

Tsưr ziv phax tar moz Covid-19 trâu lênhx nênhs tsar yêz muk lol tâus cêr

Nam: Uô ntêx thâuv zuôr uô hâux lưv:

Nữ: Tưx seiz shuôs zuk đas jos zos uô cuz uô no, hnôngk, uô tsi yuô tâuk pa, gênhs mak tsuv zênhx max muk trâu qơư y tế chiê tâu seiz njuôk shuôs đal jos thiêz kho moz; iz chas ntơư bax kuôk cêv zuk nhoz zuk iz kro ntơưv tsêr, sox seiz đal jos, heik trâu qơư y tế seiz car pâuz;

Bax txâuk, cxix cxuô têx chuôz zênhx zuôr trâul txos trâu luz six hơưv uô hâux lưv li: Đêx hâuk thiêz têik hâuk đêx (taz por vêv xênhz); fuôv so têk, ntâuz bos kror ndâux, hnaz lôngx têk,.... muôx cồn, tril yo hnar thâuv uô hâux lưv, hnaz ntiv thiêz trâu têx vuôz tsuôz, kiêk nênhs...

Nhạc cắt

Nam: Thâuv uô hâux lưv:

Nữ: Sir zôngv ntâuz bos kror ndâux thâuv chuôs njiz, nhoz jê đros kruô. kriê tsôngv kruô chox ntâuz bos kror ndâux huv đros.

-Sir zôngv hnaz lôngx têk huv đros chiê tsơưs cor txos têx uz no zos tsi zov chênhr. Tsi cxoz muôz têk so, tsâuk kror muôs, kror njưk, kror ndâux chiê txar jav moz siz cik, tsi hnôngk nti kâuz ndâus ntơưv têx. Muôz xaz phôngx nzuôr têk thiêz nzuôr đêx hur tsơưs tsơưs zuôr xar iz phênhz;

-Bax vêv xênhz hur si zuk lênhx tiz nênhs , tsi so muôz đêx cuô njêr lok sik đêx cuô yuôx zâus ndâux, zâus ka;

-Hnar tsôngk tril yo sor por hưv luz chêr, nox nhoz hur si đu lus thiêz nox txâuk têx jâuz mor...;

-Cxơưz cxiz kriz têx kror trôngx, kror trêi sâuv yêz;

Tsi thâux têx lênhx kruô chox thiêz muôx têx tsiêx uz no gra đros muk sâuv yêz;

-Hâur six hơưv uô hâux lưv zos lênhx nênhs tsar yêz lok sik kruô lênhx tưs uô cuz uô no, hnôngk, uô tsi yuô tâuk pa mak tsuv heik trâu cơ quan seiz car thiêz cơ quan y tế pâuz (đhâu têx sôr xor tôngx zov chênhr), muk seiz njuôk shuôs moz ntơưv têx qơư y tế nhoz jê chiê tâu heik kriê zênhx max lok seiz njuôk shuôs, kho moz.

Nhạc cắt

Nam: Thâuv suôx câuv six hơưv uô hâux lưv tsar yêz mul lok:

Nữ: Đhâu hlo thâuv tso kruô grêk yêz tas, lênhx tsar yêz tsuv tsuôs yuôx tuô, lov caz moz sâuv luz yêz thiêz vêv xênhz zuk lênhx nênhs hur si. Tsuôs yuôx tuô, lov caz moz trâu yêz txix muôz têx đêx cuô yuôx li: Xaz phôngx lok sik têx cuô yuôx tuô lov caz moz ntơư lok tsuôs, nzuôr, so yêz;

-Tsi so vêv xênhz, qêz thiêz nzuôr, so hur si qơư tsar yêz, têx ntus kror trôngx yêz, trôngx jâuv, kror trêi...chiê cov yêz hur si.

-Qêz suô thiêz muôz têx hnaz ntiv têx ntơưr, ntâuz bos kror ndâux, têx zav tzưz zôngv đhâu por tsês hâur thôngz trâu têx kiêk nênhs, vuôz tsuôz muôx hâu vor trơưk li cui tinhv; muôz xaz phôngx nzuôr têk thiêz nzuôr đêx hur;

-Tsi hnar têx tsôngk tril yo sir zôngv thâuv uô hâux lưv lok tsêr. Chiê têx tsôngk tril yo co ntiv hâur têx luz hnaz ntov thiêz nxuô hur si đhâu têx jiês uô hâux lưv tsar yêz./.

(Bích Thủy-Riê Lâux cxeik, nhênhv)