Jax 1: Viv li chas txuz zuôr muôs lênhx nênhs nhoz Sìn Hồ cux tsênhv tsi tâu uô tsênhz mênhx.

Đros thiêz têx phiv liv mak Chẻo Mý Hin tsuv hla đhâu hâur ntâu shông đhâu nhoz Trung Quốc, muôx têx Mý Hin ndo njôngr hâur đruôz siêz iz siv nênhx tsi plox. Têx li heik co qir muôx thâuv lênhx niêv hloz nhoz đros iz jok hu Mý Hin muk tov niêv hloz tsêr thiêz zâuv Mý Hin muk uô si tov Trung Quốc, shuôs iz lênhx niêv lâuk cưr tix nhoz tov co. Njênhs trơưk lênhx niêv hloz heik, Hin tưz đros niêv hloz 2 tuk nhuôv zos Tẩn A Thiên thiêz Tẩn Phấy Phấu muk hmo ntux hâur hmo xiêz 01/2/2008. Đhâu ntâu six hơưv muk yêz meir, txos trâu qơư tsav yêz kuz Lai Châu, Hin trâus Tẩn A Thiên tso nhoz ntơưv co đros Tẩn Phấy Phấu chiê tas cik hnuz tov kaz mav cheix yêz kruô muk trâu trôngx đriv Lào Cai njiz lênhx niêv hloz heik sâuv tul nxeik zos Tẩn Pà Mấy, zuôr txir saz tov Trung Quốc tưz tuôx nhoz tok. Txos no, Mý Hin trâus lơưr muôz pheiz tsi chiê đros Tẩn Phấy Phấu thiêz iz jiês no thiêx pâuz tiêk zul trâus nziêk đas chox muk muôs đrâuv luôs 2 chas têz qơưk trơưl cêr đêx. Nhoz saz ntus đêx tiv uz, luôs têz luôs qơư, tsi sưv pâuz lênhx tưs, Mý Hin tsuv uô nênhx nhoz txov nhêv njuôr, thâuv trâus chênhr lênhx txir lâuk nênhs Trung Quốc muôz cơư hâur tsêr thiêz zuôv uô đaz uô tuôs ntâu jiês. Thiêz đhâu ntơư, Tẩn Pà Mấy tưz muôz Mý Hin muôs trâu iz lênhx txir nênhx Trung Quốc tsi muôx jông têk jông tơư li luôs lưv tuk đros thiêz grê zos 3 vạn nhiêx Trung Quốc (bâuv li 100 tsov đeiv nhiêx VN). Nhoz hnuz nhôngs tsênhv zâu, muôx 14 shông, Hin tsuv njiz trâus têx cêr txov thiêz phiv liv hâur cêr txix gơưv zuôv siz zuôr. Chẻo Mý Hin tror ndo đuô:

“Lơưr chox cur muk tov muôs trâu iz lênhx txir nênhx Trung Quốc uô pox niêv. Zos tsi mnôngs trơưk lơưr heik, mak lơưr tsi puz mor trâu nox thiêz trâus ntâuk tsiv, hêv zuôr muôz tuô por tsês. Ntâu shông xuz thơưx uô pox niêv, cur trâus cơư hâur tsêr, tsuôk chiê xênhz zus mê nhuôv  thiêz uô jâuz mor nox trâu tuk txir chuôz zis. Cur muk iz truôv cux trâul luôs sox kaz njôngr. Lul mak tsi pâuz, nhiêx tsi muôx. Ntâu jiês cur sir jos zok nriêr cêr khiêr taz sik khiêr tsi tâu. Muôx kênh jiês, cur tsuôk xar txos txox cêr tuôs chiê cov tsi tâu uô nênhx nhoz txov nhêv njuôr li ntơư, taz sik xar txos tuk nhuôv mê muôx 2 lênhs trox nyar, xar txos niêv thiêz txir nhoz tov kaz, cur ho sir jos uô nênhx, vav chiê siêz muôx iz hnuz tưs zuôr khiêr tâu điv tror lok”.

Đhâu 2 jiês khiêr tsi tâu điv, trâus lơưr cxov tror kaz, ntâuk tsiv hnhar, Hin trâus chênhr tuk txir Trung Quốc ntơư chuôz zis muôz muôs trâu iz lênhx txir nênhx txơưr đuô, tror uô lơưr pox niêv nzir nhoz luôs têz qơưk. 7 shông uô pox niêv, jiês xuz thơưx Hin tưz khiêr tâu điv zok nriêr cêr lok mul txos trâu têx côngz trênhx cxiv tsa chiê thor uô jos, njiz tâu iz lênhx txir nênhx Trung Quốc siêz jông tưz chơưv paz thiêz zok nriêr tsưr ziv paz Hin hu tâu trâu chuôz zis nhoz VN.

Tsik tiêk zos Chẻo Mý Hin iz lênhs, viv hâur xã tsênhv muôx têx lênhx nênhs txơưr đuô cux trâul pos Lai B đros trâu 2, 3 lênhx nhuôs  nziêk đas chox muk muôs tov Trung Quốc, ntơư zos Chẻo Xoang Mấy, Tẩn Mý Hoan, cux nhoz đros uô cê hâur xã Phăng Xô Lin .Pos Tẩn Mý Chài, Chẻo Xoang Mấy lênhx niêv, nhoz jok Phăng Xô Lin 2, xã Phăng Xô Lin piêr lol zuk thiêz tul nxeik txox cêr txov li no:

“Muôx iz hmo thâuv hli 9/2018, cur thiêz cur tuk nhuôv trâus chênhr pos Lai B đros pos ntơư 2, 3 tuk nhuôv tuôx ntơưv tsêr nziêk đas cur tul nxeik muk tov Trung Quốc uô nox. Njênhs trơưk lơưr heik, cur tul nxeik zos Chẻo Xoang Mấy thâuv ntơư nhiv kruôr muôx 15 shông tưz đros lơưr muk saz têz qơưk đrâuv. Cur tsi xar chiê muk taz sik tsi pâuz lơưr nziêk đas cur tul nxeik chox muk thâuv tưs. Thâuv cur muk uô têz lok, tưz tsi pov tul nxeik lơưv. Tax tov kaz no cur thiêx txeik tâu tul nxeik hu xor tôngx tov Trung Quốc lol heik tiêk, tưz trâul pos Lai B lơưr chor niêv tuz nziêk đas muôs, taz sik tưz mul đêz trâu saz tov Trung Quốc lơưv”.

          Tẩn Mý Hoan cux trâul pos Lai B chor niêv tuz nziêk đas muôs tsênhv txov đuô, thâuv txos iz jiês no cux tsi pâuz shor nhoz trâu thax tsav tưs. Pos Tẩn U Mẩy, Tẩn Mý Hoan lênhx niêv heik:

“Shông 2008 cur muk uô jos ntơưv huyện Bình Lư, txos cheix ntux no cur tiêk, iz lênhs muk iz kro chiê uô jos, zok nriêr nhiêx lok nox tsiêz. Viv li cur hu lênhx nxeik nhoz Sìn Hồ tuôx hlôngr cur uô hâux lưv chiê cur muk muôs huv tâus cêr. Txix thâuv ntơư tror zar muk, tsi pâuz thâuv tưs lơưr tuôx zâuv, nziêk đas cur tul nxeik chox lơưv. Đhâu thâuv muôs huv tror lol mak cur hnor têx lênhx đros tul nxeik uô hâux lưv uô cê heik tiêk, Tẩn Pà Mấy, pos Lai B tul nxeik tuôx tok lơưv. Txos nhiv no tsi hnor mông li chas hlo. Cur xar cov têx nênhs fêv ntơư nzor trâus muôz tik cêr cxâuv cov txos qơư”.

Tsôngv ....! Qênhx shênhx zuôr muôs lênhx nênhs tsi tsơưs thax tsav tox siêz li Sìn Hồ, Lai Châu ziv hnuz ziv phiv liv. Li ntơư, taz sik chiê phax tir thêir tâu jông têx nênhs fêv no, lok six zuôr trâul txos cxuô cấp hâu nov ntơưv qơư thiêz tsôngv px sđ đros côngv têk  siz paz. Zâuv iz tsôngv cưr tix nênhx tsa thiêz fôngx zưs  sđ tror mnôngs jax 2 hâur têx jax sâu “Viv li chas txuz zuôr muôs lênhx nênhs nhoz Sìn Hồ cux tsi tâu uô tsênhz mênhx” hâur tsaz yênhx tov kaz./.

(Chẻo Thu-Riê Lâux cxeik, nhênhv)

Têx tsiv gri jông hâur uô chỉ thị 05

          Cxaz chuôz tsaz yênhx sik njiz hâur têx lênhx nênhs jông, têx đeiv iêr chi cax luk đros têx tsưr ziv uô jông, chênhz zênhv tsiv gri sâuv cxuô vênhv thix. Hâur co, muôx lênhx nênhs jông lok hlôngr yiêz jênhv pâuz thiêz huôx tôngv chiê cxiv tsa, krêz uô đêz đar yênhx côngz phongz yaox tas nro tsôngv box por vêv txiv ngaz têz qơưk zos Công an huyện Triệu Phong (Quảng Trị) đos têx chức sắc tôn giáo ntơưv iz cxiê giáo xứ uô. Cxôngx trâur nuv no tưz cxơưz tiês têx phongz yaox tưr thik nhiêv têz nhiêv qơư, gôngr phênhv hlôngr yiêz ntâu thax tsav muôx ntu cuz nxor lok txiv ngaz xã hội. Lơưr đại tá Nguyễn Ngọc Minh, tsar Công an huyện Triệu Phong, chêx cuk no zos viv iz ntu tsi so cơưv shâuv, vênhv zôngv thiêz uô lơưr Hloz Hôx li siêz xar lok phuôx huiz đas jos khối niêv côngv siêz tas nro mênhx cxưx:

          “Uô lơur Hloz Hôx li luk heik kriê, pêz li jênhv vưv zos sik côngv cêr nhiêv têz nhiêv qơư thiêz siêz njênhs tôn giáo chiê cxiv tsa têz qơưk Triệu Phong. Đros ziz njiêz co, pêz tưz yênhx lix têx trâur nuv jông lok txiv ngaz hâur phật giáo, giáo xứ sik côngv tês por vêv txiv ngaz têz qơưk”.

          Iz hâux lưv uô jông mak lênhx tưs cux kruôk txos, co zos têx siêz jông nhoz tsêr sor siêz Tín Thác nhoz xã Lộc Thanh, đrôngs Bảo Lộc (Lâm Đồng)- qơư tsoz phưz 100 ntâu lênhx mê nhuôs njuôs nok, tsi muôx qơư khov vav. Hlôngr njêx muôk tsêr sor siêz Tín Thác, sơ Nguyễn Thị Hường xar tiêk, Chủ tịch HCM tưz hu lơưk cxuô mênhx cxưx, têx tôn giáo sik côngv tês, côngv siêz nhoz uô nênhx jông, sik paz max, sik hluz. Uô Hloz Hôx li luk heik kriê, hâur 10 shông đhâu, tsêr sor siêz Tín Thác thâuv tưs cux krêz đar kror trôngx tok têx mê nhuôs hmôngr tsi jông tuôx nhoz thiêz tsoz phưz têx mê nhuôs co.

          “Hloz li siêz xar njôngr zos xar tsôngv box têx mênhx cxưx thâuv tưs cux tâu tsâu sor, shir phaz, mê nhuôs tâu muk cơưv ntơưr. Tul mê nhuôs xuz thơưx pêz jênhv tsoz phưz zos hnuz 12/6/2009 cur pov iz tul mê nhuôs mos tâu tso pov ntus cêr, cur krêz đeiv pav mak pov iz tul mê nhuôs tsi muôx trik yo hnhar, kuôx viv yeiz mis, thâuv co lok six hluz, pêz mak zos tu sĩ tsi muôx đaz tsi, tsuôk pâuz truôx siêz heik trâu tul mê nhuôs tiêk “Mê nhuôs zos tsi muôx lênhx tưs tos cox, hluz cox mak hnuz no cox uô cur tul mê nhuôs””.

          Shông no, tas nro Đảng, tas nro tsôngv box chiv nhênhv 50 shông hnuz Hloz Hôx tâu tas siv nênhx, tror njiê đuô 50 shông sik côngv siêz côngv têk, sir jos uô lơưr Hloz li luk kriê tsês. No zos jiês xênhz huôx chinhr trị lox thiêz zuôr trâus chiê iz tiv phaz, chiz coaz, taz viv, iz cán bộ, đảng viên, iz lênhx tsôngv box tror seiz đuô zuk, sir jos cơưv shâv uô lơưr Hloz Hôx cxiv tsa têz qơưk ziv hnuz ziv bluô nux, vav mênhx./.

(VOVTN-Txâur Vax cxeik nhênhv)