Chêix ntux sor uô ntêx hlo nhoz Yên Bái

Tsuôk iz ciêz hâur hlik hli 7 nhiv kruôr đhâu, tsêr cơưv Cao đẳng kriê hâux lưv uô Yên Bái li đoanx uô ntêx hlo tưz sik côngv đros hluôk nênhs thiêz pêx xênhv cxuô tsênhv qơư uô tiêr Côngz trinhx tơưl tênhz chis pov cêr têx cêr muk lok hâur jêx jok ntơưv xar An Lạc, huyện Lục Yên đros ntu cêr ntêr muôx 500 thiêr, muôx 13 tuk ndêx thiêz tênhz tơưl chis pov cêr, tưz tsik zos paz trâu tsôngv pox nhuôs hêir nênhs Tày, nênhs Cho muk lok, gra siêz tsơưr lươngv luz nênhx, mak tsênhv paz taz por ngaz tuk trâu jêx jos. Shux xênhz tsêr cơưv cao đẳng kriê hâux lưv uô tsênhv tsưr tsix vêv xênhz ntu cêr jok Đung ntêr muôx 800 thiêr, luôx, qêz, kho đuô thax tsav iz ndis tsêr vênhx huôv jok Của Hốc, sêiz nus chor chuôz zis tâu sơưv cêr chêi, khơưk muôz huv trâu chor nhuôs zâu muôx luz nênhx txov nhêv, piêr kriê hâux lưv uô thiêz hêik pâuz lok hâux lưv uô trâu hluôk nênhs têx jêx jok… Tiv zix zos đoanx nênhs uô ntêx hlo tsênhv tsưr tsix cxuô jiês yax kriê phax tar trâus pôngz đêx trâu nhuôs zâu ntơưv jok Hàm Rồng, thax tsav nhoz jê ntus đêx, chor nhuôs zâu zôngx ziv trâus pôngz đêx siêz zos tsik tâu tsov cưv txos cov jông. Cưk kriê ntơưr Nông Thị Mai Khang, Phưv Bí thư đoàn tsêr cơưv cao đẳng kriê hâux lưv uô Yên Bái puz pâuz:

“Đoanx hluôk nênhs tsêr cơưv li tsaz yênhx uô ntêx hlo zos uô têx hâux lưv viv côngv thôngx, no cux zos iz phênhv hâur tsaz yênhx sik côngv, paz trâu xar txov nhêv tiv zix nhoz tsêr cơưv Cao đẳng kriê hâux lưv uô Yên Bái thiêz xar An Lạc. Tsaz yênhx tsênhv zos jiês chiê shux xênhz tsêr cơưv  muôx tsar tov tâu nriêr pâuz nzir têx txux chi xar hôiv thiêz pâuz tsênhz đuô lok têx tsiv gri hâur luz nênhx”.

Hâur têx hnuz đhâu, 1.000 ntâu lênhx hluôk nênhs tuôx txix chor chi đoàn nhoz huyện đoàn Mù Cang Chải lov jêv ntưk đros uô côngz trinhx hluôk nênhs kriz uô 15 hec ta liêx ntêir paz trâu pêx xênhv kriz đar đuô thax tsav tsêz chos kôngz lôngk đros trâu huôv tsar du lịch têz qơưk lok liêx ntêir.

Xar Cao Phạ, huyện Mù Cang Chải muôx 90% ntâu tsôngv box mênhx cxưx Hmôngz uô nênhx nhoz. Tâu Đảng thiêz têz qơưk tsov cưv txos, taz sik pox nhuôs hâur xar luz nênhx tsênhv yuôr ntâu txov nhêv, iz phênhv zos muôx tsik tâu txâuk ar huôv tsar cêr uô nox. Đros sir jos uô lox tôngv xar tơưv, tsuôk 5 hnuz chor hluôk nênhs huyện Mù Cang Chải tưz sêi đrơưv kriz thiêz kho đuô 15 hec ta liêx tưz tso tsês khôngz hâur ntâu shông, choz zok trâu xar Cao Phạ chiê muôz trâu chor ziv chuôz zis chos blêx liêx. Tix lâus Lik Xênhv Zax, Phưv Bí thư huyện đoàn Mù Cang Chải puz pâuz:

“Phuôx huiz hluôk nênhs têx uô ntêx hlo viv luz nênhx côngv thôngx, huyện đoanx tưz kriz uô chor côngz trinhx txix huyện txos tiv phaz. Thôngz đhâu têx hâux lưv uô ntêx hlo, hluôk nênhs Mù Cang Chải tưz khav tênhv tâu zuk pưk txux, txơưx jênhv hâur paz uô zênhx liv têx tsưr ziv, hâux lưv mak Nghị quyết Đại hôiv đoàn cux xưk li Đại hôiv Đảng cxuô cấp tưz tso tơưv”.

Hli 7 nhoz Yên Bái shông no muôx yar ntux cuz sor đuô cxiê shông, taz sik tsik uô trâu chor hluôk nênhs cxơưx, têx hâux lưv uô mak tâu uô truôx jông. Trần Thị Thùy Linh, shux xênhz lớp kế toán doanh nghiệp K27, Tsêr cơưv Cao đẳng kriê hâux lưv uô Yên Bái puz pâuz:

“Têx hâux lưv uô no paz trâu pêz yênhx nênhs đuô. Thiêz kror zov chênhr tiv zix zos pêz tưz sik côngv têk paz iz phênhv đas jos trâu pox nhuôs nhoz đêz, tox siêz tsênhv njiz ntâu txov nhêv hâur luz nênhx”.

Nhiv no, têx hâux lưv uô ntêx hlo chêix ntux sor cux tsênhv tâu chor hluôk nênhs tỉnh Yên Bái kriz uô trâu ntơưv iz cxiê tsênhv qơư, cơ quan, taz viv, paz ngaz tuk xar hôiv, cxiv tsa jêx jok yiêz, chênhz tsav đrôngl jông jav./.

(Tuấn Xuân-Lik Thox cxêik nhênhv)

PIÊR KRIÊ LOK CHEI NÊNHS LÂUK HNUZ NHÔNGS SIÊZ

Grê 4. Têz qơưk tsênhv chei đros thiêz nênhs lâuk hnuz nhôngs siêz.

1. Phênhz nhiêx txiêx niêx shông fiv đros chiê uô lơưr tsênhv chei tsoz phưz thiêz phuôx huiz pưs txux nênhs lâuk hnuz nhôngs siêz.

2. XH têx cêr paz max trâu nênhs lâuk hnuz nhôngs siêz trơưk chei no cui tinhv thiêz chei têz qơưk têx cui tinhv txơưr đuô cik txos.

3. Uô uô cê tsênhv chei đros nênhs lâuk hnuz nhôngs siêz hâur tsênhv cei huôv tsar kinh tế-XH.

4. Huôv tsar ngênhx tsoz phưz, kho moz trâu chor nênhs tuôv zênhv zoz qơưx seiz njuôk shuôs, kho moz trâu nênhs lâuk hnuz nhôngs siêz; kriê cxaz txux chi tsưr ziv uô hâux lưv trâu têx lênhx nênhs tsoz phưz, tu chor nênhs lâuk hnuz nhôngs siêz.

5. Cxơưz cxiz, muôz jông six hơưv trâu nênhs lâuk hnuz nhôngs siêz cơưv shâuv đas jos; cơưv shâuv, nthuôr uô têx cêr lov jêv; uô nênhx nhoz hâur tênhx qơư truôx tuk; phuôx huiz nênhs lâuk hnuz nhôngs siêz li pưs txux hâur cxiv tsa thiêz tsưx phưv têz qơưk.

6. Cxơưz cxiz, paz max cơ quan, tsưr tsix, lênhx nênhs uô têx hâux lưv yax mông, choz kriê tsưr ziv uô nênhx, pâuz ndo txos têx lâuk hnuz nhôngs siêz li txiêx njis, côngz đas jos, tsoz phưz, phuôx huiz nênhs lâuk li pưs txux, cêr uô nênhx jông.

7. Kruôs cơ quan, tsưr tsix, lênhx nênhs uô tâu hâux lưv jông hâur tsoz phưz, tu têx lâuk nênhs, phuôx huiz nênhs lâuk hnuz nhôngs siêz pưs txux.

8. Xưv bluô ntov jông cơ quan, tsưr tsix, lênhx nênhs uô cxâuv chei no li cui tinhv thiêz têz qơư têx cui tinhv txơưr đuô cik txos.

Nhạc cắt

Grê 5. Cơ quan, tsưr tsix thiêz lênhx nênhs li txơưx jênhv

1. Cơ quan tsưr tsix hâur zuk têx hâux lưv tâu choz lês uô muôx txơưx jênhv tsoz phưz, por hưv nênhs lâuk hnuz nhôngs siêz li vax huôv thiêz têx muôx liv trơưk chei têz qơưk.

2. Mặt trận tổ quốc VN thiêz têx tsưr tsix thành viên, têx tsưr tsix txơưr đuô muôx txơưx jênhv yax kriê, heik tsôngv px gra siêz txơưx jênhv tsoz phưz thiêz phuôx huiz nênhs lâuk hnuz nhôngs siêz pưs txux; cxaz chuôz seiz kaz hâux lưv uô lơưr tsênhv chei, têz qơưk têx chei lok nênhs lâuk hnuz nhôngs siêz.

3. Chuôz zis nênhs lâuk hnuz nhôngs siêz muôx txơưx jênhv phênhv ntâu hâur tsoz phưz, tu têx nênhs lâuk hnuz nhôngs siêz.

4. Lênhx nênhs muôx txơưx jênhv seiz tâuk thiêz paz max chor nênhs lâuk hnuz nhôngs siêz.

Grê 6. Hnuz nênhs lâuk hnuz nhôngs siêz VN

Hnuz xiêz 6/6 niêx shông zos Hnuz nênhs lâuk hnuz nhôngs siêz VN

(Bích Thủy-Riê Lâux cxeik, nhênhv)