Kruôz kriê uô nênhx hâur tsêr cơưv ntơưr-tsưr ziv paz tir tar siz zuôr nzor nhoz Lai Châu

Jiês cơưv uô kaz ciês shông cơưv 2019-2020 ntơưv lớp 6A1, tsêr cơưv phôv thôngz mênhx cxưx niêv txir zus mor cxênhx oz Sin Suối Hồ (huyện Phong Thổ), shux xênhz têx sik thav lov jêv đuô cxuô jiês cơưv txơưr. Hêi txos cêr fôngx zưs, gâux đâus hâur hnuz nhôngs tsênhz zos shux xênhz, tsưr ziv txar jav muôx mê nhuôv tsik trơưk siêz xar, phax tar têx zav moz siz cik đhâu cêr gâux đrâus, lok sik hâux lưv uô hiêv thiêz liv zôngv cêr gâux đrâus nhoz cxênhx hluôk thiêz tsưr ziv phax, tar, tsoz phưz luz chêr trâu shux xênhz…. Xưk li lax hêik kriê trâu chor nhuôs nhiv kruôr muôx 13-14 shông, taz sik chor cưk kriê ntơưr thiêz cán bộ dân số uô jông hêik kriê, zôngx ziv pâuz tưz paz trâu chor shux xênhz shir phaz đuô.

Phạm Ngọc Mai, shux xênhz lớp 6A1, Tsêr cơưv phôv thôngx mênhx cxưx niêv txir zus mor cxênhx oz nhoz Sin Suối Hồ puz pâuz: “Nanv siz zuôr nzor hâur tsôngv box mênhx cxưx Hmôngz cux tsik so muôx. Hloz luôx li cur nhoz têx jêx jok, mak lơưr tưz zuôr txir thiêz muôx mê nhuôv. Muôx têx lênhx tsênhv cơưv ntơưr lok cux zuôr txir thiêz tso ntơưr tsês nhoz tsêr chiê muk uô liêx têz, luz nênhx lok six txov nhêv”. Viv li, hâux lưv yax kriê li no mak lok six muôx liv trâu cxuô lenhx nênhs hâur lớp, tiv zix zos têx lênhx nhuôs nxêik li Mai: “Đhâu jiês yax kriê mak pêz zuôr pâuz tâu tsênhz đuô lok cêr uô nênhx, hluôk nênhs li đas jos xenhz zus, đas jos uô ntêx thâuv zuôr siz zuôr thiêz tsưr ziv uô nênhx hâur chuôz zis”.

Chor jiês cơưv yax kriê, zoz zux cêr uô nênhx tâu chor tsêr cơưv nhoz Lai Châu tsưr tsix kriê lơưr hli ntơưv lớp lok sik iz chor lớp cơưv uô cê, phênhv ntâu zos kriê paz trâu chor shux xênhz nhuôs nxêik cơưv cxênhx oz thiêz cxênhx pêz. Nênhs kruôz kriê txik so zos chor cán bộ dân số huyện, lok sik zos ciês chor cưk kriê ntơưr hâur têx tsêr cơưv ntơưr. Niêv tix Lò Thị Thu Hà, cán bộ Phòng Dân số tsưr ziv hâur chuôz zis huyện Phong Thổ puz pâuz: “Pêz tsik so tsưr tsix chor jiês yax kriê ntơưv jêx jok, xar. Thiêz pêz cux sik côngv đros têx phòng, ban hâur xar, huyện yax kriê đêz đar đuô lok pháp luật chiê txo grêk tsơưs qênhx shênhx siz zuôr nzor. Pêz chor nênhs uô hâux lưv lok dân số nhoz ntơưv têx xar thâuv hnor lok sik pâuz tâu tiêk zuôr muôx nênhs siz zuôr nzor no mak pêz muk txos ciês chuôz zis chiê hêik, viv li, chor nênhs siz zuôr nzor cux tưz grêk tsơưs ntâu pir li têx shông uô ntêx”.

Siz zuôr nzor  tưz zos venhv thix phiv liv muôx hâur tsôngv box txix thâuv ntêx txos nhiv no, hâur co, tsik tsơưs chor shux xênhz cơưv ntơưr ntơưv têx tsêr cơưv nhoz đêz, tox siêz, ntus đriv cux tso ntơưr tsês chiê zuôr pox niêv, zuôr txir. Chiê tir tar, txo grêk tsơưs qênhx shênhx no, nganhx zoz zux huyện Phong Thổ tưz chox kriê têx tsêr cơưv ntơưr sik côngv truôx jông đros cấp ủy chính quyền tiv phaz, têx cơ quan uô hâux lưv no muôz hâux lưv kruôz kriê cêr uô nênhx lok kriê hâur tsêr cơưv ntơưr thiêz sêiz co zos iz môn cơưv.

Zơưv Nguyễn Vương Hồng, Phưv phòng Zoz zux thiêz Thox cxov huyện Phong Thổ puz pâuz: chor tsêr cơưv ntơưr tưz sir jos kruôz kriê cêr uô nênhx, đas jos xênhz zus trâu shux xênhz thiêz tso tơưv uô lơưr phongz yaox hêik tsik siz zuôr nzor ciês hâur tsêr cơưv ntơưr. Đros co zos tsov cưv txos hêik pâuz, zoz zux tsênhv chêi pháp luật lok vax huôv siz luôs, pháp luật lok siz zuôr hâur chuôz zis trâu chor shux xênhz pâuz: “Phòng Zoz zux tưz chox kriê chor tsêr cơưv ntơưr sik côngv đros têx ban, nganhx, đoanx thêv huyện chiê yax kriê lok têx kror phiv liv thâuv siz zuôr nzor trâu chor shux xênhz pâuz. Đuô li cux sik côngv đros tsưr tsix Plan kruôz kriê trâu tas nro chor cưk kriê ntơưr sêiz shuôk đoàn, đội hâur têx tsêr cơưv, têx tsênhv njiêz cik txos vax huôv siz luôs trâu chor shux xênhz zos nhuôs nxêik. Chiê thâuv kriz uô ntơưv tiv phaz, chor cưk kriê ntơưr zuôr tsưr tsix yax kriê, gra siêz jênhv pâuz, txux chi trâu chor shux xênhz”.

Khov muôx hâux lưv kruôz kriê cêr uô nênhx lok kriê hâur tsêr cơưv ntơưr, mak kror phiv liv no nhoz huyện tox siêz Phong Thổ, tỉnh Lai Châu tưz hlôngr yiêz lok six ntâu, uô ntêx zos paz txo grek tsơưs ntâu chor shux xênhz hâur têx tsêr cơưv ntơưr tso ntơưr tsês chiê zuôr pox niêv, zuôr txir nzor./.

(Khắc Kiên-Lik Thox cxêik nhênhv)

Qênhx tuôr tsês mênhx cxưx tsơưs nênhs li cêr nênhx vênhx huôv jông

Têx shôngk đhâu, Đảng, têz qơưk Việt Nam lok six tsov cưv txos chính sách mênhx cxưx, tiv zix zos taz por qênhx tuôr tsês tsôngv box mênhx cxưx tsơưs nênhs li cêr nênhx vênhx huôv jông. Ntâu bộ luật, grê luật tưz tâu Têz qơưk tso tơưv chiê uô tsênhz mênhx têx qênhx lênhx nênhs (hâur co muôx tas nro tsôngv box têx mênhx cxưx tsơưs nênhs). No zos cơ sở pháp lý trâu hâux lưv por vêv, tuôr tsês têx mênhx cxưx tsơưs nênhs li cêr nênhx vênhx huôv jông. Đrâuv co, Têz qơưk cux tsi so tso tơưv têx chính sách, tsaz yênhx apz txưv chiê paz tsôngv box têx mênhx cxưx tsơưs nênhs muôz siêz luz nênhx vênhx huôv thiêz luz nênhx chinhz yênhx. PGS.TS Lê Ngọc Thắng, Kuz Viện tsar Viện mênhx cxưx học- Ủy ban mênhx cxưx Côx hôiv jênhv tênhv: “Cxôngx thâuv Nghị quyết TW 5 khóa 8 shông 1998 txos nhiv no thiêz Nghị quyết 33 hội nghị TW 9 khóa 11 nhiv kruôr đhâu mak vênhv thix tuôr tsês cêr nênhx vênhx huôv zos Đảng li iz tsưr ziv lok six coaz tsôngv hâur ntu sik côngv no. No zos kror chiê pêz tror seiz shuôk đuô thiêz cxôngx co muôx ntâu cxix luôk chính sách đros huôv tsar lok kinh têr mak muôx lok six ntâu tsưr ziv, tsaz yênhx têz qơưk li qơư tsov txos lok vênhx huôv gôngr phênhv tuôr tsês têx mênhx cxưx li vênhx huôv jông”.

          Hâur jax sâu “ Tuôr tsês, phuôx huiz vênhx huôv têx mênhx cxưx ntu sik côngv” pos Nguyễn Thị Hải Nhung, Vụ tsar Vụ vênhx huôv mênhx cxưx, Bộ vênhx huôv, thiv thao thiêz ju lix puz pâuz: Txơưv côngz xưv tuôr tsês, phuôx huiz tsiv grê vênhx huôv têx mênhx cxưx, tiv zix zos têx mênhx cxưx tsơưs nênhs tâu Đảng, têz qơưk thiêz côngv thôngx tsov cưv uô. Taz sik, côngz xưv no tsênhv yuôr ntâu hâux lưv tsi tâu uô tâu. Hâur co, tsuv heik txos zos pêz tsi tâu muôx iz chei tsês trâu côngz xưv mênhx cxưx chiê uô tsênhz mênhx Đảng li siêz xar, uô hâur pâus pháp lý kho đuô chính sách lok vênhv thix vênhx huôv têx mênhx cxưx tsơưs nênhs. Iz cxiê chính sách lok vênhx huôv thâuv tâu krêz uô tsênhv pov muôx yưv têx siêz xar tsi jông uô côngz xưv tuôr tsês njiz ntâu phêv liv. Co cux zos iz hâur têx qir tiv uô iz cxiê tsaz yênhx, đề án lok tuôr tsês thiêz phuôx huiz têx mênhx cxưx li têx tsiv grê vênhx huôv chax chês tâu cxiv tsa thiêz thôngz đhâu taz sik tsi muôx nhiêx txiêx viv li krêz uô njiz phêv liv, tsuv uô uô cê đros taz viv li phênhv nhiêx txiêx yênhx shông, lok sik yưv pênhr tsi tâu tuôv zênhv tâu zoz qơưx tsênhv tsênhz.

          Lơưr pos Nguyễn Thị Hải Nhung, iz hâur têx qir tiv uô muôx yưv qênhx shênhx co zos tiv yênhx tưv tsi siz bâus hâur thax tsav tsôngv box mênhx cxưx tsơưs nênhs thiêz tox siêz đros têx thax tsav txơưr hâur tas nro têz qơưk ziv hnuz ziv chuôz ndê; hâux lưv tuôr tsês, huôv tsar têx mênhx cxưx tsơưs nênhs li tsiv grê vênhx huôv hâur qênhx shênhx tsênhv tsênhz tsi tâu tâu tsov cưv thiêz yưv pênhr huv đros, tsi tuôv zênhv tâu zoz qơưx tso tơưv; têx tiv phaz thax tsav mênhx cxữ tsơưs nênhs tsênhv pluôs, thax tsav đar, tsôngv box nhoz tsi chêx chôngk, iz cxiê mênhx cxưx sik đros nhoz uô cê luk heik, phongz cxưx tsi xưk iz zav, yênhx tưv txux chi tsi xưk iz zav; tsiv grê vênhx huôv chax chês iz cxiê mênhx cxưx tsơưs nênhs njuôs xav trâus pôngz plox, hlôngr yiêz. Tsôngv box mênhx cxưx tsơưs nênhs li iz cxiê cêr nênhx vênhx huôv jông tsi tâu tuôr tsês thiêz phuôx huiz jông; hâux lưv huôv tsar têx tsiv grê yiêz tsênhv tsi tâu truôx vênhs....

          Cux lơưr pos Hải Nhung: tsuv muôx tsưr ziv chiê uô jông côngz xưv tuôr tsês thiêz phuôx huiz têx tsiv grê vênhx huôv chax chês thax tsav tsôngv box mênhx cxưx tsơưs nênhs. Uô ntêx zos hlôngr yiêz cxix luôk chính sách lok vênhx huôv mênhx cxưx lơưr saz chêx chôngk lêx ntêr. Nhiv no, tsuv tso tơưv têx chính sách tsênhz mênhx lok vênhv thix tuôr tsês têx tsiv grê vênhx huôv chax chês. Chuôz tsar pênhr jos yưv chiê paz txưv trâu thax tsav tox siêz cxiv tsa têx vênhx huôv huv đros yênhx mênhx cxưx li vênhx huôv chax chês. Paz txưv tuôr tsês luk heik, ntơưr têx mênhx cxưx tsơưs nênhs thôngz đhâu kriê luk, kriê ntơưr mênhx cxưx tsơưs trâu cán bộ, công chức, viên chức uô côngz xưv ntơưv têx thax tsav tox siêz, qơư muôx tsôngv box mênhx cxưx tsơưs nênhs nhoz uô nênhx.

          PGS.TS Lê Ngọc Thắng cux heik tơưv tsuv muôx iz chính sách huv đros chiê tuôr tsês, phuôx huiz tsôngv box mênhx cxưx tsơưs nênhs li têx tsiv grê vênhx huôv jông, tiv zix zos đros têx mênhx cxưx tsi tâu nto 10 cxênhz lênhx: “Hloz Hôx tưz heik, lok saz Côx hôiv, tưz muôx cxix cxuô têx teiv plor zos têx mênhx cxưx taz sik lok saz chinhr phuv cxôngx shông 1946 Hloz tưz heik muôx mênhx cxưx tsơưs nênhs chiê tsoz phưz tas nro tsôngv box. Chính sách thor mak txơưr, chính sách paz mak txơưr, chính sách tsoz phưz mak txơưr. Heik txos chính sách tsoz phưz mak tsuv njiê tas nro, tsuv uô muôx tsưr ziv. Tsi lơưr six cxiv, pêz xar mak đros côngv thôngx no siêz xar lok chính sách zos iz hâur têx qir tiv coaz tsôngv. Tsuv chêx chôngk têx lênhx nênhx txơưx njê lok kinh têr, chinhr trị, txiv ngaz côx phax thiêx muôx tâu tsưr ziv uô”./.

(VOV4-Txâur Vax cxeik nhênhv)