Jax sâu hnuz 24/9/2015

Sơn La yax kriê px đros cxiv tsa jêx jok yiêz

 

 

 

Kror pov ciês xuz thơưx thâuv txos jok Hụm, xã Chiềng Xôm, thành phố Sơn La zos cêr shir phaz, tsâu sor nhoz no. chor cêr muk hâur jok tưz tâu uô txix bê tông, đros co zos chor tsêr lơưx cxôngx nzor tâu uô lok six jông gâux. Zos iz hâur xã Chiềng Xôm li chor jok tâu chiê uô siv cxiv tsa jêx jok yiêz, cấp ủy, chính quyền jok Hụm tưz sir jos yax kriê hêik pêx xênhv sik côngv têk uô, tiv zix zos pêx xênhv tưz muôz 1.800 ntâu yiv ndis ar kriz uô cêr muk lok thiêz sik côngv paz tâu yênhx cxênhz hnuz côngz đros uô chor cêr muk lok hâur jêx jok. Zơưv Quàng Văn Phong, tsưr jok Hụm, xã Chiềng Xôm, thành phố Sơn La, tỉnh Sơn La puz pâuz:

Băng: “Hâur chi bộ, chính quyền thiêz chor đoanx thể zuôr muôz tso trâu hâur quy ước, hương ước, chiê tuôr chiê cxiv tsa jêx jok yiêz muôx tsiv gri li chak; cêr muk lok hur si, kror tiv 2 thiêz zos vax tsêr cux tâu uô jông, têx côngz trinhx vêv xênhz tsuv taz por, tsik phiv liv txos tênhv qơư”.

Khov uô jông hâux lưv yax kriê, pêx xênhv thôngx ziv paz thiêz côngv têk đros cxiv tsa jêx jok yiêz; viv li chor jêx jok nhoz Chiềng Xôm tâu hlôngr yiêz. Hâur 3 shông tror đrav ntêx, tix lâus Quàng Văn Bình li chuôz zis huôv tsar kinh tế txix tu zus buô. Taz sik tsuôk zos chiv chir zus, tix lâus cux tsik tsov cưv txos por vêv tênhv qơư, viv li tix lâus chuôz zis uô vuôz tsuôz kiêk nênhs tsik tsơưs txos tênhv qơư thiêz uô ruôr hiêv txos chor chuôz zis iz ndis. Txix thâuv tâu cán bộ hêik kriê, tix lâus zus nzir 60-70 tuk buô grêix thiêz buô sha mê nhuôs, cê yưv pênhr cxiv uô kror bioga. Khov co, kinh tế chuôz zis tưz huôv tsar truôx thiêz tsênhv tu zus tsiêx cxux cux tsik uô vuôz tsuôz kiêk nênhs txos tênhv qơư. Kror no puz pov, pêx xênhv li jênhv pâuz tưz muôx ntâu hlôngr yiêz. Tix lâus Quàng Văn Bình, nhoz jok Hụm, xã Chiềng Xôm, thành phố Sơn La hêik:

Băng: “Xã Chiềng Xôm tax tâu ploz tsênhr têz qơưk lok cxiv tsa jêx jok yiêz mak pêz lok six shir phaz. Thiêz cur chuôz zis tưz sik đros sơưr đơưk uô kror bioga chiê taz por vêv xênhz tênhv qơư thiêz jêx jok”.

Đros piz txix uô kôngz nuv, huôv tsar kinh tế tsênhv tsơưs, taz sik, Đảng ủy, chính quyền xã tưz phuôx huiz kror liv txix ar liêx, hêik pox nhuôs hlôngr đuô tsiêx tu zus thiêz tsoz chos, txix uô xênhz yar zâu yênhx uô xênhz yar hax huv. Chor liêx thâuv ntêx uô blêx sâu tâu tsơưr lươngv kik, nhiv no tưz tâu hlôngr chiê chos pax, jâuz tâuv…. Txix phênhv sâu muôx oz pêz châuv triệu đêiv iz hec ta, nhiv no pêx xênhv tưz muôx phênhv sâu oz pêz puô triệu đêiv iz hec ta. Zơưv Hà Mạnh Hùng, bí thư Đảng ủy xã Chiềng Xôm, thành phố Sơn La, tỉnh Sơn La hêik:

Băng: “Đảng bộ, chính quyền xã Chiềng Xôm xav jênhv  cxiv tsa jêx jok yiêz lok six zov chênhr. Txix co, tas nro cxiv luôs chính trị hâur xã puôr lênhx sir jos uô, thiêz xav jênhv kror tưs zôngx ziv mak uô uô ntêx, phiv liv mak uô lơưr kaz. Kror tiv 2 thiêz, Đảng ủy cux tso tơưv nghị quyết chiê cxiv tsa jêx jok yiêz trâu yênhx shông. Uô tsênhz mênhx, dân chủ chiê pêx xênhv pâuz, sêiz lax thiêz txix co pêx xênhv chiv chir gôngr ar, cxuô zav chiê sik đros côngv têk cxiv tsa jêx jok yiêz”.

Nhiv no tas nro xã Chiềng Xôm, 100% pêx xênhv tâu sir zôngv tênhv tênhz têz qơưk thiêz đêx hur; tas nro chor cêr muk lok tâu uô txix bê tông; phênhv sâu tâu zuôr xar 20 triệu đêiv iz lênhx nênhs iz shông. Nhiv no, xã tsênhv sir jos huôv tsar kinh tế lơưr tsưr ziv Hợp tác xã, hâur co tsưr ziv hợp tác xã chos pax, jâuz hur, tu zus tsiêx cxu thiêz cungz cxuô zav uô kôngz nuv, zaz zâuv tsôngv px sđ đros uô tâu truôx.

Muk txos trâu Chiềng Xôm nhiv no, pêz jênhv pâuz tsênhz têx hlôngr yiêz. Khôngz qiv uô nox uô hâuk muôx nhoz cxuô nro têx liêx, têz; Tas nro pêx xênhv nhoz no tsênhv sik côngv têk cxiv tsa xã chiê yênhx xã uô ntêx hlo lok cxiv tsa jêx jok yiêz ntơưv tỉnh Sơn La./.

                                                     (Việt Anh-Ly cxêik-nhênhv)

 

 

 

 

 

Phênhv “Nênhs gruôs uô tâu hâux lưv jông” hnuz 24/9/2015:

Iz kror qơư paz pox niêv vir ndâuk muk đhâu yêiz pluôs.

 

 

Triệu Thị Gia ziv chuôz zis nhoz xã Hương Vỹ, huyện Yên Thế, hâur ntâu shông đhâu lok no, thâuv tưs cêr yêiz pluôs cux muôx nhoz đros đrêiv luz nênhx. Niêv tix tus txir tâu tas siv nênhs lơưv ntêr shông, yuôr niêv tix Gia iz lênhx khưr uô 3 jêk liêx thiêz tu zus 3 tus mê nhuôv muk cơưv ntơưr; thâuv ntơư, cêr yêiz pluôs nhoz đros đrêiv hâur luz nênhx. Hâur shông 2012, niêv tix Gia tâu Hội pox niêv vir ndâuk xã muôz nôngz nhux đas chox lok tu zus-huôv tsar kinh tế ziv chuôz zis. Txix ntơư, niêv tix Gia đros trâu 3 lênhx mê nhuôv truôx siêz bo tu zus nhux sha mê nhuôv; xuz thơưx muôs tus mê nhuôv nhux tâu 15 triệu nhiêx. Txix muôx mê njik pênhr nhiêx, niêv tix Gia ziv chuôz zis tưz muôz chor nhiêx no chox muk zuôr buô zus đros trâu huôv tsar tu zus kêiz ok thiêz chos ntông nox txir. Txix têx luôs hâux lưv huôv tsar uô ntơư, tưz pov njôngr luz nênhx muôx nox muôx hnar, hlôngr yiêz jux juk. Niêv tix Triệu Thị Gia hêik pâuz:

Băng: “Hli 10 shông 2012, cur tâu hội pox niêv xã muôz nôngz nhux tu zus, txos hli 3 shông 2013, nhux tưz sha mê nhuôv. Huôv tsar tu zus nhux cux zôngx ziv cơưs. Txix ntơư, cur ziv chuôz zis tưz chêx chôngk huôv tsar kinh tế, oz tus mê nhuôv puôr lênhx tâu muk cơưv txux chi thiêz pov muôx luz nênhx truôx tuk jux juk”.

Niêv tix Triệu Thị Gia zos iz hâur ntâu ziv chuôz zis tâu hội pox niêv xã muôz nôngz nhux huôv tsar tu zus nhoz iz xã nhoz thax tsav tox siêz thiêz tsôngv px xã Hương Vỹ zênhx uô nênhx khưr tsêz chos kôngz lôngk, tsênhv yuôr ntâu txov nhêv; đros ntơư, tsôngv px ntơưv no cux tsik tâu pâuz vệ xênhz tênhx qơư. Đhâu ntơư, hội pox niêv vir ndâuk xã tưz nriêr cxuô faz tsưr ziv vệ xênhz, tsưx phưv tênhx qơư huv đros. Ntơư zos sđ siz chos sâu têx khâuz nhaz chox muk muôs chiê  muôz têx nhiêx  ntơư paz chor ziv chuôz zis pluôs. Pos Nguyễn Thị Phượng, Chi hội trưởng, chi hội pox niêv jos Hồ Tiến, xã Hương Vỹ hêik pâuz:

Băng: “Nhiv no ziv chuôz zis tưs cux muôx oz luz hnaz ntiv khâuz nhaz, thâuv tưs khơưk sâu khâuz nhaz pur hnaz ho chox muk muôs. Ntơư zos iz luôs hauax lưv uô muôx liv chiê paz trâu chor ziv chuôz zis pluôs huôv tsar kinh tế cov muôx luz nênhx tsâu sor jux juk”.

Txix shông 2011 txos trâu nhiv no, chor nhiêx txuôs tâu txix sâu khâuz nhaz muôs ntơưv xã Hương Vỹ tưz nto 400 triệu đêiv. Hội pox niêv vir ndâuk, sir zôngv chor nhiêx ntơư zuôr tâu 11 tus nhux, muôz puz trâu 9 ziv chuôz zis pluôs thiêz muôz trâu oz lênhx nhuôv muôx cêr txov nhêv huôv tsar tu zus. Pos Ngô Thị Liên, chủ tịch hội pox niêv xã Hương Vỹ hêik pâuz:

Băng: “Hâur têx shông ntơư, pêz tưz cxiv tsa ntâu luôs hâux lưv uô cdhiê paz chor ziv chuôz zis pluôs. Ntơư zos cê paz nhiêx, cê paz cxur…taz sik cux uô tsik tâu truôx. Chênhr zos li hêik ntơư, pêz thiêx saz lax trâu Ban chấp hành chiê uô trơưk faz tsưr ziv hêik saua cov zôngx ziv đuô. Viv nhux tsuôk nox jâuz thiêz hâuk đêx xưz, tsik tas yưv pênhr ntâu thiêz txos trâu nhiv no, luôs hauax lưv huôv tsar tu zus nhux cux uô tâu truôx”.

Luôs hâux lưv hội pox niêv xã Hương Vỹ huôv tsar uô, tưz tâu hội pox niêv vir ndâuk VN kruôk txos thiêz xar njôngr cov kriz đar luôs haux lưv ntơư uô chiê paz ntâu ziv chuôz zis hội pox niêv vir ndâuk hla đhâu cêr yêiz pluôs, muôx luz nênhx tsâu sor./.

                                               (Chu dịch đọc-Lê Thơm-TTT)