Jax sâu thưr 7 hnuz 24/12/2016

Tuôr tsês chiê luôs hâux lưv hiêz tơưz, lêr nhoz Sơn La

       Hâur zơưv Tồng Văn Phanh li luz tsêr lơưx lox jông nhoz jok Thẳm, phường Chiềng Sinh, thành phố Sơn La muôx lok six ntâu zav. Tiv zix zos chor chuôz zênhx li: tơưz trâu mor, saz chiz, Cuôr tênhz jâuv puôr lênhx zos zơưv Phanh hiêz tâu:

     “Têx chor no mak chuôz zis uô txix thâuv ntêx lơưv, zos chor lâul kriê uô txix thâuv ntêx lok, cur txir kriê trâu cur mak tsuv cơưv tsês chiê, thâuv nhiv kruôr uô mak cux lok six lax uô, tov kaz no pâuz lơưv mak cux zôngx ziv uô xưz”.

     Hâur mênhx cxưx Thái li chuôz zis, hiêz tơưz, saz chiz cxuô zav zos lênhx txir nênhs hâux lưv. Viv li, txix thâuv zâu zơưv Phanh tưz tâu zơưs thiêz txir kriê hiêz têx zav tơưz sir zôngv hâur chuôz zis, txix têx zav zôngx ziv uô txos têx zav tsik zôngx ziv uô, zơưv cux puôr lênhx hiêz tâu hur si. Taz sik, têx kror bax chiê hiêz tau chor zav chuôz zênhx co puôr lênhx zos txiêr hâur har jôngr, taz sik xêir tsov li chak chiê hiêz tâu têx luz tơưz jông cux zos iz kror tsuv uô jông xêir. Txiêr tâu lok cux tsik cxoz tsês ntêr hênhr, viv tsês têr mak kruôr thiêz trâus caz tho, tsik zôngx ziv fuô.

     Nus nzir, pêz pâuz tâu tiêk mênhx cxưx thái li tsưr ziv hiêz tơưz cux muôx ntâu zav, tsôngv box xêir tsov hiêz trơưk siêz xar xưk li hiêz saz chiz, hiêz tơưz, hiêz trôngx, hiêz cuôr tênhz jâuv, hiêz tơưz  ntiv mor …

Taz sik tiv muôx ntâu kror uô txix nhựa xưk li nhiv no, mka têx zav xuôk têk hiêz co tsik tâu chôngz nênhs nhiêv zôngv li thâuv ntêx. Zơưv Tòng Văn Phanh hêik pâuz:

     “Kror no zos thâuv ntêx têx lâul kriê tsês chiê lok, zuk sir jos cơưv thiêz zuk cux hiêz xưz, nhiv no txos chor nhuôs, zuk lâul lơưv mak chiê chor nhuôs hiêz xưz”.

      Đros têx sir jos, tsôngv box mênhx cxưx Thái sir jos uô, chiê muôx tâu têx zav hax huv tsiv gri. Hla đhâu ntâu phiv liv, txos nhiv no, mênhx cxưx Thái luôs hâux lưv hiêz tơưz, hiêz lêr  cux tsênhv tâu tuôr tsês chiê, txơưv tiêk, tsuôk hiêz chox lok sir zôngv hâur ziv chuôz zis xưz. Taz sik, chor nênhs hiêz tơưz, hiêz lêr co, lênhx tưs cux xar tiêk tsuv tuôr tsês chiê thiêz huôv tsar hêir nênhs Thái luôs hâux lưv hiêz tơưz, hiêz lêr cov zos đrêiv zuk mênhx cxưx li chax chêk nhoz thax tsav Tây Bắc./.

(Thanh Thủy-Lik Thox cxêik nhênhv)

Phênhv thưr 7, hnuz 24/12/2016:

Qơư tuôr tsês chiê hêir nênhs Chăm têx cêr nênhx vênhx huôv jông

       Pêz muôx jiês muk sêiz shuôk hêir nênhs Chăm luz jos Phú Nhuận, xã Phước Thuận, huyện Ninh Phước tỉnh Ninh Thuận hâur têx hnuz kaz shôngk shông. Thax tsav qơư  ntơư tsênhv tuôr tsês chiê tâu hêir nênhs Chăm têx pax huôv Ariya muôx nhoz đros trơưr hâur luz nênhx. Lar hêik, thax tsav qơư no tưz kriz lớp cơưv kriê nhênhv pax huôv trâu tsôngv px. Pos Châu Thị Đông, sêiz  car qơư tsês chiê pax huôv Ariya nhoz xã Phước Thuận, huyện Ninh Phước, tỉnh Ninh Thuận hêik pâuz:

     “Xar cơưv nhênhv pax huôv Ariya, tsuv pâuz hêir nênhs Chăm têx ntơưr kuz đrav ntêx thiêz tsuv pâuz zuk têx luk hêik, zos tsik pâuz thiêz tsik truôx siêz cơưv, cux tsik zôngx ziv cơưv tâu. Kror cur xar njôngr zos tsuv uô li chas cov tuôr tsês chiê tâu zuk hêir nênhs têx cêr nênhx vênhx huôv cxôngx nzor tsik chiê plox”.

      Hâur 10 shông uô luôs hâux lưv, qơư tsês chiê hêir nênhs Chăm têx pax huôv Ariya, tưz tsưr tsix kriz ntâu lớp kriê cơưv thiêz zok nriêr tâu 80 jax sâu vênhx huôv. Taz sik, pos Đông thiêz cxuô lênhx hội viên nhoz thax tsav qơư ntơư cux tsênhv niêx hnuz xar tiêk: Tsuv uô li chas cov ziv hnuz ziv khơưk tsês chiê tâu hêir nênhs ntâu zav txux chi, vênhx huôv cxôngx nzor. Pos Thành Thị Sử, 67 shông nhoz jos An Nhơn, xã Xuân Hải, huyện Ninh Hải, tỉnh Ninh thuận, viv zos iz lênhx nhiêv têx pax huôv Ariya, pos tưz muk đêz yênhx châuv cêik cêr tuôx zok nriêr txos trâu qơư tsês chiê têx txux chi ntơưv jos Phú Nhuận, pos Sử hêik pâuz:

       “Txix jos An Nhơn tuôx txos trâu jos Nhuận chiê cơưv shâuv pax huôv Ariya thiêz cơưv hêir nênhs Chăm têx suôz sênhr hêik cưr cxiêx chiê chox muk kriê trâu fâuv hluôk nhiv no. Zav pax huôv Ariya mak cur nhiêv hênhr, viv têx njiêz luk hêik ntơư muôx nhoz đros đrêiv sđ luz nênhx. Nhiv no mka chor hluôk sđ tsik muôx lênhx tưs pâuz nhênhv, tsik muôx lênhx tưs pâuz hêik; zos zuk tsik tuôr tsês chiê, têx txux chi, vênhx huôv ntơư zuôr trâus pôngz lơưv jux juk”.

       Pax  huôv Ariya, muôx njiêz luk hêik cxix cxuô lok cêr gâux đrâus, cêr uô nênhx, xã hội têz qơưs thiêz yax kriê sđ uô nênhx tsiv txiêx.  Chênhr zos li hêik ntơư, nhiv no qơư tuôr tsês chiê  pax huôv  hêik co, tưz muôx 20 lênhx nênhs đros uô; phênhv ntâu zos chor lâuk muôx txix 60 shông tror sâu. Zơưv Phú Vận, 70 shông nhoz jos Phú Nhuận, zos iz lênhx khơưk tsês chiê tâu têx pax huôv ntơư hêik pâuz:

        “Hêir nênhs Chăm têx pax huôv Ariya, muôx đhâu ntâu tiêv lok thiêz txos trâu nhiv no pêz cux tsênhv khơưk tsês tsik chiê plox. Viv ntơư zos iz zav vênhx huôv tsiv grê”.

         Nhiv no, hâur côngv thôngx hêir nênhs Chăm, chor pâuz nhênhv têx luk pax huôv Ariya cux tsik muôx ntâu; chor pâuz to tâuz cux zos pos Đông, pos Sử thiêz zơưv Vận, taz sik chor ntơư tưz lâuk, hnuz nhôngs siêz muôx 60 -70 shông. Chênhr zos li hêik ntơư, luôs hâux lưv tuôr tsês chiê hêir nênhs Chăm têx pax huôv cux zos iz luôs hâux lưv tsuv uô cov tâu truôx./.

(Tsu cxêik nhênhv-TTTPHCM)