Chêix ntux yiêz muôx tênhv tênhz tơưl pov cêr Mường Toong

  Đhâu 30 ntâu shông uô nênhx nhoz, Trạm biến áp jok Yên (xar Mường Toong, huyện Mường Nhé, tỉnh Điện Biên) côngz suất 50KvA tâu Công ty Tênhv tênhz Điện Biên kriz tso tênhv, paz muôx cêr shir phaz trâu 45 ziv chuôz zis hâur jok thâuv muôx tênhv tênhz chiê tơưk pov cêr. Pos Lù Thị Hoa, iz lênhx nênhs nhoz jok Yên hêik:“Đhâu 31 shông lơưv txos hnuz no thiêz muôx tênhv tênhz tơưl pov cêr, pêz lok six shir phaz, uô tsâus Đảng, Têz qơưk tưz moz siêz txos paz trâu pêz. Thâuv ntêx mak tơưl tênhz, tơưl tsâu nox mor lok six phiv liv, nhiv no muôx tênhv lơưv mak pêz lok six shir phaz. Cur chuôz zis nhiv no têx tuz nhuôs cux zuôr têx tuv txiêk, ti vi chiê sir zôngv lơưv”.

Tưz tsik zos pos Hoa xưz, zuôr xar 200 ziv chuôz zis nhoz 3 jok Yên, Nậm Sả, Huổi Pinh, xar Mường Toong puôr lênhx shir phaz li co hur si. Hmo piz tso tênhv, pêx xênhv hâur 3 luz jok co chuôs li tsik pư hlo, shir phaz sik tuôr têk đhiê pax vuôs iz ndis chuz tơưl, đros siêz xar iz shông yiêz zuôr uô tâu ntâu kror đuô. Tix lâus Lẻo Văn Bách, iz lênhx nênhs nhoz jok Yên, xar Mường Toong puz pâuz:“Tiv iz zos muôx tênhv tơưl pov cêr, tiv oz zos pox nhuôs li tênhv qơư uô nênhx nhoz mak zuôr txơưr đuô lok six ntâu, têx tuz nhuôs muôx tênhv tênhz tơưl pov cêr, tsênhv paz trâu khưr uô nox thiêz”.

Lơưr zơưv Lường Văn Phong, Phưv Giám đốc Tênhv tênhz Mường Nhé, txos nhiv no, taz viv tưz sik côngv đros Sở Công thương tỉnh Điện Biên chaz tênhv txos trâu tas nro 11 xar hâur huyện, đros muôx 95% chor jok tâu sir zôngv tênhv tênhz têz qơưk. Đrâuv trạm biến áp jok Yên, chor trạm biến áp txơưr đuô nhoz Huổi Pinh, Huổi Đanh zuôr paz trâu xar muôx 600 ziv chuôz zis nhoz Mường Toong tâu sơưv liv txix dự án chaz tênhv tênhz txos trâu têx jêx jok hâur jiês tsiêz têz qơưk Tưv shông no:“Ciês thâuv kriz tso tênhv ntơưv trạm biến áp jok Yên, Nậm Sả thiêz Huổi Pinh mak taz viv tưz uô ciês têx tsưr ziv kkruôz kriê trâu pox nhuôs sir zôngv tênhv cov ngaz tuk, cxênhx txuôs thiêz truôx jông đuô. Uô ciês hâux lưv cir hux thôngx zuôr muôs tênhv trâu pox nhuôs chiê pox nhuôs muôx tâu iz luz tsiêz shir phaz, lov jêv”.

Tok shông yiêz đros muôx tênhv tênhz tơưl pov cêr, paz muôx tâu iz luz nênhx jông đuô, pêx xênhv nhoz Mường Toong, Mường Nhé hax zav shir phaz đuô, njênhs njôngr trâu Đảng, Têz qơưk li lênhx tov, sik đros cxiv tsa jêx jok, têz qơưk thiêz por vêv truôx jông tsưr qênhx ntus đriv têz qơưk./.

(Vũ Lợi-Lik Thox cxêik nhênhv)

Hêir nênhs tsơưs li vax huôv tâu muk lol đhâu cxuô luz têz qơưk thiêz tâu vax huôv muôx ntâuz ntơưr nhoz zuk têz qơưk

Trơưk li Chei tsôngv box VN nox nhoz muk lol đhâu lưv luz têz qơưk, hâur thax tsav, “muk đhâu têz qơưk zos tsôngv box VN muk đhâu VN thax tsav qơư nhoz đhâu trôngx đriv”. Iz chas ntơư, tsôngv box VN heik cxuô thiêz heir nênhs tsơưs heik taz muôx têx vax huôv li đrav kaz: Tâu muôz têx ntâuz ntơưr nox nhoz, muk lol đhâu  têz qơưk  trơưk li cui tinhv chêi no. Lênhx nênhs txưv txix 14 shông tror zar sâuv muôx vax huôv xeir uô têx ntâuz ntơưr muk lol đhâu trâu luôs lưv luz têz qơưk trơưk cui tinhv; Tâu taz por lok jêik jông lênhx nênhs co, chuôz zis ntơư têx uz no hâur têz qơưk qơư khơưk tsês cxuô lênhx px VN sđ têx ntâuz ntơưr muk lol đhâu trâu luôs lưv luz têz qơưk, yưx têx lênhx tsuv tâu côngz mông, têx ntâuz ntơưr uz no lơưr chei têz qơưk cui tinhv; Heik cov côngz zuk têx mông lok sâuv muk lol đhâu luôs lưv luz têz qơưk; heik cxiv kho têx mông, ntâuz ntơưr co hâur têz qơưk qơư tuôr tsês tsôngv px VN sđ têx ntâuz ntơưr uz no li heik sâuv, zuk têx ntâuz ntơưr iz zav li co chiê taz por cxix cxuô, tsênhz mênhx; sir zôngv zuk ntâuz ntơưr uô tâu muk lol đhâu luôs lưv luz têz qơưk chiê chuôs njiz, uô hâux lưv đros luôs lưv tus lok sik uô têx ntâuz ntơưr txơưr đuô trơưk chei têz qơưk cui tinhv; siz pênhr cov, heik plâuz ntus, heik cov tâu pâux nzir trơưk li chei têz qơưk cui tinhv.

Đros trâu tsôngv box heir nênhs tsơưs uô nênhx nhoz têx thax tsav tox siêz đêz đrôngs, ntus đriv, trôngx đriv, zos muk trâu qơư nhoz luôs lưv luz têz qơưk tsuv tâu côngz ntơưr muk lol đhâu têz qơưk. Viv trơưk li chei têz qơưk, chor nênhs tâu côngz ntơưr li co zos: Nênhs VN uô nênhx nhoz hâur xã, huyện, tỉnh muôx cêr muk lok đhâu đriv têz trâu cxuô luz têz qơưk txơưr; Canr bôv, công chức, viên chức thiêz nênhs lox tôngv nhoz hâur cơ quan, tsưr tsix, doanh nghiệp hâur tỉnh muôx cêr đriv têz buôk luz têz qơưk ntơư; Canr bôv, công chức, viên chức thiêz nênhs lox tôngv nhoz hâur cơ quan, tsưr tsix, doanh nghiệp ntơưv T.Ư, thax tsav qơư txơưr đuô taz sik muôx qơư uô hâux lưv nhoz hâur tỉnh muôx cêr đriv têz buôk luz têz qơư co.

Cux iz zav cxuô lênhx px VN txơưr đuô, heir nênhs tsơưs tâu muk lol đhâu luôs lưv luz têz qơưk saz đrâuv thâuv muôx txâuk têx ntâuz ntơưr li đrav kaz: Muôx ntơưr muk lol đhâu luôs 2 chas têz qơưk tsik tâu tas hax sir zôngv; đros trâu têx ntâuz ntơưr tsuv uô chiê tâu chei muk lok trâu luôs 2 chas têz qơưk đrâuv, tsi tâu tas hax sir zôngv txưv txix 6 luz hlik tror zar sâuv; muôx ntơưr xav jênhv tâu luz têz qơưk zuk mul co tso chei trâu muk lơưr têz qơưk; tsi zos chor nênhs trâul txưr muk trâu luôs 2 chas thax tsav, têz qơưk đrâuv, tsi tâu muk, trâul nduô tsi khênhr muk trâu luôs lưv luz têz qơưk lơưr chei têz qơưk cui tinhv. Lênhx nênhs tsi yuô pâuz ntâuz ntơưr, lul heik, uô tsưr zuk tus khênhx lơưr cui tinhv, lênhx nênhs tsi tâu txưv 14 shông iz chas têx cui tinhv li heik sâuv ntơưv ntu iz Grê no tsuv muôx têx lênhx cxênhz jê txơưr đuô pâuz luk, pâuz chei têz qơưs đros muk.

Hâur six hơưv đhâu, tsôngv box heir nênhs tsơưs nhoz thax tsav tox siêz đêz đrôngs muk lol đhâu đriv têz trâu luôs 2 chas têz qơưk tsi trơưk chei chiê uô hâux lưv, uô jos cux ziv hnuz ziv muôx chôngz lênhx thiêz zôngx ziv njiz trâul têx tsi jông. Phênhv ntâu chor nênhs muk lol đhâu đriv têz tsi trơưk chei zos tsôngv box heir nênhs tsơưs uô nênhx nhoz trâu chor xã tox siêz đêz đrôngs, luz nênhx txov nhêv, tsi yuô muôx txux chi tsưr ziv jênhv pâuz, taz sik txơưv li chas lok lơưr cux tưx muk lol đhâu đriv têz tsi trơưk chei, no zos têx uô cxâuv chei têz qơưk, uô trâu têz qơưk, thax tsav qơư nhoz tsi truôx tuk. Iz chas chor nênhs muk lol đhâu ntus đriv tsi trơưk chei njiz trâul ntâu phiv liv, tsi jông, muôx têx trâul tuôs li uz li no...., tiv muk uô hâux lưv tsi trơưk chei, viv li nênhs lox tôngv tsi tâu têx cơ quan muôx vax huôv nhoz luôs têz qơưk  ntơư paz max. Thượng tá Hoàng Mạnh Hùng, Phưv tsar phongx txiv ngaz đối ngoại, Công an tỉnh Yên Bái-iz hâur têx suôv qơư muôx chôngz têx lênhx tsôngv box zos heir nênhs tsơưs đuô hur si hâur têz qơưk mul trâu luôs 2 chas têz qơưk tsi trơưk chei li co heik pâuz:“Uô lơưr jông Ủy ban tỉnh Yên Bái chỉ thị lok hâux lưv chuôz tsar seiz car, txo grêk tsơưs qênhx shênhx lênhx nênhs muk lol đhâu trâu luôs lưv luz têz qơưk tsi trơưk chei, iz chas ntơư muôz hâux lưv uô truôx tuk ntơưv qơư, chiê hu zâuv chor nênhs lox tôngv, yax kriê vênhv tôngv px truôx tuk luz nênhx,  tsi muk trâu uz trâu no đhâu têz qơưk tsi trơưk chei. Iz chas co, hux jos đros chor taz viv muôx vax huôv, công an têx huyện sơưr tơưv txênhz, xưv bluô chor nênhs fêv zuôr muôs lênhx nênhs, chox luôs lưv tus muk đhâu thax tsav qơư nhoz trâu luôs 2 chas têz qơưk đrâuv tsi trơưk chei”.

Vax huôv quốc tịch, Grê 2 Chei Quốc tịch cui tinhv:

1. Nhoz têz qơưk Cộng hòa xã hội chủ nghĩa VN, iz lênhx nênhs puôr lênhx muôx vax huôv muôx quốc tịch. Tsôngv px VN muôx vax huôv tâu zos nênhs VN, yưx têx lênhx cui tinhv ntơưv Grê 31 hâur chei no.

2. Têz qơưk Cộng hòa xã hội chủ nghĩa VN zos cxuô heir nênhs uô nênhx nhoz hâur VN li têz qơưk thôngx ziv, cxuô lênhx sđ puôr lênhx muôx vax huôv siz luôs lok sâuv muôx quốc tịch VN.

Iz chas ntơư, muôx quốc tịch VN, uô nênhx nhoz hâur VN, cxuô heir nênhs muôx vax huôv iz zav. Cxuô lênhx nênhs VN muôx vax huôv tâu zos nênhs VN puôr lênhx muôx vax huôv iz zav lok quốc tịch VN.

Trơưk li cui tinhv, nênhs VN tsuôk tâu muôx iz quốc tịch. Zos têx lênhx nênhs VN zuôr quốc tịch txơưr đuô, tsuv tso tsês quốc tịch VN. Taz sik, lơưr Chei quốc tịch, hâur iz cxiê lênhx, iz tus tâu chei muôx 2 quốc tịch. Zơưv Trần Tuấn Anh, Công ty Luật Thiên Thanh, Đoanx Luật sư TP Hà Nội heik:“Têx lênhx tâu Chủ tịch têz qơưk VN tso chei uô quốc tịch VN thâuv tsênhv muôx quốc tịch txơưr đuô. Lok sik lênhx nênhs VN nhoz đrâuv luôs 2 chas têz qơưk tưz muôx quốc tịch saz têz qơưk co, taz sik thor tror lok VN, lok sik lênhx nênhs têz qơưk đrâuv siz zuôr đros nênhs VN cux tâu uô quốc tịch VN, chor nênhs li heik co zos muôx 2 quốc tịch, quốc tịch VN thiêz quốc tịch saz têz qơưk đrâuv”.

Trơưk li cui tinhv no, tsôngv box heir nênhs tsơưs cux li tas nro  cxuô lênhx nênhs VN puôr lênhx muôx vax huôv siz luôs./.

(VOV4-Riê Lâux cxeik, nhênhv)