Sơn La: Ntâu phêv liv hâur hâux lưv heik pâuz lok tsôngv px li đas jos

          Zos cxênhx hluôk nênhs nhoz jos Kham, xã Hua La, thành phố Sơn La, fôngx zưs Lê Văn Đạt thâuv uô tiêr hâux lưv heik pâuz zuk đas jos sâuv tsang web y tế, pov trang web no lok six zôngx ziv to tâuz, zôngx ziv heik tơưv zuk li đas jos trâu cưk yuôx pâuz. Taz sik, tsôngv box hâur jos, tiv zix zos têx lênhx nênhs tsi zôngv smart phone, tsi pâuz txos mạng internet, lok sik tsi pâuz ntơưr mak no zos iz hâux lưv tsi zôngx ziv uô: “Tsênhz mênhx cur pov mak lok six ntâu, đros thiêz têx lênhx nênhs tsi pâuz ntơưr uô hâux lưv heik tơưv đas jos sâuv mạng zos lok six lax; tiv zix zos hâur jos muôx tsi ntâu mạng wifi, zôngv điện thoại ntês tâu mạng cux tsơưs; phênhv ntâu zos zôngv điện thoại kuz xưz”.

          Iz chas co, iz phênhv tsôngv box tsênhv tso siêz, xar tiêk zuk tsuôk trâus têx zav moz yưv fênhx yax, tsi tas zuôr heik zuk đas jos trâu hâur đêiv ntơưr co. Pos Quàng Thị Khoa nhoz phường Chiềng Cơi, thành phố Sơn La heik: “Têx mê nhuôs cơưv cxôngx cxênhx 2 mul thiêx li pâuz xưz, yuôr nênhs lâus mak lơưr tsuôk xar tiêk zos moz njưk fênhx yax xưz, lơưr tsi pâuz tsênhv muôx yưv tul tsi hlo”.

          Chiê tsôngv box gra siêz tsưr ziv txux chi uô jông hâux lưv heik tơưv zuk li đas jos, nganhx y tế Sơn La tưz cxơưz tiês uô ntâu tsưr ziv li: yax mông muôz siêz tsôngv box li siêz xar lok hâux lưv heik tơưv zuk đas jos hâur têx jiês khiêz phêv jêx jos, hâur xã; đros lênhx nênhs tsi pâuz ntơưr, tsi zôngv smart phone, nênhs muôx hnuz nhôngs siêz mak tuz nhuôs paz sâu heik tơưv zuk đas jos, lok sik mul txos têx qơư y tế jê tiv zix chiê heik chiê sâu zuk đas jos trâu hâur ntơưr.

          Niêv lâuk Đoàn Thị Trâm, Trạm tsar trạm y tế phường Chiềng Cơi, thành phố Sơn La puz pâuz: “Phường li Ban chox kriê phax tar moz thiêz qơư y tế hnuz tưs cux sik côngv đros têx đồng chí công an pâuz tsênhz thax tsav, yênhx tuêv, jêx jos chiê mul txos tuêv, jêx jos nriêr pâuz qênhx shênhx; đrâuv co qơư y tế cux heik cán bộ mul sâu jênhv têx xor mông tsôngv box heik tơưv sâuv thax tsav”.

          Txơưv tsênhv yuôr ntâu phêv liv, taz sik hâux lưv heik tơưv zuk đas jos tsênhv tâu tỉnh Sơn La cxơưz tiês krêz uô đros chinhz yênhx sei đrơưv thiêz tsênhz mênhx. Têx xor mông tâu heik tơưv zos lok six coaz tsôngv chiê y tế tiv phaz pâuz tâu yênhx lênhx nênhs li đas jos, đhâu co, ciêr chênhr paz txưv, seiz car đas jos thâuv zuôr trâus, paz phênhv uô tâu truôx luôs hâux lưv phax tar moz cô vít 19 sâuv thax tsav./.

(Trấn Long- Txâur Vax cxeik nhênhv)

Kriê khơưk sâu por tsês têx hưx, hnaz yuôx tsuôs tuô đrox, caz hmoz đhâu zông tas hâur thax tsav tỉnh Sơn La shông 2020

Hâur 2 shông 2018-2019, tas nro tỉnh Sơn La tưz cxiv uô yiêz zuôr xar 2 cxênhz têx thôngz, qơư trâu têx kiêk nênhs, vuôz tsuôz . Hâur co muôx 675 qơư, thôngz trâu têx hnaz, hưx yuôx tsuôs tuô đrox, caz hmoz lơưr dưv anr tsưr ziv ntơưv 08 huyện Mộc Châu, TP Sơn La, mai sơn,, Sông Mã, Mường La, phù Yên, Thuận Châu, Yên Châu thiêz 22 xã uô tâu luôs hâux lưv cxiv tsa jêx jok yiêz; 1.300 qơư têx kiêk nênhs li heik sâuv zos têx huyện, TP muôz têx nhiêx txiêx ntơưv qơư cxiv uô, hu zâuv tsôngv cưr tix px sđ siz chos paz uô. Xav txos tas shông 2019, hâur tas nro thax tsav tỉnh tưz muôx 2.292 qơư, thôngz trâu têx hnaz, hưx yuôx tsuôs tuô đrox, caz hmoz ntơưv 80 xã, txâuk trâu khơưk sâu por tsês 25% têx liêx têz uô kôngz hâur tas nro tỉnh têx hnaz, hưx yuôx tsuôs tuô đrox, caz hmoz đhâu zôngv tas. Luôs hâux lưv khơưk sâu por tsês têx hnaz, hưx yuôx li heik sâuv tâu uô nhoz 100% huyện, TP, hu zâuv 5 cxênhz nênhs cxaz chuôz dưv, đros khơưk sâu tâu 17 cxênhz cir têx hnaz, hưx yuôx tso trâu hâur têx thôngz, qơư trâu têx kiêk nênhs, vuôz tsuôz co. Tsaz yênhx “Muôz têx hnaz, hưx yuôx tsuôs tuô đrox, caz hmoz đhâu zôngv tas pâur zuôr têx zav nox” ( 2 cir têx hnaz, hưx yuôx ntơư pâur zuôr têx zav nox li: Mì chính, suôz thax, trox nox tsiv gri bâuv 15 cxênhz txos 20 cxênhz đeiv), tưz uô nhoz xã Hát Lót, huyện Mai Sơn, xã Chiềng Hặc, huyện Yên Châu, khơưk sâu tâu nhos 1.550 cir,.... Tsaz yênhx tưz lênhk txeil tâu ntâu tus chôngz lênhx tsôngv px têx cêr jông siêz, thôngz ziv đros uô trơưk. Luôs hâux lưv thâux gra, xưv lik, hlơưr por tsês têx hnaz, hưx yuôx li heik sâuv đhâu zôngv tas tâu uô trơưk li têx cui tinhv hâur seiz car têx kiêk nênhs, vuôz tsuôz uô tsi hur, tsi jông trâu tênhx qơư. Thiêz thâux gra muôx 20 cxênhz cir têx kiêk nênhs ntơư  hâur thax tsav tỉnh muk hlơưr por tsês....

Nhạc cắt

Tsôngv box...! Đêx anr seiz car, khơưk sâu, hlơưr por tsês têx hnaz, hưx yuôx tsuôs tuô đrox, caz hmoz đhâu zôngv tas hâur thax tsav tỉnh, Sở Kôngz nuv thiêz huôv tsar tox siêz kriê khơưk sâu por tsês têx hnaz, hưx yuôx tsuôs tuô đrox, caz hmoz đhâu zôngv tas li đrav kaz:

Đros thiêz Ủy ban xã, phường, thị trấn:

-Xeir qơư trâu têx hnaz, hưx yuôx tsuôs tuô đrox, caz hmoz tâu khơưk sâu, krưr gra txix têx jok lol. Iz xã muôx têx phênhz, xeir ntâu kror qơư chiê trâu têx hnaz, hưx yuôx co nhiêk txơưr nhiêk lơưr yênhx thax tsav, suôv qơư uô liêx têz zôngv têx yuôx ntơư.

-Thax tsav qơư trâu chor hnaz, hưx yuôx tsuôs tuô đrox, caz hmoz đhâu zôngv tas tsuv taz por têx li đrav kaz:

Kror qơư ntơư nhoz đêz thax tsav tsôngv box nhoz, têx hâur đêx, ciêz, tsêr kho moz, tsêr cơưv ntơưr.

Cxiv uô tso trâu sâuv têx qơư mê njik siêz cov đêx cxoz ngaz, đêx nas cxoz ntưk, cxênhv tâu saz đrâuv lok hâur qơư trâu chor hnnaz, hưx yuôx ntơư, muôx hâu vor hur si cov nas cxoz ntuz, yar cxoz jiêz.

Saz đrâuv qơư trâu têx hnaz, hưx yuôx sâu ntơưr heik trâu sđ pâuz “no zos thax tsav qơư trâu, ntiv têx hnaz, hưx yuôx tsuôs tuô đrox, caz hmoz đhâu zôngv tas) thiêz sđ tsi tâu cor, kriz têx qơư co....

Hnaz trâu, ntiv têx hnaz, hưx yuôx heik sâuv tsuv tâu muôz tso kuôk đêz têx ntus thôngz, kror qơư trâu têx hnaz, hưx yuôx kiêk nênhs ntơư iz đok ntâu, tsi muôz tso siêz hênhr đhâu cui tinhv, muôx cêr đar, jông mul lok tso thiêz muôz têx hnaz, hưx yuôx co.

Đros thiêz Ủy ban huyện, TP

-Paz max nhiêx txiêx chiê cxiv uô têx qơư, thôngz trâu thiêz tsưr tsix khơưk sâu têx hnaz, hưx yuôx tsuôs tuô đrox, caz hmoz đhâu zôngv tas.

-Khơưk sâu têx hnaz, hưx yuôx tsuôs tuô đrox, caz hmoz đhâu zôngv tas hâur thax tsav seiz car iz shông 2 jiês (uô ntêx hnuz 15/6 thiêz 15/12), đhâu ntơư heik trâu Ủy ban tỉnh pâuz đhâu Sở Kôngz nuv thiêz huôv tsar tox siêz chiê thôngz sâu thiêz muôz têx hnaz, hưx yuôx ntơư hlơưr por tsês trơưk li cui tinhv./.

(Bích Thủy-Riê Lâux cxeik, nhênhv)