Jax sâu thưr 2, hnuz 24/4/2017:

Vav chiê siêz njôngr lok têx ntông cao su Yên Bái

     Ntông cao su tâu chos ntơưv huyện Văn Chấn thiêz Văn Yên txix shông 2010. Xav txix thâuv ntơư lok, têx têz tsêz chos tsi jông kôngz, trâus tso tsês co, nhiv no tưz lox njuôz jông vor tox trôngz câuv har.

     Muk trâu têx xã: Lương Sơn, Nghĩa Sơn, Nậm Búng, Nậm Lành....hâur huyện Văn Chấn, kror tưs cux zos pov têx ntông cao su njuôz xưz xiêz. Têx têz ntông cao su chos xuz thơưx, nhiv no tưz siêz muôx 8 thiêr, njuôz vor tox trôngz câuv har tas. Tso siv mê njik têx tsoz ntông cao su lox, tưz pov muôx cuô mik ntưk. Niêv lâuk Ngụy Thị Nam, heir nênhs Tày, nhoz Đội cao su Nghĩa Sơn heik pâuz: Txix thâuv yênhx lênhx công nhân hâur Công ty cao su Yên Bái, niêv lâuk phênhv sâu tâu thiêz têx lênhx công nhân txơưr đuô hâur Công ty tâu 3 tsov đeiv iz lênhx nênhs iz hlik, ntơư tưz zos tâu ntâu đuô pir li tsôngv box nhoz thax tsav tox siêz no. Zos têx ntông cao su tâu tso cuô mik trơưk li tsưr ziv njuôk xav thiêz siêz xar mak niêv lâuk thiêz têx lênhx đros niêv lâuk uô hâux lưv uô cê zuôr muôx phênhv sâu tâu truôx đuô. Niêv lâuk Nam shir phaz heik:

     "Txix thâuv muôx têx ntông cao su mak phênhv sâu tâu truôx tuk đuô, cux tsi yuô ndo cxơưx ntâu thiêz. Zuk xav tinhv zuôr sir jos moz siêz uô luôs hâux lưv no ntêr chiê muôx phênhv sâu tâu truôx, luz nênhx jông đuô, tsi trâus txoz cxơưx ntâu kror trâu chuôz zis li: Nox, hnar, cxơưx trâu têx mê tuz mê nhuôv muk cơưv ntơưr".

      Đội cao su Suối Quyền, nhoz hâur thax tsav huyện Văn Chấn tsênhv tu muôx 500 ntâu ha ntông cao su. Têx công nhân uô hâux lưv co phênhv ntâu zos tsôngv box heir nênhs tsơưs ntơưv qơư, đros thiêz phênhv sâu tâu, xav kror đruôz đraz iz lênhx nênhs tâu 3 tsov đeiv iz hlik.

     Đhâu ntâu shông uô hâux lưv tu đreiv têx ntông cao su, tsôngv box nhoz thax tsav no puôr lênhx shir phaz thiêz vav chiê siêz njôngr trâu têx ntông cao su cov iz hnuz tưs muôx phênhv sâu tâu truôx txix têx ntông co. Viv tâu tsoz phưz thiêz tu trơưk li tsưr ziv kriê, têx trôngz ntông cao su zav IAN837 tưz hloz lox jông. Tix lâus Nguyễn Văn Giang, đội trưởng Đội cao su Suối Quyền heik pâuz:

     "Six hơưv đhâu, canr bôv, công nhân viên hâur đội phênhv ntâu zos por hưv thiêz tu têx ntông. Ntông cao su chos pêv thax tsav tox siêz tưz hloz lox lok six jông. Tsôngv box thiêz hur si hâu nov ntơưv qơư jông siêz thiêz shir phaz paz trâu hâux lưv  huôv tsar chos ntông cao su hâur thax tsav".

     Txos nhiv no, Công ty cao su Yên Bái tưz chos tâu zuôr xar 2.300 ha tsoz. Hâur ntơư, ntơưv huyện Văn Chấn 1.800 ntâu ha, yuôr đuô li zos ntơưv têx huyện Văn Yên, huyện Trạm Tấu. Trơưk li tsưr ziv, txix nhiv no txos shông 2020, công ty zuôr chos 3 cxênhz ha ntông cao su. Njuôk xav hâur shông zuôr txos, têx ntông cao su xuz thơưx zuôr qir tâu krêz sâu siv. Zơưv Bùi Văn Bân, Phưv Tổng giám đốc Công ty cao su Yên Bái heik pâuz:

     "Txơưv tiêk hâur têx shông nhiv kruôr đhâu, grê têx cuô mik cao su txơưr txar ntâu, trơưk li Tập đoanx công nghiệp Cao su Việt Nam tsưr ziv kriê, txo grêk têx hâux lưv yưv pênhr trâu têx ntông cao, seiz car truôx luôs hâux lưv  no chiê taz por uô tâu jông trơưk tsưr ziv hâur ntu tov kaz no; taz sik công ty cao su Yên Bái cux bax tsưr ziv cxiv kho luôs hâux lưv yưv pênhr uô chiê têx têz  ntông cao su tâu tsoz phưz jông, taz por trơưk tsưr ziv, têx ntông cao su hloz lox thiêz huôv tsar jông....".

     Tsôngv box thax tsav tox siêz zênhx iz txưv gruôs khưr, sir jos uô nox, tưz paz ar têz, paz côngk đas jos đros chos thiêz tu têx ntông cao su hâur thax tsav Yên Bái thiêz hâur ntu zuôr txos no, chor chuôz zis đros chos cao su ntơư cux zuôr muôx luz nênhx hlôngr yiêz, muôx phênhv sâu tâu nhiêx txiêx txix têx ntông cao su./.   

(Thu Thùy-Tuấn-Xuân-Riê Lâux cxeik, nhênhv)

Phênhv thưr 2 hnuz 24/4/2017:

Jiês nus thiêz têz ntơưv UBTVQH li jiês cơưv tiv 9

      Hêik suôv câuv hâur jiês têz têx luk nus, Chủ tịch QH Nguyễn Thị Kim Ngânz hêik mênhx, đhâu iz hnuz uô hâux lưv truôx jông, sêi đrơưv,  UBTVQH khóa 14 li jiês têz têx luk nus tưz suôv câuv, uô tâu truôx jông. Chor bộ trưởng têz têx luk nus, tso tơưv têx tsưr ziv uô huv đros, tax tâu cử tri thiêz pêx xênhv li siêz xar.

Chủ tịch côx hôiv hêik, đhâu jiês cơưv no, Tổng thư ký côx hôiv tsuv côngv đros chor cơ quan bax chiê tso tơưv ntâuk gri jiês nus têz, uô qơư chiê sêiz kaz têx vênhv thix tâu hêik tơưv. Chor têiv plor côx hôiv thiêz cơ quan côx hôiv chuôz cxaz sêiz kaz Bộ trưởng uô lơưr têx luk hêik; Chor cơ quan côx hôiv sêiz shuôk hâux lưv uô lơưr têx jiês têz cik txos têx tsênhv njiêz tâu hêik ntơưv jiês têz têx luk nus.

      Uô ntêx co, Tror uô jiês nus thiêz têz têx luk nus, hêik pâuz nzir lok jiês nus bộ trưởng Bộ lox tôngv, xaz pênhz thiêz xã hội, phưv thủ tướng Vũ Đức Đam xav tiêk: Chiê nênhs muôx côngz tâu sơưv têx tsênhv chêi muôx liv, taz sik cux tsik chiê tsênhv chêi co trâu liv zôngv chiê sâu liv. Viv li, tsuv chuôz cxaz tsênhz mênhx, ndax ndênhk xor mông lok cêir chêx tsênhv chêi trâu nênhs muôx côngz trâu têz qơưs, viv pêx xênhv zuôr pâuz tsênhv đuô tus tưs zos nênhs muôx côngz trâu têz qơưs.

      Cik txos têx tsênhv njiêz ĐBQH nus Bộ trưởng bộ thôngz mông, phưv thủ tướng Vũ Đức Đam cux hêi: tsuv sêiz njiê cov tsênhz zos công nghệ thôngz mông li huôv tsar sêi muôx oz kror, zos tsuv cxơưz cxiz huôv tsar, cê tsov cưv txos ngaz tuk mạng. Thôngz sâu cux puz pov, Việt Nam zos iz hâur chor têz qơưk sơưr thơưx trâus pôngz plox ngaz tuk xor mông, phiv liv txix têx phần mềm tsik jông. “Chiê cêir chêx vênhv thix no mak tsuv muôx ntâu tsưr ziv uô, taz sik kror        zov chênhr zos txix nênhs sir zôngv…”

Phưv thủ tướng Vũ Đức Đam hêik mênhx: Đros thiêz tso tơưv têx xor mông tsik zos, hêik tsik jông lok tiz nênhs, tsênhv chêi, phiv liv txos kror liv têz qơưk, phưv Thủ tướng Vũ Đức Đam khav tênhv, tsuv tso têx xor mông cov zos, hêik tsênhz lok têx kror tsik jông. “Tsuv muôz têx luôs hâux lưv uô tâu truôx jông tror hêik txos têx kror tsik jông, xưv lik truôx chor jiês phamv cxâuv cov zos đrêiv chêi têz qơứs tso tơưv”./.

(Báo Người ĐBND-Lik Thox cxêik nhênhv