Ntênhk hội Then Kin Pang-zos hêir nênhs  poz ziz đơưz nhoz Lai Châu qơư huôv tsar truôx vênhx huôv jông

Hêir nênhs Poz ziz đơưz nhoz huyện Phong Thổ, tỉnh Lai Châu ntênhk hội Then kin Pang tâu kriz uô trâu hnuz xiêz 9 xiêz 10 hli 3 hli ntux niêx shông. Ntơư zos iz ntênhk hội thor ntux yar ntux nas paz tsôngv px sđ têx kôngz lôngk hloz lox jông, sâu tâu nju kôngz lôngk. Trơưk li zơưv Lù Văn Cương nhoz jos Hổi Lả, xã Khổng Lào hêik pâuz, hâur ntênhk hội Then Kin Pang, lênhx nênhs hlôngr njêx muôs trâu tsôngv px hâur jos, thor ntux yar ntux nas paz, tsôngv px khưr txâuk nox txâuk hnar, uô luz nênhx tsâu sor thiêz tsôngv px nhoz cxuô luz jêx jos cux gra cxuô zav nox khưr tâu chox tuôx trâu hâur ntênhk hội chiê hu  Then thiêz thần linh lok đros nox đros hâuk: “Ntênhk hội Then kin Pang muôx liv trâu hêir nênhs poz ziz, thâuv tưs txos trâu xiêz 10 hli 3 hli ntux niêx shông, chor lâuk thor Then lok por hưv tsôngv px sđ tsik muôx moz gênhk, khưr tâu ntâu kôngz lôngk”

Ntênhk hội Then kin Pang shông 2021, tâu hêir nênhs poz ziz đơưz nhoz xã Khổng Lào-Mường So kriz uô hâur oz phênhv chênhr. Iz chas muôx trôngx mor, grêix cxuô zav hu Then lok đros nox đros hâuk, đhâu co mav txos phênhv kriz uô ntênhk hội, nthuôr uô ntâu cêr lov jêv li: Truz hluô, njuôk jos, por poz, ntâuk tik kêiz….Pos Lương Thị Về, nhoz jos Hổi Hán, xã Nậm Xe, huyện phong Thổ shir phaz lul hêik: “Cur zos thơưx jiês đros kriz uô ntênhk hội Then kin pang, têx jiês cux muôx chôngz lênhx ntâu tus cux tsik tâu muôx tus zuk hluz thiêz ndax trâu hnuz no, zuôr nriêr tâu tus zuk hluz zuk nhiêv”

Ntơưv ntênhk hội, tsôngv px thiêz tsôngv kruô cux tâu siz njiz, sik cômgv nthuôr uô cêr lov jêv thôngz đhâu hêir nênhs poz ziz nhoz Lai Châu cxuô jax cưr cxiêx, đhiê pax vuôs. Zơưv Vương Thế Mẫn, chủ tịch uỷ Ban huyện phong Thổ, tỉnh Lai Châu hêik pâuz:  “Ntênhk hội Then kin Pang zos hêir nênhs poz ziz nhoz huyện phong Thổ iz vênhx huôv jông thiêz cxơưz cxiz trâu tsôngv  kruô tuôx uô si sêiz shuôk têz qơưs txos huyện phong Thổ thiêz ntơư cux chênhr zos cxơưz cxiz trâu tsôngv px cxuô hêir nênhs hâur thax tsav huyện huôv tsar truôx zuk hêir nênhs têx txux chi, vênhx huôv jông cxôngx nzor’’

Ntênhk hội Then kin pang cux zos thax tsav qơư huôv tsar cêr thôngx siêz ntơưv cxuô hêir nênhs thiêz yax kriê chor hluôk nhiv no tsuv tuôr tsês, huôv tsar truôx zuk hêir nênhs têx txux chi, vênhx huôv jông cov muôx đros đrêiv hâur luz nênhx tsik chiê pôngz plox./.

Tsu cxêik nhênhv-Kkắc Kiên

Điện Biên sir jos cxơưz cxiz ju lix đhâu trâus zênhr shar tiv moz Covid-19

          Đhâu iz ntu ntêr tso tsês tsi tos kruô tuôx ndis shuô uô si sêiz shuôk têz qơưs chiê phax tar moz Covid-19, nhiv no kruô tuôx ndis shuôk tsêr Bảo tàng zênhx liv lix xưv Điện Biên Phủ qir muôx kruô chôngz tuôx jux jus. Thôngz sâu cxôngx hâur hlik hli 3 txos nhiv no, Bảo tàng tưz tos yênhx puôk đoanx, đros zuôr xar 7 cxênhz 500 jiês kruô tuôx ndis shuôk. Pos Vũ Thị Tuyết Nga, Phưv giám đốc Bảo tàng zênhx liv lix xưv Điện Biên Phủ puz pâuz: đrâuv đeiv đuôz Panorama heik tơưv tas nro jiês tsav txênhz Điện Biên Phuv, njuôs xav uô tiêr hâur hnuz xiêz 7/5 zuôr txos, taz viv cux tsênhv krêz uô ntâu tsưr ziv yiêz hâur ndis shuôk têx chuôz zênhx chiê zaz zâuv kruô tuôx chôngz đuô hâur ntu zuôr txos:“Pêz taz viv cux tưz muôx lok six ntâu tsưr ziv chiê zaz zâuv kruô ndis shuôk, cxiv tsa têx tsưr ziv tsưr tsix, uô têx video heik lok bảo tàng li huôx tôngv, têx chuôz zênhx, lênhx nênhs lix xưv, têx qơư ndis shuôk nto bê nhoz Điện Biên, heik kriê sâuv mạng, sâuv phaz pênhv thôngz xor mông”.

          Đros qơư di tích lix xưv cấp têz qơưk Qơư tsav txênhz Điện Biên Phuv, tỉnh Điện Biên cux tưz thiêz tsênhv tsov cưv huôv tsar ju lix côngv thôngx. Ntơưv ntâu jos vênhx huôv, Homestay sâuv thax tsav đhâu iz ntu ntêr cơư trôngx tiv moz Covid-19 nhiv no qir krêz trôngx tos kruô tuôx ndis shuôk. Niêv lâuk Quàng Thị Dung, Coar lik Homestay Mường Then, Điện Biên pheiz kênh:   “Kruô tuôx homestay zuôr tâu muk ndis shuôk, so đros côngv thôngx, tâu nox têx zav nox mênhx cxưx. Cxôngx co Điện Biên li têx vênhx huôv jông zuôr tâu tsôngv kruô pâuz txos ntâu đuô”.

          Chiê tror hôx phưx ju lix hâur qênhx shênhx yiêz đhâu thâuv trâus zênhr shar tiv moz huôv xênhz, tỉnh Điện Biên tưz sir jos krêz uô têx jiês cxơưz cxiz ju lix huv đros niêv ciêz li zoz qơưx, tsov cưv txos tsôngv kruô hâur thax tsav tỉnh.  Zơưv Đoàn Văn Chì, Phưv giám đốc Sở vênhx huôv thiv thao thiêz ju lix tỉnh Điện Biên puz pâuz: Zos tiv phaz muôx moz Covid-19 huôv xênhz, viv li nganhx tưz chox kriê uô jông cui tênhv phax tar moz ntơưv tas nro têx qơư ndis shuôk uô si thiêz têx qơư muôv muôs jix vuv ju lix sâuv thax tsav. Đrâuv co zos chêx chôngk uô xiv huv yiêz, muôz siêz tsơưr lươngv jix vuv ju lix thiêz uô jông yax mông, heik kriê huôv tsar ju lix đros têx tỉnh, thành phố hâur têz qơưk thiêz saz đrâuv têz qơưk:   “Shông 2021 no muôx têx vênhv thix mak nganhx ju lix zuôr trâus uô thiêz truôx siêz uô. Co zos tror ntâuk grê hâux lưv uô tỉnh ủy li Nghị quyết 03 lok huôv tsar ju lix txos shông 2020, ndar txos shông 2030. Ntu zuôr txos pêz zuôr heik cxiv tsa Nghị quyết lok huôv tsar ju lix hâur co tso tơưv tsưr ziv, jênhv vưv tsênhz mênhx chiê huôv tsar ju lix yênhx nganhx kinh têr tsênhv”.

          Lơưr thôngz sâu, tưz muôx 167 cxênhz ntâu jiês kruô tuôx ndis shuôk ntơưv tỉnh Điện Biên hâur 3 luz hlik hâur shôngk shông no, tas nro phênhv sâu cxôngx huôx tôngv ju lix tax zuôr xar 280 tỷ đeiv. No zuôr zos iz hâux lưv jông chiê nganhx ju lix Điện Biên yênhx trus tror tâu hôx phưx, gôngr phênhv uô tiêr tsưr ziv zaz zâuv 910 cxênhz ntâu jiês kruô tuôx ndis shuôk thax tsav hâur shông no./.

(Vũ Lợi- Txâur Vax cxeik nhênhv)