Tsôngv box nhoz Tường Thượng muôx tsik txâuk đêx

sir zôngv hâur chêix ntux kruôr

Chêix ntux kruôr tưs cux li, tsôngv box nhoz 7 jok hâur xar Tường Thượng, huyện Phù Yên, tỉnh Sơn La puôr lênhx uô nênhx hâur qênhx shênhx muôx tsik txâuk đêx sir zôngv. Shông no txơưv tiêk tưz txos chêix ntux nas, taz sik sơưr đơưk cux tsuv muk gra đêx ntơưv têx kror đêx nhoz têx cưx ha lok zôngv. Ntâu ziv chuôz zis cux tưz khơưz têx kror đêx toz muôx 10 ntâu thiêr, taz sik thâuv ntux tsik lok nas mak ho kruôr tas hur si. Đêx sir zôngv tưz lax nriêr tsik tâu hêik txos zôngv chiê tu zus tsiêx cxu, chos kôngz lôngk. Luz nênhx thiêz uô xênhz yar njiz ntâu kror phiv liv.

Zơưv Đinh Công Nhất ziv chuôz zis nhoz jok Thon 2 muôx 4 lênhx nênhs. Hnuz tưs cux tsuv muôx 3 jiês sik hlôngr nto muk gra đêx tov cưk ha kuôk tsêr muôx 200 thiêr lok zôngv. Đêx đro, taz sik muôx đêx mak tưz jông hênhr lơưv thiêz tsuv zôngv cxênhx txuôs xưz thiêx txâuk:“Đêx zôngv yênhx hnuz mak muôx tsik txâuk, Muôx ntux nas lok mak têx ntu cux muôx đêx zôngv. Nhoz no mak ar kruôr, tsik muôx ntux nas mak uô tsik tâu đaz tsi hlo, tu zus tsiêx cxu lok cux tâu oz pêz tuk kêiz, tuk buô, muôx caz moz lok cux tuôs tas”.

Zơưv Lò Văn Lĩnh, Bí thư Đảng ủy xar Tường Thượng puz pâuz: xar muôx 700 ziv chuôz zis nhoz 7 jok muôx tsik txâuk đêx sir zôngv tưz muôx yưv ntâu shông lok no lơưv. Txos chêix ntux kruôr, pox nhuôs cux tsuv khơưz kror đêx jê ntơưv têx cưx đêx, cưx ha chiê zôngv, taz sik cux tsik txâuk zôngv xênhz huôx yênhx hnuz, liêx têz, tsoz chos kruôr tas, tơưs plêz chuôs tsi. Pox nhuôs kror cxơưx hlo zos txos thâuv yar ntux cuz sor ho tsik muôx đêx sir zôngv, zôngx ziv njiz trâus muôx moz, thox plaz:“Đêx sir zôngv xưz tưz lax lơưv, tsik tâu hêik txos đêx zưs trâu têx shôngz ntông, tiv zix zos chêix ntux kruôr, pêx xênhv tsuôk khơưz kror đêx jê têx cưx hax chiê muôx đêx sir zôngv, hêik tiêk zos kror đêx, taz sik chiê taz por mak cux tsik tâu. Vv li mak cux vav tiêk huyện, tỉnh zuôr pz yưv pênhr chiê cxiv uô đêx xênhz huôx trâu pêx xênhv cov tsik yuô txov nhêv”.

Phiv liv muôx tsik txâuk đêx sir zôngv cux zos qir tiv chênhr  uô trâu yênhx puô ziv chuôz zis nhoz xar Tường Thượng kror xar hla đhâu cêr pluôs hax zav lax uô đuô. Chính quyền tiv phaz thiêz tsôngv box nhoz Tường Thượng zênhx vav tok njôngr muôx têx tsaz yênhx, dự án uô đêx hur jêx jok trâu luz xar txov nhêv tiv zix no./.

(Đắc Thanh-Lik Thox cxêik nhênhv)

PHÊNHV NRIÊR PÂUZ LOK CÊR CHEI TÊZ QƠƯS

          1. Qênhx tâu sơưv jôngr (grê 7)

          Chei jôngr nuv shông 2017 cui tênhv tsênhz 02 zav tâu sơưv jôngr, tsênhz mênhx: (1) Têz qơưk zos tâu sơưv jôngr muôx têx jôngr li: jôngr lâuk, jôngr chos zos têz qơưk yưv pênhr tas nro; jôngr chos zos têz qơưk sâu, tâu khơưk muôz lok sik hlôngr qênhx tâu sơưv jôngr txơưr lơưr pháp luật li cui tênhv. (2) Tsưr tsix, ziv chuôz zis, lênhx nênhs, côngv thôngx tsôngv box tâu sơưv jôngr muôx têx jôngr li: jôngr zos tsưr tsix, ziv chuôz zis, lênhx nênhs, côngv thôngx tsôngv box yưv pênhr; jôngr tâu jênhv, tâu khơưk muôz cxôngx tsưr jôngr txơưr lơưr pháp luật li cui tênhv.

          2. Tsưr jôngr (grê 8)

          Chei jôngr nuv shông 2017 tưz cxaz nzir côngv thongx tsôngv box zos tsưr jôngr, lơưr co, tsưr jôngr muôx: (1) Ban coar lik jôngr tsov cưv, ban coar lik jôngr phax phưv; (2) Tsưr tsix kinh têr muôx doanh nghiệp, hợp tác xã, liên hiệp HTX thiêz tsưr tsix kinh têr txơưr tâu yênhx lix thiêz huôx tônv lơưr pháp luật li cui tênhv, tsi xav lênhx nênhs cui tênhv ntơưv khoản 7 grê no; (3) taz viv nhoz lưx lươngv vũ trang tâu choz jôngr (tov kaz no hu zos taz viv vũ trang); (4) tsưr six khoa học thiez công nghệ, thox cxov, zaoz zux hâux lưv uô lok jôngr nuv; (5) Ziv chuôz zis, lênhx nênhs hâur têz qơưk; (6) côngv thôngx tsôngv box; (7) doanh nghiệp muôx pênhr yưv saz đrâuv têz qơưk tâu têz qơưk puz ntiêr ar chiê chos jôngr.

          3.Têx hâux lưv trâus txưr hâur huôx tôngv jôngr nuv(Grê 9).

          Têx hâux lưv trâus txưr hâur huôx tôngv jôngr nuv tâu Chei jôngr nuv shông 2017 cui tênhv muôx: (1) Ntor, ruôr hiêv, txênhz jôngr tsi trơưk pháp luật li cui tênhv; (2) Tso têx vuôz tsuôz kiês nênhs, tsơưr tưx, tsơưr cuz tơưk, chuôz zênhx...trâu hâur har jôngr tsi trơưk pháp luật li cui tênhv; tso tsiêx cxu, tsiêx tu zus mul hâur jôngr tsov cưv tâu por vêv, jôngr nhiv kruôr tâu chos yiêz; (3) Ntês, tuô, cơư, thâux gra, muôv muôs tsiêx cxu kuk pêv har jôngr tsi trơưk cui tênhv; (4) Ruôr hiêv jôngr, côngz tsinhx por vêv thiêz huôv tsar jôngr; (5) Uô cxâuv cui tênhv lok phax cuz tuô cuz jôngr, phax tar têx caz uô hiêv jôngr; jix vuv tênhx qơư jôngr; (6) Cxênhx tsês, muôv muôs, thâux gra, tsiv uô, heik kriê, muôs tơưv saz đrâuv têz qơưk....têx xiv huv jôngr nuv tsi trơưk pháp luật li cui tênhv; (7) ntor luôx ntông, ntês tsiêx cxu, nriêr zok khoáng cxax tsi trơưk pháp luật li cui tênhv; khơưz, vôngz, tar đêx ntưs thiêz têx huôx tôngv tsi trơưk pháp luật li cui tênhv uô hlôngr yiêz cxix luôk jôngr ntông; (8) Choz jôngr, puz ntiêr jôngr, sâu jôngr, hlôngr zav jôngr, hlôngr tsưr ziv sir zôngv jôngr tsi trơưk pháp luật li cui tênhv; tso chei ntor, txiêr ntông tsi trơưk pháp luật li cui tênhv; (9) Sir ôngv jôngr ntông tsiv uô xiv huv ntông tsi trơưk pháp luật li cui tênhv./.

                                           (Tuyết Lan- Txâur Vax cxeik nhênhv)