Cán bộ, đảng viên têx tỉnh Tây Bắc: Tổng Bí thư li jax sâu tso pov têx siêz txơưx njê, heik tơưv têx lý luận thiêz têx muôx tsênhv tsênhz txox cêr ndê txos CNXH nhoz Việt Nam

  Lơưr zơưv Lê Chí Công, Phưv Ban Tuyên giáo tỉnh ủy Lai Châu, Tổng Bí thư li jax sâu tso pov siêz txơưx njê, heik tơưv jông têx lý luận thiêz têx muôx tsênhv tsênhz sâuv txox cêr ndê txos Chủ nghĩa xã hội. Cxôngx têx siêz jông thiêz txơưx jênhv đros mênhx cxưx thiêz tsôngv box, Tổng bí thư tưz uô tsênhz mênhx 4 njiêz luv lox lok chủ nghĩa xã hội, lok xeir txox cêr ndê txos Chủ nghĩa xã hội nhoz Việt Nam, ziz njiêz thiêz vênhv thix tso tơưv hâur hâux lưv hlôngr yiêz nhoz Việt Nam nhiv no.

          Lơưr zơưv Công, cxôngx siêz xar khoa học thiêz njiê pov tas nro lix xưv, nênhs sâu tưz heik tơưv tsênhz mênhx thể chế chính trị tư bản chủ nghĩa, hâur co muôx tsi txâuk têx zuôr trâus chiê uô têx vax huôv fênhx zav, uô trâu jênh chuv tsi tâu uô tsênhz mênhx. Thôngx cxix, xar njôngr Việt Nam tror cơưv shâuv xeir tsov têx yênhx tix, tsiv grê vav mênhx mak ntiêx têz tax tâu chiê vênhv zôngv hâur huôv tsar txox cêr ndê txos Chủ nghĩa xã hội, ndar txos iz xã hội huôv tsar tsênhz tsênhz viv lênhx nênhs, iz xã hội huôv tsar kinh têr đros hlôngr yiêz côngz fênhx xã hội; iz xã hội siêz jông, sik côngv siêz. “Cxôngx têx lý luận thiêz qênhx shênhx tsênhv tsênhz, Tổng bí thư tưz heik tơưv tsênhz mênhx đuô lok têx thâuv ntêx tsi tâu heik tơưv tâu, li txox cêr ndê txos chủ nghĩa xã hội, cxiv tsa têz qơưk pháp quyền, thiêz cxiv tsa kinh têr niêv ciêz lơưr saz xã hội chủ nghĩa....Đros têx kror yiêz co mak cxênhx hluôk nênhs tsuv sir jos nhênhz chơưv chiê pâuz tsênhz mênhx đuô. Đhâu co, gôngr phênhv nhênhz chơưv huôv tsar lý luận, huôv tsar cêr chei chiê cơưv shâuv thiêz sik đros cxiv tsa yênhx côngz chủ nghĩa xã hội”.

          Pos Bùi Thị Kim Oanh, cán bộ so lâuk nhoz tuêv 3, phường Tô Hiệu, thành phố Sơn La tsi taz thôngx ziv đros Tổng bí thư jax sâu lok Việt Nam li txox cêr ndê txos chủ nghĩa xã hội mak tsênhv xar tiêk têx heik tơưv hâur jax sâu tso pov tsênhz mênhx lok lý luận thiêz trâur nuv xã hội chủ nghĩa mak pêz xeir tsov thiêz truôx siêz uô lơưr. Co zos truôx siêz hlôngr yiêz, huv đros têz qơưk qênhx shênhx tsênhv tsênhz, mak kinh têr têz qơưk muôx têx huôv tsar tsi so. Co zos hâux lưv chiê pêz têz qơưk muôx ntâu chính sách, chế độ ndar txos lênhx nênhs, viv lênhx nênhs thiêz hlôngr yiêz côngz fênhx xã hội.

          Khov co, txos nhiv no pêz têz qơưk tưz yênhx nền kinh têr lox tiv 4 hâur khối ASEAN; shông 2019 tưz zos têz qơưk muôx chỉ số huôv tsar lênhx nênhs sâuv ntiêx têz...Hâux lưv no tso pov txox cêr ndê txos Chủ nghĩa xã hội zos huv đros tsênhv tsênhz pêz têz qơưk thiêz đros ntu huôv tsar:  “Đhâu Tổng bí thư li jax sâu thiêz đhâu tsênhv tsênhz cur pov Chủ nghĩa xã hội zos chế độ lok six jông, huv đros; pêz têz qơưk tưz tax tâu têx yênhx tix lox, huôv tsar li nhiv no. Hâux lưv no ziv khav tênhv txox cêr mak Hloz Hôx, Đảng thiêz tsôngv box xeir zos huv đros. Nhiv no, Đảng, tsôngv box tsênhv truôx siêz uô lơưr chiê cxiv tsa pêz têz qơưk ziv hnuz ziv huôv tsar, bluô nux đuô”.

          Đhâu seiz Tổng bí thư li jax sâu, đnagr viên Nguyễn Thanh Sơn nhoz phường Nguyễn Thái Học, TP Yên Bái cux xar tiêk, chủ nghĩa xã hội mak pêz têz qơưk tsênhv ndar txos zos huôv tsar kinh têr đros côngz fênhx xã hội, thâuv tưs cux seiz tsôngv box li cêr shir phaz zos qơư tsov txos chiê sir jos, tsov cưv cxiv tsa iz xã hội jông, sik côngv siêz, cxuô lênhx nênhs, cxuô mênhx cxưx sik đros paz max huôv tsar. Tas nro cxuô lênhx tsôngv box puôr lênhx sâu jênhv kror no thiêz truôx siêz gôngr đas jos cxiv tsa têz qơưk ziv huôv tsar, shir phaz lơưr txox cêr mak Đảng, Hloz Hôx tưz xeir tsov: “Seiz cxôngx tsênhv tsênhz tsôngv box Việt Nam thiêz tsôngv box Yên Bái li luz nênhx tsênhv tsênhz, nhiv no khav tênhv tâu tiêk txox cêr ndê txos chủ nghĩa xã hội mak Đảng, Hloz Hôx xeir tsov zos lok six huv đros”./.

(VOVTB_Txâur Vax cxeik nhênhv)