Jax thưr 6, hnuz 24/6/2016:

Quảng Ngãi: Ntâu lênhx pox niêv trâus nziêk đas txeik pênhr nhiêx huôv tsar uô nox

Trơưk li niêv lâuk Lê Thị Bích Thủy, nhoz jok 6, phường Nghĩa Lộ, TP Quảng Ngãi  luk heik, viv tsik muôx pênhr nhiêx huôv tsar uô nox, niêv lâuk tưz muk kêr txeik trâu cxiê qơư. Pâuz pos V.T.H, Chi hội tsar pox niêv vir ndâuk nhoz jok 8 tâu zênhx hax Đông Á- iz qơư nhoz Quảng Ngãi tso txeik, pos H tưz sâu lơưr têx ntâuz ntơưr uô thor txeik nhiêx chiê tso trâu têx pox niêv vir ndâuk txeik lơưr tsưr ziv paz sơưr bê kêr txeik, viv li niêv lâuk Thủy zok nriêr tuôx no chiê thor txeik nhiêx. Cux trơưk li niêv lâuk Thủy, pos V.T.H heik tiêk, zos xar txeik 20 tsov đeiv mak niêv lâuk Thủy tsuv txeik uô cê đros trâu iz lênhx nênhs txơưr đuô. Taz sik chiê zôngx ziv uô têx ntâuz ntơưr txeik nhiêx ntơư mak hâur têx ntơưr uô thor txeik nhiêx co tsuôk uô niêv lâuk Thủy iz lênhs bê thiêz nưk iz lênhs thêv. Thâuv chor nhiêx txeik tâu gra lok, niêv lâuk Thủy zuôr 15 tsov đeiv, yuôr 5 tsov đeiv tsuv muôz tror trâu pos H chiê pos H muôz trâu lênhx tiz nênhs đros txeik lơưr tsưr ziv seiz lax, thôngx ziv xuz thơưx. Niêv lâuk Lê Thị Bích Thủy heik:

“ Pos H heik li ntơư zuk cux pâuz li co xưz, tưz tsi pâuz đaz tsi. Muk  đrav tsêr nhiêx cir ntơưr txeik 20 tsov đeiv, gra lok txos muôz trâu pos ntơư 5 tsov đeiv. Nhiv kruôr đhâu nuk pos H tiêk, cur muôx ntơưr chas ho uô li ntơư mak pos H tưr nxiês tiêk, cox njê cox muk pênhr cur chiê cur mav lơưr kaz”.

Cux xưk li niêv lâuk Thủy, 16 lênhx pox niêv vir ndâuk txơưr đuô nhoz jok 8 puôr lênhx uô ntơưr thor txeik nhiêx li heik sâuv ntơưv zênhx hax Đông Á 20 tsov đeiv, taz sik tsuôk tâu iz đraz lok sik 2/3 chor nhiêx txeik, phênhv tsênhv yuôr mak tsi tâu gra lok, viv xưk li heik tas ntơư, txeik uô cê tưz tâu pos V.T.H kênh chiê muôz trâu iz lênhx txơưr đuô txeik. Niêv lâuk Lê Thị Tô heik, niêv lâuk tsuôk pâuz thêv trâu zênhx hax 10 tsov đeiv, yuôr đuô li mak niêv lâuk tsi pâuz:

“ Txeik li chas mak thêv li ntơư, niêv lâuk txeik 10 tsov đeiv mak pâuz thêv 10 tsov đeiv xưz. Yuôr 10 tsov, pos H gra nhiv kruôr thêv tas 5 jiês, yuôr 7 jiês tưz tsi thêv. 2, 3 hnuz uô ntêx ntơư nuk mak pos H nưk heik tiêk, txeik uô cê đros pos Trang, iz njik ho tiêk zos txeik đros Hòa, tsi zos đros pos Trang, nhiv no Hòa muk Ba Tơ lơưv, muôx đaz tsi pos H mav paz gra trâu”.

Niêv lâuk Phan Thị Minh Tình, Chủ tịch hội pox niêv vir ndâuk phường Nghĩa Lộ, TP Quảng Ngãi  heik pâuz, Hội pox niêv vir ndâuk phường tưz tsi pâuz txos têx li heik ntơư. Nhiv no chor pox niêv vir ndâuk sđ heik txos, Hội pox niêv phường cux tsi pâuz shor li chas:

“ Nhiv no lơưr heik mak zuk tsuôk pâuz li ntơư. Taz sik chiê zok nriêr tâu têx tsênhz mênhx chiê tik cêr cxâuv mak lok six lax uô tâu”.

Zơưv Nguyễn Đình Huy, Giám đốc zênhx hax Đông Á-nhoz Quảng Ngãi khav tinhv, têx ziv chuôz zis tsôngv box no tưz uô ntơưr thiêz cir txeik nhiêx ntơưv Đông Á 20 tsov đeiv mak tsuv thêv cov txâuk chor nhiêx cir ntơưr txeik. Hok hâux lưv txeik uô cê đros têx ziv txơưr đuô lok tsi txeik, kror ntơư zênhx hax tsi pâuz:

“ Pêz tsêr nhiêx tso txeik zos muôz trơưk li têx lênhx nênhs uô ntơưr tuôx thor txeik. Lênhx tưs thor txeik pêk tsơưs, pêz muôx ntơưr thiêz thâuv 2 tos tưz thôngx ziv, cir ntơưr txeik tas mak pêz muôz ciês nhiêx trâu tuk ntơư. Lênhx tưs uô ntơưr thor tâu txeik mak pêz muôz nhiêx trâu lênhx nênhs ntơư thiêz lênhx nênhs co tsuv thêv”.

Hâux lưv txeik nhiêx uô cê tsuôk zos têx ziv chuôz zis tsôngv box thiêz pos H seiz lax, heik ntơưv ndâux, tsi uô ntâuz ntơưr tsês. Nhiv no pos H heik tiêk, tsi pâuz txos têx no thiêz cux tsi tso txeik uô cê đros lênhx tiz nênhs tưs. Lênhx tưs zos, lênhx tưs zuôv thiêz lênhx tiz nênhs tưs zuôr lok đrêk têx hâux lưv no, zuôr tâu công an qênhz yuôx, uô tsênhz mênhx. Taz sik, têx muôx tsênhz tiês no cux heik trâu sđ tsuv tiz jông seiz, tsưv ziv hâur têx hâux lưv kêr txeik nhiêx, viv tsi ndo seiz, chênhr phax, muôx têx uô ruôr hiêv, tsi jông txos sđ./.

( TTMT-Riê Lâux cxeik, nhênhv)

Phênhv thưr 6, hnuz 24/6/2016:

Grê 69. Niêv thiêz txir li vax huôv:

1. Tsuv hluz mê tuz mê nhuôv thiêz tsuv sêiz mê nhuôv têx luk têix nus; tsuv choz kriê mê tuz mê nhuôv cơưv txux chi, tsưx phưv tu zus mê nhuôv cov lox hloz, uô nênhx tsiv txiêx cov muôx liv trâu ziv chuôz zis thiêz xã hội.

2. Niêv thiêz txir tsuv tu zus, tsưx phưv, sêiz shuôk jông têx mê nhuôv thâuv hloz tsik tâu tiêr nênhx.

3. Niêv thiêz txir, tsuv tsưx phưv, sêiz shuôk mê tuz mê nhuôv cov zos đrêiv quy tênhv chêi têz qơưs.

4. Niêv thiêz txir tsik tâu txưr têx tuz nxêik siz zuôr uô txix gơưv, tsik tâu kuôz zuôv têx mê nhuôv tsênhv zâu uô hâux lưv hnhar; tsik hâuz nziêk mê nhuôv uô têx hâux lưv tsik jông txos xã hội, têz qơưs.

Grê 70. Mê tuz mê nhuôv li vax huôv:

1.Tâu niêv thiêz txir hluz, sêiz tsiv grê cov huv đros zos đrêiv chêi têz qơưs; mê tuz mê nhuôv tsuv tâu cơưv txux chi cxix cxuô.

2. Mê tuz mê nhuôv tsuv hluz niêv txir thiêz muôz niêv thiêz sêiz tsiv grê, tsik uô ruôr hiêv txos niêv thiêz txir luz côngz luz bê.

3. Mê tuz mê nhuôv hloz tsik tâu tiêr nênhx, tsik tâu muôx đas jos uô cxuô zav hâux lưv, tsik muôx chuôz zênhx chuôz tav, tsuv tâu vax huôv đros niêv thiêz txir uô nênhx nhoz uô cê. Mê tuz mê nhuôv tsuv tâu đros niêv thiêz txir uô cxuô luôs hâux lưv cov huv đros hâur ziv chuôz zis.

4. Mê tuz mê nhuôv hloz tiêr nênhx, tâu vax huôv xêir tsov qơư nhoz, cơưv txux chi, hâux lưv uô thiêz đros uô hâux lưv chính trị-kinh tế trơưk li zuk siêz nhiêv. Thâuv tsênhv đros niêv thiêz txir nhoz uô cê, mê tuz mê nhuôv muôx vax huôv đros niêv thiêz txir uô cxuô luôs hâux lưv- huôv tsar uô kôngz lôngk hâur ziv chuôz zis cov muôx luz nênhx truôx tuk, tsâu sor.

5. Tâu  vax huôv sir zôngv têx chuôz zênhx chuôz tav cov huv đros zuk đas jos khưr uô tơưv hâur ziv chuôz zis./.

                           (Tsu cxêik, nhênhv-Tuyết Lan)