Côngv thôngx côngv tês paz txưv tsôngv box thax tsav trâus đêx ngaz Điện Biên

          Đhâu pâuz xor mông tiêk huyện Điện Biên li tsôngv box thax tsav xã Mường Lói thiêz têx xã nhoz buôk co trâus đêx nas chuô uô ruôr hiêv hnhar txos luz nênhx; tưz muôx ntâu tsưr tsix, lênhx nênhs siêz jông hâur têz qơưk, thâux têx hax huv paz txưv tuôx txos ciês qơư tsôngv box nhoz uô nênhx. Ntâu yêz teiv thâux têx hax huv li vix tsav, trik yo…thâux gra tuôx txos ciês tsôngv box tês, chiê paz tsôngv box thax tsav khưx phưx têx trâus ruôr hiêv, jux jus ngaz tul luz nênhx.

          Tix lâuk Tô Xuân Vượt, Phưv Hội trưởng Hội tsar yêz 17- tỉnh Thái Bình puz pâuz, thâuv pâuz tâu xor mông, đhâu Hội tsar yêz 27- tỉnh Điện Biên li heik kriê, paz max, cur tưz đros 20 ntâu lênhx txơưr hu grus tas nro têx lênhx nênhs hâur Hội thiêz têx lênhx nênhs jông siêz paz max, sâu hax huv đros tas nro tsiv grê 60 tsov đeiv chiê paz max tsôngvbox nhoz no. Tix lâuk Tô Xuân Vượt heik:

          “ Thâuv pâuz Điện Biên trâus đêx ngaz, pêz tưz hu grus têx hội viên thiêz ntâu lênhx nênhs jông siêz hâur thiêz đrâuv luôk oz chas têz qơưk paz txưv. No zos tsôngv box Thái Bình heik taz thiêz tas nro têz qơưk heik cxuô li siêz jông. Xar njôngr zuôr muôx ntâu phênhv paz txưv thiêz tâu xa txos tsôngv box nhoz no”

          Têx phênhv huv txơưv tsi lox, taz sik muôx ziz njiêz lox, paz tsôngv box thax tsav trâus ntux nas Điện Biên pov sor si đuô chiê sir jos hla đhâu têx phêv liv uô ntêx. Niêv lâuk Lò Thị Thi, tsôngv box jos Lói 1, xã Mường Lói muôx lênhx nênhs cxênhz jê trâus tuôs hâur jiês đêx ngaz pheiz kênh:

          “ Cur tsi pâuz heik li chas thiêz, tsuôk pâuz uô tsâus ntâu txos têx lênhx nênhs jông siêz paz max tsôngv box sâuv thax tsav. Thor uô tsâus ntâu”

          Hâur jiês đêx ngaz zov chênhr nhiv kruôr đhâu tưz uô ruôr hiêv yênhx tỷ đeiv đros têx xã Mường Lói, Phu Luông, huyện Điện Biên. Hâux lưv tas nro côngv thôngx sik côngv tês, côngv đas jos paz max tsôngv box thax tsav trâus ntux nas zos lok six coaz tsôngv chiê paz tsôngv box nzor ngaz tul luz nênhx. Thôngx cxix cux tso pov pêz tsôngv box li chinhz yênhx sik paz max thâuv njiz trâus têx phêv liv. Zơưv LòVăn Siêng, chủ tịch UB xã Mường Lói, huyện Điện Biên, tỉnh Điện Biên puz pâuz:

          “ Nhiv kruôr đhâu tiv phaz cux jênhv tâu têx chiz coaz,taz viv, têx lênhx nênhs jông siêz li tsov cưv tuôx tôngv vênhx, tuôx seiz thiêz pheiz kênh têx phêv liv, pêz uô tsâus lok six ntâu txos têx đoanx jông siêz tưz paz max tsôngv box”

          Đros thiêz trâus ruôr hiêv lơưv 100 tỷ đeiv ntâu tiv ntux nas uô ruôr hiêv, cxôngx hâur shôngk shông txos nhiv no, Điện Biên tsênhv yuôr ntâu ziv chuôz zis, ntâu tiv phaz tsênhv njiz ntâu phêv liv hâur luz nênhx; viv li côngv thôngx sđ tsuv sik côngv tês paz max chiê pox nhuôs nzor ngaz tul luz nênhx, tror tsiv uô xênhz yar./.

(Vũ Lợi- Txâur Vax cxeik nhênhv)

Cxaz nzir đas jos paz trâu têx lênhx nênhs moz pluôs

10 six tas cik, ntơưv thax tsav qơư nox mor hâur tsêr kho moz đa khoa Phúc Yên, tỉnh Vĩnh Phúc hnor 20 ntâu lênhx nênhs uô têx nuv jông siêz thiêz hnor suôz luôs, luk heik tsênhv bax jâuz mor chiê pheiz trâu têx lênhx nênhs moz pluôs. Têx lâux câuz mor tsênhv sor so đros trâu têx jâuz, grêix tưz tâu lơưr bax uô siêr, gra tuôx trâu cxuô qar tsêr kho moz thiêz têx qơư nênhs moz nhoz kho moz chiê pheiz jâuz mor trâu nênhs moz nox. Txeik tâu têx pluôk mor nox jông siêz li no, lênhx nênhs moz chuôs li muôx nzir cêr sor siêz, shir phaz đuô. Pos Phạm Thị Bích Việt, tsênhv nhoz kho moz ntơưv qơư seiz njuôk shuôs, kho moz trâuv tâu 3 shông ntâu lok no heik:

"Cur pov têx jâuz mor cuz sor so kaz cơưs li. Cur chuôz zis mak muôx cur iz lênhs tuôx nhoz no kho moz xưz. Tâu têx đoanx thêv moz siêz txos thiêz chor nênhs uô hâux lưv jông siêz paz li no, cur lok six jông siêz, paz pêz tsi yuô txov nhêv thiêz cux paz tâu pêz iz phênhv tưs têx nhiêx txiêx chiê kho moz".

Chiê muôx tâu têx pluôk mor nox uô trâu chor nênhs moz muôx nzir cêr chiê siêz, shir phaz mak thâuv tưs txos kaz ciêz, têx lênhx nênhs uô nuv jông siêz heik sâuv nhoz têx tỉnh, TP iz ndis li: Hà Nội, Thái Nguyên ho tuôx trâu Phúc Yên siz chos bax uô têx pluôk mor nox li co pheiz trâu têx lênhx nênhs moz pluôs. Xav kror đruôz đraz iz hlik, qơư uô luôs hâux lưv jông siêz, tưz pheiz yênhx cxênhz pluôk mor, cuô đik tsi zuôr nhiêx trâu têx lênhx nênhs moz. Pos Nguyễn Thị Nhàn, seiz car câu lạc bộ uô têx nuv jông siêz heik sâuv puz pâuz:

"Tsưr ziv chiê cxiz cur uô zav hâux lưv no zos seiz pov têx lênhx nênhs moz lok six txov nhêv, puôr lênhx zos têx chuôz zis trâus moz trưx phax, liv trâuv......xưz. Chor nênhs moz txeik tâu pêz têx pluôk mor nox, zuk pov lơưr shir phaz thiêz xar paz lơưr. Têx pluôk mor nox txơưv tiêk tsi luôx tưs taz sik cêr siz paz, sik pheiz kênh têx phiv liv, cêr txov đros chor nênhs moz chiê lơưr tsi yuô txov nhêv".

Hâur têx lênhx nênhs moz tuôx nhoz kho moz ntêr ntơưv tsêr kho moz thax tsav Phúc Yên, niêx hnuz muôx txix 30-35% nênhs moz muôx luz nênhx  lok six txov nhêv, lar heik zos ntơưv têx qơư kho moz li: Liv trâuv, kho moz jêik jik thiêz kho moz kok..... Chor nênhs uô têx hâux lưv jông siêz li têx pluôk mor nox tsi zuôr nhiêx tưz tâu paz txos trâu têx nênhs moz. Pos Phạm Thị Hằng, Chủ tịch Công đoanx tsêr kho moz đa khoa thax tsav Phúc Yên heik:

"Chor nênhs uô têx hâux lưv jông siêz li nuv uô lok six muôx liv, viv têx nênhs moz tuôx nhoz kho moz ntơưv no, iz chas lơưr tso siêz nhoz kho moz gênhs mak cux muôx sơưr đơưk têx cêr paz, cêr hluz txos thiêz, lơưr seiz pov txov nhêv, lơưr đros moz siêz paz txos. Têx đoanx thêv tuôx uô hâux lưv jông siêz zos zuôr trâus txos paz lok sâuv têx tuk tsi mak tsêr kho moz cux jông siêz, shir phaz lus paz, txơưv zuôr nzir nênhs đros paz uô têx nuv heik sâuv lok sik têx chuôz zênhx uz no.... Iz chas ntơư, hâur tsêr kho moz cux tso nênhs đros paz têx lênhx uô nuv jông siêz heik co uô jâuz uô mor lok sik pheiz jâuz mor gra trâu têx lênhx nênhs moz mul lok tsi tâuk ntơư nox".

Qơư uô luôs hâux lưv jông siêz li têx nuv uô muôx liv tưz paz trâu nênhs moz pluôs txo grêk tsơưs iz phênhv tưs têx cêr txov nhêv thiêz moz gênhs. Qơư uô luôs hâux lưv jông siêz, cux uô trâu chor nênhs paz nhiêx txiêx njênhr njôngr thiêz ziv hnuz ziv muôx chôngz lênhx ntâu tus nênhs siêz jông đros paz nhiêx txiêx trâu qơư uô luôs hâux lưv jông siêz hêik sâu. No zos têx jông paz cxaz đas jos chiê qơư uô luôs hâux lưv jông siêz nthuôr uô tâu đêz đar txos trâu têx tsêr kho moz txơưr đuô chiê nênhs moz pluôs, txov nhêv ziv hnuz ziv lênhk txeik tâu ntâu đuô sơưr đơưk têx cêr paz, hluz txos./.

(TTT-Riê Lâux cxeik, nhênhv)