Nậm Nhừ: Sir jos chơưv kho têx trâus đêx nas cuôr yôngz

Jiês đêx nas cuôr yôngz hnuz 17/8 tưz ruôr hiêv ntâu txox jok Nậm Nhừ 1 thiêz tsêr cơưv cxênhx iz niêv txir zus mor Nậm Nhừ. Jiês đêx nas cuôr yôngz đhâu, tưz pov muôx yưv têx pơưs ar, poz jêz, shôngz ntông cuôr pêv hâur lok uô yênhx pơưs. Chênhr muôx yưv têx tsik jông li hêik ntơư,  hâur têx hnuz đhâu, cưk kriê tơưr tsêr cơưv cxênhx iz Nậm Nhừ, pox nhuôs hâur jok đros muôx 50 ntâu lênhx cán bộ, tuz lênhv Zênhx Pênhz phax Nậm Nhừ tưz sik côngv đros yêv têx chuôz zênhx uz no, thoz huk têx ar, poz jêz lok cxuz hâur trêr cơưv chiê bax hla trâu shông cơưv yiêz. Cưk kriê ntơưr Nguyễn Thị Thúy, Hiệu trưởng tsêr cơưv cxênhx iz Nậm Nhừ puz pâuz: 2 lênhx cưk kriê ntơưr hâur tsêr cơưv li qơư nhoz đros cxuô zav cux trâus đêx cuôr yôngz tas hur si, hmôngr jông tsik trâus hiêv txos lênhx nênhs. Đros ntơư, têx qơư uô hâux lưv trâu chor cưk kriê ntơưr cux puôk tsuôk tas ntâu, huyện tưz muôx tsưr ziv chiê tror cxiv kho đuô. Uô ntêx tsuv bax cxuô zav li trôngx tos, qơư cơưv trâu shux nxênhz tuôx cơưv shông  cơưv yiêz cov ndar six hơưv:“Tsêr cơưv ntơưr tưz thoz huk tas têx ar hâur 4 qar cơưv ntơưr lơưv, qơư vêv xênhz cux li qar coưv tưz tâu thoz huk jông.  Chor cưk kriê ntơưr cux bax kho đuô iz cxiê qơư hâur tsêr cơưv chiê chor cưk kriê nhoz so muk lok. Tsêr cơưv cux thor xos chor nênhs siêz jông đrav Hà Nội paz tas nro ntơưr cơưv thiêz hnaz ntơưr trâu chor shux xênhz”.

Chiê phêiz kênh têx phêv liv đros pox nhuôs sơưr đơưk, cxuô cấp nganhx, hâu nov huyện Nậm Pồ cux muk sêiz shuôk, paz trâu pox nhuôs sơưr đơưk têx qơư trâus đêx ngaz cuôr yôngz. Zơưv Lê Khánh Hòa, Bí Thư Huyện ủy Nậm Pồ, tỉnh Điện Biên puz pâuz: Txix têx nhiêx txiêx paz thiêz Hội pox niêv, Mặt trận têz qơư huyện li têx nhiêx txiêx paz, huyện tưz paz trâu 13 ziv chuôz zis têx vax tsêr trâus đêx cuôr yôngz txêik tâu têx hax huv paz li: trox, njêr, mì chính, mì tôm. Chiê paz trâu chor chuôz zis nzor truôx tuk luz nênhx, huyện tưz hêik cấp ủy, hâu nov ntơưv qơư paz cxuô zav chiê chor chuôz zis cxiv uô đuô vax tsêr nhoz, nzor truôx tuk luz nênhx:“Nhiv no tas nro chor chuôz zis ntơưv têx qơư phiv liv tưz tsik zos Nậm Nhừ  mak sâuv thax tsav huyện tsuv qênhz shuôk đuô chiê txar qơư nhoz. Nhiv no huyện tsuv sêiz shuôk chiê pox nhuôs sơưr đơưk muôx tâu qơư nhoz ngaz tuk”.

Trơưk li cơ quan njuôk ntux yar ntux nas tỉnh Điện Biên li hêik pâuz, ntux nas cux zuôr lok cxuô nro sâuv cxuô thax tsav qơư nhoz tỉnh Điện Biên. Viv li đros hâux lưv sêiz shuôk, kho tas nro cxuô qơư trâus ntux têz uô hiêv ntơưv tỉnh Điện Biên, tsuv nzor uô truôx jông qơư nox nhoz trâu pêx xênhv thiêz têx phiv liv chiê shux xênhz bax trâu shông cơưv yiêz, chor nganhx muôx vax huôv hâur huyện Nậm Pồ cux tsênhv sir jos chiê tir tar têx phiv liv tsik chiê uô hiêv txos tsôngv px luz nênhx nox nhoz muk lok hâur niêx hnuz./.

(Vũ Lợi-Lik Thox cxêik nhênhv)