Tsôngv pêx xênhv Tiêx Njênhx cxuz cêr pluôs txix muôz têx liêx têz hlôngr chos tâuz tưs

Sâuv têx liêx têz nhoz jok Tsuô ntaz A, xã Tiêx Njênhx nhiv no chuôs li tưz tsi pov uô têx poz cưk, kok ntông, blêx hlo. Hlôngr trâu co zos yênhx têz tâuz tưs jông njuôz xiêz. Tâuz tưs nhoz Tiêx Njênhx lơưr tsi chos hâur têx vax, tsi tuôv txax trâu tâuz ndê mak chiê nưk chaz nưk pur ntiê hâur pêv têz, shơư ntâu zav tsoz chos txơưr đuô. Luz six hơưv thâuv iz đraz hli 9, tsôngv pêx xênhv Tiêx Njênhx cux qir sâu đê têx tâuz tưs jov jơưk.

Tix lâus Cxiêx Xênhv Zax, nhoz jok Tsuô Ntaz A, xã Tiêx Njênhx heik pâuz: Chuôz zis muôz iz cxênhz ntâu xưv phaz ar têz uô poz cưk hlôngr chos tâuz tưs. Tâuz tưs chos pêv têx liêx têz viv li tsôngv box tsuôk mul luôx đrox, ndơưk đrox cov têz đu jông khơưz kror chos xưz, hok têx tâuz mak chiê nưk tuôx nưk, lox chaz hmaz pur ntiê trâu hâur têz, tsi tas côngk đas jos tu. Đhâu thâuv sâu đê tas, chor tâuz zuôr tâu tuz luôv tuôx sâu zuôr ciês ntơưv qơư trâu HTX, gri txix 7-8 cxênhz đeiv iz cir. Iz zav li tix lâus Cxiêx chuôz zis, iz cxênhz xưv phaz ar têz tâuz tưs, sâu tâu muôx 8 tsov đeiv. Pir li uô poz cưk, chos kok ntông, tâuz tưs zuôr tâu ntâu đuô: “Ciês têx tâuz tưs no pêz chos, lok six zôngx ziv tu, tsuôk tâu nthuô iz jiês đrox thâuv chor tâuz tsênhv mê  ntơư xưz, hok tu mak zôngx ziv, chor tâuz tưz tuôx thiêz chiêx lox chaz hmaz zênhx zuôr tơưs pax, txi tâuz xưz. Trơưk li pêz pêx xênhv mak tâuz lok six muôx grik”.

Zơưv Lâux Xênhv Tsaz, Phưv Chủ tịch Ủy ban Tiêx Njênhx heik pâuz: Txix shông 2018, tâu hâu nov huyện Điện Biên Đông moz siêz txos, xã Tiêx Njênhx tưz siz zâuv chos têx tâuz tưs trơưk tsưr ziv “iz xã iz xiv huv”. Hâu nov xã Tiêx Njênhx tưz đros ngênhx kôngz nuv huyện vênhv tôngv tsôngv pêx xênhv krêz đar liêx têz huôv tsar chos têx tâuz tưs chiê muôs. Txos nhiv no, tas nro xã muôx 80 ntâu ha têz chos tâuz tưs, 100 ntâu chuôz zis cxaz chuôz, phênhv ntâu zos tsôngv box Hmôngz. Tsênhz tiês tso pov, zos pir li uô têx kôngz txơưr đuô li: Blêx, poz cưk, kok ntông….sâuv chor liêx têz chos tâuz tưs co mak tâuz zuôr tâu ntâu đuô 2, 3 bâus. Chor nôngz tâuz tưs Tiêx Njênhx chos zos zav nôngz jông, nox tsư ha, zôngx ziv tsês tâu, fax thâux muk đêz cux tsi lưx, tsi uô chas: “Huôv tsar chos tâuz tưs tưz paz tsôngv box muôs tâu trâu hâur ciêz đrôngs, tu têx tâuz ntơư lok six zôngx ziv, tsuôk chos tas trâu hâur têz, thâuv tưs muôx đrox tuôx đoz, nthuô iz jiês xưz, viv li nhiv no têx têz pêx xênhv chos tâu nzor mak tưz qir jông sâu đê, hok têx đeiv têz chos lis cux tsi tâu tâu jông sâu đê. Huôv tsar chos uô têx tâuz tưs tưz paz tsôngv pêx xênhv hlôngr yiêz luz nênhx”.

Chiê huôv tsar uô zav tsoz chos no thiêz paz max qơư sâu zuôr trâu tsôngv pêx xênhv, hâu nov ntơưv qơư tưz muôz jông six hơưv yênhx lix HTX Tiêx Njênhx chiê sik đros ntâu chuôz zis pêx xênhv uô thiêz huôv tsar chos ntâu đuô têx têz tâuz cux iz zav li sâu zuôr ciês têx tâuz thâuv sâu đê tâu lok. Zơưv Sử Xênhv Zax, thơưx seiz car HTX Tiêx Njênhx heik pâuz: “Tâuz tưs zos iz zav xiv huv tâu xã xeir uô zav huv hur jông OCOP hâur xã Tiêx Njênhx, tsưr ziv zos heik tsôngv niêv txir lax pêx xênhv chos thiêz huôv tsar chos ntâu đuô chor tâuz tưs no, ciês cur lok cux yênhx lix HTX chiê taz por sâu zuôr têx tâuz heik co trâu tsôngv pêx xênhv, paz huôv tsar kinh tế cxuz cêr yeiz pluôs trâu pêx xênhv”.

Trơưk li Phongx Kôngz nuv thiêz huôv tsar tox siêz huyện Điện Biên Đông, shông 2020 xav hur si chor liêx têz chos tâuz tưs hâur xã Tiêx Njênhx zos 22 ha, iz ha tax 2,5 tênhr, tâu nhos 55 tênhr tâuz. Txos shông 2021, xã tưz krêz đar liêx têz chos muôx nhos 80 ntâu ha, njuôk xav tax 200 ntâu tênhr tâuz.

Zơưv Nguyễn Thanh Lâm, Phưv Tsar Phongx Kôngz nuv thiêz huôv tsar tox siêz huyện Điện Biên Đông heik pâuz: Xã Tiêx Njênhx mak chos tâuz tưs, xã Na Son chos tâuv cuôz xênhz thiêz xã Phiz Nhưx chos kok tsư ha. Têx kôngz co nhiv no tưz tâu tỉnh Điện Biên côngk nhav zos xiv huv OCOP hur jông, yênhx ntơưv qơư têx xiv huv kôngz nuv chênhr: “Phongx cux tưz hux jos đros iz cxiê taz viv doanh nghiệp chiê cir ntơưr, chos luk sâu zuôr tsôngv pêx xênhv têx kôngz uô tâu, chiê cxiz pêx xênhv hâur thax tsav xã Tiêx Njênhx cêr huôv tsar uô nox uô hnar heik taz thiêz hâur huyện heik cxuô”. 

Đros trâu muôz têx tâuz tưs uô ntơưv qơư zav xiv huv hur jông OCOP piêr kriê thiêz muôs hâur têx ciêz đrôngs hâur thiêz đrâuv luôs 2 chas tỉnh, tsôngv pêx xênhv Tiêx Njênhx vav chiê siêz, têx tâuz tưs zuôr muôs tâu truôx trâu chor ciêz đrôngs hâur thax tsav tỉnh thiêz luôs 2 chas tỉnh, TP txơưr đuô sâuv thôngz têz qơưk./.

                               (Vũ Lợi-Riê Lâux cxeik, nhênhv)

Kho jông đuô cxiv luôs zoz thôngz

Paz thơưz huôv tsar kinh têr-xar hôiv thax tsav mênhx cxưx tsơưs nênhs

“Xar Chế Tạo cux zos xar txov nhêv tiv zix lok cêr muk lok, viv xar muôx nxaz tox ntâu thiêz têz qơưk chor pênhr yưv uô tsơưs. Txơưv tiêk cux zos xar tâu yưv pênhr uô ntâu kror taz sik cux tsênhv uô tsik tâu txos tưs hlo. Cêr yêz lox mak tsuôk tuôx tâu txos trâu tsênhv qơư xar xưz. Hok tas nro chor jêx jok mak yêz lox tsênhv muk tsik tâu txos. Cêr txix ntơưv no muk txos tsênhv qơư thax tsav 2 muôx 17 cêik, chêix ntux kruôr mak muk tas iz six hơưv hok ntux lok nas mak muk tas iz six hơưv ntâu. Hok ntu đrav ntêx thâuv cêr tsik tâu uô jông mak muk tas muôx 2 six hơưv thiêx txos”.

Zơưv Trống Xênhv Shông, Chủ tịch UBND xar Chế Tạo, huyện Mù Cang Chải, tỉnh Yên Bái hêik pâuz li co.

Đros pêx xênhv nhoz ntâu jêx jok tox siêz, thax tsav mênhx cxưx tsơưs nênhs, muôx cêr bê tông tuôx txos hâur jêx jok zos iz kror siêz xar njôngr txos. Pâuz tâu tsôngv box siêz xar njôngr co, thâuv Huyện ủy Mù Cang Chải tso tơưv kriz uô tsaz yênhx “hnuz kaz ciêz đros pêx xênhv”, yênhx vạn lênhx cán bộ, chiến sỹ uô côngz xưv ntơưv huyện tưz muk trâu têx jêx jok tox siêz chiê paz trâu pêx xênhv kho đuô têx vax tsêr, sâu kôngz lôngk thiêz tiv zix zos uô cêr muk lok. Bí thư Huyện ủy Mù Cang Chải Nông Việt Yên hêik pâuz: “Huyện hêik paz xi măng, đhâu co pox nhuôs sik côngv paz suôz jêz, hnuz côngz chiê uô. Huyện mak paz xi măng thiêz kỹ thuật. Nhiv kruôr đhâu tỉnh cux kho đuô tsênhv chêi chiê paz uô cêr muk lok. Zuôr muôx cưx đêx trâu đêx ntưk tsik zos li pox nhuôs lav uô đhâu iz ntu cêr ho tsik jông tas. Iz hli, iz lênhx cán bộ, đảng viên tsuv tsês six hơưv tsơưs tiv zix zos 2 hnuz thưr 7 thiêz hnuz ciêz chiê muk trâu têx jêx jok paz trâu pox nhuôs. Txix hâux lưv kho cêr, uô yiêz, uô têx cêr bê tông”.

Lơưr Tiến sĩ Hà Việt Quân, Tôv cxiv tsa Đề án thiêz tsaz yênhx tsưr ziv têz qơưk huôv tsar kinh têr-xar hôiv thax tsav mênhx cxưx tsơưs nênhs thiêz tox siêz ntu 2021-2030 mak: txơưv tưz tax tâu ntâu kror jông hâur ntu 35 shông hlôngr yiêz taz sik thax tsav tsôngv box mênhx cxưx tsơưs nênhs thiêz tox siêz cux tsênhv zos thax tsav txov nhêv tiv zix hâur tas nro têz qơưk, tiv zix zos têx cêr muk lok cxuô zav. “Cêr vax tsêr cxuô zav mak hâur kinh têr xar hôiv xưk li zos kror zov chênhr số 1. Li nhiv kruôr hêik đhâu mak muôx iz cxiê thax tsav qơư cux tưz sir zôngv pênhr jos yưv pênhr chiê đơưk kho têx phiv liv lok cêr, vax tsêr cxuô zav taz sik cux tsênhv paz tsik tâu ciês trâu mênhx cxưx tsơưs nênhs thiêz tox siêz luz nênhx”.

Iz hâur têx tsênhv njiêz zov chênhr hâur Tsaz yênhx tsưr ziv têz qơưk huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz ntu 2021-2030 zos paz cov hlôngr yiêz đuô cêr muk lok thax tsav tsôngv box mênhx cxưx tsơưs nênhs. Zos li hâur ntu yiêz tsưr ziv yưv pênhr trâu huôv tsar kinh têr xar hôiv tsôngv box mênhx cxưx tsơưs nênhs thiêz tox siêz zuôr tsuv muôx têx tsưr ziv uô li chak? Thav lok hâux lưv no, tiến sĩ Hà Việt Quân hêik tiêk: “Têx tsưr ziv uô mak lơưr cur tsuv tsêx trung trâu têx chêi, tsưr ziv. Hâur co, mak tsuv tsêx trung trâu oz kror chênhr zos, sêiz car thiêz tsưr tsix kriz uô. Lok sêiz car mak tsuv muôx têx chêi cxơưz cxiz yưv pênhr chiê zaz zâuv tâu cxuô kror thiêz cxuô qơư đros uô. Tsik tiêk khov trâu têz qơưk têx pênhr jos xưz, mak tsuv khov trâu pênhr jos txix têx doanh nghiệp thiêz khov trâu pênhr jos txix pêx xênhv. Hok chêi, tsưr ziv kriz uô mak pêz cux tsuv tsêx trung nriêr pâuz têx tsưr ziv cik txos hâux lưv đơưk kho têx vênhv thix cik txos ndax ndênhk hâur sêiz car thiêz sir zôngv pênhr jos. Têx tsưr ziv phêiz kênh pênhr jos cov tsênhz mênhx, taz por chiê chor nênhs njiz trâus phiv liv tiv zix mak tâu yưv pênhr paz ntâu đuô thiêz hâux lưv cik txos sêiz kaz mak tsuv muôx pêx xênhv đros uô”.

Li co, chiê huiz tôngv, sir zôngv tâu truôx jông têx pênhr jos chiê paz uô cov hlôngr yiêz jông đuô cxiv luôs cêr muk lok, tax tâu tsưr ziv huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz ntu 2021-2030 mak tsuv muôx chor tsaz yênhx tsênhv chêi uô cxix cxuô thiêz muk ntêr truôx tuk, đơưk kho tâu têx kror tsênhv uô tsik tâu tâu hâur ntu đhâu. Tsuv muôx tsưr ziv kriz uô yiêz hâur cxiv tsa thiêz uô lơưr têx tsênhv chêi mênhx cxưx cov truôx jông./.

(Hoàng Thái/VOV4-Lik Thox cxêik nhênhv)