Jax sâu hnuz 25/11/2015:

Muk trâu tsêr cơưv jông đuô nhoz hâur tsêr

 

 

Hâur têx shông đhâu lok no, shuv xênhz tox siêz huyện Trạm Tấu, tỉnh Yên Bái, thauv tuôx trâu tsêr cơưv, txơưv tus shuv xênhz tưs cux gra lâux câuz, cxur, tơưk chiê uô mor nox hâur tsêr cơưv ntơưr. Pluôk nox tsuôk zos nox mor nzuôs njêr thiêz  pư têx tsêr fênhz suôz lâus kiz jik. Viv txov nhêv thiêz yêiz plaz, muôx ntâu lênhx shuv xênhz tưz tso ntơưr tsês tsik cơưv. Nhiv no, thâuv tâu tuôx trâu tsêr cơưv ntơưr, têz qơưs muôz iz lênhx shuv xênhz 420 cxênhz nhiêx nox đros trâu cxuô lênhx cưk kriê hâur tsêr cơưv sik côngv paz chiê zuôr jâuz, grêix, tâuv trâu shuv xênhz nox thiêz cxuô lênhx shuv xênhz tưz tau tsêr pư ciês haur iz saz tsêr cơưv ntơưr. Cưk kriê Nguyễn Duy Tiến, thơưx sêiz car tsêr cơưv cxênhx 1 thiêz cxênhx 2 xã Trạm Tâu hêik pâuz:

Băng: “Hâur ntu đrav ntêx chor tuz cxêik shuv xênhz cux tsơưs hênhr. Txix ciês thauv têz qơưs paz mê njik nhiêx đros trâu cxuô lênhx cưk kriê hâur tsêr cơưv sik côngv paz nhiêx zuôr jâuz, grêix trau shuv xênhz nox hâur pluôk yêik pluôk hmo. Txix ntơư tưz muôx chôngz lênhx shuv xênhz tuôx cơưv ntơưr”.

Hâur oz pêz shông đrav ntêx, thauv txos chêix cơưv ntơưr, cxuô lênhx cưk kriê tsuv tâu muk jêx jos chiê zaz zauv tsôngv tuz cxêik shuv xênhz tuôx trâu tsêr cơưv. Nhiv no tưz txơưr lơưv ntâu, txos chêix cơưv ntơưr, cxuô lênhx zênhx pâuz tuôx vtrâu tsêr cơưv. Cưk kriê Đinh Thị Hạnh nhoz tsêr cơưv cxênhx 1 thiêz cxênhx 2, xã Trạm Tâu hêik pauz:

Băng: “Pir li shuv xênhz tiêx đras mak cxuô lênhx shuv xênhz ntơưv no tsuv sir jos cơưv thiêz tsuv kriê đar mê njik thiêx pâuz thôngz cxuô jax ntơưr cơưv”

Cxuô lênhx shuv xênhz ntơưv no, viv tâu cxuô lênhx cưk kriê moz siêz  kriê ntơưr trâu, cxuô lênhx shuv xênhz tưz cơưv tâu ntơưr truôx jux juk. Shuv xênhz Hoa x Shôngx, cơưv lớp 6, tsêr cơưv cxênhx 2, xã Trạm Tấu, huyện Trạm Tấu hêik pâuz:

Băng: “Hâur ntu đrav ntêx, muk cơưv ntơưr mak txov nhêv hênhr, zuk tsuv tâu gra cxur, gra tơưk tuôx trâu tsêr cơưv chiê tâu uô mor nox. Nhiv no cưk kriê hâur tsêr cơưv uô mor trâu shuv xênhz nox, cur jông siêz hênhr”.

Đhâu 5 shông cxiv kho tsêr cơưv ntơưr, cêr cơưv ntơưr haur thax tsav tox siêz tưz muôx kror hlôngr yiêz thiêz muôx chôngz lênhx tuz cxêik shuv xênhz tuôx trâu tsêr cơưv chiê cơưv ntơưr. Cưk kriê Hà Thị Minh, phó giám đốc sở zoz zux tỉnh Yên Bái hêik pâuz:

Băng: “Thâuv cxiv kho tsêr cơưv hâur ntu đhâu, zos tưz uô tau truôx hur si saz chính trị, muôx chôngz lênhx tuz cxêik nhoz thax tsav jêx jos tox siêz đêz đrôngl tuôx cơưv ntơưr. Txos trau nhiv no, hur si tỉnh muôx 12 cxênhz lênhx shuv xênhz nhoz cxuô luz tsêr cơưv hâur thax tsav tỉnh tâu têz qơưs nhiêx zuôr cxur. Txix ntơư, chor shuv xênhz tso ntơưr tsês tsik cơưv tưz txo grêk tsơưs lơưv ntâu”

Shông no, cxuô luz tsêr cơưv nhoz thax tsav tox siêz đêz đrôngl tỉnh Yên Bái tưz muôx cêr shir phaz đuô têx shông đrav ntêx, viv muôx cxuô lênhx cưk kriê ntơưr moz siêz paz max hluz txos cxuô lênhx shuv xênhz hâur tsêr cơưv./.

                                         (Tsu cxêik nhênhv-Đinh Tuấn)

 

 

 

 

 

 

Phênhv “Đas jos thiêz siv nênhx uô kôngz”, hnuz 25/11/2015

Têx mor txiêk pok uô trâus kâus tưx

 

 

Tsôngv box…! Têx mor txiêk nox sênhv txix têx pluôk mor nox uô ntêx khênhr tâu ntâu lênhx khơưk tsês thiêz tror muôz chuz cov sor chiê nox mak tsi pâuz tiêk, têx mor ntơư muôx têx kâus tsơưr tưx zav nox. Taz sik, tsi zos tiêk muôz chuz li uô trâu lênhx nênhs trâus kâus tưx mak ntơư zos tiv tsi khơưk tsês jông uô ntêx thâuv zuôr muôz chuz nox.

Tsưr ziv khơưk tsês têx mor txiêk:

Jông đuô hur si, tsuv uô mor cov txâuk nox hâur iz pluôk xưz, viv tsi tiêk zos têx mor mak txơưv zav jâuz tưs zos tsês chiê ntêr thiêz muôz chuz, râuz muk lok ntâu jiês cux puôr lênhx zôngx ziv uô kâus tsơưr tưx zav nox thiêz uô hiêv txos têx lênhx nênhs hâur tsêr đas jos.

Tsuv nox ciês mor thâuv uô tâu têx jâuz mor siêr cxix, zos tsi tâu shênhx nox, mak muôz chor mor uô txiêk ziv sei ziv jông, jông đuô hur si zos hâur iz luz six hơưv. Muôz têx  mor tsês hâur tuv txiêk tsi tsênhr chiê đhâu iz hnuz txos thâuv tror muôz chuz đuô lok nox. Zos tưz muôz têx gra  lok tso saz đrâuv mak tsuv zôngv ciês hâur 5 luz six hơưv, tsi cxoz tsês ntêr.

Nhoz tox siêz, thax tsav đêz đrôngs tsi muôx tuv txiêk, chiê tsês tâu têx mor tsi tsư đêx, jông nox mak tsuv muôz lâux câuz mor tso trâu ntơưv têx qơư lax cov mor txiêk, tsi chiê têx jâuz uz no lo têx mor. Tsuv zôngv têx luz tơưz to kror chiê khưz têx mor trâu cov cxoz pâus, tsi cxoz muôz têx hâu uz no ntov vor mor, viv zuôr uô trâu chor mor tsư đêx sei tiv muôx hưk.

Taz sik cux tsuv nox têx mor tso saz đrâuv tsi tâu ntêr đhâu 6 luz six hơưv lok sik tsês chiê hâur tuv txiêk tsi tsênhr đhâu iz hnuz iz hmo. Tsi tâu muôz têx mor chuz thiêz ciz đhâu 2 jiês, zos tsi li, têx mor zuôr tsi jông nox./.

( Thanh Thủy-Riê Lâux cxeik, nhênhv)