Lào Cai: Lênhx Kuz bôv đôiv lâul Hôx li têx hâux lưv paz trâu nênhs pluôs

Nậm Chày, nậm Xé-oz xar nhoz đêz thiêz txov nhêv nhoz  huyện Văn Bàn, tỉnh Lào Cai zos Trung đoàn 254-Bôv Chỉ huy Quân sự tỉnh Lào Cai li qơư kriz uô hâux lưv nhiv kruôr uô tâu tiêr. Hâur 2 ciêz muk trâu tiv phaz no, chor cán bộ, chiến sỹ Trung đoàn tưz côngv tas nro đas jos paz pêx xênhv kriz uô yiêz oz ntu cêr; kho đuô têx cêr chênhr; cxiv tsa vax tsêr trâu 4 ziv chuôz zis pluôs tiv zix; qêz suô, kho đuô chor cêr muk lok hâur jêx jok…muôx nzir chor tuz lênhv li têx đas jos paz, jêx jok tưz tâu hlôngr yiêz ntâu. Tix lâus Lý A Hòa-jok Tu Thượng, xar Nậm Xé, huyện Văn Vàn hêik:

“Lok six uô tsâus txos chor bôv đôiv tưz tuôx paz trâu pêx xênhv pêz jok kriz uô yiêz oz ntu cêr trâu chor mê nhuôs muk lok zôngx ziv đuô. Vav tiêk chor tsaz yênhx jông li no zuôr tâu tsưr tsix ntâu đuô trâu têx thax tsav nhoz đêz, tox siêz”.

Sâuv kriz uô têx hâux lưv, chor cán bộ, chiến sỹ Trung đoàn 254 cux muôx ntâu kror chiê paz uô truôx jông đuô cêr sik côngv siêz quân thiêz pêx xênhv, txix têx hâux lưv uô tsênhv tsênhz xưk li uô vênhx nghệ, thể thao, txiêr plâuz hâu trâu chor mê nhuôs, njuôk shuôk moz tsik zuôr nhiêx txiêx…Chênhr thâuv “đros pêx xênhv nox, đros pêx xênhv nhoz, đros pêx xênhv uô” cux zos thâuv uô uô cê yax kriê paz trâu pêx xênhv jênhv pâuz tsênhz đuô lok tsưr qênhx ntus đriv, poz hiêr; cxaz nzir jênhv pâuz lok têx txiêz nanv xar hôiv cux xưk li têx phongx cxưx hâur côngv thôngx; lok sik pâuz sir zôngv khoa học kỹ thuật trâu huôv tsar uô kinh têr…Thiếu tá Sùng Văn Thắng-Chính trị viên tiểu đoàn BB1, Trung đoàn 254, Bôv chỉ huy quân sự tỉnh Lào Cai puz pâuz:

“Thâuv uô côngz xưv dân vận ntơưv tiv phaz, pêz cux uô uô cê, yax kriê hêik pox nhuôs uô jông lơưr Đảng, têz qơưk têx cêr chêi; yax kriê lok kriz uô lơưr luz nênhx yiêz, cxiv tsa jêx jok yiêz, đhâu co paz cxiv tsa lênhx tuz lênhv lâul Hôx li têx kror jông hâur cấp ủy, chính quyền thiêz pêx xênhv tiv phaz siêz xar”.

Tsik thav uô ntâu, uô cov muôx, tsuôk zos têx jiês muk li co, pov kror tưs txov nhêv chêk paz, pov muôx hâux lưv mak uô, tsuôk xav txix hâur shôngk shông 2018 txos nhiv no, đhâu yênhx châuv kror hâux lưv uô li co, lưx lươngv quân sự tỉnh Lào Cai tưz sik côngv đros têx ban, nganhx, đoanx thêv nhoz tiv phaz kriz uô kho đuô muôx 40 ntâu cêik cêr jêx jok, cxiv tsa zuôr xar 20 cêik cêr bê tông jêx jok yiêz, kriz uô yiêz muôx 4 cêik ntâu cêr, đros yênhx cxênhz hnuz côngz lox tôngv, yênhx puô jiês yax kriê paz pêx xênhv chor xar txov nhêv, đrâuv Nậm Xây, Nậm Xé (Văn Bàn) tsênhv yuôr Sàng Ma Sáo, Nậm Chạc, Cốc Mỳ (Bát Xát), Dìn Chin, Tả Thàng (Mường Khương)…Đại tá Hà Văn Quế-Chính ủy Bôv Chỉ huy Quân sự tỉnh Lào Cai hêik:

“Đhâu tsưr tsix jông têx hâux lưv uô tưz paz gra siêz jênhv pâuz, txơưx jênhv trâu chor cán bộ, chiến sỹ cux xưk li pêx xênhv tiv phaz pâuz lok lênhx Bôv đôiv lâul Hôx, lok quân đôiv li chax chês zênhz shôngx jông hâur ntu cêr 70 shông cxiv tsa, tsav txênhz thiêz hloz lox, txix co cxiv tsa chính trị truôx trâu chor cán bộ chiến sỹ, lưx lươngv vũ trang tỉnh, chiê bax thiêz uô tiêr tâu jông têx jênhv vưv tâu choz”./.

                        (An Kiên-Lik Thox cxêik nhênhv)

Phax tar moz trâu têx nhuôs zâu thâuv ntux no

Chiê têx nhuôs zâu nhoz, uô si trâu ntơưv têx qơư tsi muôx chuô, tsưv ziv qơư nhoz uô si co hur si, đu lus. Tsi chiê nhuôs zâu muk uô si saz đrâuv jôngr thâuv no njiv hênhr, muôx chuô, lok nas kror cxiê qơư nông lok sik no njiv. Thâuv saz đrâuv jôngr sor mê njik, muôx têx chiê têx nhuôv zâu muk uô si, taz sik tsuôk chiê mê nhuôv uô si txix thâuv 9 txos 10 six tas cik lok sik 2 six txos 3 six zar hnuz kêix ntơư xưz, viv thâuv co thiêx sor thiêz tsi yuô no.

Tsi so sêiz shuôs têx nhuôs thâuv hmo ntux; lar hêik zos tsuv muôz nzir têx pav sor trâu nhuôv vor, taz sik tsuv muôz tsơưs mê njik thiêz tsik muôz pav câur chênhr  trâu mê nhuôv mak mê nhuôv thiêx uô tâuk pa. Muôz tsôngk tril yo sor trâu nhuôv hnar, muôz lôngx têk, thov khưv trâu nhuôs trâu, ntông câuk mov sor tâuz hâu....cov nhuôs tsi trâus no), lar heik zos têx xiz têk, xiz tơư, hâur siêz, chax đaz, tâuz hâu...., tiv zix zos thâuv thâux mê nhuôv muk uz muk no têx saz đrâuv jôngr. Chor uô niêv uô txir tsuv moz siêz txos, thâuv chiê mê nhuôv uô si, zos tơưv hưk  mal tsuv muôz yo hlê, lok sik zôngv têx txox fuôv so nhuôs têx hưk, viv tsi uô li ntơư mê nhuôv lok six zôngx ziv trâus muôx moz, moz chax đaz, moz njưk... Zos pov mê nhuôs xưk li zuôr trâus moz, uô cuz uô no, gênhs..... mak tsi cxoz chiê mê nhuôv muk uô si saz đrâuv têx jôngr.

Muôz trâu mê nhuôv nox txâuk têx jâuz mor, nox ntâu têx txir ntông chiê paz trâu đros chêr muôx đas jos phax tir têx moz gênhs. Nox txâuk, cxix cxuô têx jâuz mor, hâuk đêx sor, tsi cxoz hâuk, nox têx zav nox txiêk muôz tsês hâur têx tuv txiêk.

Nhạc cắt

Tsưv ziv

Tsi tiêk nhuôs zâu, nênhs lâuk hnuz nhôngs siêz, hur si têx lênhx muôx đas jos cux tsi tâu tso siêz lol zuk đas jos thâuv ntux txơưr txar, no njiv. Tsuv pâuz tsưr ziv por hưv, tsưx phưv zuk đas jos thâuv ntux no txix nox cxix cxuô têx jâuz mor chiê muôx đas jos phax tir têx moz gênhs. Tsơưs nox txos têx zav nox txiêk, uô trâu lênhx tiz nênhs luz đros chêr txiêk.

Vêv xênhz hur si zuk tul khênhx hâur niêx hnuz, taz sik tsuv nhoz trâu têx qơư tsi yuô muôx chuô thiêz trâur tơưk ntê, hnar têx tsôngl trik yo sor cov iz chêr tsi trâus no, tsi nhoz tir têx chuô txiêk..... Tsi cxoz hâuk chơưr uô ntêx thâuv zuôr muk uô uz uô no saz đrâuv jôngr zuôr muôx chuô txiêk chiê tsi trâus muôx moz.

Tsi cxoz trâur tơưk, trâur thênh, têx blôngx kruô hâur têx qơư ntov chiê ntê, viv tưz pov muôx ntâu lênhx trâus moz, trâus uô tsi tâuk pa tiv têx pa tơưk li heik sâuv uô.

Lar heik, thâuv pov muôx têx tâu xav tiêk trâus muôx moz, mak tsuv zênhx max muk chuôs cưk yuôx chiê tâu seiz njuôk shuôs moz, kho tâu sei./.

                              (Thu Thùy-Riê Lâux cxeik, nhênhv)