Jax sâu thưr 2 hnuz 25/1/2016:

Lai Châu phax tar ntux no trâu nênhs thiêz tsiêx cxu

 

 

Chiê por vêv đas jos trâu chor shux xênhz hâur jiês ntux no chênhr txix hâur shôngk shông txos nhiv no xưk li njuôk xav qiv hơưv hêik pâuz, nganhx zoz zux thiêz thox cxv Lai Châu tưz chox kriê chor phongx zoz zux, chor tsêr cơưv ntơưr, tiv zix zos chor tsêr cơưv tox siêz uô cov sor trâu chor shux xênhz. Tiv zix, chor tsêr cơưv ntơưr tsuv qênhz yuôx truôx jông chor tsêr cơưv ntơưr thêir cov tsik yâu chuô; trâur tơưl ntê sor hâur chor hnuz ntux no; sêiz shuôk six hơưv hâur chor hnuz ntux no, chuôz cxaz phênhv nox hâuk trâu shux xênhz; tsik chiê shux xênhz tơưv saz đrâuv jôngr thâuv ntux no hênhr thiêz chiê shux xênhz so ntơưr zos jêx tưv tsik taz por.

Băng: “Côngz xưv phax tar ntux no mak pê chox kriê uô hâur ntâu shông thiêz zov chênhr tiv zix zos hêik ciês thâuv hâur shôngk shông cơưv. Pêz uô tsưr ziv co tax tâu oz pêz kror: shông cơưv lơưr chêix chiv, lơưr phongz cxưx thiêz tiv zix zos shông cơưv lơưr qiv hơưv. Hâur phax tar ntux no trâu shux xênhz tox siêz mak pêz sir jos vênhv tôngv chiê bax txâuk yo sor trâu shux xênhz, chuôz cxaz phênhv nox hâuk trâu shux xênhz niêv txir zus mor, cxaz nzir qơư ntêx txix tênhv, traur tơưl chiê uô sor trâu chor shux xênhz”.

Đros hâux lưv por vêv đas jos trâu shux xênhz, tỉnh Lai châu cux tưz muôx ntơưr hêik chor tiv phaz, nganhx txơưx jênhv kriz uô chor tsưr ziv por vêv tsoz chos, tsiêx zus. Lơưr co, chor tiv phaz thiêz phongx kôngz nuv chor huyện tưz tso cán bộ lok chor thax tsav kruôz kriê pêx xênhv thêir hnaz tax uô sor trâu chor tsoz chos chiv tsâus yiêz nzor. Đuô li, đros paz tsiêx cxu muôx 11.000 ntâu tuk, cán bộ tsuv côngv đros chor xã, jêx jok kriê trâu pêx xênhv, tiv zix zos pox nhuôs nhoz tox siêz thêir sor têx tsêr guôx, bax zav nox cux xưk li njêr chiê trâu chor nhux tưv, nhux đas nox hâur chor hnuz ntux no, tsik tso yar. Zoưv Hà Quang Huy, phưv giám đốc sở kôngz nuv thiêz huôv tsar jêx jok, tox siêz tỉnh Lai châu puz pâuz:

Băng: “Sở li chor cơ quan uô hâux lưv no tưz côngv đros chor huyện yax kriê, hêik pêx xênhv tsêx tsung chox tsiêx cxu tso yar lok tsoz phưz; kho đuô têx tsêr guôx, thêir vor tsêr guôx txix tax thêir trâu chor tsiêx cxu cov sor. Yax kriê, hêik pêx xênhv sau têx hnaz blês, jâux , tâux chiê uô zav nox trâu tsiêx cxu. Thiêz chuôz cxaz chor zav nox trâu tsiêx cxu li poz cưk thiêz xuô blêx chiê taz por đas jos trâu tsiêx cxu hâur ntu zuôr txos”.

Đros tỉnh Lai Châu li têx sir jos chox kriê, Lai châu zuôr txo grêk tsơưs tiv zix têx phiv liv trâu lênhx nênhs thiêz tsoz chos, tsiêx zus hâur chêix ntux no./.

                                (Khắc Kiên-Lik thox cxêik nhênhv)

 

 

 

 

Phênhv “Cxiv tsa Đangv” thưr 2, hnuz 25/1/2016

Đại hội 12: tror sir jos uô hlôngr yiêz jông

 

 

Seiz pov têz qơưs ntu hlôngr yiêz txix thâuv đhâu Đảng Đại hội 6 txos nhiv no, zơưv Vũ Hữu Cánh-Iz lênhx đảng viên nhoz huyện Đông Anh lok six shir phaz lok têz qơưs têx cêr hlôngr yiêz. Ngênhx kinh tế hâur têz qơưs ziv hnuz ziv huôv tsar, gra cêr tsâu sor trâu tsôngv box sơưr đơưk. Taz sik, cux tsuv heik tsênhz tiês, cux yuôr ntâu luôs hâux lưv canr bộ, đảng viên thiêz tsôngv pêx xênhv tsi txâuk siêz, tsi jông siêz. Ntơư zos tror trâus pôngz kaz pir li têx têz qơưs hâur thax tsav thiêz sâuv ntiêx têz, tsi tsơưs iz cxiê lênhx canr bôv, đảng viên muôx tsưr ziv, siêz xar tsi jông uô tâu têx nuv tsi trơưk chei, uô tsi tiêr têx luôs hâux lưv zok muôz. Zơưv Vũ Hữu Cánh vav chiê siêz, Đại hội 12 zuôr tiz jông seiz lok têx muôx tsênhz, tso tơưv tâu têx chei huv sơưr đơưk chiê muôx têx no zos Đảng li jiês hlôngr yiêz tiv 2:

“ Seiz cxuô têz qơưs puôr lênhx huôv tsar taz sik ntu nhiv no tsuv muôx têx hlôngr yiêz jông thiêz lar heik zos tsuv moz siêz, car heik txos hâu nov ntơưv qơư, hâu nov Đảng têx muôx tsênhz uô tsi tâu tsi tiêr. Muôx ntâu hâux lưv, hâur ntơư lar heik zos siêz hloz, nox têz qơưs, nox pêx xênhv nhiêx uô trâu tsôngv box tsi njênhs, tsi jông siêz. Tsôngv box sơưr đơưk vav chiê siêz njôngr, Đại hội jâuv no tsuv sir jos uô hlôngr yiêz”.

Zơưv Dương Ngọc Sơn, Phưv seiz car câu lạc bộ Thăng Long, Hà Nội heik tơưv cêr shir  phaz, viv têx ntâuz ntơưr chính trị thôngz đhâu Đại hội Đảng jiês no cux tưz heik tơưv luôs hâux lưv tror sir jos uô hlôngr yiêz, chox car têz qơưs huôv tsar. Iz chas luôs hâux lưv xuz thơưx zos cxiv kho, cxiv tsa chiê Đảng ziv hnuz ziv huôv tsar, muôx txâuk đas jos, txux chi chox car têz qơưs, lơưr zơưv Sơn, tsuv tror hlôngr yiêz lơưr tsưr ziv cxiv tsa têz qơưs zos pêx xênhv li, viv tsôngv pêx xênhv; cxiv tsa ngênhx kinh tế huôv tsar jông thiêz sik côngv đros luôs 2 chas têz qơưs sâuv ntiêx ziv cov ziv hnuz ziv truôx. Xar uô tâu li heik ntơư, hâur six hơưv tror hlôngr yiêz, tsuv muôx têx chei, cui tinhv qênhz yuôx, qênhz shuôs jông đuô:

“ Pêz Đảng zos Đảng tuôr vax huôv, lês car uô têx nuv lox. Têx lênhx nênhs ntơư zos tsi muôx txux chi, tsưr ziv, pênhr xưv mak zôngx ziv trâus luôs nziêk đas uô têx hâux lưv tsi trơưk chei. Chênhr viv li qênhz shuôs njôngr têx vax huôv, hâux lưv uô zos lok six zuôr trâus txos, txix hâur Đảng tror zar muk thiêz txix thênhv siêz txos thênhv kis…. T.Ư cux tsuv tsov cưv txos cxuô thax tsav. Cur seiz ntâu thax tsav, suôv qơư cux liv zôngv zuk vax huôv, hâux lưv uô chiê đas nziêk tsôngv box, lar heik zos uô têx nuv tsi trơưk chei li: Nox tsôngv pêx nhiêv, uô trâu pêx xênhv tsi jông siêz”.

Pos Lê Thị Nhung nhoz quận Long Biên heik, xar hlôngr yiêz, uô ntêx tsuv zos lênhx nênhs sơưr thơưx. Viv li, Đại hội 12 tsuv bo xeir tâu têx lênhx nênhs txơưx njê, muôx txux chi tsưr ziv, pênhr xưv lês car uô têx hâux lưv têz qơưs, moz siêz txos tsôngv pêx xênhv luz nênhx nox nhoz chiê muôz cêr njênhs njôngr trâu tsôngv box sơưr đơưk

“ Zos iz lênhx tsôngv box, cur vav xar njôngr, zuôr uô li chas chiê pêz njênhs njôngr trâu Đảng tsưr ziv chox car. Viv xar uô tâu luôs hâux lưv no, tsuv uô tâu txâuk pêx xênhv njênhs, pêx xênhv mnôngs, lơưr thiêx nhiêv, nhiêv txos, njênhs txos Đảng tsưr ziv chox car li muôx têx uô tâu tiêr têx luôs hâux lưv zok muôz. Cux xưk li đrav ntêx muôx têx lênhx chiến sỹ cách mạng sir đas jos, trox nyar viv têz qơưs, viv tsôngv lax pêx xênhv, zos tsi uô li ntơư zuôr uô tsi tâu hâux lưv zok muôz. Txos nhiv no, têx lênhx hluôk pok muôx têx uô tâu li ntơư lok tsi tâu? Co zos kror mak pêz lok six cxơưx thiêz xar njôngr cov lênhx nênhs car uô têx hâux lưv lox têz qơưs hâur ntu yiêz no uô li chas chiê uô cov tâu luôs hâux lưv ntơư”.

Hâur ntu pêz têz qơưs tsênhv njiz ntâu phiv liv li nhiv no, Đảng Đại hội 12 lok six muôx liv chiê chox cêr têz qơưs huôv tsar, hlôngr yiêz jông đuô hâur ntu zuôr txos. Canr bôv, đangv viên thiêz tsôngv pêx xênhv njênhs njôngr tiêk, đros têx luôs hâux lưv uô tâu jông, jênh tsuv, Đại hội 12 zuôr zos qơư truôx chiê tror chox car pêz têz qơưs huôv tsar sei thiêz truôx vênhk./.

                                         (TTT-Riê lâux cxeik, nhênhv)