Jax sâu thưr 7, hnuz 25/2/2017:

Buô cxiêz-zav nox kaz hâur têx ntênhs hội nhoz Lạng Sơn

Buô cxiêz zênhx zos nênhs Tày, Nùng li zav nox kaz, taz sik tsôngv box nhoz Lạng Sơn têx tsưr ziv uô nox tưz uô chôngz lênhx ntâu tuk pâuz txos têx zav nox kaz nhoz no. Lạng Sơn muôx  300 ntâu ntênhs hội lox zâu txix hli iz txos hli 4 zênhz lix hâur shông yiêz, taz sik phênhv ntâu ntênhs hội tưs cux pov muôx buô cxiêz tso trâu sâuv trôngx jâuz mor txi côngv. Muôx têx, ntênhs hội Bắc Nga nhoz huyện Cao Lộc lok hnuz 15/1 tsênhv tâu hu zos “ntênhs hội buô cxiêz”. Sâuv têx ntus cêr muk ndis shuôs ntênhs hội, iz saz têx kror chuz cxiêz buô, lênhx nênhs muôs huv tsuôr têx grêix buô cxiêz tsư kaz nziês. Cxuô zav txux lov shơư grêix buô  cxiêz ntơư uô tsư kaz nziês yênhx tos ciêz, uô trâu lênhx nênhs muk shuôs ntênhs hội lênhx tưs lok tưz xar đrêk chiê zuôr 2, 3 đeiv nox tâus cêr.

Tix lâus Chu Văn Túc, heir nênhs Tày tưz muôx 15 shông uô đreiv kror nuv cxiêz têx grêix buô no heik, buô zos zuk chiv chir zus tâu thiêz chiv chir tuô tsênhr, cxiêz trơưk zuk tsưr ziv uô nox đrav ntêx. Tix lâus Túc shir phaz heik kriê tsưr ziv xeir buô, zov chênhr chiê muôx tâu zav grêix buô cxiêz Lạng Sơn zos uô li no:

“Xeir têx tuk muôx 35-40 cir grêix mak jông cxiêz, grêix thiêx kaz. Zos lox muôx puô buô cux cxiêz tâu taz sik chor grêix tsi kaz bâuv li chor buô mê. Tsuv xeir zav buô têk tơư lur thiêz mê li kaz, hok chor têk tơư ntêr mak tsi kaz”.

“Thâuv tsênhv zâu chor lâuk lơưr kriê zuk, nhiv no uô sưv lơưv, mak zuk tso mê njik têx txuôx lov trâu thiêz thiêx tsư kaz. Tsuv muôx tsưr  ziv uô, tsi zos lênhx tưs cux uô tâu li ntơư. Tuk buô cxiêz, tơưr tsuv đax ruz, muôx kênh lênhx mak lơưr cxiêz tâu têx tơưr đuz txis, xar uô tâu li heik sâuv tsi zos zôngx ziv. Tsưr ziv uô tsi cxoz uô txơưr, zuk uô muôs mak tsuv uô iz zav gâuk xưz”.

Tuôx trâu ntênhs hội tsêr mnov Tả Phủ Kỳ Cùng  txix hnuz 22 txos 27/1, tsôngv kruô zuôr tâu seiz pov têx lênhx nênhs nhoz thax tsav no tsưr ziv uô têx zav nox kaz. Nhoz cxuô qơư hâur TP Lạng Sơn, têx chuôz zis, jêx jok puôr lênhx chiv chir cxiêz buô chiê txi côngv đros huôz têik, hâu nov lox đrav ntêx, lok đros nox đros hâuk. Saz đrâuv trôngx lôngk, hâur yar tiêx, pov sơưr đơưk trâur tơưk chuôs tsi chiê cxiêz grêix buô thiêz lơưr xeir têx lênhx muôx txux chi tsưr ziv cxiêz buô. Txir nzơưv Vi Thanh  Phương, nhoz thax tsav Dốc Đồn heik pâuz, lar heik grêix buô cxiêz Lạng Sơn kaz zos kaz ntơưv têx txuôx lov cxiêz shơư. Nưk muôx nưk iz zav jâuz txuôx lov, zav jâuz no jông trâu kho moz têx sâur nyar thiêz iz cxiê moz txơưr đuô:

“Zav jâuz txuôx lov shơư grêix buô cxiêz heik sâuv zos iz zav txuôx lov chor lâuk đrav ntêx khênhr muôz lok shơư grêix. Chor jâuz no nhoz Lạng Sơn thiêx muôx ntâu. Tuô tsênhr tâu tuk buô, muôz chor jâuz txuôx lov no tso trâu hâur buô plaz, đhâu ntơư muôz xơưs tror trâu mav li cxiêz, têx txuôx lov thiêx thơưv trâu chor grêix, nox li tsư kaz. Six hơưv cxiêz mak iz tuk muôx 40 cir tsuv cxiêz 3 luz six hơưv thiêx siêr jông trơưk zuk tsưr ziv”.

Têx tơưr buô cxiêz tâu đax rur, gis zos muôz mê njik jiz mur tor shơư trox plênhr trâu chiê cxiêz. No cux zos tsưr ziv xuz thơưx chiê tuk buô cxiêz tâu ntơư nox thiêx kaz chiê muôz tso trâu sâuv trôngx txi côngv.

Txos six hơưv tưz tênhv tâu tsês co, yênhx puô luz trôngx trâu grêix buô cxiêz tâu gra lok tso trâu ntơưv tsêr mnov Tả Phủ đros trâu têx txir ntông, shaz ntơưr….uô trâu trôngx jâuz mor txi côngv chor lâuk muôx cxix cxuô zav. Đhâu ntênhs txi, têx trôngx jâuz mor ntơư ho tâu tsôngv box sơưr đơưk hâur thax tsav thiêz hu zâuv tsôngv kruô đros nox uô cê. Sâuv têx trôngx co, têx fax grêix cxiêz tsư kaz nziês đros trâu têx ntiv cuô njư nox lok six kaz. Niêv lâuk Nguyễn Phương Hoa, iz lênhx kruô tuôx đros côngv ntênhs hội no heik pâuz:

“Tưz tâu ntêr lok lơưv cur thiêx tâu nox iz zav nox kaz li no. Nox kaz tiês tiês, lar heik zos kror tơưr buô cxiêz, cxiêz tâu gis lok six kaz thiêz nox đros chor cuô njư lok six nziv”.

Lênhx tsưr tsêr trâu iz khoz chơưr Mẫu Sơn trâu kruô, zâuv kruô đros nox tsôngv box ntơưv qơư têx zav nox txơưr đuô. Uô suôx câuv ntênhs hội, tsôngv kruô sơưr đơưk tror lok muk tsêr mak cux ndo njôngr hâur đruôz siêz txos zav grêix buô cxiêz tsi plox thiêz ntơư cux zos tsôngv box nhoz Lạng Sơn iz cêr nênhx vênhx huôv jông hâur shôngk shông yiêz./.   

(VOVĐB-Riê Lâux cxeik, nhênhv)

Phênhv thưr 7, hnuz 25/2/2017:

Ciêz muôs njêk ntơưv Quỳnh Nhai

Muk txos trâu qơư tsar yêz gox đêx kuz Pá Uôn, zos qơư ciêz muôs cxuô zav shuôz njêk; thâuv têis cik zos muôs txix thâuv 3 six txos 5 six sơưr nzor, phênhv ntâu zos muôs cxuô zav njêk, chưk mê, chuôz suô tâu hâur đêx đas chox lok muôs. Zav shuôz njêk no, phênhv ntâu zos chox lok lak njêr lok sik jiêz kruôr chiê puz tsiêx cxu, kêiz buô thiêz chor shuôz njêk ntơư muôs fênhx zis, muôs iz cir 10 cxênhz nhiêx, têx jiês tsênhv muôs fênhx zis đuô thiêz. Zar hnuz kêix, kriz ciêz muôs shuôz njêk txix thâuv 3 six. Ntơư zos muôs chor shuôz njêk lox li: Njêk nox jâuz, njêk pok nêiz, njêk rô phi…ntơư zos chor njêk lox muôx 1 txos 10 chiêz iz tus. Chor nênhs tuôx zuôr, xar zuôr zav njêk lox njêk zâu cux muôx cxuô. Pos Nguyễn Thị Loan, nhoz jos 3, xã Mường Giàng, huyện Quỳnh Nhai zos iz tus muôs shuôz njêk ntơưv ntơưv ciêz no hêik pâuz:

 “Nhoz ntơưv no, muôx chôngz lênhx px muk chuôz, suô shuôz njêk, muôx têx hnuz cux chuôz suô tâu yênhx tạ shuôz njêk, tsôngv px sđ cux muôx phênhv sâu tâu nhiêx txiêx, txix muôs shuôz njêk”.

Ntơưv ciêz muôs shuôz njêk Pá Uôn, thauav têis cik sơưr nzor, tsuôk muôx chor nênhs chêix yêz máy tuôx zuôr shuôz njêk; zar hnuz kêix, muôx ntâu luz yêz ô tô tuôx zuôr shuôz njêk chox muk muôs trâu cxuô thax tsav txơưr đuô. Trơưk li chor muôs shuôz njêk ntơưv ciêz muôs njêk no hêik pâuz, hâur iz hnuz cux muôs tas 5-6 tấn shuôz njêk, tsôngv px ntơưv no cux muôx phênhv tâu nhiêx txiêx chox lok cxiv kho luz nênhx truôx tuk jux juk. Zơưv Hoàng Văn Xương oz niêv txir nhoz xã Mường Giàng, chuôz suô shuôz njêk ntơưv tus đêx đas no tâu ntêr shông hêik pâuz: Hâur luz chêix piz chuôz suô shuôz njêk muôs, cux sâu tâu 4-5 triệu đêiv nhiêx iz luz hli; zos hâur luz chêix muôx shuôz njêk huôv vav, cux sâu tâu 8-10 triệu nhiêx iz luz hli. Viv muôx chôngz lênhx tsar yêz tuôx zuôr ciês ntơưv qơư, chox muk muôs trâu cxuô thax tsav  ciêz đrôngl lox. Zơưv Xương hêik pâuz:

 “Ar tsêz chos kôngz lôngk tsik muôx, viv li pêz tsuôk muk chuôz, suô shuôz njêk muôs trâu tuz luôv thiêx sâu tâu mê njik nhiêx txiêx chox lok cxiv kho ziv chuôz zis”.

Zơưv Nguyễn Văn Thắng, zos iz lênhx niêx hnuz muk zuôr shuôz njêk ntơưv ciêz Pá Uôn thâux chox muk muôs trâu Hà Nội, muôs trâu Hải Dương; Hải Phòng hêik pâuz:

 “Hnuz tưs cur cux tuôx zuôr shuôz njêk ntơưv no chox muk muôs trâu têx ciêz đrôngl lox li Hà Nội, Hải Phòng, Hải Dương…”

Chênhr zos li hêik ntơư, ciêz muôs shuôz njêk Pá Uôn, tưz yênhx iz thax tsav qơư trâu tsôngv px nhoz thax tsav huyện Quỳnh Nhai muôs shuôz njêk, tsôngv px muôx  phênhv sâu tâu nhiêx txiêx chox lok cxiv kho ziv chuôz zis./.

                              (Tsu cxêik nhênhv-Hồng Việt-CQTT Tây Bắc)