Huyện Lắk, tỉnh Đắk Lắk: Tsik yuôr qênhx shênhx đhâu tsiêz shux xênhz tso ntơưr tsês ntâu

Ntâu shông lok no, đhâu jiês so tsiêz chor shux xênhz txix lớp 6 txos lớp 9 tsêr cơưv cxênhx oz Chu Văn An, xar Yang Tao, huyện Lắk ho so ntơưr. Taz sik shông no qênhx shênhx co tưz tsik pov muôx lơưv. Chor lớp muôx shux xênhz tuôx cơưv tax tâu 95%. Ntâu lớp chor shux xênhz tưz tuôx cơưv cxix cxuô.

Shux xênhz Rcăm H’Nari Mlô, cơưv lớp 9B, tsêr cơưv cxênhx oz Chu Văn An, xar Yang Tao, huyện Lắk hêik. Thâuv tsiêz muôx chôngz lênhx nênhs zâuv tiêk đhâu tsiêz mak muk uô nox taz sik cux tsik mnôngs trơưk, tror tuox cơưv ntơưr xưz. Viv thâuv ntêx chôngz lênhx nênhs hâur jok tso ntơưr tsês chiê muk thành phố Hồ Chí Minh uô jos trâu lưv tuk, taz sik hâux lưv mak hnhar ho nhiêx hli mak ho kik.

“Tsêr cơưv cux hêik kriê tiêk muk uô hâux lưv ntơưv Sài Gòn mak nhiêx hli kik, ho trâus luôs nziêk đas jos uô lox tôngv. Hok muk cơưv ntơưr tâu tsêr cơưv paz xêir cơưv uô hâux lưv, đhâu co paz trâu chor shux xênhz cơưv txơưx đuô tov kaz no muôx tâu hâux lưv uô truôx”.

Lơưr cưk kriê ntơưr Lê Thị Hợi, cưk kriê ntơưr sêiz car lớp 9B, tsêr cơưv cxênhx oz Chu Văn An, phênhv ntâu chor shux xênhz lớp 8, lớp 9 tsik so trâu đas tso ntơưr tsês nhoz tsêr zuôr pox niêv, zuôr txir. Pâiz tâu têx co viv li chor cưk kriê ntơưr tưz bax nzor têx tsưr ziv  chiê hêik chor shux xênhz tror tuôx cơưv ntơưr.

“Chor uô niêv txir thiêz cưk kriê ntơưr lok six vav têx tuz nhuôs tâu tuôx cơưv ntơưr, taz sik chor shux xênhz thâuv tưz trâus đas nziêk thâuv muôx cưk kriê tuôx txos mak khiêr muk gâuv. Zus cưk kriê ntơưr tsik sir jos, truôx siêz mak zuôr njiz tsik tâu shux xênhz. Ciês shông no thiêz oz shông jê lok no qênhx shênhx shux xênhz tso ntơưr tsês muk uô hâux lưv ntơưv Sài Gòn tưz grêk tsơưs ntâu”.

Tsêr cơưv cxênhx oz Chu Văn An, nhiv no muôx 420 lênhx shux xênhz, hâur co 97% zos shux xênhz M’nông. Lơưr tsêr cơưv li thôngz sâu txix shông 2015 txos shông 2018, tas nro tsêr cơưv muôx 69 lênhx shux xênhz txix lớp 6 txos lớp 9 so ntơưr chiê muk uô nox đhâu tsiêz. Zơưv Đậu Đức Liên-Hiệu trưởng tsêr cơưv ntơưr puz pâuz, chiê txo grêk tsơưs tiv zix qênhx shênhx shux xênhz so ntơưr muk uô nox thâuv đhâu tsiêz, uô ntêx thiêz hâur tsiêz tsêr cơưv tsik so sik côngv truôx đros ban sêiz car jêx jok, nênhs muôx suôz bê chiê nriêr pâuz lok chor shux xênhz li siêz xar.

“Cưk kriê ntơưr sêiz car lớp mak yênhx hnuz tsuv hêik pâuz qênhx shênhx lok shux xênhz thiêz muk yax kriê hêik shux xênhz. Zos tiêk muôx shux xênhz so ntơưr muk uô nox đêz mak tsuv hêik ciês trâu Bangiams hiệu pâuz. Zos tiêk muk hêik njiz shux xênhz niêv txir thiêz chor shux xênhz tsik tâu xav tâu cxuô, lok sik cux fênhx six zuôr muk, tsêr cơưv sêi đrơưv xa bê ntơưr khov trâu Đảng ủy, UBND xar hêik công an muk têx qơưk tsar đrêk yêz kruô chiê hêik chor shux xênhz. Txos nhiv no mak chor shux xênhz so ntơưr chiê muk uô nox muôx lok six tsơưs”.

Đros tsêr cơưv cxênhx oz Chu Văn An mak ntâu luz tsêr cơưv txơưr đuô ntơưv huyện Lắk cux tsik só tso cưk kriê ntơưr muk têx jêx jok chiê hêik shux xênhz tror tuôx cơưv ntơưr đhâu so tsiêz. Zơưv Nguyễn Ngọc Thịnh-Trưởng phongx zoz zux thiêz thox cxov huyện Lắk khav tênhv: đhâu chor tsêr cơưv hêik pâuz mak nhiv no tsik tâu pov muôx lênhx shux xênhz tưs so ntơưr chiê muk uô nox nhoz têx tỉnh txơưr đuô. Phongx tưz hêik chor tsêr cơưv ntơưr sêiz shuôk jông zuk tsêr cơưv chor shux xênhz chiê hêik chor shux tror tuôx cơưv ntơưr.

“Nganhx zoz zux-thox cxov huyện Lắk tưz yênhx lix ban phax tar tso ntơưr tsês. Hêik pâuz trâu UBND, Huyện ủy tso tơưv têx văn bản, chỉ thị txos trâu xar. Shông cơưv no qênhx shênhx shux xênhz tso ntơưr tiv zix zos đhâu tsiêz muk uô lox tôngv trâu têx tỉnh txơưr đuô tưz tsik muôx lơưv”.

Qênhx shênhx shux xênhz so ntơưr chiê muk uô nox đêz zos thâuv ntêx no muôx chôngz lênhx nênhs txix thành phố Hồ Chí Minh lok nziêk. Đros co iz cxiê chuôz zis muôx shux xênhz jênhv pauz tsênhv kik viv li jêik chiê mê nhuôs so ntơưr muk nriêr nhiêx. Taz sik khov muôx nganhx zoz zux hêik thiêz yax kriê, huyện Lắk, tỉnh Đắk Lắk tưz uô tâu yênhx côngz hâur tuôr chiê chor shux xênhz tuôx cơưv ntơưr cov cxix cxuô ntơưv têx qơư tox siêz, nhoz đêz./.

TTTN-Lik Thox cxêik nhênhv)

Zav hâux lưv tưs cux xar uô cov muôx liv trâu zuk, uô trâu têz qơưk

tsi huôv tsar

          Lơưr Chủ tịch Hồ Chí Minh, chủ nghĩa cá nhân zos: zav hâux lưv tưs cux xar txos zuk li liv zix uô ntêx. Tsi pâuz “zuk viv cxuô lênhx nênhs” mak tsuôk xar cov “cxuô lênhx nênhs viv zuk iz lênhs”. Têx luôk hâux lưv phêv liv mak tsi xar uô, thaz huôz nox nhiêx, lav phêv, xar uô hâu nov lox, muôx ntâu qênhx, muôz sđ seiz tsi tsiv grê... Tiv zix zos tsi jê đros tsôngv box sđ, tsi txơưx sir jos hâur luz nênhx, tsi xar cơưv shâuv chiê cov muôx cxaz yênhx tưv jông đuô... Têx luôk hâux lưv co heik tơưv tsênhz mênhx jênhv vưv “cxiv tsa” thiêz “tir tar” hâur cxiv tsa thiêz hlôngr yiêz Đangv. No zos vênhv thix mak Hloz Hôx thâuv tưs cux tsov cưv hâur hâux lưv cxiv tsa pêz Đangv. Giáo sư, Tiến sĩ Hoàng Chí Bảo, kuz Ủy viên Hội đồng lý luận Trung ương, Cưk kriê thênhv siêz Học viện chinhr trị têz qơưk Hồ Chí Minh khav tênhv: Zav hâux lưv tưs cux xar uô cov muôx liv trâu zuk uô trâu lênhx nênhs co yênhx lênhx nênhs tsi jông, têz qơưk tsi huôv tsar:

          “Zos Đangv pôngz kaz, tsi muôx têx hlôngr yiêz jông, co zos Chủ tịch Hồ Chí Minh li cêr cxơưx lox tiv zix thâuv Đảng tuôr qênhx. Viv li, viv li chas mak Hloz tsov cưv tir tar thaz huôz nox nhiêx, liv zôngv qênhx sâu liv trâu zuk...zos li ntơư? 1 Đangv tsuv hur si thiêx li truôx vênhs tâu, hur si zos shưz xar cơưx mênhv li theox chênhv”.

          50 shông đhâu, Chủ tịch Hồ Chí Minh li fâu ntơưr “Muôz siêz shưz xar cơưx mênhv, cxuôv por tsês têx lênhx nênhs muôx siêz xar uô hâux lưv tưs cux xar cov muôx liv trâu zuk” tsênhz tsênhz tưz tâu tas nro xã hội pâuz txos thiêz yênhx siêz xar chox kriê đros côngz xưv cxiv tsa Đangv, côngz xưv cán bộ, zos cán bộ, đangv viên li tsưr ziv huôx tôngv, cơưv shâuv. Lơưr Hloz Hôx, tir tar têx siêz xar tsi jông Đangv tsuv chuôz tsar zaoz zux tas nro Đangv lok lý tưởng cộng sản chủ nghĩa, lok Đảng li cêr chei, lok đangv viên li jênhv vưv thiêz shưz xar. Tsuv gruôs, txơưx cxênhx txuôk, uô tul tsi cux tsênhz mênhx, pâuz viv cxuô lênhx nênhs txơưr... Phưv giáo sư, Tiến sĩ Nguyễn Quốc Bảo, kuz Tsar khoa tư tưởng Hồ Chí Minh, Học viện pov tsir thiêz yax mông heik:

          “Vênhv thix uô trâu lênhx nênhs pâuz têx uô cxâuv mak chiv chir uô  têx luôk hâux lưv jông zos lok six coaz tsôngv, tiv zix zos hâur qênhx shênhx sik côngv li nhiv no, têx uô tsi jông lok kinh têr niêv ciêz, xar uô hâux lưv tưs cux muôx liv trâu zuk, tas nro zos viv nhiêx txiêx. Lok sik li Phêv ziv Trung ương 4 tưz heik tsênhz mênhx: xar huôz nox nhiêx txiêx, xar cov tâu uô hâu nov lox, muôx ntâu qênhx liv....têx hâux lưv tsi jông co lênhx nênhs lok six zôngx ziv njiz trâus zos tsi lênhx nênhs siêz tsi truôx”.

          Tror njiê đuô 50 shông đhâu ziv pov Hồ Chí Minh li siêz xar lok cxiv tsa, hlôngr yiêz Đangv “Muôz siêz shưz xar cơưx mênhv, cxuôv por tsês têx lênhx nênhs muôx siêz xar uô hâux lưv tưs cux xar muôx liv trâu zuk” muôx ziz njiêz lok six lox đros Đangv. Pir đros thiêz têx vênhv thix mak Đangv tso tơưv hâur côngz xưv cxiv tsa thiêz hlôngr yiêz Đangv, ziv pov têx luôk hâux lưv mak Hloz Hôx heik tơưv tsi taz muôx tsiv gri canhv pov qênhx shênhx thâuv co tsênhv muôx tsiv gri canhv pov trâu qênhx shênhx nhiv no. Co zos ziz njiêz lox mak iz lênhx đangv viên tsuv pâuz thôngz thiêz thâuv tưs cux muôz siêz siêz xar uô trơưk./.

(VOV1-Txâur Vax cxeik nhênhv)