Jax sâu thưr 6.25.3.2016:

“ Uô cêr Đại Phong”- Đoàn viên li iz hâux lưv jông siêz

          “Hâux lưv uô cêr Đại Phong” zos ntu cêr txuôk 3 xã txov nhêv Phong Dụ, Đại Dực thiêz Đại Thành huyện Tiên Yên ntêr 11 cêik, nhiêx yưv uô zos 14,2 tỷ đeiv. No zos ntu cêr phưx vưv pox nhuôs mênhx cxưx tox siêz li Tày, Cho, Sán Chỉ mul lol hâur yênhx hnuz. Thâuv ntêx ntu cêr no lok six mê, muôx ntâu poz jêz lox, pox nhuôs mul lol lok txov nhêv njuôr. Thâuv muôx ntux nas, cêr bluô hênhr, tsik zôngx ziv muk lok đhâu. Têx tsêr cơưv, tsêr kho moz, ciêz...puôr lênhx trâus cêv kuôk. “Hnuz yar ntux lok sik lol nas puôr lênhx tsuv êv mê nhuôs mul cơưv ntơưr. Iz jiês jiês mul cơưv ntơưr lol mê nhuôs iz chêr lo ar tas”. Phuôx huiz pưs txux uô ntêx nyuôk, tỉnh đoàn Quảng Ninh đros têx ban nganhx krêz uô côngz tsinhx. Đoanx hluôk nênhs tưz huiz tôngv lưx lươngv txưv zênhv, cxaz chuôz uô côngz tsinhx lơưr yênhx hnuz, yênhx ciêz, đros thiêz têx đoàn viên txưv zênhv, têx cán bôv chiến sĩ lưx lươngv vũ trang tỉnh li 3 cxênhz ntâu hnuz côngz uô côngz tsinhx. Viv ar têz nxaz, hâux lưv chox têx meir yiêz mul uô mak lok six lax, têx đoàn viên hluôk nênhs tsuôk zôngv têx zav meir zôngx ziv gra mul txos chiê uô xưz. Đhâu 3 luz hlik uô, txos nhiv no cêr tưz tâu uô tiêr, car chêx tâu têx kror phêv liv lok luz nênhx trâu pox nhuôs nhoz no. Hnuz 13/3 ntu cêr Đại Phong, huyện Tiên Yên tưz tâu đei bê chiê hơưv tos chiv nhênhv 85 shông hnuz yênhx lix Đoàn hluôk nênhs cộng sản HCM 26/3. Zơưv Trương Công Ngàn, bí thư huyện ủy, chủ tịch UB huyện Tiên Yên heik: “ Ntu cêr no thâuv tâu uô tiêr mak pox nhuôs zôngx ziv mul lol đuô. Tiv oz zos tâu phuôv tsar kinh tế, chuôz tsar chiv chos. Ntu cêr no lok six coaz tsôngv, paz pox nhuôs mul lol tiêx đras muôv muôs hax huv, paz pêz seiz đrơưv đuô chiê car chêx têx vênhv thix taz por txiv ngaz côx phax”.

          Cxôngx ntêr lol no, pox nhuôs xã Phong Dụ thiêz Đại Dực, thâuv tưs cux xar njôngr cov muôx cêr jông mul lol hâur têx xã chiê phưx vưv zoz qơưx xênhz huôx niêx hnuz; taz sik txos trâu nhiv no, tsôngv pox nhuôs têx siêz xar co tưz yênhx tsênhv tsênhz tiês. Cêr uô tiêr tsi taz chor cêr shir phaz trâu mênhx cxưx 3 xã txov nhêv nhoz huyện Tiên Yên mak tsênhv gôngr phênhv cxơưz tiês phuôv tsar KTXH tiv phaz, txu yeiz cxuôv pluôs truôx vênhs. Niêv lâuk Hoàng Thị Kim shir phaz heik: “ Nhiv no muôx cêr mak lok six jông, thâuv ntêx zos cêr poz jêz xưz lok six lax mul, tsuôk mul tơư, mul yêz tsi tâu, nhiv no mak zôngx ziv mul lơưv, lok six jông siêz”.Tưz txos luz hlik hluôk nênhs shông 2016, ntu cêr Đại Phong uô tâu tiêr, shir phaz viv muôx cêr yiêz thiêz zuôr muôx iz luz nênhx hlôngr yiêz nhoz Tiên Yên./.

CQTTĐB-Txâur Vax cxeik thav

Phênhv thưr 6 hnuz 25/3/2016

PHÊNHV TSÊNHV CHÊI THIÊZ LUZ NÊNHX

Chuôz ndê phênhv nhiêx kir txêik trâu chuôz zis thax tsav txov nhêv

Trơưk cuêz tênhv 306/QĐ-TTg lok cxiv kho đuô phênhv muôz nhiêx trâu chor chor chuôz zis kir txêik huôv tsar uô kôngz lôngk hâur thax tsav tsav txov nhêv, nhiv kruôr tâu thủ tướng chính phủ tso tơưv, txix 15/3/2016, phênhv nhiêx muôz trâu iz chuôz zis huôv tsar uô kôngz lôngk, zuôr muôs hax huv kir txêik ntâu tiv tiv iz zos 50 triệu đêiv.

Muôx têx ziv chuôz zis, têx jiês cux tsênhv tâu txêik ntâu đuô 50 triệu đêiv, Thủ tướng chính phủ choz trâu zênhx hangx tsênhv chêi xã hội, tuôr xav têx pênhr nhiêx chiê muôz trâu cxuô ziv chuôz zis kir txêik huôv tsar uô kôngz lôngk thiêz zuôr muôs hax huv cov tâu truôx, zos đrêiv cuiz tênhv, phênhv muôz txêik tsênhv tsênhz, taz sik ntâu tiv zix tsik siêz đuô 100 triệu đêiv.

Iz chas ntơư, lênhx nênhs tâu kir txêik pênhr tsuv muôx dự án lok sik tsưr ziv huôv tsar uô, zuôr muôs hax huv tsuv tâu UBND xã qơư uô dự án lok sik tsưr ziv huôv tsar uô cov tâu truôx. Lênhx nênhs kir txêik pênhr tsuv muôx cxix cxuô đas jos; qơư uô truôx nhoz huv chêi ntơưv qơư uô dự án thiêz huôv tsar uô kôngz lôngk, zuôr muôs hax huv truôx đrênhk; chor chuôz zis xar txêik 50 triệu đêiv ntâu, tsuv muôx pênhr thiêz têx zav tsiv gri, ntơưr sir zôngv ar, lox tôngv, nhiêx pênhr zos 20% tas nro chor pênhr tsuv muôx uô dự án lok sik tsưr ziv uô huôv tsar uô, cir jênhv muôz cxuô zav co uô phênhv ntâuk gri chiê taz por nhiêx kir  txêik.

Cuêz tênhv cux kho đuô phênhv kir txêik nhiêx trơưk li cuiz tênhv ntơưv grê 10 thủ tướng chính phủ cuêz tênhv số 31/2007/QĐ-TTg hnuz 5/3/2007 lok muôz nhiêx txiêx trâu ziv chuôz zis huôv tsar uô kôngz lôngk, zuôr muôs hax huv ntơưv thax tsav txov nhêv. Tsênhv tsênhz, lênhx nênhs kir txêik pênhr txos 50 triệu đêiv mak tsik thav uô taz por nhiêx txêik. Nênhs txêik txix 50 triệu đêiv tror sâur tsuv muôx vax tsêr, chuôz zênhx chuôz tav tak thiêx tâu kir txêik trơưk li cuiz tênhv.

Cuêz tênhv no tâu zôngv trâu chor phênhv txêik yiêz xav txix hnuz 15/3/2016, tsik muôz txêik nzir pir đros chor nhiêx txêik kuz tưz tâu txêik uô ntêx thâuv zuôr kho đuô phênhv txêik lơưr cuêz tênhv no./.

(VOV4-Lik thox cxêik nhênhv)