Jax sâu thưr 7 hnuz 25/3/2017

Điện Biên-thax tsav jông jav

     Zos cxuô lênhx nênhs tâu tuôx sêiz shuôk têz qơưs txos Điện Biên hâur luz chêix no, chuôs li cux jênhv pov tâu cxuô zav. Ntơưv thành phố Điện Biên Phủ thiêz ntâu huyện, thị xã li oz saz ntus cêr, chor tsêr cơưv ntơưr, qơư uô côngz xưv…puôr lênhx muôx chor pax lâus tơưs đơưz vos. Niêv tix Nguyễn Hoài Phương, iz lênhx kruô tuôx txix thủ đô Hà Nội hêik:

“Cur pov thành phố Điện Biên Phủ lok six hur jông. Pêz tưz muk sâuv qơư tượng đài zênhx liv, cur poz oz saz muôx pax lok six jông. Pax lâus đơưz lok six yiêz thiêz jông gâux. Cur pov lok six nhiêv thiêz shir phaz”.

Chor nênhs nhoz Điện Biên cux tsik muôx lênhx tưs pâuz tsênhz, pax lâus muôx txix thâuv tưs, taz sik, iz kror tsênhv tsênhz: tas nro lịch sử lok đêx ar thiêz lênhx nênhs nhoz no, pax lâus zos iz kror chiv xênhz; sêiz pov njôngr cxuô ntu hlôngr yiêz; thiêz đros đrêiv tsôngv box cxuô mênhx cxưx luz nênhx.

Niêv tix Lò Thị Nhung, jok Noong Nhai, xã Thanh Xương, huyện Điện Biên puz pâuz, hâur mênhx cxưx Thái cêr nênhx, Ban zos lênhx nxêik Thái khax jông gâux luz bê. Nưk hluz thiêz nhiêv iz lênhx hluôk tuz hâur jok, taz sik niêv txir xar zuôr nhiêx muôz nưk zuôv zuôr nênhs muôx nhiêx. Nưk tsik jông siêz viv li khiêr muk nriêr tuk hluôk tuz zuk hluz. Thâuv muk tas nro thiêz trâus tuôs. Qơư nưk tuôs tuôx iz tuk ntông tơưs chor pax đơưz jông gâux. Thiêz tsik ntêr tov kaz chor ntông co tuôx trâu cxuô qơư nhoz tox trôngz faz Bắc. Thiêz yênhx shông, thâuv ntux yiêz lok, chor pxx co ho tơưs đơưz vos cxiê qơư thiêz tâu hu uô pax lâus…Thâuv tưs ntux yiêz lok, yar ntux piz muôx nhoz tas nro thax tsav Tây Bắc, cux zos thâuv pax lâus tơưs đơưz vos hêik txos chêix ntux yiêz, têx ntênhk hội. Niêv tix Lò Thị Nhung hêik:

“Pax lâus muôx đros đrêiv Điện Biên lịch sử txix ntêr lok lơưv. Pax lâus muôx ntâu kror liv, tưz tsik zos paz uô trâu cxiê qơư jông gâux, mak pax lâus tsênhv tâu zôngv uô zav nox. Muôz pax lâus hâu shơư cxuô zav jâuz chiê nox, lok sik uô đros njuôs iêz chiê nox… Hêik cxuô, mênhx cxưx Thái nhoz Điện Biên lênhx tưs cux nhiêv thiêz tso siêz viv muôx pax lâus”.

Đros tsưr ziv chiê hênhr kruôk pax lâus kror jông gâux, tsiv gri hâur luz nênhx, vênhx huôv cxuô mênhx cxưx Điện Biên, txix shông 2014, tỉnh Điện Biên tưz tsưr tsix tsik so ntênhk hội pax lâus trâu hli 3. Thôngz đhâu ntênhk hội pax lâus, Điện Biên muôx jiês hêik pâuz 19 mênhx cxưx li têx kror jông, vênhx huôv cxôngx nzor txos trâu tsôngv kruô hâur thiêz đrâuv têz qơưk. Đhâu co, tuôr chiê, phuôx huiz têx tsiv gri vênhx huôv mênhx cxưx jông; muôz têx vênhx huôv jông co zos yênhxx kror paz thơưz du lịch; txuôk đros têx kror liv txơưr đuô chiê huôv tsar kinh tế-xã hội tỉnh Điện Biên. Ntênhk hội pax lâus cux zos jiês chiê Điện Biên khav tênhv tâu pax lâus zos iz kror jông nhoz Điện Biên, txix co cxiv tsa uô du lịch vênhx huôv, lịch sử, chiv xênhz, nhoz so đros pax lâus. Zơưv Lò Quang Chiêu, phưv giám đốc sở kôngz nuv thiêz huôv tsar jêx jok tỉnh Điện Biên puz pâuz:

“Nhiv no tỉnh Điện Biên muôx tsưr ziv cêv kuôk xar muôx 500 hec ta tsoz pax lâus nhoz thax tsav trôngx đriv ntiêx têz Tây Trang ntơưv huyện Điện Biên. No zos qơư muôx ntâu pax lâus tiv zix hâur tỉnh. Tsôngv kruô oz chas têz qơưk tuôx trâu Điện Biên đhâu trôngx đriv no chêix pax lâus tơưs mak zuôr pov đơưz vos tas nro thax tsav lok six jông gâux. Đuô li, tỉnh cux muôx tsưr ziv cxiv uô qơư chos pax lâus chêx tsung, iz qơư muôx nhos 1 cxênhz hec ta, tsơưs tiv zix muôx 50 hec ta. Chor qơư o zuôr zos qơư chiê tsôngv kruô sơưr đơưk tuôx ndis shuôk, uô si thiêz cxêik đuôz”.

Cux lơưr zơưv Chiêu, pax lâus zos zav tso chos chưx tâu kruôr jông, zuôr huôv tsar hloz lox tâu sâuv têx trôngz kruôr gis. Txix ntâu shông lok no, Điệ Biên tưz tsưr tsix chos pax lâus, xar muôx 5.000 tsoz trơưk ntus cêr txix thành phố Điện Biên Phủ txos hâur trôngz Pha Đin thiêz tas nro chor tsêr cơưv ntơưr, chor huyện, chor tsênhv qơư xã…Yênhx shông, tỉnh zuôr tror tsês nhiêx txiêx chiê chos zav ntông no, chiê đros thiêz lịch sử mak pax lâus nhoz no zuôr tơưs đơưz vos cxiê shông; uô trâu tsôngv kruô ndo thiêz nhiêv njôngr thâuv tưs tuôx txos Điện Biên-thax tsav jông jav nhoz faz Tây Bắc têz qơưk./.

(Thu Thùy-Lik Thox cxêik nhênhv)

Phênhv thưr 7, hnuz 25/3/2017:

Tuôr truôx suôz sênhr cưr cxiêx Thên nhoz Quỳnh Nhai

Viv chuôz zis cor cav hêik suôz sênhr cưr cxiêx Then, txix thâuv  nhiv kruôr hloz lox, zơưv Điêu Văn Minh tưz pâuz sênhr suôz hêik cưr cxiêx Then, muôx đros đrêiv hâur luz nênhx.

 “Thâuv tsênhv zâu, cur cux hnor chor lâuk hauar jos hêik cưr cxiêx Then thiêz cur nhiêv suôz sênhr cưr cxiêx Then thiêz cơưv shâuv sâu bê ntơưr poz ziz thiêz tâu chor lâuk kriê sênhr suôz hêik cưr cxiêx Then. Txix shông 1976, cur tưz xar tơưv ntâu jax cưr cxiêx muôx njiêz luk hêik txos têz qơưs hlôngr yiêz, cxươz cxiz huôv tsar uô kôngz lôngk, hnuz tsiêz, hnuz ntênhk hội…”

Chiê suôz sênhr hêik cưr cxiêx Then, uô trâu sđ nhiêv mnôngs, tus sênhr suôz hêik thiêz tus ntâuk trax tsuv uô cov huv đros têx cêr khưr huôv tsar uô nox haur luz nênhx. Zơưv Hoàng Văn Chiêm, nhoz xã Mường Giàng, huyện Quỳnh Nhai hêik pâuz:

 “Thâuv sênhr suôz heik  cưr cxiêx Then, tsuv ntâuk trax đros. Suôz sênhr heik cưr cxiêx Then muôx ntâu zav hêik thiêz ntâuk trax đros. Suôz sênhr cưr cxiêx Then hêik li chas, tsuv ntâuk trax đros li ntơư cov huv đros”.

Hâur ntâu shông đhâu, zơưv Điêu Văn Minh thiêz Hoàng Văn Chiêm, tưz ntâu jiês uô cê ntâuk trax đros trâu sênhr suôz hêik cưr cxiêx Then hâur ntâu  jiês tưr hêik cưr cxiêx cxuô hêir nênhs tsơưs hâur têz qơưs. Hâur iz jiês đros tưr ntâuk trax thiêz sênhr suôz hêik cưr cxiêx Then, cux chênhr zos iz jiês sik đros kênh, cơưv shâuv cxaz nzir zuk hêir nênhs têx suôz sênhr hêik cưr cxiêx. Zơưv Minh hêik pâuz:

 “Chiê suôz sênhr hêik cưr cxiê Then tsik trâus plox, cur tưz kriê têx tsưr ziv hêik cưr cxiêx Then trâu chor hluôk nhiêv hêik cưr cxiêx Then thiêz tsuv tuôr tsês chiê zuk hêir nênhs piz ziz têx suôz sênhr cưr cxiêx Then”.

Txix têx siêz xar ntơư, zơưv Minh tưz tsês ntâu six hơưv, hnuz nhôngl kriê suôz sênhr hêik cưr cxiêx Then trâu chor nhiêv hluôk nhiêv hêik cưr cxiêx Then. Zơưv Điêu Văn Nhan, nhoz xã Mường Giàng, huyện Quỳnh Nhai, zos iz lênhx tâu zơưv Minh kriê sênhr suôz hêik cưr cxiêx Then.

 “Zơưv Điêu Văn Minh, zos iz lênhx nhiêv hêik cưr cxiêx Then, thiêz thâuv kriê trâu sđ cux kriê tas tsưr ziv đas jos; kriê iz thênhv jux juk thiêz cur cux tsik so tuôx cov zơưv Minh kriê cưr cxiêx Then trâu cur”.

Têx luôs hauax lưv uo ntơư, cux zos zơưv Minh paz iz phênhv chiê tuôr truôx suôz sênhr cưr cxiêx Then thiêz hâur shông 2015, zơưv Điêu Văn Minh tưz tâu chủ tịch têz qơưs muôz ntơưr kruôk, viv huôv tsar truôx zuk hêir nênhs suôz sênhr hêik cưr cxiêx./.

                              (Tsu cxêik nhênhv-CTV Nguyễn Trang)