Uô kôngz nuv sik hlôngr tsik so, pêx xênhv Lai Châu hla đhâu cêr pluôs thiêz uô bluô nux

Ciês đhâu thâuv sâu tas chor jâuz krưr chiv ntux tsâus yiêz, tix lâus Nguyễn Văn Quyết ziv chuôz zis thiêz pox nhuôs hâur xar San Thàng, thành phố Lai Châu  hok piz chos blêx tsơưr lươngv siêz. Xar li chor ar kôngz nuv, txơưv luz chêix tưs cux chos cxuô zav jâuz thiêz kôngz lôngk; uô tas chiv blêx, pox nhuôs ho chos jâuz lok sik chos pax. Tix lâus Quyết puz pâuz, nhiv no tưz tsik zos nênhs tsoz tsiz chos jâuz, chos pax chiê muôs mak pox nhuôs hêir nênhs Giáy cux uô trơưk. Muôx chuôz zis chos pax cux sâu tâu 500 triệu đêiv iz ha.

“Txix thâuv cur chuôz zis chos jâuz lơưr thành phố hêik kriê mak luz nênhx hlôngr yiêz ntâu thiêz thiêz tâu iz kror zos têx cưx đêx liv muôx đêx yênhx shông. Cur chuôz zis muôx 2000 ntâu yiv ndis ar chos jâuz, iz chiv mak sâu tâu txix 2 txos 30 triệu đêiv”.

Uô tsưr ziv cxiv tsa jêx jok yiêz, shông 2011 thành phố Lai Châu tưz cêv kuôk chor thax tsav uô xênhz yar kôngz nuv hax huv paz pêx xênhv uô xênhz yar lơưr thax tsav, lơưr yênhx zav kôngz nuv huv đros, sir zôngv khoa học kỹ thuật trâu uô xênhz yar, tsik chiê muôx chos tsơưs, tsik tsêx trung. Zơưv  Bùi Hữu Cam, Trưởng phongx Kinh têr thành phố Lai Châu puz pâuz:

“Chiê uô tâu têx thax tsav li co mak xuz thơưx thành phố tsov cưv txos zos yưv pênhr trâu thax tsav uô xênhz yar tsik so thiêz phênhv ntâu nhoz no zos yưv pênhr uô cưx đêx liv thiêz cêr muk lok. Tas nro thax tsav chos jâuz no txơưv tiêk muôx 25 ha xưz taz sik thành phố tưz muôx pênhr yưv uô xar muôx 3 cêik cêr cưx đêx liv tok đêx lok trâu pêx xênhv chor vax jâuz. Đhâu yưv pênhr uô cxiv luôs tok đêx lok li co mak thiêx paz tâu trâu pêx xênhv uô nox”.

Zơưv Lương Chiến Công, Chủ tịch UBND thành phố Lai Châu, tỉnh Lai Châu puz pâuz: txix phênhv ntâu tsuv zuôr jâuz, pax, txir kok txix chor tỉnh li Phú Thọ, Lào Cai, Sơn La lok mak txos nhiv no thành phố Lai Châu tưz muôx 25 ha chos jâuz yênhx shông. Thax tsav chos pax muôx 40 ntâu ha, thax tsav tu zus shuôz njêl muôx 110 ha thiêz ntông nox txir cxuô zav muôx 135 ha. Tiv zix txix cxiv uô chor thax tsav uô kôngz lôngk tsik zos, tsôngv box cxuô mênhx cxưx tưz sir zôngv khoa học kỹ thuật trâu uô xênhz yar, uô trâu têx huv kôngz nuv zos têx hax huv muôx tsiv gri, phênhv sâu lơưr lênhx nênhs tâu muôx 40 triệu đêiv iz lênhx nênhs iz shông xưk li nhoz xar San Thàng:

“Hêik chor doanh nghiệp, chor ziv chuôz zis muôx tsar tov chiê yưv pênhr trâu hâux lưv uô xênhz yar kôngz nuv hax huv, thiêz txos nhiv no pêz cux jênhv tâu  tiêk uô xênhz ayr kôngz nuv sâuv thax tsav tưz muôx têx hlôngr yiêz ntâu. Uô xênhz yar kôngz nuv tưz zos yênhx têx hax huv lơưr ciêz đrôngs li zoz qơưx”.

Chiê taz por trâu pêx xênhv muôx tâu phênhv sâu truôx txix uô kôngz nuv, thành phố Lai Châu sir jos hêik pêx xênhv tsêx trung uô xênhz yar lơưr saz gra siêz chêx cur, taz por tênhv qơư, ngaz tuk lok caz moz, ngaz tuk zav nox, sir zôngv khoa học kỹ thuật trâu uô xênhz yar huv đros trâu yênhx thax tsav./.

(Thanh Thủy-Lik Thox cxêik nhênhv)

Chor hluôk uô ntêx nyuôk khơưz huk cov tiêr cêr yuôv Cò Nòi

          Băng: “Txơưv tros châuz tsar yêz ntux za muk za lok, taz sik chor hluôk uô ntêx nyuôk, truôx siêz bo uô trơưk luôs hâux lưv tso tơưv; ntơư zos tsuv sêi đrơưv khơưz huk cov tâu tiêr txox cêr chiê yêz tuz lênhv muk lok tâu đhâu”

          Shông 1954, hur si pêz têz qơưs VN tưz sik côngv đas jos chiê tir ntâuk tros châu Điện Biên Phủ lịch sử, lênhx hluôk Thái Hữu Hoành đros trâu chôngz lênhx hluôk nhoz trâu Nghệ An thâuv ntơư tsênhv muôx 18 shông, tưz sâu ntơưr thor chiê đros paz iz phênhv tưs tsưr ziv đas jos tir ntâuk tros châuz nhoz trâu ntu cêr yuôv Cò Nòi thiêz zos iz lênhx hluôk hâur ntu ntơư đros kriz uô cêr cov yêz tuz lênhv muk lok đhâu.

          Hâur ntu tir ntâuk tros châuz Điện Biên Phủ, cêr yuôv Cò Nòi zos ntu cêr yêz thâux triêv fov, cxuô zav nox hâuk puôr lênhx muk lok đhâu tuôx trâu Điện Biên Phủ. Chênh zos li hêik co, hâur ntu ntơư, thâuv tưs tros châuz pháp cux muôz yêz ntux tso bôngk lok ruôr hiêv ntu cêr yuôv Cò Nòi, tsik chiê tuz lênhv Viêt Nam pêz têx yêz muk lok tsik đhâu tuôx trâu Điện Biên thiêz muôx iz puôk ntâu lênhx tuz hluôk tưz tâu tas siv nênhx trâu ntu cêr yuôv hêik ntơư.

          Băng: “Tros châuz tuô chênhr yax zos đhâu tov kaz hnuz 13, hnuz tưs tros châuz cux tsar yêz ntux tso bôngk; riêz nênhs yax mak zav bôngk tơưs kênhz thiêz thâuv tơưs co tsuv muk toz 5 txos 10 thiêr trâu hâur kror ar”

          Hâur 3 shông zos chor hluôk uô ntêx nyuôk, 29 shông uô tuz lênhv, uô ntâu zav hâux lưv txơưr tsik siz thôngx thiêz zơưv Hoành tưz đros tir ntâuk tros châuz  6 jiês; 100 ntâu jiês tir ntâuk tros châuz trâu thax tsav qơư nhoz tsưx phưv jêx jos thiêz đros tir ntâuk tros châuz trâu têz qơưs Lok Tsuôk. Đhâu cơưv shâuv tsưr ziv txux chi tir ntâuk tros châuz, tsưx phưv têz qơưs, txơưv txov nhêv bâuv tưs cux uô tâu tiêr, hla cov đhâu cêr yêiz pluôs. Têx tsưr ziv siêz xar li hêik ntơư, đhâu uô tiêr tuz lênhv tror lok trâu chuôz zis; zơưv Hoành  tưz uô siêz truôx bo cxiv tsa doanh nghiệp Duy Liêm, zos công ty cxiv cxuô zav thiêz tâu côngk nhav zos iz doanh nghiệp pâuz huôv tsar cêr uô nox hâur shông  2014.

          Băng: “Zơưv tsuôk xar tiêk, nhiv no tsuv uô li chas cov huôv tsar tâu truôx cêr uô nox cov muôx hâux lưv trâu chor mê tuz mê nhuôv  huôv tsar uô, muôx phenhv sâu tâu nhiêx txiêx paz cxiv tsa chuôz zis, muôx luz nênhx tsâu sor”.

          Thâuv tsênhv muôx đas jos, zơưv Hoành cux paz tâu iz phênhv tưs uô cxuô luôs hâux lưv trâu thax tsav qơư nhoz. Ntơư zos uô Bí thư chi bộ, phưv bí thư  Thường trực Đảng uỷ Phươngx, phưv chủ tịch  kuz tuz lênhv lâuk, chủ tịch hội nênhs lâuk….Txơưv uô zav hâux lưv tưs, zơưv Hoanh cux uô tâu tiêr thiêz tsưr ziv siê xar njôngr cov tsôngv px cxuô hêir nênhs sđ ziv hnuz ziv muôx cêr côngv siêz thiêz txo grêk tsơưs chor chuôz zis yêiz pluôs. Zơưv Chu Mạnh Hùng nhoz đrôngl Sơn La hêik pâuz nzir:

          Băng: “Zơưv Hoành zos iz lênhx uô ntêx nyuôk trâu cxuô luôs hâux lưv cxiv tsa cách mạng thiêz cơưv shâuv zơưv Hloz Hôx têx cêr uô nênhx jông. Chênhr zos uô tâu tiêr cxuô luôs hâux lưv hêik sâu, txơưv lênhx tưs cux muôx zơưv  sêiz tsiv grê”

Txix cxuô luôs hâux tâu tâu tiêr hêik sau, zơưv Hoành tưz tâu Đảng têz qơưs muôz côngz mênhx kruôk thiêz tâu hâu nov tỉnh Sơn La muôz ntâu ntơưr kruôk./.

                                       (Tsuv cxêik nhênhv-Tuyết Lan-Bích Thuỷ)