Sơn La: Sir jos cov muôx txâuk yêz trâu pêx xênhv muk

lok hâur jiês so ntênhk 30/4-1/5

Muôx têx qơư ndis shuôk, uô si nto bê nhoz trơưk txos cêr tuôx muk Tây Bắc li Tsêr mêir đêx tênhv Sơn La, tox siêz Mộc Châu, pak đêx tênhv, njuôk xav chor kruô tuôx ndis shuôk, uô si ntơưv têx tiv phaz hâur tỉnh, cux xưk li pêx xênhv sâuv thax tsav muk têx tỉnh txơưr đuô chiê ndis shuôk, uô si chuôz ndê chôngz, viv li Sở zoz thôngz vận tải tỉnh SƠn La tưz muôx tsưr ziv xa trâu têx nganhx, taz viv vận tải. Lơưr co, 145 qơư thâux xa kruô muk têx tỉnh thiêz hâur thax tsav tỉnh đros muôx 460 luz yêz nhoz 47 taz viv zuôr sir jos phưx vưv. Đros co, chor taz viv thâux xa kruô txix taxi, yêz buýt đros 750 luz yêz cux tưz tso tơưv tsưr ziv jông tiv zix chiê tsôngv kruô muk lok tâu zôngx ziv đuô hâur jiês no.

Đrâuv chox kriê chor taz viv thâux xa kruô bax jông têx yêz, Sở zoz thôngz vận tải tỉnh cux chox kriê têx taz viv sêiz car cêr ar, taz por cxuô zav phưx vưv trâu ngaz tuk zoz thôngz. Lơưr co, zuôr bax nênhs, têx yêz cxuô zav cov taz por tâu zoz thôngz sâuv cxuô txox cêr, xưv lik tâu têx phiv liv muôx yưv; kho đuô cxiv luôs ngaz tuk zoz thôngz li têx fiêx hêik pâuz cêr ndê tox, khâuk lêv, muôx huôz tsâuk…hâux lưv sêiz kaz chor yêz thâux huv nênhs li cuiz tênhv, tsik ndê gri yêz tâu kriz uô truôx jông thiêz muôx tsưr ziv xưv lik truôx chor yêz uô cxâuv.

Zơưv Lù Văn Cường, Phưv giám đốc Sở zoz thôngz vận tải tỉnh Sơn La puz pâuz:

“Sở tưz hêik têx taz viv zos pov muôx lênhx tưs thâux chôngz nênhs, zuôr gri siêz, muôx tsôngv kruô hêik pâuz thiêz pêx xênhv hu trâu Sở hêik pâuz đhâu têx qơư thôngz mông. Uô ntêx pêz hêik chor yêz đrêk chiê pêz qênhz yuôx thiêz xưv lik. Zos tiêk uô cxâuv mak pêz zuôr sâu tsês thiêz xưv lik lơưr Bôv zoz thôngz vận tải li cuiz tênhv”.

Zos taz viv tso chêi tơưv muk lok ntơưv qơư tsar đrêk têx yêz thâux xa kruô, qơư tsar đrêk yêz thâux xa kruô Sơn La cux tưz muôx tsưr ziv tsênhv tsênhz lơưr Sở zoz thôngz vận tải tỉnh li chox kriê. Lơưr co, taz viv tưz sik côngv đros thanh tra zoz thôngz sở hâur hâux lưv qênhz yuôx têx yêz muk lok yênhx hnuz, qênhz yuôx ntâuz ntơưr yêz thiêz nênhs tsar yêz…tsik chiê yêz lok hâur kror qơư no zos muôx tsik txâuk têx zoz qơưx. Zơưv Trịnh Văn Chung, Giám đốc Công ty cổ phần qơư tsar đrêk yêz thâux xa kruô Sơn La puz pâuz:

“Taz viv sir jos qênhz yuôx têx yêz chor ntâuz ntơưr thiêz nênhs tsar yêz huv lơưr cuiz tênhv, tsưr tsix qênhz yuôx tsênhv tsênhz sâuv yêz lok têx tsar tov, uô chak cov chor yêz muk lok taz por ngaz tuk 100%”.

Tsik chiê yêz thâux chôngz nênhs, ndê gri, muk kênhz, tax tâu jông tiv zix zoz qơưx muk lok thiêz taz por ngaz tuk jông tiv zix thâuv thâux xa kruô muk lok zos tsưr ziv mak tỉnh Sơn La sir jos uô hâur jiês so ntênhk 30/4-1/5 shông no./.

(Tuyết Lan-Lik Thox cxêik nhênhv)

Lênhx txir nênhx nênhs Ê đê xênhz lok tưz trâus đis muôk

li siêz xar sir jos

          Txir pôngz lơưv nzor, chuôz zis tsuôk yuôr niêv thiêz iz tul tix lâuk trâus đis muôs thâuv nhiv kruôr xênhz zus lok, ho khênhr trâus moz gênhs, viv li cxôngx thâuv tsênhv zâu, txơưv kror muôk tsi yuô pov cêr, zơưv Y Côn Bkrông (mênhx cxưx Êđê) nhoz jos Kla, xã Drai Sắp, huyện Krông Ana, tỉnh Đăk Lăk tưz yênhx lênhx nênhs lox tôngv tsênhv hâur chuôz zis.

          Khov muôx pênhr xưv thiêz nhiêv ntâuk cxuô zav trax, tâu kuz nhạc sỹ Y Moan kriê, viv li Y Côn tưz chiv chir cơưv shâuv ntâus ghi-ta, ooc-gan...Tsôngv box hâur jos lok six nhiêv zơưv li suôz trax, suôz cưr cxiêx hâur têx hnuz tsưr tsix ntênhs nox yôngz, ntênhs phêv...

          Taz sik, phênhv sâu cxôngx hâux lưv mul heik cưr cxiêx, heik gâux tsi paz tâu trâu Y Côn tsoz phưz chuôz zis. Viv li, shông 2014, zơưv truôx siêz cxaz chuôz Hội nênhs trâus đis muôs huyện Krông Ana thiêz tâu cơưv shâuv ntơưr tsês trâu nênhs trâus đis muôs, shâuv cxaz hâux lưv juôx chêr. Trâus đis muôs, tsi muôx nhiêx txiêx chiê krêz qơư juôx chêr, Y Côn mul juôx chêr thâuv muôx lênhx nênhs muôx zoz qơưx chiê muôx cxaz phênhv sâu.

          Lơưr zơưv Y Côn, cxôngx thâuv cxaz chuôz Hội nênhs trâus đis muôs, zơưv luz nênhx tưz muôx ntâu hlôngr yiêz. Pâuz ntơưr paz zơưv pâuz ntâu đuô lok têx lênhx nênhs cux trâus đis muôs li zơưv li luz nênhx, seiz co zos đas jos chiê sir jos ntâu đuô hâur luz nênhx.

          “Muôx tâu têx hlôngr yiêz lox, pir li nhiv no cur tâu mul cxaz chuôz têx jiês khiêz phêv nhoz tỉnh hội thiêz cur chiv chir sâu tâu pov cov zuk li yênhx tix, chiv chir nriêr tâu nhiêx txiêx, muôx ntâu fôngx zưs thiêz paz tâu trâu cur niêv tưz lâuk. Thâuv muôx hâux lưv uô ngaz tul thiêx li muôx tâu nhiêx txiêx”.

          Txơưv luz nênhx tsênhv txov nhêv taz sik Y Côn zos lênhx nênhs jông siêz. Đros thiêz têx lênhx nênhs pluôs, shux xênhz lok sik nênhs lâuk trâus moz gênhs, zơưv puôr lênhx paz juôx chêr tsi zuôr nhiêx txiêx. Zơưv Nguyễn Văn Sơn, chủ tịch Hội nênhs trâus đis muôs huyện Krông Ana puz pâuz, zơưv Y Côn zos lênhx nênhs gruôs cơưv shâuv thiêz jông siêz, tâu ntâu lênhx nênhs tsôngv box hâur jos hluz, zos đeiv iêr chi cax luk chiê têx hội viên txơưr cơưv shâuv uô lơưr.

          “Y Côn zos lênhx nênhs trâus đis muôs cxôngx thâuv nhiv kruôr xênhz zus lok, taz sik zos lênhx nênhs gruôs cơưv shâuv. Tâu hội paz viv li Y Côn tưz truôx siêz cơưv ntơưr tsês trâu nênhs trâus đis muôs. Lok cxuô lênhx nênhs hâur jos mak cur pov Y Côn lok six jông siêz paz têx lênhx nênhs txov nhêv. Cur pov têx lênhx nênhs hâur jos kruôk ntâu txos Y Côn. Pir li nhiv kruôr đhâu Y Côn shâuv tâu juôx chêr tsoz phưz đas jos côngv thôngx Y Côn tưz paz ntâu lênhx nênhs mak tsi zuôr nhiêx txiêx hlo”

          Muôx tâu iz âhux lưv uô chiê muôx phênhv sâu tâu, txơưx nhênhv ntơưr, sâu ntơưr, zơưv Y Côn li cêr shir phaz ziv chuôz ndê thâuv tưz muôx 50 ntâu, zơưv nriêr tâu lênhx pox niêv đros paz tsoz phưz zuk niêv, zuk tul tix lâuk thiêz zơưv. Pos HBơk HĐơk, lênhx pox niêv nhoz côngv jos hluz zơưv Y Côn tưz thôngx ziv uô zơưv pox niêv thiêz sik đros cxiv kho chuôz thênhx. Pos HBơk heik, pâuz txos zơưv Y Côn cxôngx nzor lok, taz sik txos kaz shông tsêz no lơưr thiêx siz zuôr uô txix gơưv:

          “Thâuv ntêx cur cux pov tâu zơưv zos lênhx nênhs jông, paz max ntâu lênhx nênhs txơưr. Thâuv nưs mul cơưv ntơưr thiêz cơưv shâuv hâux lưv thiêz txơưx uô hâux lưv juôx chêr mak cur ziv hluz nưs đuô. Cxôngx no txos tov kaz no ưz 2 niêv txir cux xar njôngr muôx qơư nhoz truôx tul, xar njôngr cur tul txir zuôr paz tâu ntâu lênhx nênhs đuô tuôx cơưv shâuv hâux lưv. Li ntơưv mak cur jông siêz hênhr lơưv”.

          Tâu Hội nênhs trâus đis muôs paz max, shông 2018, Y Côn cxaz chuôz Đeix xa đuôz Vĩnh Long li iz tsaz yênhx truyền hình thiêz jênhv tâu chor nhiêx txiêx paz txưv zos 43 tsov đeiv. Zơưv tưz zôngv chor nhiêx txiêx co zuôr chuôz zênhx juôx chêr thiêz ntiêr iz qơư krêz qơư juôx chêr jê tsêr nhoz, cê uô hâux lưv cê tsoz phưz tâu zuk niêv thiêz zuk tix lâuk. Pheiz kênh lok têx siêz xar njôngr ntu tov kaz no, zơưv Y Côn puz pâuz, zơưv xar njôngr nhiv no muôx txâuk nhiêx txiêx chiê cxiv uô tâu iz qơư juôx chêr jê tsêr nhoz chiê cê muôx qơư uô hâux lưv ngaz tul, cê zuôr tâu têx trax chiê kruôz kriê trâu lênhx tưs nhiêv têx suôz trax co./.

(VOVTN-Txâur Vax cxeik nhênhv)