Quảng Ngãi: Paz tsôngv box tox siêz txo grêk tsơưs têx phiv liv

Shông 2014, txix pênhr txêik hâur zênhx hangx kôngz nuv thiêz huôv tsar jêx jok-Agribank, pos Nguyễn Thị Tuyết Anh nhoz jok Tân Long Hạ, xar Ba Động, huyện Ba Tơ, tỉnh Quảng Ngãi zuôr buô lok zus. Txix tsuôk zus 5, 7 tuk, txos nhiv no pos Anh qơư tu zus iz hli muôs yênhx châuv tuk buô grêix, sâu tâu nhiêx liv muôx yênhx châuv triệu đêiv. Têx shông jê lok no, gri grêix buô tsik truôx, nênhs tu zus njiz phiv liv taz sik pos Anh chuôz zis tsik tâu muôx jiês tưs tsik muôx buô zus tiv pôngz pênhr. Đros tsưr ziv zus hâur gruôx thâuv tưs cux muôx 3 txos 5 tuk mâuv buô nôngz thiêz yênhx châuv tuk buô muôs grêix lox zâu. Hli tưs, pos chuôz zis cux muôx buô chiê muôs. Lơưr pos Nguyễn Thị Tuyết Anh chiê txo grêk tsơưs tiv zix têx phiv liv thâuv gri grêix buô grêk, hâur guôx thâuv tưs cux tsuv muôx mâuv buô chiê sha mê nhuôs, txos thâuv gri ndê mak tror muôx buô muôs.

“Tuk buô mâuv zus hâur tsêr mak zuk tsuv muôx, zos pov gri buô grêk chiê muôz muôs mak tov kaz no thâuv gri ndê zuk zuôr tsik muôx mâuv sha mê nhuôv lơưv”.

Nhoz xar Sơn Nham, huyện Sơn Hà, tỉnh Quảng Ngãi lênhx tưs cux pâuz txos niêv tix Đinh Thị Thọ, hêir nênhs H’rê li chuôz zis. Khov pâuz sir zôngv muôx chêx cur phênhv pênhr txêik hâur zênhx hangx viv li chuôz zis tưz hla đhâu cêr pluôs zos chuôz zis muôx. 5 shông uô ntêx, txix pênhr txêik muôx 100 triệu đêiv hâur zênhx hangx Agribank, niêv tix Thọ zuôr 4 tuk nhux đas nôngz, txos nhiv no, iz shông sâu tâu yênhx châuv triệu đêiv nhiêx liv. Đuô li, niêv tix Đinh Thị Thọ tsênhv chos 5 hec ta ntông keo thiêz kok ntông paz muôx tâu phênhv sâu nhiêx puô triệu đêiv. Khv pâuz tu zus, chos kôngz lôngk, txos nhiv no niêv tix Đinh Thị Thọ chuôz zis tưz tsik zos thêv tas nhiêx txêik huv six hơưv mak tsênhv muôx tâu qơư uô nox nto yênhx puô triệu đêiv.

“Thâuv ntêx txov nhêv hênhr, khov muôx zênhx hangx muôz txêik nhiêx chiê huôv tsar kinh têr viv li luz nênhx tsik yuô txov nhêv lơưv. Nhiv no uô tâu vax tsêr nhoz thiêx cxơưx tâu trâu mê nhuôv cơưv ntơưr cxix cxuô”.

Đhâu tsaz yênhx sik côngv nhoz Agribank đros chor Hôiv nôngx mênhx, Hôiv liên hiệp gâux muôv vir ndâuk tưz paz trâu hôiv viên buôs ti tâu nhiêx txêuk huôv tsar kôngz nuv jêx jok. Chôngz lênhx hôiv viên tưz sir zôngv muôx chêx cur  pênhr txêik chiê cxuôv yêiz thiv pluôs. Zơưv Đinh Văn Lễ,cán bộ muôz nhiêx txêik Agribank-Chi nhánh huyện Sơn Hà, tỉnh Quảng Ngãi hêik:

“Chor chuôz zis tsik tâu muôx pênhr chiê zuôr nhux zus, zuk tsuv hêik kriê lơưr uô tsêr guôx zus nhux li chak chiê thâuv chox nhux lok mak muôx tsêr guôx zus. Xar muôx iz hli tov kaz, zuk muk qênhz yuôx sêz lơưr sir zôngv puôk zos li tsưr ziv. Zos uô li tsưr ziv txêik nhiêx mak lơưr zuôr uô tâu muôx chêx cur”.

Txix hâur shôngk shông txos nhiv no, nhiêx txêik hâur kôngz nuv, jêx jok nhoz tỉnh Quảng Ngãi zuôr xar 7.500 tiv đêiv. Hâur co, nhiêx txêik thôngz đhâu tôv txêik nhiêx muôx 1.600 tiv đêiv. Agribank-Chi nhánh Quảng Ngãi tror sik côngv đros têx taz viv, tiv phaz kriz uô chor tsaz yênhx cxơưz cxiz uô kôngz, jôngr nuv, đêx nuv, paz trâu pêx xênhv cxuôv yêiz thiv pluôs. Zơưv Đinh Văn Công, Giám đốc zênhzz hangx kôngz nuv-huôv tsar jêx jok, Chi Nhánh Quảng Ngãi puz pâuz:

“Agribabank Quảng Ngãi heik chor chi nhánh tsuv paz trâu pox nhuôs nhiêx pênhr txêik. Kruôz kriê trâu pox nhuôs sir zôngv nhiêx txêik cov huv tsưr ziv, sir zôngv. Tsik txêik chiê uô iz kror xưz zuôr uô muôx yưv phiv liv. Đros thax tsav đêx hiêr cux li, pêz kriê trâu pox nhuôs đrâuv ntâuk muôz suôz njêl, zênhx hangx tsênhv muôz kir txêik muôl muôs, tu zus suôz njêl…chiê muôx tâu chêx cur siêz”./.

(TTMT-Lik Thox cxêik nhênhv)

Yax kriê Nghị quyết 54: Pov tsir tsuv zos lênhx đros uô

Trơưk li Ủy viên Bộ chính trị, Bí thư Thành ủy TP HCM Nguyễn Thiện Nhân, six hơưv đhâu, têx cơ quan ntơưr pov tsir tưz lok six sir jos hâur hâux lưv yax kriê lok huôv tsar TP, hâur co muôx fuô kriê Nghị quyết 54. Li ntơư taz sik six hơưv zuôr txos, luôs hâux lưv yax kriê tsuv krêz uô đar thiêz jông đuô têx nuv tâu ntâu lênhx nênhs moz siêz txos. Lar heik li hâux lưv sâu jênhv têx mông lok Nghị quyết 54 đros têx jax pov tsir muôx ntâu tsênhv njiêz nhiêk txơưr nhiêk, tiz jông seiz lax lok luôs hâux lưv no, đhâu co heik kriê txos trâu cxuô thax tsav qơư tsôngv box nhoz, têx taz viv. Uô li chas chiê tsôngv box, canr bôv pâuz tsênhz lok TP li tsưr ziv huôv tsar hâur ntu zuôr txos. Têx li heik co tsuv muôx tas nro têx tuz sâu xor xưv, uô ntơưr pov tsir li siz chos côngv tês uô. Iz chas ntơư six hơưv yax xa mông lok têx cui tinhv, tsênhv chei yiêz, hâux lưv qênhz pov thiêz nthuôr uô đar têx trâur nuv, lênhx nênhs uô tâu jông cxuô luôs hâux lưv hâur huôv tsar TP cux tsuv tâu cxơưz tiês uô. Pov tsir tsi tiêk zos heik, yax kriê, mak tsuv zos đros cxiv tsa, tso tơưv têx faz tsưr ziv thiêz nthuôr đar têx tsưr ziv, hâux lưv uô jông ntơư trâu sđ pâuz thiêz đros cơưv shâuv, uô trơưk. Zơưv Nguyễn Thiện Nhân heik:

“Yax xa mông tsuv heik kriê lok têx lênhx nênhs, tập thể paz trâu phôngz yaox sik tưr, chox TP ziv hnuz ziv huôv tsar. Ntu nhiv no muôx pêk tsơưs lênhx nênhs muôx txux chi tsưr ziv jông, txơưx xar tơưv, taz sik pêz ho pâuz tsi tâu cxuô tas têx lênhx nênhs co thiêz ndo tsi tâu. Pêz heik TP HCM tsuv muôx tsưr ziv yax kriê lok luôs hâux lưv no. Têx heik co TP tsuv muôx hâu nov mak pov tsir thiêx tso siêz thiêz sir jos yax xa mông, zos chiê trâu pov tsir sâu heik lol iz lênhx xưz mak tsi yuô jông. Pêz tsuv xeir tsov đuô, pêz heik đhâu iz shông, têx lênhx nênhs sir jos gôngr paz trâu TP zuôr tâu yax kriê chiê tsôngv box sđ pâuz txos”.

Đros thiêz 180 cơ quan pov tsir tsênhv uô hâux lưv, TP HCM muôx ntâu kror jông hâur hâux lưv yax xa mông. Nhiv no, tsuôk zos tsa seiz hâur mạng internet lok TP HCM cêr huôv tsar xưz cux muôx zuôr xar 6 tsov têx mông heik txos. Têx no cux tso pov tsênhz, ntơư zos khov muôx têx tuz sâu xor xưv, ntơưr pov tsir li têx sir jos sik đros paz. Taz sik, trơưk li zơưv Nguyễn Kỳ Phùng, Phưv Giám đốc Sở khoa học thiêz Công nghệ TP HCM, hâux lưv yax kriê Nghị quyết 54 ntơưv ntâu têx ntơưr pov tsir tsênhv uô tsi yuô trơưk tsưr ziv, siêz xar viv li hu zâuv tsi yuô tâu chôngz lênhx ntâu tuk tsôngv box cêr moz siêz txos.

Phưv Giám đốc Sở khoa học thiêz Công nghệ TP HCM heik, hâur six hơưv zuôr txos, hâux lưv yax kriê Nghị quyết 54 tsuv tâu sir jos uô jông đuô thiêz chiê tsôngv box sđ zôngx ziv buôk ti, sâu jênhv, pâuz tsênhz thiêz thôngx siêz đros hâu nov ntơưv qơư.

Trơưk li lênhx nênhs uô ntơưr pov tsir, lơưr zơưv Lê Xuân Trung, Phưv Tổng biên tập ntơưr pov tsir hluôk nênhs, chiê uô tiêr tâu jông luôs hâux lưv yax kriê, ntơưr pov tsir tsuv muôx iz cui tinhv tsênhz mênhx chiê buôk ti têx mông. Pov tsir xar bax tsưr ziv chiê paz ntâu đuô taz sik tsênhz tiês, luôs hâux lưv buôk ti, krêz sâu têx mông, lar heik zos đros thiêz têx mông zov chênhr, tâu sđ moz siêz txos mak puôr lênhx lok six phiv liv. Hâux lưv yax kriê Nghị quyết 54, iz đraz shông đhâu têx cơ quan ntơưr pov tsir ntâu jiês cux uô tsi zênhx viv tsuv uô trơưk têx cơ quan ban ngênhx hâur TP lul hu, tsuv tok txos tsưr tsix têx xor xưv, tsi tâu bax tsưr ziv uô ntêx lok sik têx tsênhv njiêz, jax sâu trơưk tsưr ziv, siêz xar, têx nuv. Chênhr viv li, lok six zuôr trâus txos ntơưr pov tsir hlôngr yiêz đuô zuk tsưr ziv uô nuv. Zơưv Lê Xuân Trung heik li no:

“Cơ quan ntơưr pov tsir tsuv tâu seiz zos lênhx nênhs đros uô luôs hâux lưv heik sâuv, tsi tiêk zos lênhx yax xa mông, lênhx seiz kaz lok sik lênhx yax kriê lok TP têx xor xưv zov chênhr. Taz sik tsi tiêk zav hâux lưv tưs thâuv tâu pâuz zos lênhx nênhs đros uô mak pov tsir cux puôr lênhx yax xa  hur si trâu sđ mnôngs, sđ seiz. Zos lênhx tiz nênhs đros uô, pâuz tsênhz têx nuv, pêz zuôr ziv tiz jông seiz thiêz uô jông đuô. Zos tsuôk lav pâuz mê njik đhâu, muôx têx pov tsir zuôr yax xa mông tsi tâu trơưk tsưr ziv thiêz pâuz tsi tas zuk hâux lưv uô”.

Hâur hâux lưv yax xa  mông, lar heik zos têx hâux lưv lox, pov tsir tsuv uô tas zuk txux chi tsưr ziv, đros qênhz shuôs qênhz yuôx, uô tsênhz mênhx, tsi tiêk nhoz iz saz njiê seiz yax xa têx mông ntơư xưz. Têx tuz sâu xor, nênhs uô ntơưr pov tsir thâuv tưs tưz chiê siêz thiêz tok njôngr cov hâu nov ntơưv qơư muôx têx chei, cui tinhv jông chiê iz chas yax xa mông, lơưr tsênhv tâu fuô kriê, nuk thiêz têz txos têx hâux lưv mak tsôngv box sđ moz siêz txos./.  

(TTTPHCM-Riê Lâux cxeik, nhênhv)