Yên Bái: Iz cxiê tsoz ntông phượng yênhx châuv shông tsuv muôz

ntor por tsês

Tsêr cơưv cxênhx pêz Lý Thường Kiệt nhoz sâuv thax tsav phường Hồng Hà, thành phố Yên Bái tưz muôx 44 shông no. Hâur yar tiêx tsêr cơưv muôx lok six ntâu tsoz ntông xà cừ thiêz ntông phượng lâul.

Cưk kriê ntơưr Nguyễn Đức Cường, Hiệu trưởng tsêr cơưv puz pâuz, thâuv tuôx uô hâux lưv ntơưv tsêr cơưv kuôk no xar muôx 30 shông, pov chor ntông no tưz zênhx lox siêz muôx nhoz hâur yar tiêx tsêr cơưv ntơưr lơưv. Ntông tưz tsik zos paz muôx nzôngr nzông mak tsênhv paz uô trâu tsêr cơưv ntơưr jông jav đuô.

Txơưv shông tưs Ban giám hiệu tsêr cơưv cux qênhz shuôk, ntor  por tsês têx tsoz ntông zôngx ziv trâus lor, vâu. Shông no, đhâu têx phiv liv nhoz iz cxiê luz tsêr cơưv hâur thôngz têz qơưk muôx chor ntông phượng trâus lor, vâu, uô phiv liv trâu shux xênhz, tsêr cơưv tưz ntor por tsês 3 tsoz ntông phượng lox đar muôx oz đok ntâu txos xar muôx plâuz đok, siêz đuô 20 thiêr, thâuv pov chor ntông no lox tsik yuô jông, tuk ntông trâus caz tho nox thiêz khôngz, lưx iz cxiê kror sâuv tuk ntông. Yênhx châuv tsoz ntông phượng txơưr tsênhv lox njuôz jông, nhoz ntơưv têx qơư tsik yuô phiv liv mak tâu qênhz shuôk, tâu hưv tsês, cux tsênhv paz muôx tâu têx pax tơưs jông jav.

“Hnuz 15/6/2019, shux xênhz tsênhv so sor, muôx iz coz chuô lok tsik lox luôs tưs taz sik uô tsoz ntông phượng ntơưv trôngx vas tsêr cơưv ntơưr lor vâu, pêz muk shuôk mak pov hâur pâuz tưz khôngz, lưx tas lơưv, hmôngr jông tsênhv zos chêix so sor. Pêz cux cxơưx hênhr, shông no pêz ntor 3 tsoz ntông phượng. Yênhx shông mak pêz puôr lênhx txiêr têx chêx, shông no mak ntor tas nro tsoz ntông. Pêz hu nênhs tuôx đros tsêr cơưv shuôk mak pov chor ntông co tsuv muôz ntor por tsêr, zuôr txiêr chês tsik tâu lơưv”.

Sâuv thax tsav tỉnh Yên Bái nhiv no muôx 400 ntâu qơư zoz zux, hâur yar tiêx puôr lênhx muôx ntâu tsoz ntông njuôz, hâur co cux muôx ntông phượng. Nganhx Zoz zux thiêz têx tsêr cơưv ntơưr li tsưr ziv zos tsik ntor por tsês tas nro têx ntông phượng nhiv no muôx, mak tsuv shuôk ntông sêz tsênhv khor lok tsik khor thiêz tsoz ntông co muôx pêk tsơưs shông lơưv chiê njuôk xav sêz zuôr ntor por tsês lok tsik ntor. Zơưv Đào Anh Tuấn, Phưv Giám đốc Sở Zoz zux thiêz Thox cxov tỉnh Yên Bái puz pâuz:

“Uô lơưr UBND tỉnh thiêz Ban sêiz car ntux têz uô hiêv tỉnh li chox kriê mak Sở Zoz zux thiêz Thox cxov tưz tso tơưv tsưr ziv thiêz hêik chor tsêr cơưv ntơưr muôx tsưr ziv kriê ntơưr thâuv txos chêix ntux nas chuô, đêx ngaz cuôr. Tiv zix zos qênhz shuôk têx ntông hâur tsêr cơưv ntơưr, muôx tsưr ziv taz por ngaz tuk jông tiv zix trâu chor shux xênhz”.

Ntông Phượng zos zav ntông tưz zênhx muôx thiêz sưv đros chor tsêr cơưv ntơưr thiêz shux xênhz txix ntêr lok. Chor tsêr cơưv ntơưr ntơưv Yên Bái tsik ntor cov tas têx ntông no thiêz sêiz shuôk jông uô ntêx thâuv tso tơưv têx Quyết định tưz tâu chôngz lênhx nênhs, shux xênhz niêv txir thiêz chor shux xênhz sâuv thax tsav thôngx ziv đros./.

(Tuấn Xuân-Lik Thox cxêik nhênhv)

 “Tỉnh li luz yêz thâux têx ntơưr trâu shux xênhz nhênhv” paz gra siêz vênhx huôv nhênhv ntơưr hâur côngv thôngx

  Nguyễn Huy Hoàng, shux xênhz lớp 5A2, tsêr cơưv cxênhx iz Ngọc Linh, TP Sơn la hnuz no tâu niêv thiêz txir chox tuôx ntơưv Quảng trường Tây Bắc chiê zok nriêr nhênhv ntơưr ntơưv tỉnh Sơn La li luz yêz thâux têx ntơưr trâu shux xênhz nhênhv. Tuôx no, Hoàng thiêz têx fôngx zưs lok six jông siêz thiêz shir phaz, viv têx ntơưr Hoàng xar zok nriêr nhênhv puôr lênhx muôx hur si ntơưv luz yêz no. Nguyễn Huy Hoàng shir phaz heik: Jâuv nhênhv ntơưr nhoz iz qơư lox đar ntơưv Quảng trường mak tsi thôngx li nhênhv ntơưr hâur têx qơư trâu cxuô zav ntơưr uz no. Txơưv tiêk chôngz nênhs mul lok heik lul, taz sik cur cux pov shir phaz:

“Thâuv muk cơưv ntơưr lok, cur tâu niêv thiêz txir chox tuôx ntơưv no chiê nhênhv têx ntơưr đaz nênhs, pax huôv jông, mak cur tsi tâu mul zok nriêr ntơưv têx qơư trâu ntơưr, li: Đaz nênhs Connan, lênhx tuz njuôs...”.

  4.500 ntâu fâu ntơưr, 6 luz meir tính gra ntơưv têk, iz luz meir lox đros trâu têx chuôz zênhx txơưr đuô li: Meir tso đuôz, ti vi, meir tso tênhv, 100 luz tos jâuv phưx vưv nhênhv ntơưr thiêz seiz ti vi..... Tỉnh li luz yêz thâux têx ntơưr trâu shux xênhz nhênhv” ntơưv Quảng trường Tây Bắc tưz paz têx lênhx nhiêv nhênhv ntơưr txix nhuôs zâu txos trâu chor nênhs lâuk, gra siêz txux chi nhênhv ntơưr hâur ntu hlôngr yiêz nhiv no. Niêv lâuk Nguyễn Thị Vân nhoz jok 9, phường Tô Hiệu, TP Sơn La heik:

“No zos iz hâux lưv jông thiêz muôx liv, lar heik zos đros thiêz têx nhuôs zâu; nhoz no cur pov muôx lok six ntâu zav ntơưr, chiê sđ zok nriêr nhênhv thiêz cur cux vav chiê siêz tiêk, tỉnh li yêz thâux têx ntơưr trâu shux xênhz thiêz sđ nhênhv co têx hâux lưv no zuôr tâu nthuôr uô đar, muôx têx nhiv no zos 3 hnuz iz ciêz, taz sik tov kaz no zos muôx six hơưv mak tsuv krêz uô hur si hâur cxuô hnuz hâur ciêz, chiê chor nhuôs muôx têx, muôx qơư tuôx zok nriêr nhênhv têx ntơưr uz no”.

Tỉnh li luz yêz thâux têx ntơưr trâu shux xênhz nhênhv” tâu fuô uô ntơưv Sơn La txix shông 2016. Hâur ntu đhâu, têx yêz thâux chor ntơưr trâu shux xênhz nhênhv li heik sâuv tưz muk txos ntâu suôv qơư txov nhêv hâur thax tsav tỉnh chiê phưx vưv tsôngv px, lar heik zos chor nênhs tsi tâu buôk ti txos cxuô zav ntơưr uz no thiêz tsi muôx six hơưv mul zok nriêr têx ntơưr li heik co nhênhv. Đhâu ntơư, tưz paz krêz đar phôngz yaox nhênhv ntơưr, nhênhv pov tsir txos trâu cxuô thax tsav qơư hâur tỉnh.

Nhiv kruôr no, tỉnh Sơn La li yêz thâux têx ntơưr trâu shux xênhz nhênhv tsưr tsix trâu ntơưv yar tiêx Quảng trường Tây Bắc, TP Sơn La txix 5 six txos 7 six 30 phênhz tsâuk ntux hnuz thưr 6, thưr 7 thiêz hnuz ciêz hâur yênhx ciêz. Pos Hồ Thị Kim Dung, phưv Giám đốc thư viện tỉnh Sơn La heik pâuz:

“Shông 2020, tỉnh li qơư trâu têx ntơưr li heik sâuv tror cxơưz tiês uô luôs hâux lưv phưx vưv têx lênhx nhiêv nhênhv ntơưr nhoz têx qơư uô si lov jêv, thax tsav tsôngv box nhoz, thiêz cxơưz tiês uô têx hâux lưv phưx vưv ntơưv côngv thôngx, co cux zos nuv uô hu zâuv tâu ntâu tus chôngz lênhx uô niêv uô txir thiêz chor nhuôs zâu, tuz nxeik hluôk cxaz chuôz”./.

(Trấn Long-Việt Anh-Riê Lâux cxeik-Txâur Vax nhênhv)